فرصه للعالج أو التحسن للي ولدها معاه توحد ..

[سنع ومنع]

السلام عليكم ورحمه الله وبركاته ..
خواتي الحبيبات ..
من فترة طويييييييلة وانا أدور عن معالج أو معالجه بال ABA ممكن اييون ويعالجون ولدي .. وراسلت مراكز كثيييييييرة ..
منها قالوا ممكن نساعدج بالاستشارة ومنهم قالوا ما نقدر شغلنا محدود فقط في أمريكا وكندا :0bee2e8d89:
للي أول مرة يسمع عن ال ABA .. هو اختصار ل applied behavior analysis
هو نوع من التدخل السلوكي التحليلي للطفل .. يشترط ان يكون من 40-60 ساعه اسبوعيا حتى يعطي النتيجة المطلوبه منه ..
و وااااااايد يهال نقدر نقول انهم تشافوا والسبب التدخل المبكر .. وهذا شوف عيني من المواقع اللي ادخلها والدي فيديات اللي اشتريها ..
المهم الحين رد علي من أكبر المراكز في أمريكا وهذا موقعه
http://www.centerforautism.com/

قالي انهم ممكن يطرشون لي معالجين بس يشترط عدد من العوايل غير ولدي عشان تكون الييه بالنسبه لهم تسوى ..
يمكن تشوفون بالصفحة الدي في دي مالهم وهذا انا شريته وعندي اياه من زمان ..
اللي حابه تشوفه انا ما عندي مشكله ..
واليوم بعد وصلتني بروشوراتهم و مطبوعاتهم اللي حاب يطلع عليها ما عندي أي اشكال ..
بس حبيت أعرف اللي حابه ان ولدها يتلقا هذا النوع من العلاج جم وحدة ؟؟؟؟؟
وللعلم ترى السالفه مو هينه يعني فلوس المعالج مو شويه .. انا للحين ما دخلت معاهم بالتفاصيل لأني لازم الاول أجمع عدد وبعدين أعطيهم خبر ..
فتكفون بنات اللي تعرفونها ان ولدها في توحد وتبي ان يتعالج ويتحسن يا ريت تبلغوني وتعطوني خبر ونتناقش بكل التفاصيل في اجتماع نسويه مع بعض .. أعرض لكم فيه الدي في دي .. و أوراقهم .. ونقعد مع بعض نسولف بالموضوع بشكل اعمق ..
والله انا معورني قلبي .. اشوف اللي بامريكا وكندا ما شاء الله اليهال شبه طبيعيين .. يعني 95 % الياهل ما فيه شي .. قلت ليش أحرم ولدي من الشفا ..
مريم الراشدي .. عمانيه تعيش في قطر .. أعتقد شفتوا مقابلتها في تو الليل ..
ودت ولدها كندا لما يأست من العلاج هني هالحجي قبل 8 سنوات .. خلال 3 شهور الولد تكلم .. وعقب سنه و10 شهور رجعت معاه .. الولد يتكلم ويقرا ويكتب ويجمع ويضرب .. دخل مدرسه عاااااااديه .. مو للاحتياجات الخاصه .. وكاهو الولد طبيعي .. يلعب مع اليهال ويعبر عن مشاعره ..
ياااااااا رب تبلغنا بعيالنا ..
يالله همتكم معاي .. وخلونا نييبهم ونعالج عيالنا ...

بعض اللقطات من طريقه عالاج ال ABA عشان بس تاخذون فكرة ...
هذي اللقطة من الدي في دي اللي عندي من نفس المركز CARD
http://www.youtube.com/watch?v=_tcJ...8CCD3B05D&playnext=1&playnext_from=PL&index=2

http://www.youtube.com/user/RecoveredAutism
وهذي عن ال ABA طريقته بشكل عام
http://www.youtube.com/watch?v=NbVG8lYEsNs

http://www.youtube.com/watch?v=wTTvTweONQQ&feature=related


وشاكرة لكم مروركم ..​

 

[مشاعل الشمري]

حياتي انا قاعده أسأل عن العلاج هذا؟شنو اهو وينفع لصفات التوحد ولا لأ اذا جذي ايدي بايدك ونسوي حمله بعدين عيالنا عندهم معاشات ولله الحمد فليش انقصروترى هذي بشاره:eh_s(6):

 

[الصابرة المحتسبة]

جزاج الله خير وأحيي فيج هذا المجهود في البحث بالنت من أجل مصالح مشتركة

 

[سنع ومنع]

حياتي انا قاعده أسأل عن العلاج هذا؟شنو اهو وينفع لصفات التوحد ولا لأ اذا جذي ايدي بايدك ونسوي حمله بعدين عيالنا عندهم معاشات ولله الحمد فليش انقصروترى هذي بشاره:eh_s(6):

أكيد ينفع لصفات التوحد .. بس أتوقع بدال ما تكون مدته سنه وسنتين تاخذ مع ولدج وقت أقل .. هذا اللي فهمته من الدي في دي ..
وكل ما كان العمر أقل كل ما كانت فرصه العلاج أكبر طبعا ..
وحياج الله لأي سؤال

 

[سنع ومنع]

جزاج الله خير وأحيي فيج هذا المجهود في البحث بالنت من أجل مصالح مشتركة

حياج يالغاليه ... وشاكرة لج مرورج

 

[سنع ومنع]

خواتي اللي جادة بالموضوع وتبي هذا العلاج يا ريت تراسلني على الخاص ..
عشان نتفق على يوم نلتقي فيه كلنا وأعطيكم كافه التفاصيل اللي عندي والمعلومات ..​

 

[Emanova]

الله يفتحها ويهج سنوعه

 

[سنع ومنع]

الله يفتحها ويهج سنوعه

يا بعد عمري .. ما قصرتي يا أمونة

 

[سنع ومنع]

لللللللللللللللللللرفففففففففففففففففع

 

[مشاعل الشمري]

شفت السايت اللي حاطته وصج نتيجه بس ابونا يقول ان هني عندنا معالجين للسلوك فما ادري شقولك انتي

 

[سنع ومنع]

شفت السايت اللي حاطته وصج نتيجه بس ابونا يقول ان هني عندنا معالجين للسلوك فما ادري شقولك انتي

صح كلامج بس انا ما أقدر أقارن 3 أو 4 ساعات بالاسبوع ب 40-60 ساعه اسبوعيا صح ؟؟؟
أكيد النتيجه بتكون مختلفه ولا شرايج ؟؟؟

 

[Emanova]

كان في اخصائيتين من كندا السنه اللي فاتت بالكويت و يوني البيت 4 ساعات و عطوني نصايح استفدت منه

 

[مشاعل الشمري]

كان في اخصائيتين من كندا السنه اللي فاتت بالكويت و يوني البيت 4 ساعات و عطوني نصايح استفدت منه

السلام عليكم فيديينا الله يجزاك خير شنو النصايح؟

 

[Emanova]

السلام عليكم فيديينا الله يجزاك خير شنو النصايح؟

اول شيء كان في ورشه عمل امسوينها فاطمه كلينيك على يومين فشفنا طريقه التعامل

و لما يوني البيت اسألوني شنو يحب شنو ما يحب شنو يعرف شنو ما يعرف ... و ضافو غرفته و قالوا لي الالعاب التعليميه خشيها او صكري عليها لان ما نبيه يلعب فيها باي وقت بس لما تبين تدرسينه و تعلمينه

و كتبوا لي تقرير اشطوله و علموني اشلون اتعامل معاه و اشلون ادربه و اشلون اخلي الجلسه مالت التعليم مقسمه و اشلون احط الاهداف مالتي

و كاوا قايلين لي اذا اتيبين له مدرس يعلمه احسن

 

[مشاعل الشمري]

اول شيء كان في ورشه عمل امسوينها فاطمه كلينيك على يومين فشفنا طريقه التعامل

و لما يوني البيت اسألوني شنو يحب شنو ما يحب شنو يعرف شنو ما يعرف ... و ضافو غرفته و قالوا لي الالعاب التعليميه خشيها او صكري عليها لان ما نبيه يلعب فيها باي وقت بس لما تبين تدرسينه و تعلمينه

و كتبوا لي تقرير اشطوله و علموني اشلون اتعامل معاه و اشلون ادربه و اشلون اخلي الجلسه مالت التعليم مقسمه و اشلون احط الاهداف مالتي

و كاوا قايلين لي اذا اتيبين له مدرس يعلمه احسن

:eh_s(6):صباح الخير ويعطيك العافيه

 

[الصابرة المحتسبة]

يعطيج العافية أختي ام نوفا على إفادة الخوات وفي ميزان أعمالج انشالله

 

[Emanova]

الله يعافيج الصابره

 

[ام^صالح]

انا عن نفسي حاطته بحضانه..بس عن نفسي مااعرف اسوي شي بالبيت وحاولت اقرا بس مو عارفه اشلون ابدا معاه

مع انه فديييييييييت روحه مو مزعج بس فيه اشياء مثل الحمام تكرمون ..الكلام..لما البسه ملابسه اتعب حييل

والحلاااق هذا سالفه((والحمدلله على كل حال)) بس والله اتمنى القى دورات تدريبيه حق الامهات

والله يوفقج ياسنع انشاااء الله انتي واللي مثلج ويقر عويناتنا بشفاء اعيالنااا يااارب

 

[%عـجـمـيـه صـريـحـه%]

ربي يشافي ولدج ويحفظه لج

 

[ريمه الكويت]

الله يوفقج اختي سنع ونشوف علاج حق عيالنا قولو لنا شنو اخر التطورات وشنو صار معاكم وانشالله نتواصل بما فيه الخير يارب