ـــجـــــ<<طالبات الثانويه العامه منازل لسنه (2011/ 2012) ـــمـــع

[May-Al]

انا خااااااااااايفة من الفرنسي صاير صعب

 

[احلى ساروو]

انا خااااااااااايفة من الفرنسي صاير صعب

اي والله حييل صعب

 

[دمع القلوب]

من صجكم متاخرين

توقعت مبجرين والله

اكثر شي كانو يشكوون منه بنات المنازل السنه اللي طافت هو الفلسفه

 

[احلى ساروو]

من صجكم متاخرين

توقعت مبجرين والله

اكثر شي كانو يشكوون منه بنات المنازل السنه اللي طافت هو الفلسفه

اي والله الفلسفه حده صعب الفتره الثانيه تقريبا 120 تعريف

 

[الجادل1984]

مرحبا بنوتااااات تكفون يابنات الجهرا وجنوب الجهرا خاااااصه ابي مراكز تقويه بمنطقتنا ضروووري يعطون تقويه حق 12 ادبي الكورسيييين انا سجلت منازل بس مابي مدرسات لاني باخذ اكثر من حصه ودراسه مكثفه يوميه انطر ردكم ترى مالي غيركم

 

[احلى ساروو]

ياربي والله حدي خاايفه دمع القلوب فديتج دقيتي ع مدرسة الاحصاء ولا لا

 

[دمع القلوب]

لا والله للحين

اسكتي انا خفت بعد من سمعت عن نسبة السقوط وان الامتياز ماخذين بال70

شلون بننجح الا اذا في مساعده

والله حرام لازم يساعدونا والا بنفشل فشل ذريع 

 

[احلى ساروو]

لا والله للحين

اسكتي انا خفت بعد من سمعت عن نسبة السقوط وان الامتياز ماخذين بال70

شلون بننجح الا اذا في مساعده

والله حرام لازم يساعدونا والا بنفشل فشل ذريع 

اي والله الله يعييين انا بدخل تقويه اول باول موجوده بالفنطاس شرايج انا وياج ندخلها

 

[دمع القلوب]

تقوية شنو

ووين بالفنطاس

 

[احلى ساروو]

تقوية شنو

ووين بالفنطاس

تقويه كل المواد شفتي شارعالمطاعم بعد مطعم كبوريا في لفه تلفين تلقين مكتبه علاء الدين جداامه التقويه اسمها القمه الدور الاولل

 

[الشفايف كرز]

,


صبآح آلخيييير ,
شلونكم ان شاء الله تماام ؟

انا علمي و حدي خآيفة لي آلحين مآدرست شي ,

 

[دمع القلوب]

والله للحين احلا سارو

انا مفكره اجيب مدرسات لخمس مواد

والباقي بعتمد ع نفسي وكلها تجربه تصيب والا تخيب

 

[دمع القلوب]

الشفايف كرز هلا وغلا فيج

عاد العلمي اصعب بواجد من الادبي

انتي اتكلي على الله وابدي دراسه وجيبي مدرسات للمواد اللي تحسين صعبه

وان شاء الله سهالات

 

[دمع القلوب]

بنات كل وحده تقول جم عمرهااا

احلا سارو انتي كنتي مقدمه ثالثه ثانوي منازل والا بس رابعه

 

[احلى ساروو]

بنات كل وحده تقول جم عمرهااا

احلا سارو انتي كنتي مقدمه ثالثه ثانوي منازل والا بس رابعه

عمري 21

وانتي كم ؟!؟


انا كنت بعاشر وحادي عشر منازل بس يساعدون ع حسب المدرسات والمدرسه اللي انتي فيها

 

[دمع القلوب]

انا ٢٦ واول مره اقدم منازل ومتوترررره حدي

 

[الشفايف كرز]

،


اي ان شاء الله ببدا درااسة .. و ان شاء الله سهالات : )

انا عمري ١٩ طلعت من الثانوي لظروف و الحين بعيدها منازل ،

ربي يوفقنا و نجيب احلا نسب ؛)

 

[يـ منيتي ـا]

اللهم امين
امبيه حدي خايفه من هالنسب
بنفس الوقت اقول خيره لنا عشان ايساعطونا بالكورس الثاني ويزيدون لنا لجان رئفه احنا وصباحي
عشان يرفعون نسب السقوك ولا انتو شرايكم
انا اول سنه اعيد رابعه منازل ومتوتره بس تبدا الدوامات اببلش مدراسات )احصاء وفرنسي وعربي وانقلش بس تراجعلي ع القواعد
والله لو يجي منو ويقولي بتسقطين لا تدرسين ابدرس وابحفظ واللي كاتبه لي ربي بيصير وانا راضيه فيه
وعدي لمي ابنفذه وماراح اخلي السقوط اللي نسمع عنه اياثر علي ولا عليكم
<<<< نبيها حمااااس لاتيئسون بالعكس تفائلو الكورس الثاني بيصير ارحم

انا عمري 23
و بصباح السالم منو معاي ؟!؟!؟!؟

 

[يـ منيتي ـا]

يا منيتي هلا وغلا

شنو معاصر ؟؟ يمكن قصدج التاريخ صح

انا بعد ادبي

شنو مذكراتج وتحسين تنفع والا لا

وشلون بنعرف الايات المقرر حفظها بالقرآن

حياتي سوري ع التاخير
انا جت مذكرات المدرسين الاوائل نفس مذكرات حنين بظبط اللهم مغيرين الاسماء
واااااايد حلوين انا حدي استانست عليهم شفت اكثر من مذكذه بس هذيل اللي حسيتهم قريب حق تلخيصي
انا افتح الكتاب واخطط ولمن جيت الخص فتخت المذكرات وقمت اخذ الاسئله الي مانتبهت عليهم او السؤال
اللي له اكثر من اسلوب بطرح عرفتي
والفلسفه الغثييييثه
ماقدرت اطلع سؤالين ع بعض بسبع المذاهب
بس لما فتحت المذكره حسيت اني فهمت منها اكثر من الكتاب الانهم حاطين السؤال واجابه
اما الكتاب حق التعقيد والهذره البايخه ف مالخصته خذته من المذكره

 

[يـ منيتي ـا]

القران هذيل الايات الحفظ


القران*

ال عمران من ١٢١ - ١٤٠

الحشر*
المجادله*
كاملين

انا كاتبتهم بالايباد قلت اببدى ان شالله حفظهم
يعني وانا انطر صلاه الفجر اسمعهم واحاول احفظ ال عمران بس صفحتين ترا
او قبل لا انام المهم ابحفظهم
الدستور يمكن بس حفظت ٢٠ سؤال وابشركم نسيتهم هههههه
ابحطلي جدول بذن الله من باجر اذا الله احياني
حق حفظ المواد