فتة الحمص .. عجيبة لا تطوفكم

[سنابل]

السلام عليكم

قبل جم يوم اشتهيت الفتة و قعدت ادور طريقتها بالنت .. لقيت وحدة لذيذة عدلت عليها شوي و طلعت :eh_s(15): :eh_s(15):

المقادير تكفي 5 اشخاص ..

الصلصة ..

3 علب روب
3 ملاعق طحينة ( هردة )
2 ملعقة مايونيز
عصير ليمونة وحدة
فص ثوم مدقوق
ملعقة لبنة
فلفل و ملح حسب الرغبة

المقادير ..

علبة نخي ( او مقدار كوب من مال النخي )
حبة كبيرة باذنجان مقطع مكعبات صغيرة
جبتين الى 3 حبات طماطم كبار مقطع مكعبات صغيرة
كوب ذرة
شدة او اقل بقدونس
خبز مقطع مربعات و مقلي

الطريقة

تفتحين علبة النخي و تفرغينها كلها في جدر ( قدر ) و تحطينه عالنار لمدة نص ساعة عشان يلين شوي ( اللي تشتريه من مال النخي و الباجلا ما يحتاي تفووحه )

تقلين الخبز بعدين تقلين البيديان بعدين تقطعين الطماط و تفتحين علبة الذرة و تغسلينها شوي بماي فلتر

تغسلين شدة البقدونس و تقطعينها

تصفينهم حسب ما تبين بماعون البايركس المربع .. انا احط البيديان اول بعدين الطماط بعدين الذرة بعدين النخي بعدين البقدنس و تالي اصب فوقهم الصلصة و وقت التقديم انثر الخبز فوقهم عشان ما يذبل

و عليكم بالعافية :eh_s(7):

 

[جكورة]

تسلم إيدينج ياسنابل..

 

[LaSt WoMeN]

الله يا سناابل ..

مشكوورة عااد انا اموت عليها صج لذيذة ..

بس و لا مرة جربتها مع الذرة ! يتروالي بدونها أحلى

تسلم ايدينج ..​

 

[bnt q8 in usa]

صاجه احسها من دون الذره اطيب
تسلم ايدج باجر بجربهااا

 

[سنابل]

فلانة و بنت كويت في امريكا

انا عموما احب الذرة بالسلطة ، فحبيتها مع الفتة

حياكم الله

 

[اعييز]

تسلم هالايديات

 

[Suki_Candy]

شكراً لكي اختي الكريمه على هذا المشاركة

 

[جارة القمر]

سنابل


عليج بالعافيييييييييييه

حبيبتي

 

[DBDOB3 DES]

يسلمووووو عاد انا امووووووووت عليها​

 

[تفاخيه مبطوطه]

سنابل ابيج تسوينها لي لووو سمحتييييييييي :eh_s(22):

وتسلم ايييدج :eh_s(15):

 

[$$مذهلة$$]

تسلم ايدج شكلها لذييييييييييذة

يمي يمي

 

[عافك الخاطر]

السلام عليكم ورحمة الله وبركات ه شو نخي بالسعودي

 

[سنابل]

يا هلا بنات .. مشكورين على مروركم

تفاخية .. تآمرين امر

عافك الخاطر .. نخي يعني بليلة

 

[MISS LOLOCATY]

تسلمين