فاكهه تحلي الجنين انشاء الله

[um_yoyo]

للرفع

 

[روب و خيار]

اخاف طعمة مو شي
كل شي مفيد طعمة مو حلو و كل شي ضار طعمة اينن

 

[Om-Nasser]

والله لذيذ جربوه ماراح تندمون

بس اخذوا من مركز السلطان طاااااااااااااااااااااازه

 

[محد فاضي]

مرحبا ياحلوين اي انا امي بعد قالتلي عن السفرجل لنه يحلي
لانها كانت كله تعطي مرت اخوي بعيالها ال4 وماشالله عليهم حلوين وشقر بس لنا احنا حلوين بعد,,هههههاااااااي

وانا توني حامل صارلي 7 اسابيع وماكليت ريلي يقولي اختي كلت واااايد وعيالها عاديين

عاد انا قتله عيالي غييييييييير لووووول وصدقته بس الحين بقوله اييبلي من باجر عشان اكل منه لاني انا اللي موذاك الزود بالتفاح الحين قمت احبة واشتهيه بعد

 

[um_yoyo]

الله يتمم عليكم و يقومكم بالسلامه

 

[mrs_pilot]

السفرجل انا شريت من كارفور .. جنه تفاح اسفنجي .. ناشف اكثر من التفاحه ..
بس حلو مقبول يعني .. قطعيه صغار علشان تقدرين تبلعينه اشوي
وووواكلت منه بالرابع .. اهو الافضل بالثالث .. بس انا على ما لقيته .. الا وانا بالرابع عاد ما اكلت وايد .. بس حبتين .. وتقبلته حلو طعمه
وليلحين ما ولدت .. لما اولد .. اقولكم .. عن بنتي .. واكيد اذا طالعه علي بتكون حلوه من غير سفرجل هههههههههههه

الله يهدينا الصحه والعافيه يارب .. والذريه الصالحه .. والابناء المستقيمون البارون يارب

 

[senyora_q8]

خوش معلومة جزاك الله خير وانا سامعه عن التفاح الأخضر اختي جربته قبل وأثناء الحمل أول ثلاث أشهر والحمدالله بفضل الله طلعت بنتها جمياه

 

[mrs_pilot]

حبيبتي بس حبيت اسأل هو اسمه جذيه ماله اسم ثاني لان شكله جنه جوااافه (العرموط) ردي عليه بسرعه لاني باول شهر وابي اكله علشان اشوف النتيجه مع العلم والحمد لله ان عيالي حلوين وهذا الينقال عنهم بشهادت الجميع قولوااااماشاء الله

اسمه بالنجلش .; ( كوين)

 

[ريـما الشمـاليه]

بنات انا من حملت وانا ادور السفرجل مو لاقيته . والحين توني دقيت على مركز سلطان الفحيحيل ولقيته انا توني داخله الراااابع اول اسبوع ينفع؟.. وكل شي بأمر الله سبحانه

 

[opera]

انا اول ما حملتاختي قالتلي اكلي سفرجل (قالتلي عشان الياهل يصير ذكي .. ماقالتلي عشان يصير حلو ) رحت الجبره مع ريلي ونشتري سفرجل وقعدت كليت منه وغير جذي قريت سورت يوسف .. طبعا كنت مداومه على هالشي ...

انا بيضه وريلي ابيض .. انا اهلي شقر وعيون خضر .. وريلي عيونه عسليه ... طبعا ولدي شنو طلع ؟؟؟


اسمر وشعر مفلفل اسووود وعيونه بنيه ...

يعني حتى ما خذا من الجينات الي فيني ولا الي في ابوه ( الشقار ولون العيون والبياض )


مادري على منو طالع

 

[donutoo]

حسافة قريت هالمعلومة متأخر !!
لو ادري جان من اول يوم دريت فيه انه انا حامل بس انا الحين بالتاسع !!
يالله بروح اشتريه اليوم واجربه يمكن عل وعسى
واللي ايي من الله حياه الله المهم بصحة وعافية

 

[الشيخه فطامي]

مشكوره

 

[Lady^bird]

انا ببداية الراااابع ,, ينفع ولا لا ؟؟

بجرب وكل شي بيد الله سبحانه

 

[ذكرى الفراق]

انا تقريبا لي شهرين ونص الحق ولا لا؟

 

[versace]

ام يويو سكتني لاتحريني
ماخليت مكان مادورته وماحصلت هني بكندا
وصيت ريلي وموعارف شكله او منوين
قلتله روح مركز سلطان وقول لهم سفرجل بس الله يهداه عيزان
توني ببداية حمالي وخاطري اكل سفرجل
اكو فاكهه غير السفرجل تحلي الياهل ؟؟

حبيبتي رفيجتي تقول أن أختها يوم كانت حامل كانت كل يوم تقرا على التفاحه سورة يوسف وتاكلها عاد أنا شفت ولدها مزيون أبيض وأشقر أسم الله عليه

 

[ثلاثينية]

بعد تجربتي مع السفرجل
اكلته وانا حامل بالثالث واكلت تقريبا 4 حبات
وبصراحه ولدي طلع مشقر ومشوقر بس مو اشقر لووول حتي اختي كله تقولي اموت واعرف على منو اشقر
قلت لها على ابوه السفرجل باشا
والحين عمره 5 شهور الله يحفظه ومازال مشوقروشعره فاتح وحلو ( طالع على امه)

 

[DLOOL]

شكرااا

 

[ALSHD]

الله يتمم عليكم ويرزقكم بالذريه الصالحه

شوووقتووووني اكله

يعطييج العافيه عالموضضوووع

 

[nana loly]

دورته كل مكان ومالقيته


اللي تعرف وين تقولنا وتكسب فينا اجر>>>>>>>>>حدي تحمست
(مركز سلطان الفحيحيل جم رقمهم عشان مانتعنى)؟؟؟؟؟؟

 

[opera]

روحي الجبره متروووس هناك


بس اقولج انا اول ما حملت اختي قالتلي اكلي سفرجل (قالتلي عشان الياهل يصير ذكي .. ماقالتلي عشان يصير حلو ) رحت الجبره مع ريلي ونشتري سفرجل وقعدت كليت منه وغير جذي قريت سورت يوسف .. طبعا كنت مداومه على هالشي ...

انا بيضه وريلي ابيض .. انا اهلي شقر وعيون خضر .. وريلي عيونه عسليه ... طبعا ولدي شنو طلع ؟؟؟


اسمر وشعر مفلفل اسووود وعيونه بنيه ...

يعني حتى ما خذا من الجينات الي فيني ولا الي في ابوه ( الشقار ولون العيون والبياض )


مادري على منو طالع