فاكهه تحلي الجنين انشاء الله

[um_yoyo]

حياج الله

 

[قلبي ابيض]

ام يويو انا شريته بس طعمه ويييييييييييع استغفر الله

اذا عندج له طريقة شي قولي لي ياقلبي

ومشكورة

 

[منيرره]

بنات موصجكم اللي تقول طلع الياهل عيونه خضر وأبيض أكيد على أهلهم يعني السفرجل بيخليهم بيض لوووووووووووووووول والله محد يطلع إلا على أهله

 

[مشمشة رمانة]

والله حبيبتي اهوة طعمة جنة تفاح يابس نااشف مافية ماي واايد بس صحيحة هذي المعلومة انا الحمد الله اواضب علية في حملي والحمد الله عيالي حلوين .. يعطيج العافية ماقصرتي

 

[الحلا و الزين كله]

اب
الموضوع حلو وودي الكل يعرف
مشكوورة عالمعلومه

 

[.. Om Mr.7sN ..]

اي السفرجل معروف انا مسكين ريلي على حمالي يجبرني اكله مو بس علشان الياهل يطلع حلو لان له فوايد وااايد غير الجمال بس انا ما يعجبني طعمه واقعد 3 ايام على وحده هههههههههه

يعطيج العافيه عالكلام الحلو والمفيد

 

[um_yoyo]

ممكن اتسوونه مع سلطه فواكه

 

[نـــــور]

حبيبتى ام يويو صاجه و الله عن تجربة

على ولدى اكلته ماشاء اللله احسه تبارك الرحمن احلى من اخته مع انه البجر المفروض اكمل بس على بنتى اكلته بالشهور الاخيرة الا مكتمله

 

[رووح البنات]

السفرجل فاكهه تحلي الجنين باذن الله كثري منها بالاشهر الاولى و هالمعلومه من كتاب الطب النبوي
( لا ينطق من الهوى )


و لها فوايد وايد للجنين تخلي اخلاق حلوه و صبور

و عن تجربه الي تبي بيبي حلووو عليها بالسفرجل

هذي صورته و ينباع بمركز سلطان سيتي سنتر و اظن الجمعيات بعد




و الي امجربته خل تقولنا تجربتها :gathering:



وفي طب النبي (صلى الله عليه وآله) وأهل بيته الأطهار (عليهم السلام) وصفات مهمة للسفرجل، فعنه (صلى الله عليه وآله): (كلوا السفرجل وتهادوه بينكم، فإنه يجلو البصر ويثبت المودة في القلب وأطعموه حبالاكم فإنه يحسن أولادكم).

وعن الإمام الرضا (عليه السلام): (عليكم بالسفرجل فإنه يزيد في العقل).

وعن أمير المؤمنين (عليه السلام): (أكل السفرجل قوة للقلب الضعيف، ويطيب المعدة ويذكي الفؤاد ويشجع الجبان، ويحسن الولد).

وعنه أيضاً (عليه السلام): (أكل السفرجل يزيد في قوة الرجل ويذهب بضعفه).

وعنه كذلك (عليه السلام): (السفرجل قوة القلب، وحياة الفؤاد ويشجع الجبان).

وعن الصادق (عليه السلام): (من أكل السفرجل على الريق طاب ماؤه وحسن وجهه).

وعن الباقر (عليه السلام): (السفرجل يذهب بهمّ الحزين).

وعن رسول الله (صلى الله عليه وآله) ليكون به المبتدأ والختام، قال: (أكل السفرجل يذهب ظلمة البصر) وقال: (كلو السفرجل على الريق)

مشكورين على هالمعلومة يا بنات

 

[غلااااوي]

بناااااااااااااات مالقيته وين احصله يقولون مو موسمه؟؟؟

 

[نونو جاي بطريج]

حسافه لو سامعه فيه جان من زمان كليته بس انا الحين بدخل السابع توقعون يلحق ولا لا

 

[eman12]

ماقدرت اكل منه الا مره وحده
والله كريم المهم سلامه البيبي والجمال مو شئ مهم

 

[um_yoyo]

وايد بنات يدورونه ما يلاقونه يمكن في بمركز سلطان

 

[غلااااوي]

انا فريت مراكز سلطان كلها ماحصلته يقولون مو موسم هالفاكهه الحين؟؟؟

بنات بليز اللي اتلاقيه ادزلي عالخاص

 

[نور آلدنيآ]

مشكوره

 

[om^3zoooz]

انا يمكن اكلت منه بالشهر الثاني مادري الثالث بس ثلاث او ثنتين مر ماكملت بعدين بس توني ادري عن هالمعلومات وانا الحين بالسادس يصير آكله لما اولد أنشالله

عادي ولا ماكو فايده منه الحين :d

 

[um_yoyo]

اهوه له فوايد صحيه وااايد اكلي مو خسرانه شي

 

[Brown^_*suger]

انزين انا الحين بخلص شهري الرابع ينفع اخذه

 

[um_yoyo]

ما اظن

 

[قطرية*]

والله انا كليته ببنتي الاولى وكثرت منه ماشالله عليها غييييييييييير عن اخوانها باخلاقها وبجالها ربي يحفظها لي فديتها