فديتكم كويتيات أختي عروس و تبيكم تساعدونها :)

[هامش الطيف]

بس غريبه ليش اهل المعرس ماسو العرس هم
انا اقولج لا تستعجل وتحجز بسرعه شوفو كذا دي جي وكذا بوفيه
وختارو علي الراحه
وفي نفانيف عرس اجاره ب ١٥٠ و ٢٠٠ فلا تستعجل
ولا تكثر مشتريات السوق لاحقه عليه خلها تعرف شنو يتقبل رجالها بالبس اول احسن
والصاله اختارو الشرحه والي مصافطها زينه ( متعقدين اهلي من هل سالفه خخخخخخخ
والله يوفقها يارب

 

[سكر فتافيت]

رفع لعيون العروس
ربنا يتم لها بخير
وييسر لها اختيار الافضل

 

[ياغروري]

اااااااااااب

 

[عطاء أنثى]

حبيبتي اولاً موفقين ان شالله

علميني انتوا من اي منطقه عشان اعلمج عن الاشياء القريبه والحلوه والرخيصه


انا ماشاء الله مزوجه اخواني 3 كل عرس احلى وارتب من اللي قبله

 

[قطوة@@]

فوووق

 

[قلب ذهب]

مرحبا اختي

بالنسه للنفنوف على حسب اكو غالي واكو رخيص

اما بالنسبه للصاله اكو صالات رخيصه
عندج صاله الشويخ ب 200 الحجز
صاله اليوسفي هم ب 200
صاله الجيعان بالسره

اما اذا تبين حجز فنادق راح يطلع عليكم غالي شوي بالالاف
الرايه يمرحونه ويمدحون البوفيه لكن غالي مو اقل من 4000
وططبعا الفندق يشوف السعر على عدد الكراسي على ما اظن
بس اذا ودكم فندق انصحج فندق موفمبيك قاعه نورة وايد حلوه بس غالي طبعا
انتي روحي سالي احسنلج


والتصوير عندج فوتوكينا شغلها حلو

اما الدي جي متروسين بحولي اختاري اي استديو وروحيله والافضل يكون كويتي لانه يعرف وراح يسمعج اغاني دخله العروس كلها

بالنسبه للكوشه والمسكه نفس الشي محلات الكوش بحولي متروسه دخلي اكثر من محل وشوفي السعر اللي يناسبج مع الموديل

بالنسبه للبوفيه انصحج
مطعم ( رويال موفمبيك ) جربنه شغله مرتين وصراحه ابداع اهو شوي غالي لكن يسوي

بس اختي اقولج ان اذا سويتي بصاله اقل شي يطلع عليج 2500
هذا حاولتي تاخذين ارخص الاسعار السوق غالي



وبالتوفيق


​

 

[بنت السلطآإآن]

ليش العرس على العروس المفروض المعرس واهله عليهم العرس حتى لو مايبون يحظرون يسوون العرس لاهل العروس غرييبه الصراحه احنا مهر البنت 7 او 8 الاف والعرس من والى ع المعرس واهل العروس عليهم زفة بنتهم واذا بيجيبون شي طيبا منهم


ع العموووم موفقين يارب

 

[reem alflla]

صالة اليوسفي 100 دينار بس الحجز

ويعطونج اياها قرعه

يعني لازم انتي تحطين البنشات

وهذا مال الرقص

والكوشه

وكل شي بحسابه


يعني على قولت طالبه حجزو بفندق يصير مع كل شي والعشا بنفس السعر والله

بس عاد انتو افتررو عدل وسألو وروح فنادق سعرها حلو مو صلخ

وبنات شفيكم مستغربين!!!

براحتهم وكل انسان وظروفه


الله يوفق اختج ياربي ويكبر بختها

 

[مانسيته]

اول ي الله يوفق اختج ويتمم على خير يارب
امممممم على جذي يبقالها 4 من مهرهآآآ

طيب انا مو ذاك الخبره بس قولج الي اعرفه لاني بعد اجهز وخلصت اغلب الشغلات

قسميهم :
الالفين الاولى :
1- بدلة العرس روحي انجفة قريت بالجريدة عندها عروض الفستان بـ500 وشغلها حلو
2- المكياج روحي انتركونينيتال بـ 200 مع المرافقه
3- المصوره اخذي مصور الراعي مدام هالة واسعارها معقولة قولي طلع عليج بـ300 وشي
4- والدي جي ماعندي خبره بجم لاني حاجزه بس سي دي الديجي على اهل المعرس قولي اممم في عيسى الراشد بحدود ميتين اتوقع


هالشغلات بحدود الف و200
باجي لج 800 امممممم مع انها صعععععبه تكفي بس حاولي تخلص فيها اغراض السوق ولا تكثر لان مردها بتمل من تجهيزهااا

2000 الباجي خلييييييييهم للذهب اهو الي راح ينفعها اذا احاتجت الهدوم والخلاجين مردها بتمل منهم وتشتري غيرهم


وبسس هذا الي اعرفه والله يوفقناا ويوفق كل العرااايس ياارب :ggdw:

 

[مجنونة ضحكاته]

الله يوفق اختج وكل البنات يارب ويرزق الآنسات ان شاء الله
البنات كفوا ووفوا
بس بضيف عن الدي جي ترا دي جي الكادي روعه وانا سمعت ان اذا عرف ان العروس اهي الي بتسوي العرس يراعيها واسعاره حسب المكان الي بتسوين فيه العرس يعني صاله ولا فندق على حسب
ويسويلج بروفه والبنات وقت البروفه يسمعونج الاغاني ويساعدونج بكل شي وعندهم دخلات خاصه حق العرايس بصراحه شغلهم ذوق ومرتب حيييييل انا حضرت لهم كم عرس منهم ناس من اهلنا
والبوفيه عندج ليالي الشرق والله يابنات ان بوفيهم روووعه
والتقديم عند نايس للعصائر شي مو صج حدهم ابهروني بتقديمهم وذوقهم ومااتوقع ان سعرهم غالي واذا تبين رقمهم ترا عندي كرتهم راسليني عالخاص وادزه لج
اما النفنوف مثل ماقالوا البنات لاتستعيلون دوروا عالراحه اكيد بتحصلون
وعسى ربي يتمم لكم بخير يارب

 

[♥ SWeeRa ♥]

صاله الجيعان حلوه ب 80 من غير الكراسي


وصالة الرقي اللي عند القبقب يسوووون خصصصم اذا حجزتي الصاله والبوفيه والكوشيه والعصاير
يكونون متعاونين مع شركهالوطنيه للبوفيه ويسوووون خصصصصم ومع شركه الكوشه وخصم


الصاله ارخص من الفندق

 

[♥ SWeeRa ♥]

حبوبه بدله العروس تلقين اجار بـ 400 وفووووووووق
المسكان بحولي تختار اللي بخاطرها
انا اشوف ان الكلاسيك احلى وارقى واذرب من الفخفخه
الصالات الجيعان بـ 80 من غير كراسي ولا ولا شي
البوفيه عندج المملكه خياااااااااااااااااااااااال ورعه


والحين شركه الفيصل يسوووون عرووووض
البوفيه والعصاير والتقديم والكوشه وكل شي منهم
والله اني رحت اكثر من عرس اشوف تقديمهم روعه وخيال
يعني الحلو ماقعدوو كل شوي فوق راسي القاهم
بس بوفيهم ماذقته ماحب ادخل بوفيه الاعراس
خصوصا اذا العرس زحمه اطلع

 

[♥ SWeeRa ♥]

اي صحح نسيت اقولج
توني داخله عرس امسسس كان دي جي العروس من الكادي
حلوه الاغاني اللي حطوها
عقب دخلت العروس حطو نقازي عن العروس اول مرا اسمعها وحلوه
ولما طلعت والا اسمع اغنيه عن خوال العروس هم بعد حلوه واول مرا اسمعها


انا كنت ناويه احط المطيريه بس امس عقب الاغاني اللي حطوها بختار الكادي

 

[beren saat]

الله يوووفقها يارب

 

[(*ام عهــــد *)]

البنات ماقصرو
وانا عندي فساتين العروس البيضا او الاوف وايت مع الطرحه والراء
ولبسه ولى فيه بيع واجار
من البدوي ولبنان وشروق سالمين
وامريكا ولبنان والاسطوره والاسعااار مناسبه
والله يهنيكم يارب

 

[فرح دشتي]

مصوره شاديه رقمها 99391747 وايد حلوه واسعارها تهبلل لا تفوتك مكتب فوتو كلاسيك

 

[رواااااح]

حيااتي

الصاله تاخذونها مو اقل من 1000 دينااار

والدي جي عندج الكادي يهبل ب600 دينار

والمصوره عندي مصوره تهبل وشغلها فخم ب300 دينار

والنفنووف اخذيه من زياد انطوان شغله حلو واجاره ب600 دينار

وفي شركة تزين صالات الكوشه والتزين كله بالف وميتين دينار

 

[بنت ديرة الكويت]

الله يوفقك حياتى انا اتعامل مع المصورة سناء من زمان تصويرها راقي وعندها كوش روعه ومو غاليه اسعارها مناسبه اهى مكتبها بحولي 99497643

 

[! يكفيني انت !]

الله يوفقها
بس اذا العرس عليكم اهل المعرس شنو عليهم

والمهر بس 6 المفروض اكثر عشان يغطي المصاريف كلها


موفقه*

 

[قلبهـ 86]

الله يوفقهااا