ـآخو زوجي يقول لآ تسولفين ...

[ام كوشه منكووشه]

رد : ـآخو زوجي يقول لآ تسولفين ...

مسكينه تلقين بخاطرها تطلع وتتمشى مع ريلها او تشتري شي لنفسها وريلها مو مهتم فيها ولا ملقيها باال ف اهيا حبت تاثر عليه وتغيره بانها تقارنه باخوه او وضعج ووضعها

ماعليه قلبي خلج انتى الاكبر والاعقل ولا تسولفين باللى تسوينه جدامها

 

[بدون نيم]

ماعليج منه زوجج المفروض يوقفه عند حده يعني تسكتين مثلا
ولا زوجته تقوم اذا هي تنقهر
وين احنا بروضه ؟؟؟

 

[حبـ admant ـك]

ليش تكرهينها
البنيه جافت انج تسوين اشيا عاديه واهيا ممنوعه عنها
ف شكلها قالت لزوجها ومارضه قالت له فلان يرضى لزوجته تاخذ هالشي
وشي طبيعي كل وحده تتمنى يكون عندها نفس الثانيه واكثر

 

[مناير ...!]

رد : ـآخو زوجي يقول لآ تسولفين ...

ريلها الجاهل مو اهيا
اهيا تسولف معاه واهوا الملقوف الي نقل الكلام

 

[أأأحبه]

حماك قالها من حنة زوجته بس الزوجه راح تكون معذورة اذا هو مقصر معاها
وتسمعك تسولفين جاب وراح وسوا يعني غصب بتنقهر ,,
بس اذا ماكان مقصر معناه انها غيورة !

بس انتي الى عليك تخلي الاشياء الى بينك وبين زوجك بينكم انتم ,,, علشان الحسد لأن مرات الحسد والعين تجي من اقرب الناس
وبدون قصد ^^

 

[eli87]

رد: رد : ـآخو زوجي يقول لآ تسولفين ...

مسكينه تلقين بخاطرها تطلع وتتمشى مع ريلها او تشتري شي لنفسها وريلها مو مهتم فيها ولا ملقيها باال ف اهيا حبت تاثر عليه وتغيره بانها تقارنه باخوه او وضعج ووضعها

ماعليه قلبي خلج انتى الاكبر والاعقل ولا تسولفين باللى تسوينه جدامها

انا اوافق على كلامها حرام لاتقولين لها شي اهي تفكيرها نفس ياهال واكيد مأذيه ريلها وتقارن نفسها فيج انا اخوى مايخلينا نقعد مع زوجته وايد يقول انتو اتعلمونها

وين اتروح تتسوق واهى اتأذيني كل يوم تبي اتروح مكان انا وخواتي بعد مانقول شى جدامها اهى مو من الكويت وتبي تتعلم كل شى منا واحنا انشوفها نفس اختنا كنا انقول لها وين تروح حق اى شى تحتاج بس شفنا اخوى مايرضى ويعصب !!! عقبه بعد مانعطي ويه ههههه

 

[فنكيه]

لا تقولين لها شي

 

[أميره الـ غ ـيد]

ليش تكرهينها
البنيه جافت انج تسوين اشيا عاديه واهيا ممنوعه عنها
ف شكلها قالت لزوجها ومارضه قالت له فلان يرضى لزوجته تاخذ هالشي
وشي طبيعي كل وحده تتمنى يكون عندها نفس الثانيه واكثر

‘،

ماآكرهها صج كرهت الاسلوب

وكرهت الوقت والنقاش اللي دخلته مع زوجي عشانهاا تنرفزت بس :eh_s(2):

وبعدبن انا مو مقتنعه اني اسكت عشانها اهي وزوجهاا

بس لاتحاتوون من اليؤم ورايح بغير اسلووبي واعاملهم برسميه.. مالت عليها وعلى زوجهاا

،‘

 

[أميره الـ غ ـيد]

ماعليج منه زوجج المفروض يوقفه عند حده يعني تسكتين مثلا
ولا زوجته تقوم اذا هي تنقهر
وين احنا بروضه ؟؟؟

‘،

وربي نقدت عليها حركات اطفال . .مو وحده ام عيال


،‘

 

[بنت الفوزان]

رد : ـآخو زوجي يقول لآ تسولفين ...

انا اقول لا تكلمينها اصلا الناس ما تعطي خير

 

[الـــغـــلآ]

لا تصيبج عين منهآ أو من غيرهآ و هذآك الوقت تندمين وتقولين يآ ليت و يآ ليت

مدآمج مرتآحه مع زوجج احمدي ربج و اشكريه و لآ تسولفين

 

[!الجادل الصعب!]

خل يستريح حمآج .. يآ سلآم يعني تقولين آنا تعيسه ومحكوره عشآن ترتآح نفسيتها ..
واذا هو مو قآدر يمسك مرته هالشي مو ذنبج ..
حلوه هذي سكت مرتك .. عبآلي حآشه فيهم .. سآبتهم ..!
بعدين منو هالوقت مآيروح ويجي ويشتري الحمدلله الدنيآ بخير ..!
تخلف ..!
آما زوجته طنشيهآ حبيبتي ولآ تنآقشينها لآنها هي مآتكلمت معآج .. يمكن قآلت له شوف آخوك مدلع مرته ..
وهالشي مو غلط ..!

 

[نـعـومـه]

رد : رد: ـآخو زوجي يقول لآ تسولفين ...

ياحرام يمكن اذا قالت لزوجها ابي اشري ولا نبي نطلع يرفض ومناشبته تقوله شوف فلان اخوك يودي زوجته مو مثلك ف انفجر الرجااال وقال لزوجك سكتها هههه الله يعين خلاااص انتي لاتسولفين قدامها

نفس رايها بضبط

 

[كويتية نايس]

رد : ـآخو زوجي يقول لآ تسولفين ...

خلاص لاتسولفين جدامها وبعدين ترا الحريم يعطون عين المفروض مو ايشيء تقولينا

 

[ام شووووق]

رد : ـآخو زوجي يقول لآ تسولفين ...

طنشي

 

[بنت اكابر]

ليش مايقدر عليها يمسكها جااي عليج
يعني باجر حمااج بيقعد يدق على ازواج رفايجها اللي بالدوام وازواج خواتها بس عشان يسكتون حريمهم لان مرته مجننته

يباا اذا مو قادر يمسكها او يوقفها عند حده او يسيطر عاى طلباتهاا لا يقعد يدخل خلق الله بالسالفة

العيب مو فيج كلنا نسوولف وشي عادي
العيب فيهم مو متفاهمين وعلى حساابج

 

[♥ ݤليے ﻁﻔووله ♥]

رد : رد: ـآخو زوجي يقول لآ تسولفين ...

احس اهيا مالها شغل تروحين لهاآ .. اهي بس كانت تبي ريلها يسويلها مثل ريلج
بس انتي لاتكلمين ترا يمكن تفز وهي مو قاصده تحسدج ..

موفقه|~

 

[ألمـاااس]

رد : رد: ـآخو زوجي يقول لآ تسولفين ...

فديتج لاتسولفين مثل هالسوالف اللي تبطل العيون عليج

دامج مرتاحه لاتجيبين طاري شريت وسويت حتى مايحسدونج

العين حق ،،،

عدل كلامها

 

[صمت المرافئ]

رد : ـآخو زوجي يقول لآ تسولفين ...

انت أهم شي طيعي ريلج
واحتراما لحماج ... لا تتكلمين جدام مرته
ترى أعرف حريم وايد حصلت معاهم نفس السالفة
والحل ... الصمت ...
اشتري راحتج ... إذا مرة حماج موجوده
سولفي سوالف عامة
لا تقولين ... رحت ... شريت ... سويت ...
إذا انت وخالتج بس اخذي راحتج بالكلام ...
ما أقول إلا عسى الله يكبر مخ مرة حماج
والله يعينج ...​

 

[_ظل الياسمين _]

شكله بخيل وابتلش بمرته..عالعموم دارى على شمعتك تقيد.