فرص عمل لحملة الدبلوم و البكالوريوس من kpc إعتبارا من 31\7\2011

[AROORA]

AROORA انا مو علم اجتماع بس امتحانات التخصص كلها اختياري، لا تحاتين

اشوه عبالي مقالي قلت شحفظ وشخلي لووووووول من زمان عن الدراسه
تسلمين حبيبتي طمنتيني الله يطمنج ان شاء الله ويوفقج :eh_s(7):

 

[KUVEYT]

موفقيييييين صبايا
وخيره يابنات

 

[mllon]

بالنسبه لي...كنت طول الوقت هاديه..من كثر ما قريت عن تجارب اللي قبلي بالمقابله..
تخصصي علم اجتماع..واليوم كانت مقابلتي الساعه ١٢ ونص...
طبعا زرعونا..دخلت الساعه ٣ ونص..
مخلينا اخر شي..حتي اللجنه طلعت شوي تتمشى..حسيتها خيره نشوف الاعضاء قبل لا ندخل..
واحد من اللجنه اول ما طلع قال: مشالله...كلكم بنقابلكم..
واقترح واحد من اللجنه٫ قال اشرايكم ندخلكم كلكم (كنا ٨ اشخاص)..ونسال كل واحد سؤال ونمشيكم..
حسيت ملو ومالهم خلق..
طبعا محد رد عليهم..
عقب صار دوري..
اول ما دخلت..واحد منهم قالي عرفينا بنفسج..شنو سويتي بالجامعه..شنو انشطتج الحاليه..بدون ذكر اسمج..واخذي راحتج
طبعا صوتي مبين كنت ارجف...لانها اول مقابله لي...
فقلتلهم...خريجه جامعه الكويت تخصص علم اجتماع..
اشتغل حاليا ب***** تحت بند المكافئات..
ومتطوعه في فريق الامل التطوعي..ووااايد مستناسه عليهم..
اهني حسيتهم شوي استانسو..
وسالوني عن الفريق..وشرحتلهم..
قلت ..توني يديده بالفريق..اول اجتماع لي معاهم ابهروني..الفريق كامل مكمل من جميع النواحي..عندهم محامين عندهم اداريين..واعضاء من مختلف التخصصات..وكذا وكذا...ولهم مشاريع مستقبليه حلوه..
وحده سالت شنو هوايتاتج..
اهني كان شكلهم مالين ..لانه وايد قابلو طلبه..
بس قلتلهم هوايتي تفكيك الالكترونيات واعاده تركيبها وتصليحها..
اهني حسيتهم عدلو القعده ..وشديت انتباهم..
كنت اتكلم بعفويه..وبصراحه..
قلت:..يعني انطر الليت بالغرفه يخترب عشان اصلحه..احب سوالف درنفيسات..ووايرات..اي لعبه خربانه ييبونها لي اصلحها..
البرده طايحه اعدلها بالمطرقه..
وجذي،،
واحد منهم قال: انا عندي بالبيت اذا اخترب شي اقول حق واحد من عيالي يصلحه..وطبعا يعفس البيت
رديت: مو شرط كل واحد علي حسب طريقته بالتعامل مع الكهربا..
قال: تلعبين بالميتر..وما تشوفين انها سوالف صبيان؟
ريد:..لا كل شي باذن الوالد...وبالعكس ..هاذي هوايتي واحبها..حتى الوالد ما يرضى احد يجيس العده غيري..ومن يسافر ييبلي مكياج واله شي..ما استخدمه كثر عده الدرنفيساتاللي يابهم لي ..عندي ياها من ٨ سنين..لحلحينهم يدد بقراطيسم..استخدمهم واردهم مثل ما كانو..
قال: تصلحين التلفزيون بعد؟
رديت: لا التلفزيون كبير علي..
وحده منهم قالت..: شي جميل نشوفج مهتمه بهالمجال..وانا احب هوايتج..
وسكتنا شوي..
عقب قالو خالاص..محد عنده سؤال..خلصنا..
وانا طالعه قلت يعطيكم العافيه،،،ومشكورين وماقصرتو ..خصصتولنا من وقتكم انه تقابلونا..
وبس..


غيري سالوها بالتفصيل عن التخصص..
والاغلب كانو يسولفون معاهم سوالف عاديه..

اهم شي تكونين مبتسمه من تدخلين عليهم..وواثقه من نفسج..ومرتاحه..
وبالتوفيق للجميع..

 

[mllon]

بنات انا باجر عندي اختبار تخصص
عفيه اللي علم اجتماع تقولي امتحان اختياري ولا مقالي ؟؟؟؟
حدي خايفه الله يستر

الامتحان موضوعي..
٤٠ سؤال..كلهم اجباري تجاوبين عليهم..وفي مكررين كذا سؤال..
لا تحاتين..بس درسي من كتاب مقدمه علم اجتماع..
انا درست منه..ويابو اسامي علماء...
الافضليه حق اللي ييب درجات اعلى..
وبالتوفيق

 

[KUVEYT]

خيتي ..
كاتبه الافضليه حق اللي اييبون درجات اعلى تقصدين بالامتحانات اللي طافت؟ وبعدين عقب المقابله يقيمون ولا شالقصه :\
لان ماندري جم ياييبين

 

[mllon]

خيتي ..
كاتبه الافضليه حق اللي اييبون درجات اعلى تقصدين بالامتحانات اللي طافت؟ وبعدين عقب المقابله يقيمون ولا شالقصه :\
لان ماندري جم ياييبين

الناجحين بامتحان التخصص كلهم يسوونلهم مقابله..
بس اللي يايبن درجان اعلى..مقابلتهم تكون مبجر ..وما ينطرون وايد..
عقب المقابله يقيمونج على ادائج بالمقابله..
الغرض من المقابله بس انهم يعرفون شخصيتج..بس..

 

[KUVEYT]

يعني كل اللي قابلوهم مقبولين بالشركه ؟

 

[mllon]

يعني كل اللي قابلوهم مقبولين بالشركه ؟

لا..كل اللي قابلوهم انجحو باختبارات التخصص..
ليلحين ما طلعت اسامي المقبولين...ويقولون اول شهر 10 بتطلع الاسامي..
تأملوا خيرا..

 

[bnt_7waa]

اي كلمتهم وقالو اول شهر 10 والله كريم

 

[KUVEYT]

موفقيييييييييين اجمعيين

 

[أميرتة]

بنات انا امتحنت تخصصي بس متا يدزون مسج عشان المقابله طولوا ؟؟ لان بالامتحان الانجليزي بنفس اليوم دزوا لي وقت امتحان التخصص تهقون ساقطه..؟؟

وبغيت اسأل عن المكان هل هو مختلط داخل االاقسام ولا لا؟؟!!

 

[قرنبيطوو]

شلووون اول شهر 10 وفي ناس توها امتحنت انجليزي؟؟؟

 

[Andie]

مافي موعد معين للنتائج، في ناس انقبلوا من الحين و تخصصهم هندسة و طلبوا منهم يسوون الفحص الطبي، شوفوا منتدى القطاع النفطي، و للعلم اهمه مقدمين على هالاعلان مو الاعلان القديم، فلا تحاتون*

 

[جمر الوداع]

الله ييسر أمورنا كلنا واذا فبها خير الله يرزقنا اياها واذا فيها شر الله يبعدنا عنها

 

[KUVEYT]

اختي اندي ..
محد انقبل من الاعلان اليديد وبالمنتدى النفطي هذيل كلهم من قبل ..
عطينا الرابط ماعليج امر ..
لان انا بنفسي لما رحت المقبله وسالت الموظف قالي محد من اعلان رمضان

 

[krkosha]

بنات ترا النفط يبيله صبر يعني اللي امتحنت تنسى انها امتحنت حتى المقابله تنسين ان قابلوج لان المكان مو سهل ووايد اللي مقدمين انسو خلاص وخلوها عالله لان السالفه تطووول وتاخذ وقت والله يوفقكم كلهم يااارب

 

[KUVEYT]

كركوشه ..
لووول صح كلامج بس لان ما شاء الله هالمره نشوف المتقدمين يمشي شغلهم بسرعه

 

[iNoor]

يا كره النطرة والمحاتاة، الله يصبرنا :\

 

[mllon]

شلووون اول شهر 10 وفي ناس توها امتحنت انجليزي؟؟؟

لان مددو فتره التسجيل..

 

[mllon]

مافي موعد معين للنتائج، في ناس انقبلوا من الحين و تخصصهم هندسة و طلبوا منهم يسوون الفحص الطبي، شوفوا منتدى القطاع النفطي، و للعلم اهمه مقدمين على هالاعلان مو الاعلان القديم، فلا تحاتون*

لا هذولي مقدمين قبل رمضان..مو هالاعلان..
الاعلان قبل الاخير..