فرص عمل لحملة الدبلوم و البكالوريوس من kpc إعتبارا من 31\7\2011

[frawlah_83]

Only

كلامج كله صح وبالنهايه محد بياخذ نصيب ورزق غيره وللاسف اغلب البنات مو راضين يقتنعون في هالشي ولو تكلمين مني لي باجر في ناس ماراح تقتنع اي احد ينرفض او ماينقبل اول شي اقولونه اي شغلهم كله واسطات!!!!!! بعد مو مقعوله بوظفوون الكل اهما مو وزاره وهم عندهم شواغر معينه ويبون عدد معين فاكيد الاوليه بالقبول بتكون للافضل وبالنهايه كلها ارزاق من عند الله والله ايسر الامور ويكتب الي فيه الخير

الله يوفقج ان شاءالله ووفقك الجميع

 

[bent_7awa]

سجلت واخير​

لمه حطيت كشف الدرجات في ال word وسيفته وبعدها حملته بالموقع بهاذي الطريقه ضبط معاي​

بنت حواا يا سميتي العزيزة

شلون سويتي هالطريقة ..انا اواجه هالمشكلة .. توني قاعد اسجل ولما وصلت عند كشف الدرجات والا كل وحده بروح ولما حطيتهم بالتسجيل مارضى يصير لازم كلهم بملف واحد !!!!

ومو قادره انسخ الصور واحطهم بالوورد مادري ليش اهي صيغتهم pdf ولما اضغط عليهم يبطلون بالفوتوشوب ومااقدر انسخهم ...

ممكن الطريقة ,,,امبيه راح يخلص التسجيل وانا ما سجلت وهذا وانا صارلي دهر ناطره هالاعلان


ناطرتج

 

[nonosha]

Only
اول شي كل شي ارزاق من الله والله يحط الواسطة عشان مثل ما قالت فراولة لان الشي من نصيبه

بس في اشياء حبيت اوضحها اكثر

اول شي اهما نظامهم
20% على المعدل
20% اختبار القدرات
20% اختبار الانجليزي
20% اختبار التخصص
20% المقابلة
ضرورة النجاح من الاختبار اللي قبل عشان يروح الاختبار اللي بعده
ووالوصول لي المقابلة مو شرط للقبول

وبالنسبة حق اللي يسالون على الواسطات فهو في بنسبة كبيرة
بس مو معناته ان كل اللي مقبولين بواسطة هم في ناس تنقبل بدوون

وبكل المراحل في واسطات بالامتحانات بالمقابلة بعد النتايج
وفرص قبول الهندسة بدون واسطة اكثر لان يبون عدد اكثر من الباجي

بس بالنهاية كل شي ارزاق ومثل ما قلت في ناس تنقبل بدون واسطة

 

[iNoor]

بنت حواا يا سميتي العزيزة

شلون سويتي هالطريقة ..انا اواجه هالمشكلة .. توني قاعد اسجل ولما وصلت عند كشف الدرجات والا كل وحده بروح ولما حطيتهم بالتسجيل مارضى يصير لازم كلهم بملف واحد !!!!

ومو قادره انسخ الصور واحطهم بالوورد مادري ليش اهي صيغتهم pdf ولما اضغط عليهم يبطلون بالفوتوشوب ومااقدر انسخهم ...

ممكن الطريقة ,,,امبيه راح يخلص التسجيل وانا ما سجلت وهذا وانا صارلي دهر ناطره هالاعلان


ناطرتج

اختي إذا عندج برنامج Adobe Acrobat Pro فتحيه وبعدين روحي على
File >> Combine >> Merge Files into a Single PDF
بعدين يفتح لج بوكس تضغطين على Add Files... عقبها تختارين ملفاتج اللي تبين تدمجينهم بعدين تضغطين Combine Files تحت صايرة، وتحطين اسم حق الملف وتختارين المكان اللي تبين تسيفينه فيه وSaveee.

أما إذا ما عندج هالبرنامج أو ما عرفتي تستخدمينه، لما تفتحين الملفات بالفوتوشوب سيفيهم واحد واحد بصيغة JPG وبعدين حطيهم بالـ Word :rerrerek:

 

[سمو ذاااتي]

Only

قولي القدرات مقدور عليها نمشي حالنا بس تخصص انا حقوق مصطلحات قانونيه وحجي قانوني ماعرف وماعمري درست قانون بالنجلش شلون شالحل اللي تعرف خل تفيدني

واعتمدو علي الله اهو الواسطه الوحيده واللي كاتبه لنا بيصير انقبلنا خير وبركه مانقبلنا مو نصينا *

 

[سمو ذاااتي]

نونوشا شالفرق بين القدرات والانجليزي ؟؟ الانجليزي امتحانين غير التخصص ؟؟

 

[مملوحه الكويت20]

:eh_s(2)::eh_s(2)::eh_s(2)::eh_s(2):
ليش مايبون دبلوووم حاسب آلي
:krkrkr::krkrkr::krkrkr:​

 

[مملوحه الكويت20]

والله تخصصنا مظلووووووووووووم محد يبييييييييييييييييه

:krkrkr::krkrkr::krkrkr:​

 

[nonosha]

نونوشا شالفرق بين القدرات والانجليزي ؟؟ الانجليزي امتحانين غير التخصص ؟؟

اي غير القدرات عن الانجليزي
القدرات الله يسلمج يعتمد على السرعة اول الاسئلة يعني مثلا كلمة احرف مخربطه تكونين كلمة
واسئلة شخصية شلون تتصرفين بمواقف معينة
وفي ارقام واشكال

 

[nonosha]

only

قولي القدرات مقدور عليها نمشي حالنا بس تخصص انا حقوق مصطلحات قانونيه وحجي قانوني ماعرف وماعمري درست قانون بالنجلش شلون شالحل اللي تعرف خل تفيدني

واعتمدو علي الله اهو الواسطه الوحيده واللي كاتبه لنا بيصير انقبلنا خير وبركه مانقبلنا مو نصينا *

ماعندي فكرة عن امتحان تخصص قانون
بس اهما عموما ياخذون الاسئة من الجامعة فيكون كل شي انتوا دارسينه
انا لما امتحنت تخصصي كله شي كنت دارسته

واكيد كل شي بالاول والاخير على الله

 

[نادية_]

يعني انا اخوي ما يقدر يوظفني هناك بدون كل هالامتحانات ؟؟

انا اخوي يشتغل هناك واتمنى لو يوظفني معتمده عالله ثم عليه لاني ما اتوقع راح انقبل بدون واسطته

ان مشيت بامتحان الانجليزي ما مشيت بامتحان القانون وان مشيت بامتحان القانون ما مشيت بالمقابله وان مشيت بالمقابله ما مشيت بالمعدل لاني جيد ............يبيلي معجزه او واسطه

وعسى الله يوفقنا

 

[nonosha]

يعني انا اخوي ما يقدر يوظفني هناك بدون كل هالامتحانات ؟؟

انا اخوي يشتغل هناك واتمنى لو يوظفني معتمده عالله ثم عليه لاني ما اتوقع راح انقبل بدون واسطته

ان مشيت بامتحان الانجليزي ما مشيت بامتحان القانون وان مشيت بامتحان القانون ما مشيت بالمقابله وان مشيت بالمقابله ما مشيت بالمعدل لاني جيد ............يبيلي معجزه او واسطه

وعسى الله يوفقنا

لا طبعا ما يقدر يوظفج
حتى لو عندج اكبر واسطة لازم ادشين الامتحانات
وبعدين ابذلي الاسباب والتوافيق من الله

 

[سمو ذاااتي]

امتحان تخصص عربي ولا انقلش اذ انقلش ماعمرنا درسنا شي بالحقوق بالانقلش ؟؟

 

[nonosha]

انا لان دراستي بالانجليزي فكان امتحاني بالانجليزي
بس شوفي البنات اللي دراستهم بالعربي
عندج بنات اعلام يقدرون يفيدونج اللي قدموا اعلان اللي طاف
بس مااظني ان تعجيز دام دراستكم بالعربي ان شاء الله يكون بالعربي امتحانكم
بس والله ما عندي علم
انا اقدر افيدج باي شي الا امتحان التخصص
لان كل تخصص يختلف
بالتوفيق

 

[^^ROSE^^]

لوووووووووووووووووووووووووووووووووووول
اخوج الوزير البصيري وانا مادري؟
اقول قدمي على ديوان الخدمه و شوفي وين يحطونج وحمدي ربج
لا تبين امتحانات ولا مقابله وتبين ترفعين قضيه عالفتوى على قولتج واسطات؟
الحمدلله والشكر تناقض مو طبيعي

المشكله ان فيج ثقه مو طبيعيه الله يساعدج

 

[Rawan-]

بنات انا قدمت طلب .. بس لما ادخل الرقم المدني و الباسوورد ...يقولي غلط !

 

[nonosha]

^^^ اخاف حاطه الباسورد غلط لان انا يفتح وياي يطلعلي تاريخ التسجيل
04-08-2011Application Saved and Submitted on 04-08-2011

جذي

 

[نادية_]

شوفي انا معطيتك اكثر من مره ويه

لكن بققولك اذا ما حطيتي لسانج بحلجج بسبج وبسب طوايف طوايفج

انتي منو علشان تحاجيني ؟ ومنو حاجج ؟؟ ومنو طلب رايج

الحمدلله والشكر

 

[سمو ذاااتي]

لا اله الا الله

وين قاعدين بتسبين ..؟ موضوع الفتوي وتهاوشتي مع البنات مع انهم خوش بنات واهني هم !!

انتي ضد الواسطه لخلق الله بس معاها لنفسج !!

خلني اكلمج بالمنطق الفتوي اقلبو ناس وحطو معدلاتهم قلتي بشتكي بوصلها الامم المتحده لووووول مع انهم اعلي منج انا جيد جدا ومانقبلت ومافكرت اشتكي واللحين بالنفط تبين تنقبلين بدون لاتمتحنين شالتناقض العجيييب

اهل العقول براحه !!

 

[سمو ذاااتي]

Only

بما انج حقوقيه يمكن ساله بالموضوع امتحان التخصص انقلش ولا عربي ..؟

نونوشا ماقصرت فديتها تخصصها بالجامعه دراسته انقلش فمتحانها صار بالانقلش تهقين only احنا بيكون بالعربي ؟