فدييييتكم....علموووني شلوون ارضى بقسمة رب العالمين؟؟؟؟

[شمـوخي بكلمتـي]

لا اضايقين نفسج على واحد مايستاهل وتعوذي من الشيطان
والحمد لله على كل حال الحياه ماشيه ماوقفت عنده انتي شوفي حياتج وعيشي يومج
والله يعوضج ويرزقج بالزوج الصالح



تقبلي مروري

 

[غير كل الناس]

خيره من رب العالمين

 

[كيكه توفي]

هذي خيره لج (وعسى أن تكرهوا شيئا وهو خير لكم)

والله يرزقج بالزوج الصالح يارب

 

[*الشيـــهـانـة*]

استغفر الله يارب صج مدري ليش الحين الناس تبي اللي مو زينه ورايحه فيها كل شي صار بالمقلوب
حبيبتي لاتتأثرين بهالاشكال انتي احسن منهم وخلج نفس ماانتي

 

[Om_Ksha]

والله خييييييييره لج انج ماخذيتيه والله يحبج ..
حمدي ربج وكلا ادعي انه الله يرزقج الرجل الصاااااااااااااااااالح ...

والخيره فيما اختاره الله .. انتى صفي النيه واحسني الظن بالله .. ومايرد القضاء الا الدعاء ..

وانشالله اييج واااااااااااحد ينسيج اهله واللي يااابوه .. بالحلال طبعا

 

[Lovely_R]

الله يخللليكم لي يااااااااااااااااااااااااااااااارب....

ما قصرتو ابددددددد

 

[إبشر بعزك]

مانبي اللي ما يبينا

من باعنا برخيص يتراب ينباع

هذا لو فيه خير جان ما اثرو فيه شلت السوء لو في خير جان ما خلى البنت تلعب فيه دور وبالفيس بوك ولي ما يشتري يتفرج


ماعندج سالفه الله يعوضج ويرزقج بلي احسن منه ان شاء الله

تعوذي من ابليس بلا هالافكار

 

[طـفولية]

بالعكس !!
الحمد لله .. ربي يثبتج ويثبتنا ..
ما تدرين شنو الخيرة ..!!
ربي يعلم الغيب وانتي ما تعلمينه ..
يمكن لو خذيتيه .. ما تتوافقون .. تطلع بلاوي .. تطلع امراض .. شهر وتترملين .. !!!!
ما تدرين شنو الخيرة لج !
ترى ربي كــــــــــــــــــــــــــريم .. وحلييييييييييييييم !
ارحم من الام على ولدها !
قولي الحمد لله وارضي بقلبج والسانج .. وادعي ربي يرزقج الي احسن منه ..
والخير كلمن يبيه .. والدينة المحترمة مالنا غنات عنها
اذا قالوا الناس يا زواج .. كلمن قام يدور البنت الي ملابسها مستورة ولا عباة .. ولا منقبة ..
ويسئلون عن أخلاقها ودينها ..
كل ما قالوا هايتة .. ولا ملسونة .. ولا ما فيها حيآ .. عفناها ودورنا غيرها ..
انتي الصح .. وحتى لو الدنيا كلها غلط لا تشكين بنفسج

 

[أماني الورد]

لاتكرهو شي وهو خيرلكم

ولاتحبو شي وهو شر لكم

 

[Lovely_R]

شكرا بنات ما قصرتو...جزاكم الله خير

 

[اسبانيه]

سبحان الله الموقف اللي صار معاج بالظبط بنفاصليه صار معاي!!!

بس الفرق ان اهو معاي بالدوام والبنت اللي راح لها معاه بالجامعه! لانه يدرس ويشتغل...ان من شقت الموضوع جذي وخرت عنه حيل

وقلت ياربي صبرني على فراقه وعوضني خير وبالزوج الصالح..وادعي دايما بصلاتي ان ربي يفرج همي....عقبها تخيلي يدق علي على طول

يسال ويسلم وحتى اذا بيروح العمره يدق ويسالني تامريني على شي من هناك؟؟ احس ان ضميره مأنبه مع ان مو اهو اللي نهى العلاقه بس

انا شريت راحتي...لان كرامتي فوق كلشي,,,,وادري ان الله بيعوضني خير بالحلال...واللي تترك شي في سبيل الله واتوب الله بيعوضها اضعاف صبرها .. ربي يهون عليج وتنسين...عيشي حياتج واستانسي

 

[mi$$ no0of]

ليه طالعين الجزء الفاضي من الكوب وماتطالعين الجزء المليان ؟؟؟








تدرين ليه ربي بعده عن طريقك ؟؟؟











لأنو مايستاهل وحدة مثلك ..


لأانو إنتي دااااانة مهوب كل من هب ودب يقرب صوبها ..




صدقيني اللي صارلك خيرة من ربي ..

وهوووو درب اللي يودي مايرد إن شاء الله ..

وبعدين لاتفكرين بكلامه الأولي لأنه يمكن حب يستدرجك بهالكلام وبس ..



صدقيني ربي مخبيلك فرص أحلى بالحياة .. وبيجي يوم وتضحكيييييييين فيه على هالسالفة وتحمدين ربك على فرقاه

 

[M!ss chocolate]

اغلب الشباب اذا يبون يتزوجون يبون وحده ملتزمه وزينه فأكيد بيقولج ان يبي فتاة احلامه ملتزمه ومتدينه ومادري شنو
اهو ما قال لج احبج او ابيج عشان نقول اهو ما يستاهلج
بعدين يمكن في شي غيره الواحد ما يدري ليش نظلم الولد
بالذات انج قلتي ان اهو محترم واخلاقه زينه وبعدين قالو فلان تغير ومادري شنو
هذا دليل ان الولد في شي غيره ..
عالعموم انتي لا تشغلين بالج بشي استغفري ربج وعيشي حياتج ولا تهتمين
واكيد خيره من رب العالمين ما تدرين وربي يرزقج بإلي أحسن منه

 

[Lovely_R]

تسلموووووون حبوبات

 

[منايه اصير ام]

ياحياتي الله يعوضك بالاحسن منه وربك كريم

 

[ms> pink]

ثقي بالله بقوووووووه ولله راح ترتاحين وخلي الدعاء اللي دايم على لسانك"اللهم اختر لي الخيره في كل امر وارضني بها" صدقيني لو مهما صار بتحسين ان الامور لصالحك
والله يوفقك يارب

 

[Tom ♥ Jerry]

,




لا حول و لا قوة الا بالله العلي العظيمـ .!

حياتي مآ يجوز تقولين انا معترضه على قسمه ربي .،

الله يكتب حق بني آدم الي يشوووفه زين له ,،

و صدقيني هاذا الريال مقتنع 100% آنه هالبنت مو مثلج ,،

و آنه آنتي بـ يمين و آهيه يسار يعني مآ آتيي صوبج ,،

عمومآ يا قلبي آنتي مآ عليج الا الدعاء .، أولا

ثانيا حطي في بآلج انه كل الي يصيرلج خيره لج ,،

لا يغرج منظر الـ ريال من بره و اسلوبه مآتدرين يمكن من دآخله شي ثاني

والله آعلم انا مآ آحط في ذمتي ,،

قولي شي وآحد ( يارب اذا كآن هالشخص خير لي قربه مني و اذا كآن شر لي بعده عني )

و الله سبحآنه و تعالى يقول : ( و عسى آن تحبو شيئا و هو شرا لكم ) .!

كل شي قسمه و نصيب .، و يمكن آهوة يقدر يعدل هالبنت .،

و يخليها خلووقه و مثل فارسه آحلامه ، !

يمكن صج يحبها و آهيه تحبه .، و الله رآح يعوضج بـ وآحد آحسن منه مليون مره يا قلبي !

صدقيني الله رآح يكتبلج الخير .، بس آنتي آرضي بـ حكمه ربج

و على طول قولي الحمدلله على كل حآل .!

و نفسيتج رآح ترتاح .، ترا الدنيا عمرها مآ توقف على شخص معين .،

ياما فقدنآ ناس حيين أو ميتين ، بس الحياه مستمره ، !

عيشي حياتج ترا بني آدم يعيش مره وحده ، و استانسي و طنشي الدنيا .,،

مو آخر ريال بالدنيا آنتي عشان حبيتيه و تعلقتي فيه الحين منصدمه و قاعد تحترقين من دآخلج ,،

بس يمكن آهوة يعامل البنات كلهم مثل مآ يعاملج انتي يعني مثل خوآته لا آكثر و لا اقل ,،

انا آدري آنه كلامي ممكن يكون قاسي شوي .، بس يا حياااتي فكري بـ عقلج

بتلقين كل كلمه قلتها و كل حرف نطقته صوآب .، و آهوة عين العقل .،!



الله يمسح على قلبج و يعوضج خير حطي بآلج على درآستج ,،

و اذا تحبين هالشخص صج قولي الله يهنيه و بس .!

محد ياخذ الا نصيبه من هالدنيا و على قولتهم ( لو جريت جري الوحوش غير رزقك مآ تحوش )

باجر الله يرزقج بـ سيد سيده بعد :****

 

[بنت العقربيه]

استغفري الله في اليوم الف مرة والله يفرجها عليك

 

[Beautiful soul]

اللي مثلج تصلي ركعتين شكر ان الله سبحانه وتعالى بعد انسان خفيف وبسرعه يتاثر عنها
الله يعوضج بالريل الثقيل العاقل المحترم اللي يحبج ويخاف عليج

 

[ما كو اسم]

انتي اللي هاين عليج كرامتج وتبين الرفض منج مو منه واكبر دليل تقولين ابيه يتندم علي

الشئ الثاني انتي ما حبيتيه حبيتي شخص ثاني بمعنى هو مو نفس الشخصيه اللي حاطتها في بالج وبالاخير ما عندج سالفه انج تضيعين دقيقه بالتفكير بواحد بهالمستوى لا تعطينه اكثر من حجمه الظاهر ذيج معطته حجمه عدل