فائدة التبخر بالكمون قبل الولادة

[um-sultan99]

هلا والله بأخواتي العزيزات
شلونكم ؟؟ انا بدخل شهري الإسبوع الجاي ان شاء الله
الله يهون الولادة علي وعلى كل الحوامل ... آميــــــــــن
حبيت اسألكم أحد جرب يتبخر قبل الولادة ؟؟ كثير ينصحوني اتبخر قبل اروح للمستشفى
وقريت ان التبخر بالكمون أفضل شي يفتح الرحم ويسهل الوضع .. وش رايكم ؟؟ بس مدري كمون مطحون والا وش ؟؟
ياليت تفيدوني ونستفيد جميعا ً
و إلا أتبخر بالبخور المكون من (رشاد - حبة سوداء - قشر بصل - كمون )...<<< ماخذه الوصفه من النت
و إلا أتبخر بكسرة عود ؟؟
أفيدوني ؟؟؟؟ :yaaaaaarb:
انا جهزت البابونج لوقت الولادة لأنه يحمي الطلق ومفعوله مثل الدارسين و الأخت اسمكي شربته وتمدحه بس افكر في مسألة التبخر الحين لأني عانيت جدا ً في البكر
انتظر ردودكم .. الله ينفعني واياكم


​

 

[ان شكينا بكينا]

انا بجر وللحين ماولدت وطفت شهري

واللي تبخررت ياليت تفييدنا

والله يسهل علينا يارب

 

[um-sultan99]

الله يعيننا واياك .. انا قالولي أخر اسبوع بالتاسع ابدي تبخري
بس انا اقصد في موضوعي التبخر إذا بدت علامات الولادة تظهر

 

[lailalaila]

و الله ما اعرف عمري ما جربت البخور قبل الولادة

 

[بمبرة]

حياتي:

اتوقع التبخر مو زين .. يمكن يأذي اليبيبي اذا دخل الرحم

وسالي خبيرة الاعشاب ام خالد​

 

[Q8NV]

بخور العود اييب الطلق ؟؟؟؟؟

 

[om MaRyooM]

ماعندي فكرة والله .. عيل شحقة داشة!!لوول قلت استفيد

الله يسهل علينا .. بس سوالف التبخير انا ماقتنع فيها والله
احسن شي شي تشربينه

 

[الزين عنزي والدلع سعودي]

ماادري يمدحون تتبخرين بالمرمريه(مراميه) ..

بنت عمي تتبخر فيه وتمدحه حيل ..

واليسر على الله ..

 

[مراسي الحب]

حبيبتي يمدحون شرب ورق التوت في الشهر التاسع لتسهيل عملية الولادة ... وعشبة كف مريم ... بس بصراحة ما أتعقد إن البخور بأي شي ممكن يسهل الولادة ... مع إني ما جربت ، وبالنسبة لورق التوت هذي مذكورة حتى في الكتب الأجنبية ...

 

[um-sultan99]

من وين اجيب ورق التوت يا اختي مراسي الحب ؟؟

 

[طــمــوحــي]

حبيبتي امي توها تقول نه يديتي كله تخليهم يتبخرون من تحت .. بس مو كمون
كانو يتبخرون يا بورق بصل ولا ورق شاي ... حتى في دايه(( دهانه)) صديقه يديتي قالت ورق الشاي او البصل

 

[haneen]

حبيبتي شك شك ..

اخاف مو زيـــن .. كلة بيووومة ..

ومتى ما الله كتب راح يطلع البيبي بأذن الله .,

والله يعينج .. صج تعب ..

ربي يهون عليج ياااااااااااااااارب

 

[um-sultan99]

اهلين ... اختي طموحي
شكرا عا لإفادة بس ماقلتي هل للتبخر بقشر البصل والا ورق الشاي فايدة بتسهيل الولادة ؟؟
ياليت تسألين وتفيديننا .. وجزاك الله ألف خير

 

[طــمــوحــي]

اهلين ... اختي طموحي
شكرا عا لإفادة بس ماقلتي هل للتبخر بقشر البصل والا ورق الشاي فايدة بتسهيل الولادة ؟؟
ياليت تسألين وتفيديننا .. وجزاك الله ألف خير

انشاءالله باجر اسألها لج و اتأكد بس اهيا ما قالت علشان تسهيل الولاده تقول لانه ساعات اينا طلق و ساعات من الغازات عبالنا طلق .. فالتبخير مقل يعلمج جان اذا فيج هوا طلعه و خف العوار جان فيج ولاده راح تولدين و الله يسهل علينا و عليج

 

[جذابه بنت ذيابه]

رد : فائدة التبخر بالكمون قبل الولادة

ودي اعرف من جرب البخووور ؟

 

[رمش الغلاااا]

هلا حبيبتي الله يهون عليج ويسهل ولادتج وجميع الحوامل بعد
بقولج قصتي أنا توني والدة بشهر 12
وما كو شي ما جربتة تبخل بكمون وبجاونية والخلطلة الي قلتي عنها
(رشاد - حبة سوداء - قشر بصل - كمون )...<<<
وشربت عشبة مريم ودارسين وزنجبيل وكل شي بس بلاا فائدة ما سوااا ولا شي
جربي شخسرانة ما فية مضرة لج ولا بالجنين
وعندي بنات خالتي اثنين تبخرووو بجاونية وبسرعة فتح معاهم الرحم وعلى طول ولادة
ورحم عن رحم يفرق
بس الي أعرفة مافي مضرة
وأتمنى فدتج حياتي
والله يسهل عليكم

 

[جذابه بنت ذيابه]

رد : فائدة التبخر بالكمون قبل الولادة

مشكوره رمش الغلا


ادعيلي

 

[الأميرة جوري]

رد : فائدة التبخر بالكمون قبل الولادة

اول مره اسمع بهالشي البخور قبل الولاده !!! ومنكم نستفيد

 

[أأأميرة الورد]

رد : فائدة التبخر بالكمون قبل الولادة

انا بصراحة قريت بالمنتدى عن التبخر بكمون حب ومره وجربته وبنفس الوقت كنت شاربة خروع
سبحان الله فتح الرحم معاي بس ماأدري هل من البخور؟ أو من شرب الخروع؟:080402ask_prv:​

 

[Ameera Sweet]

رد : فائدة التبخر بالكمون قبل الولادة

up up up​