ـــجـــــ<<طالبات الثانويه العامه منازل لسنه (2011/ 2012) ـــمـــع

[احلى ساروو]

موفقه انشالله ماعرف بالرابعه انا بالعاشره والله يوفق الجميع

 

[fsamn]

السلام عليكم بنات !! شدعوه ليش محد يرد حبيباتي الانقلس شسالفته انا حيل افهم له وشاطره فيه بس كتابي الحين موقادرا استوعبه انا بالمنطقه الرابعه اللي تعرف معهد تمام وخوش بالله تبلغني لان مابقا وقت ولله الحمد خلصت كورس اول وببلش كورس ثاني اليوم وعسا ربي يوفق العموم 

هلا عزيزتي

بالنسبه للانجليزي لازم تفتحين مخج عدل لان فيه كلمات طويله وصعبه واهي كلها مترادفات
لكلمات ثانيه يعني يعطونج الكلمه ويطلبون منج تطلعين مهناها بجمله
للاسف مدرستي مالت الانجليزي عطتني اوراق لمعاني الكلمات تقريبا كل درس
فيه من 35 الي 40 كلمه هاذي وين باحفظها كلها .. طبعا غير الفرنسي وكلماته
الله يعين بس ونطلع بنتيجه مشرفه ونتوفق ..

 

[fsamn]

فيه عندي طريقه حلوة للحفظ جربتها.. ونفعتني
بس هذي يبيلها وحده باديه الدراسه من زمان .. لكن ملحوقه باقي تقريبا شهر واكثر تقدرون تلحقون فيها

الطريقه اهي قراءه الكلمات او الاسئله واجاباتها سواء انجليزي او فرنسي او اي ماده ثانيه
كل يوم تقرونهم ومو شرط الحفظ .. الي ان يقرب الامتحان يعني قبله باسبوع تبتدون تحفظون وهذا راح يسهل الحفظ عليكم

بالنسبه لي خلصت كل المواد ما عدا الانجليزي والفرنسي تقريبا علي نهايتهم
وحفظت بالقران اول ال عمران وسوره الحشر كامله .. وبلشت بالمجادله .. بس بقالي شرح التجويد والادغام ..

والله يوفق الجميع

 

[fsamn]

بنات ديروا بالكم
درس المنطق بالفلسفه
صعب ويبيله مدرسه تشرحه ..

 

[*الهنوف*]

قوه بنات
ربي يوفقكم

بغيت اسالكم متي التسجيل للمنازل وهل يفرق عن المسائي بالتسجيل ولا كلهم مع بعض

ياليت تقولون لي ميزات المنازل
انا بنت ماعندي لا عيال ولا شي واداوم الصبح بس عندي وقت فراغ كبير وضايع بالملل

وطي اعيد الثنويه بس محتارع بين المسائي والمنازل

 

[يـ منيتي ـا]

بنات متى ايوزعون جدول الاختبارات ؟ منو راجعه المنطقه التعليميه انتبهو القران ودستور نمتحنه قبل الاختبارات ترى حيييل قرب وقته
عفيه فيدونا اللي راجعه المنطقه*

 

[fsamn]

قوه بنات
ربي يوفقكم

بغيت اسالكم متي التسجيل للمنازل وهل يفرق عن المسائي بالتسجيل ولا كلهم مع بعض

ياليت تقولون لي ميزات المنازل
انا بنت ماعندي لا عيال ولا شي واداوم الصبح بس عندي وقت فراغ كبير وضايع بالملل

وطي اعيد الثنويه بس محتارع بين المسائي والمنازل

تسجيل المنازل اعتقد انتهي
ولو ما انتهي فلازم تدفعين 60 دينار للتسجيل
مو مثلنا احنا دفعنا 30 دينار بس

المنازل حلو ومريح بس المشكله ان الامتحان اخر السنه بس يعني مافيه نظام الكورسين
بنمتحن بالكتاب كله الله يعينا ..

موفقه ان شاء الله

 

[fsamn]

بنات متى ايوزعون جدول الاختبارات ؟ منو راجعه المنطقه التعليميه انتبهو القران ودستور نمتحنه قبل الاختبارات ترى حيييل قرب وقته
عفيه فيدونا اللي راجعه المنطقه*

المنطقه التعليميه قالولي

اراجعهم يوم 12 / 5 علشان استلم رقم الجلوس واسم المدرسه الي بمتحن فيها

بس شنو سالفه القران والدستور ؟؟
الي اعرفه ان امتحانات المنازل مافيها قبل وبعد .. كله بيوم الامتحان ..

اتمني تفيدينا لان ما ندري عن هالمعلومه ..

 

[يـ منيتي ـا]

لا الدستور والقران نمتحنه قبل باجي المتحانات

ومتحاناتنا تبدي تاريخ ١٠/٦
واول امتخان فلسفه
بس مو اكيد الان وصلني بالببي وانا ما اثق بكل شي يقولونه
لكن القذان والدستور نمتحهنهم قبل
عفيه تاكدو من هالشي ومتى نمتحن

 

[الهوى]

صلاح الراشد كشف الوكيل المساعد للتعليم العام بوزارة التربية محمد الكندري، عن عزم وزارة التربية إضافة 15 دقيقة لامتحانات آخر العام في المواد الدراسية كافة، والتي ستنطلق خلال الأسابيع المقبلة في مختلف المراحل التعليمية، فيما ستتم إضافة نصف ساعة لطلبة صعوبات التعلم في جميع المواد الدراسية، لمنح الطلبة وقتا كافيا لقراءة الأسئلة. وقال الكندري في تصريح لـ «الكويتية» إن المناطق التعليمية بدأت استعداداتها لامتحانات آخر العام، وستوفر الاحتياجات كافة للمدارس، استعدادا للامتحانات، مؤكدا وجود خطة متكاملة لسيرها على أحسن وجه في الفترة المقبلة. وأشار إلى أن وزارة التربية حددت السادس من يونيو المقبل موعدا لامتحان مادة الدستور وحقوق الإنسان لطلبة المنازل لمدة ساعة وربع الساعة، فيما سيكون امتحان مادة القرآن الكريم في الخامس من يونيو في الوقت ذاته.

 

[الهوى]

بنات الدستور 6\6 والقران 5\6
بالتوفيق

 

[يـ منيتي ـا]

يمه قلبي مابقى شي
الله ايوفقنا جميعا

 

[sho-sho_93]

ماكو وقت للدراسة الله يستر بنات متى تاخذون الجداول حدي خاااايفه و احاتي

 

[الشفايف كرز]

السلاام عليكم و رحمة الله و بركاته ..


شلوونكم بنااات و شلون الدرااسةة معااكم !!


الله يووفقناا ان شااء الله ..


بااجي 31 يووم على الامتحانات
شدو حيلكم ..

 

[احلى ساروو]

ببكي ياربي مابقا وقت

 

[NOooOSHA]

الله يوفقنا يارررب ؛( ؛( مابقا وقت كلش ومن قلب يويلي ؛( اهملت وقتي وكنت دوم اقول بافي وقت والحين ببلش كورس ثاني توني بالله تهقون يمديني ! والكورس الاول كله ناسيته الله يسهل علينا يارب ؛( ؛( !

 

[احلى ساروو]

وينكم شصار عليكم الله يستر انا حدي خايفه مادرسه عدل كلش

وينكم يبنات الاحمدي

 

[انثى مخملية]

قووووووووووه بنات شلونكم
ها بشروا مستعدين حق الامتحانات انا ثاني عشر علمي
والله احس نفسي ضايعه ماعرف شلون ادرس او شلون ابلش ممكن تساعدوني
ومنو عندها ست بوك مترجمين تكفييييييييييين ساعدوني حدي ضايعه
وشنو الدروس اللي بالعربي

 

[احلى ساروو]

انا نفسج فديتج بس انا ادبي وحدي حدي من قلب خايفه

 

[يـ منيتي ـا]

قوه ياوحوش
هاااه جنه خق البطل
يالله همو نفوسكم
بقى اليوم بظبط 19 يوم