فزعتكم يا اهل الكويت

[ام طلال]

مشاركة: فزعتكم يا اهل الكويت

حبيبتي مافيه ديره مافيها ناس تتعامل بالسحر والطبوب على قولتج واذا لج حق اخذيه من داود حسين احنا شكو.واذا تبين تشتكين عندج وزاره الاعلام روحي اشتكي فيها

 

[حبنا الله عليه]

مشاركة: فزعتكم يا اهل الكويت

ليش فوران الدمممممممم

مو قناة الجزيرة سوت اكثــــــر

أنا أؤيد ام طلال ونكرر

المحاكم موجوده الجأووا إليها واعتقد هذا اللي بيصير

بس قرقيعان بيطلع براءه وهالأحداث تتكرر كل سنه

 

[xxx]

مشاركة: فزعتكم يا اهل الكويت

هلا وغلا بأهل قطر

نورتي المنتدىىىىىىىىىى

أنا مع البنات ما اعتقد وراها قصـــد

بس ممكن سؤال ؟؟



شالمطلوب من بنات الكويت ؟؟

 

[ام طلال]

مشاركة: فزعتكم يا اهل الكويت

صح لسانج يا حبنا الله عليه ويابنت الكويت سؤالج في محله شالمطلوب ؟؟يعني نذبحه عشان شال عملتكم والا نطلع بمظاهرة !!!!

 

[قهوة عربية]

مشاركة: فزعتكم يا اهل الكويت

صلوا على النبي ياجماعة ...ما صار إلا الخير

لاتكدرون روحكم على واحد مهنته التطنز على خلق الله

خل يشوف روحه الأول

وبعدين ليش نخسر بعض إحنا الخليجين على أشياء تافهة من ناس تافهة



وأكيد لو حط عملة مصرية ..بحتجون المصاروة
لو حط عملة مغربية بيحتجون المغاربة
أو عملة سعودية بيحتجون السعودييين

أنتوا أكبر من جذيه

يعنى إن شاء الله ماتكون الحركة مقصودة
ويمكن يكون تو جاي من قطر ومعاه عملة قطرية وكمل المشهد!!

 

[أسمى حب]

مشاركة: فزعتكم يا اهل الكويت

لا حول ولا قوة الا بالله العلي العظيم

السالفه كلها ما تسوى نكبرها بالهذا الشكل

خواتي لا تخلون الشيطان وهالبرنامج التافه بصراحه >>>>> ممكن بعض الخوات يتضايقون من كلامي

يخربون علينا جمعتنا في منتدانا


وانت أخت عنادي ممكن تكوننين متضايقه من هذا التصرف من الممثل وأحنا ما يرضينا هالشئ لكن ما في ايدنا شئ ممكن نسويه .

ممكن توضحينا شنوي تبينا نسوي بالضبط ...؟ >>>> لأننا ما نبي نخسرج

وأذا خلاص نفستي عن غضبج ممكن تردين تتواصلين مع خواتج بمواضيع اخرى .



خواتي بنات الكويت

لا تخلونا نخسر أختنا العنادي اعتقد اهي بس محترة على ديرتها وحاسه باللي حسينا فيه لما كانت قناة الجزيرة حاطه على الكويت بشكل كبير .


أن كلمه

لا اله الا الله

تطفي الغضب


والله يهدي الجميع

 

[حورية الكويت]

مشاركة: فزعتكم يا اهل الكويت

هدي اعصابج ولا تشيلين هم انتي مو متاكدة شنو يقصد من وراها !!

محد منا راح يعرف شنو السالفة بالضبط الا اذا سالنا المسؤولين


و اعتقد هالشي صعب


فشنو المطلوب منا

 

[لموية العسولة]

مشاركة: فزعتكم يا اهل الكويت

لا تعليق

والا بعلق ...كل هالزحمة على هالبرنامج السخيف ....صج المصور فاضي ...يعني مالقى شي ينتقد عليه الا العملة ...ْترى والله السالفة عادية وماتسوى الفزعة اذا فيج فزعات خليها حق وداد الكواري اللي خلت كذا حلقة بمسلسلها العام عن السحرة ...والا قناة الجزيرة اللي مالها سالفة غير الكويت!!!!!!!!!!!!!!! عسى ربي يحفظ ديرتنا ولا يغير عليها ويكفينا كل شر احنا والمسلمين اجمعين

موفقة حبوبة

 

[نرنورا]

مشاركة: فزعتكم يا اهل الكويت

هلا اختي
صدقيني ما اتوقع والله لانه اصلا ولا مره سمعنا انه قطر فيها سحر وهالسوالف اتوقع صدفه والله ولو بنشوف اكيد في وايد اشياء جذي بس ما لاحظنا

 

[ريفيل]

مشاركة: فزعتكم يا اهل الكويت

داوود حسين شخص سفية وتافه واي تصرف يسويه يمثله اهو ولا يمثل الكويت واهلها ما ندعي له الا الله يهديه ويرده لعقله

 

[بدون اسم]

مشاركة: فزعتكم يا اهل الكويت

داوود حسين اصله باكستااااااااني يا عالم خل يتطنز على نفسه وعلى اصوله هالخبل


والموضوع ما يستاهل تكبرونه وشكو الفزعات

وبعدين وداد الكواري عرضت مشاكل عن المجتمع هناك لدرجة ان البنت تحمل قبل الزواج ( الممثله جواهر ) وينكم عنها !! ليش ما قلتوا شوهت سمعتنا


ما اشوفكم فزعتوا يوم جاكم الوفد الاسرائيلي ولا اشوفكم فزعتولنا احنا والسعوديه يوم الجزيره 24 ساعه حاطين علينا وعلى المملكه ووصلت لحكامنا وعلى ابونا جابر

الله يحفظنا و يخلي لنا حكومتنا الرشيده

وقطر عالعين والراس بس كل شي له حدود

 

[al7anona]

مشاركة: فزعتكم يا اهل الكويت

الله يهديهم

الحمدالله والشكر

 

[HASB_83]

مشاركة: فزعتكم يا اهل الكويت

الصرااحه ما اقول الا ان داوود مايستحي وعلى فكره اهوا مو كويتي واهما اغلطوا انه عطووه الجنسيه قبل فتره الانه مايستاهلها........

لوو بيدي شي جان وقفت البرنامج وسحبت جنسيته وحذفته بره الديره واخليه يلوي يدورله نااس يسوونله مثل هالبرامج السخيفه



اختي عنادي الا تخلين واحد مثل هذا يفرق بينا وبينكم ولا تزعلييين والله شي مايسوى...... وهذا مهما سوى ماينلام لانه قليل ادب.... شراايج اذا قااعد بديره عازته ومكرمته ومعطيته الجنسيه ويتطنز على اهلها !!!!!!!!!

خليها على الله.... وآسفيييين على اللي صاار

 

[نفيشه]

مشاركة: فزعتكم يا اهل الكويت

اول شي احب اقول لج اختي ان داوود من عمر الدنيا معروف مو كويتي ولكن للاسف الكويت ضافته وضافة وايد من اشكاله اللي ما يستاهلون يعيشون بهالديرة الطيبة لانهم ما يعرفون قدرها ولا قدر الجنسية اللي شايلينها واكبر غلط كان اعطاءه الجنسية .. مو من اعماله الجليلية علشان يعطونه اياها بارده مبردة
والنتيجة طبعا انه ماعرف قدر الديرة اللي عاش بخيرها وكاهو قاعد يلطش بالناس يمين ويسار وبلشنا مع الكل بروحنا مكروهين من الحساد وكلمن حاط عينه على هالكويت ويدور الزلة
فتطمني واحد مثل هذا ما يمثل الكويت ابدا ولا احنا مسؤولين عن تصرفاته
والبرنامج اكثر من سخيف وتافه ولا يسوى تطالعينه وحتى اليهال ينحاشون منه ويغيرون الموجة
وهو ما خلى لا معاق ولا ابيض ولا اسمر ولا طويل ولا قصير ولا احد ماتطنز عليه يويله من ربه بس
عسى الله يهداه ويصحى لنفسه مو زين اللي قاعد يسويه

ثاني شي .. مثل ما قالوا البنات قناة الجزيرة لعنت ابو اسلافنا والكل كانوا يضحكون وفرحانين فيها وهم عارفين انها قناة زبالة وعايشة على المشاكل اللي تحفرها للكويت ويوم انتهت سالفة الكويت والعراق كاهم انقطع رزقهم حتى ما عندهم شي يقولونه افتحوا قناة اطفال اونس لهم
يعني بس فاتحينها علشان يشوهون صورة الكويت
ولا تكلمنا اصلا لانها قناة تافهة وعميلة ومدفوع اجرها ما قلنا وينكم يالقطريين ما تسكرونها
وسب وتلعن فيننا وبشيوخنا
مو معناته احنا راضين بس عادي الكلاب تنبح والقافلة تسير والجزيرة ما عليهم شرهة لانهم ولا شي اصلا
فانتي خلي عندج ثقة بنفسج وببلدج ولا يهمج داوود ولا غيره
خلج مثلنا مشالله عليننا واثقين وعسى الله لايغير عليننا يارب ويحفظ بلدنا من كل عين ومن كل كايد

ثالثا هم احنا خوش ناس وقاعدين البنات يعتذرون لج ولا قصروا لانج ضيفة عندنا
عاد لا تكبرينها لانها ما تستاهل كلش وخذت اكبر من حجمها

 

[FOZQ8]

مشاركة: فزعتكم يا اهل الكويت

اختي عنادي
انتي طرحتي سؤال واضح
ليش داوود سوا هالحركه وشنو يقصد؟؟
اظن الاجابه تعرفينها لما نعرف ليش يطنز على خلق الله
ماسألتي ليش يطنز على كل لون وجنس؟ يت على العمله ؟ انا زعلانه اكثر عالاوادم والبشر اللي عيب على خلقتهم خلقت رب العالمين
اختي كوني اكبر من جذي
وتحياتي لج

 

[حورية الكويت]

مشاركة: فزعتكم يا اهل الكويت

تروالي الموضوع اخذ اكبر من حجمه

 

[omneyat 3mry]

مشاركة: فزعتكم يا اهل الكويت

شدعوه ليش تسوون مشكله من لا شيء!!

مادري ما حسينا بشي ولا لاحظنا يمكن ماكان معاهم الا جم ريال قطري

يمكن صوروا الحلقه بقطر

مو لي هالدرجه يعني !!

مشكوره على التنويه ولو اني ماكانت ملاحظه من قبل !!

 

[أحلى بنوته]

مشاركة: فزعتكم يا اهل الكويت

ياحلوكم يابنات الكويت

انتوا شوفو اسلوبها لما تحاجيكم

وحده داشه تبي تتهاوش واسلوبها دليل

على اللي بقلبها على الكويت

حبوبه أنتي شوفي الجزيره شنو تقول

وشنو تسوي ولما تكون الكويت طرف بأي سالفه

شنو يكون الحكم عليها ؟؟ وشنو موقف كاست الجزيره

من الكويت.. وهم ركزي على موقف حكومة قطر

ليش بس احنا اللي نفرق.. ليش ماتفرقون انتو بعد

يعني انتي حكمتي علينا كلنا اننا متعاونين مع داوود

واهو ممثل .. انتو اكاست قناة كاااااااااااااااامل

وبرامج لها أول مالها تالي ومع هذا كبرنا عقولنا

وعرفنا نفرق!!

والا المسأله دقت سلف وتبين عذر وبس

وبعدين ياروح ماما أنتي البرنامج ممنوع من التلفزيون الرسمي للدوله

واللي عارضته قناة خاصه هذا لو أنتي صج شايفه الحلقه

ومو لاكشه الصوره من النت



وآنا ماأقول إلا الله يخليكم ياام طلال وحبنا الله عليه وبنوتة الكويت

لنكم صج عرفتوا تردون عليها

ولا يهونون الباجي طبعاً

 

[أمواج البحر]

مشاركة: فزعتكم يا اهل الكويت

يعني صراحة قاعدة ادور على السالفة ما لقيتها !!!!

شنو المطلوب منا الحين

والا السالفة مجرد انكم لقيتوا لكم شي تحاسبونه عليه

لا تظلمين بختج يمكن انه مو قاصد و ما اعتقد ان داوود حسين ينشره عليه

كا ما بقى احد ما تطنز عليه

واللي واثق من نفسه يقول ( يا جبل ما يهزك ريح )

بس معروفة من عمر والكويت منبوذة مع ان ما بقى احد ما ساعدناه

وقلوبنا الحمدلله بيضة

كبري عقلج وترى السالفة ما تسوى ان يصير فيها فزعة

اشدعوة شصاير

ومثل ما قالوا البنات كا قناة الجزيرة تتف وتسف فينا وبحكامنا عسى الله يطول بعمرهم

لكن احنا ما خلطنا الاوراق و مثل ما قالت الاخت احلى بنوتة البرنامج ممنوع من التلفزيون الرسمي للدوله

واللي عارضته قناة خاصه يعني احنا مااااااااا لنا دخل بالموضوع

هدي اعصابج حبيبتي

 

[أماني علي]

مشاركة: فزعتكم يا اهل الكويت

أنا أقول يمكن ما يقصد
بس يمكن وأن بعض الضن أثم
أن نشوى الرويني من مواليد قطر وعايشه في قطر وألحين ما أدري وين المكان الموجوده فيه ممكن دبي mbcوكان يقصدها
والله آعلم