غًّــُِـَِّـًُرًَِّآإُم أٌمَِـَِـِّوًؤُآَإِت ~ بقِلمــــ:MaHa Almulla ـــــــــــ ‏

[miss 3yara]

اخوي جراح؟؟

جراح: اي نعم منو معااي؟؟

....: معاك العلاقات بمستشفى الاميري..حبيت ابلغك اخوك فراس سووه حادث واهو موجود عندنا..

اخوك فراس سووه حاادث


واهو موجود عندناااااااا

واهوو موجود عندنااااااااا

============================================


كانت حاطه طرف اللحاف بحلجها واهي تطبق عليه اسنانها بقوه ...دموعها تقطر على خدهااااا..وفيسها انقلب للون الاحمر..

وتعاود الاتصال..

بس الجهاز مغلق..

او خارج منطقة التغطيه...


لينا: صلي ع النبي...اكيد امخلص شحنه او الشبكه فيها شي..او يمكن نازل بسرداب مافيه سيرفس


ماكانت ترد على احد

مجرد ما ان دموعها دمرت هالملامح

واهي داخله بحاله غريبه من الصمت

احساس داخلي يمزقهاااا

فراس رد

تكفه رد

=================================================


تقدم بخطوات سريعه ...بخشمه المحمر بسبة البجي اللي بجاااااه..

دخل الممرات المتشابهه في كل مكان بالعالم...( ممرات المستشفيات...)

بألوانها وتصاميمها الموحده..

وناس تدخل وناس تطللللع

وبباله شي واحد بس

اخوه فرااس

قلبه يدق بقوه لدرجه انة فقد السيطره على روحه

وسرعة الايض عنده ازدادت وبدت ايده ترجف ويفقد جسمه تماسكه


الدكتور: لازم تدخل عليك ...طالبك بالأسم

جراح: قووولي بالضبط اخووووي شفيييييييييه

الدكتور: يا سستر...اخذيه ..اخذيه لأخوه بسررعه

جراح: فهمنيييييي شفيه

الدكتور: ادخل عليه الحييين بعدين افهمك

ابواب تنفتح وترتد ..

وممرات باللون الابيض..

غرف

ارقام

سسترات

دكتاره

الروب الابيض

و

الغرفه اللي موجود فيها فرااس

=================================================

ردت من الثنويه وقطت جنطتها على السرير..

فتحت شعرها اللي انسكب على جتووفها.

شوق اختها كانت يمها..

البيت كان امنور بالنسبه لها

الكويت كلها راح تنور اليوم

بوصول ضاري

آآه ياضااري..

سحبت الفوطه ودخلت تاخذ احلى شااااور..

وتستعد حق هاللقاء

حلوه كلمة اللقاء

وايد حلوه صح؟؟

لا اكلم القارئ خلونا من الروايه شوي

شرايكم بكلمة اللقاء؟؟

لها حلاوه خاصه صح؟؟

هذا شعووور مريم

الماي

بعد العطش

تسمع صوت الماي

لكنها بعدها


ما ارتوت

============================================

 

[miss 3yara]

الذهول مازال امسيطر عليهااااا

دخلت البيت وبيدها سويج سيارتهاا

واهي امعلقه جنطتها السبورت على جتفهااااا..

مشاري طليق بدور تزوج وياب ولد و ولده الحين عمره 6 سنوات..السنين طارت طير..

مشاري النائب

اللي مايهده شي

شخصيه عجيبه

شخصيه متماسكه لحد الانهيار

ضخم بمكانته بالمجتمع

سفراته ...اجتماعاته...عشياته..

شخطة قلم منه تغير الكثير ..بهالمجتمع

صج الناس شخصيات

انا مو اكثر من سباحه ولاعبة تكواندووو بهالمجتمع ..ومؤخرا" معلمه ..لا تهش ولا تنش لوول

وناس بشخطة حبر...تقرر مصير امم

تفكيرها كان مشحووون

تفكر وايد

وايد


وايقضتها الوالده ..

اقصد

ريحة طباخ الوالده..

================================================


اجهزه

لويه

خطوط خضراء
اخرى زرقاء

اشعه

سرير مرتفع

كل ماحوله ابيض

وايرات

طوط طوط

مسك ايد اخوووووه واهو لأول مره يحس نفسه مكسوووووووووووووووووووور

وضعيييييف

نصه الثاني بحاله يرثى لهااااا


نصه الثاني يحتضررررررررر

طافت في مخيلته مواقفهم مع بعض

يوم كانوا بالابتدائي...ثانيه ابتدائي

[جراح: تكفه فروس بدل بالمكان بحصة الرياضيات

فراس: اخاف يصيدونا جرووح

جراح: تكفه والله ما اعرف اجاوب وهالأبله ام رقبه تسألنيييي كل يوم

فراس: خلاص جراح تعال مكااني]


انهمرت دموووعه واهو ماسك كف اخووه بقووه.....واهوو يتذكر شطانته وهدوء فراس..

لعانته وطيبة قلب فراس..

عصبيته..وبرود فراس..

استهتاره ..وتكانة فرااس...

مسك كفه بقووووووووووووووووووووووووووووه...


فراس ابتسم لأخوه : ج راح

جراح: سم يالغالي..

فراس: انا بخير..

جراح: انت بخير انشالله وراح تطلع من هنييي وتصير احسن من قبل

فراس: اسمعني جراح...اذا ماقمت

جراح( صرخ): رااااااااح تقووم

فراس: اذا ماقمت ياجراح...ابيك تحلفلي الحين

جراح: احلفلك بشنوو

فراس: تاخذ ترف

جراح ( اتسعت حدقة عيووووونه ): فراااس انت شتقوووووووووول

فراس: اسمعني..اسكت واسمعني( كان يحس بألم يمزززقه ....)

جراح: ترف محد راح ياخذها غيرك

فراس: اخذ اسمي واخذها..انت فاهمني ..فاهمني جراح

جراح: فراااااااس ( بداا يون ويصرخ)...لا..لا تقوول هالحجييييي

فراس: حبها...جراح ..حبهاا..






حبهااآ




حبهاااآ
ــــــــــــــــــــــــــــــــــــــــــــــــــ
كانت تفرك ريشة الأي شدوو..باللون الزهري..

وتقرب الريشه من جفنها وتمزج الألوان..

شوق: خلصييييينا مريوم

مريم: كلمتي محبوب ( السايق)

شوق: اي كلمته...لا تكثرين جذي امي بتشك

مريم: خلاص انزززين...( سحبت الدبايس وبدت تشك كل دبوس بمكان معين بشيلتها البنيه....)

شوق تمت واقفه متخصره تنطر اختها تخلص ..وتتأفأف..واهي لابسه بلوزه سوده طويله..وشيله..ومو حاطه ولا شي بويهها وحدها مالها خلق..وقايليين لأمهم انهم بيروحون المكتبه....واضبطييين امورهم وخالصيين


بعد دقايق ..رشت عطرر على لبسهااا...ولبست ساعه جوفيال سلف من الوالده..

===============================================


الساعه 2 الظهر...جراح طلع من غرفة اخوووه متحطم..

وستين ألف فكره تدور براسه

ما اقدر يا فراس ما اقدرر..

مااااااااااااااااااا اقدر...

صار يتنفس بقوه..واهووو يمشي بخطوات متشتته ...الكل صار يطالعه....كان بحاله يرثى لهاااا..

حاس بغصه وشي كبيييييييير كاتم انفاسه..

وبآخر الممر واجه ابـــوه ...محمد...إللي تلقى الخبر من العلاقات ...ويه مسررررع..

محمد: جراح....جراح شفيه فراس...تحج قوووول

جراح( دمعه مزقت هدب عينه كلام اخوه فراس كااان ينعاد في ذهنه..حبها

حبهااا...فرااااس شقاعد يقووووووول ...فراس راح يقوم على ريله ..فراس محد راح ياخذ ترف غيررررره...فراس اخوي يموت ...لأ مايمووووت...


محمد ( مسك جراح بقوه من ايده): تحج ردددد علييييييييييي قووولي


جراح ابعد ايد ابووه عنه وقعد ع الارض...أنسكب كأنه سااااائل..


الرؤيه غير واضحه



الصوت بداا يختفيي..

الصور بدت تتداخل ببعضهاا

دار

دار

وفقد الوعي...




===============================================

 

[miss 3yara]

سفط محبوب سيااارته امام مطار الكويت الدولي الساعه 3 العصررر..

واسرعت مريم واهي تعلق جنطتها على جتفهااا..بربريز ....

رفعت نظرتها فووق واهي تطالع المطار..وقلبها يدق بقووووه

شوق: خلصييييينا والله خايفه احد يشوووفناااا

مريم بدت تتوتر ...حست بإيدها بدت تعرق...ونبضات قلبها تزداد..

صارت تحس بأن ساقها مرسووووم..الأرض كأنها تمتص خطواتها..

اصبحت فجأه خطوااااتها ثقيلللللللللللله....وكأنه هبوط بالضغط...


حاولت ترفع ايدها تعدل شيلتها( حجابها = ملفعها = شيله)..لكنها لاحظت وسط خطوط كفهااااا قطرات العرق تتجمع....بغزاره..

فجأه حست ان الجو بدا يزداد حراااره...

وخدودها بدت تحمر ..

مشت بخطوااااااات تصررررررخ..

خطواتها كلها كانت تنااادي

خلاص

ما بقى من البعد

الا خطوة بعد

~وألتقي بعمري~



مابقى من البعد

إلا خطوة بعد

~وألتقي بعمرررري..~


مابقى من البعد

إلا


خطوة

خطوة

بُعد.....

=================================================
مُحبه للمظاهر....
إلى حد اهمال المشاعر..

تنظر إلى الحب..والغزل...واشباع العاطفه..على انه ضياع وقت..

تأمن بأن الحياااااة تقف على المصالح...

مبدأها بالحياة يصررررررخ..نافق تعيش...جامل الناس تنحب..بيع الضمير

~بيع الضمير..~


مو ضروري تعيش مرتاحه بقدر ما انه يهمها يقولون الناس لبست

سافرت..

عندها...


انسانه متعبه إلى حد لا يصدق جعلها ترتبط بأكثر من رجل...



[بدوووووور..]

ردت سيارتها وسفطتها جدام بيت امها بالمنصووريه...بي أم لونها اسود...

نزلت بالتريننق الرمادي..واهي رافعه شعرها فوووق...تغطي ملامحها بنظاره كارتير..


علقت جنطتها بكل كبرياء على ايدها...ونزلت واهي تسحب السويج ..


دخلت البيت ..واهي تدري انه وقت قيلولة اهله..

لكنها تدري ان امها ماتقيل..وهذا طبعها..


فتحت الباب اللي اصدر صووووت مزعج نتيجة فخامة البيت...واصدر صدى عاااالي...ارتطم الباب بقوه واهي تنااادي ..


بدور: يا اهل البيت

مشاعل: تعالي يمه....كاني هني

بدور: هو ماشفتج شتسووووين بريحاتج ( كلامها كويتي قدييييم ..وتبالغ واهي تتحجى إلى حد يلوع جبد السامع..)


مشاعل: هلا يمه ..بعد شسوي...العيال حزة نومهم ..( قربت منها تبوسها...)....شاييبج هالحزه..


بدور: ابد يمه طلعت من النااادي امبجررر قلت امر اشووفج ادري فيج هالحزه تحوسين بريحاااتج


مشاعل: زين سويتي وشفنااااج


بدور: إلا وين وحش


مشاعل: ردت من المدرسه داايخه تلقينها صعدت تنااااام


بدور:هو شتطالعين يمه هاذي سوالفج هههههههههههه


مشاعل: شنسوي بعد اخر عمرنا قمنا نشوف مسلسلات تركيه ماعندنا شي نسوويه


بدور: يمه انتي توج شباب شرايج اشركج بالنادي اللي اروحله لا وعلى حسابي


مشاعل: ويييييه فيني حيل انا حق نادي ..خليني جذيي ابيييييييتي مرتاحه ..وانتي ليلحين امكدشه هالريل وصرررررف بمعاشه خافي ربج يايمه


بدور: يمه جم مره الواحد بيعيييييش يعنيي...


مشاعل: اقوول ترا عماد مو مثل الأولاني..قضبي هالريل لا والله يا بدور ماتلقين من يضفج باجر


بدور: بلعنه انشالله اللي مايبيني ما ابيه ما ابي منة احد ..وانا عندي شهاده تعيشني


مشاعل: اي بشوف شهادتج شنو بتييييب لج باجر


بدور: يمه انتي شفييييج علي اليوم شلج بالحجي اللي يضيق الخلق..دام ان عندي خليني اتمتع


مشاعل: انا ماني متحجيه زززين..


بعد دقاااايق..نزلت وحش ببنطرون امخطط وتي شيرت كابا...وشكلها معتفس وامبين دايخه...

كانت تتثاوب واهي نازله


وحش: هااا شاييبج


بدور: يايه حق اميييي ..شمقعدج من نومج ردي غرفتج


وحش: البراده اللي فوق مافيها ماااااي وناسيه آكل الكرياتين ( نوع من انوع حبوب البروتين..)


بدور ( قعدت تتأفأف)

وحش: ومره وحده سمعت صوتج يلعلع قلت اقوولج شصار معاي اليوم


بدور: سوالف تغث لا تقوووولينها ..بروحها الوالده مو امقصره معاي اليوم


وحش: شااارلي ييييبيلي قلاص مااي...(فركت راسها وقعدت ومددت ريلها على الطاوله اللي جدامها)...قولي اليوم منو شفت

بدور بإهتمام)..منو؟؟؟

وحش: ولد مشاري..

بدور: مشاااري؟؟؟مشاري ريلي سابقا"..؟


وحش: اي خخخخخخخخخخخخخخخخخ


بدور: مشاري عنده ولد؟؟؟؟

وحش: اي حبيبتي مشاري عنده ولد وبالابتدائي...يعني الخلل فيج

بدور( قامت وقفت): شقصدج انتي

مشاعل ( اتسعت حدقة عيونها)..

وحش: قصدي ان العيب مو بالريال ..كاهو ياب صبي وعمره الحين 6 سنوات....العيب فييييج...(تشد على الكلمه بقوه)


مشاعل: لااااا بنتي مافيها شي ...وتوها صغيره..باجر تيييب 10


وحش( واهي تتثاوب): قصوا على روحكم قصوااااا


بدور( بصوت عالي): وانتي شتبييين الحين


وحش: لا ابد...سلامة قلبج...قلت اقولج مره وحده ريلج حطيه بكرتون وحافظي عليه لا والله يشفط علييييج بروحج مو يايبتله عيال تتفلسفين بعد...


وقامت وحش من مكاااانهااا...واهي تحرك ايدها وتضحك...

بدور غلى الدم بعرووقهااا...

مشاري


كانت تحبه..

فلسفتها الزايده خلتها تخسره..تخسر العز اللي كانت فيه..تخسر كل شي.......

مشاري عنده ولد....

متىىى


وانا اللي كانت توصل لي اخباره اول بأول..

وحش ايقظت ببدور جرح كبير ومشت عنها..ماكنت تدري انها صحت بعقل بدور الذكرياااات..


صحت هالألم....وشفطت عليها ومشت...


=============================================

 

[miss 3yara]

خلج امركزه على الشاشه اللي فوووق..

معناته في تأخير ساعتيييين

مريم: شلوووون شنسووي الحين شوووق

شوق: نرد البيت ياحلوه...ولا في احد يروح المكتبه يقعد فيها سااعتيييييين؟؟

مريم: تكفين شووق..تكفين..دقي عليها قوليلها بنروح بيت مي ..تكفييييين

شوق: انا مت وانا أألف لج...هاااج الفون دقي كلميها انتي...

==============================================
في كلية التربيه الاساسيه...


اووف محاضره الساعه 4.....

ليش ليش ليش

ليش انا هني

ليش احنااا ندرس

ليش انا هني شسووي

شحادني شحادني

داليا: لا تتحطلمييين بس تكفيييييييين صنيتي رااسي

روان: برد البيت ابي آآكل ابي انااام ابي اتسبح اووف ززين

داليا: كلمه ثانيه وبهفج بالنوت اللي بيدي بروحه حرر ومالي خلق قرقه

روان: الله ياخذ الدكتور انشالله

تينا: آمين يارب العالمين الخايس الوصخ الهيلقي

روان: واي واي وااااااااااااااااااااااااااي ببجي ببجي ( تطق بريلها على الأرض...)وانتي شفيج بعد ماااده البوز

ترف: روانوو سكتي عاد صج اليوم مالي خلق احد

تينا: خليها امداومه ويهها اصفر وباجيه مادري منو ميت عندهم

ترف: بنات سكتوا عني بليز

داليا: اوش اوش خلوها خلوهاا..

حاطه الفون على فخوذها واهي تدق........ليلحين جهازه امسكرررررر

تحاول تقص على روحهاا

اي
اكيد اكيد عنده شغل

اكييييييييد
صح صح مثل ذاك اليوم لما كنت ادق ولقيته امسكر صح صح

تقص على روحها ولو ان اللي بقلبها كان يقول شي ثاني

ناغزها قلبها بقوه..

فراس فيه شي

والله فيه شي


==============================================يماااااااه والله ماراح نتأخر عطينا ساعه بس

اووف يماااااااااه قاعده انقل منهاااااا اشياء

خلاص يمه لا تحاتييين محبوب ينطرنا بره

اي يماااه اي..

( تلعب بعيونها وتأفأف..امها كثرت اسأله..)..انشااااااااااااااااالله يمااااه

خلاص انشاالله..اي هاااج شووق

شوق: نعم يمااااااااااه..

اي

اي

اي خلاص انشالله

قلت خلاص انشاالله

اي اي

يلا يماااه بااااي

وتصكه

شوق: اووووووف مابغت تصكه

مريم: سكته وخلاص...خلينا انركز الحين ..

شوق..

هذيل نازلين من نفس الطياره( مسكت ايد اختها بقوه..)

اي هذيل معاه بنفس الرحله..

وينزلون ركاااب اعدادهم قليله من جنسيات مختلفه

بأشكال مختلفه

ماكانت امركزه فاقده كل تركيزها

بس واحد من اللي طاف كان سوداني بعمامه كبيييييره ركز بمخهااا لأنه مختلف شوي..


انفتح الباب..

واندفعت منه العربانه فيها الجناااط..

كاان يسحب الهاند باااق..




ضاري..



اي ضااري..

بعد كل هالسنين..

ضاري على ارض الكوووويت..


ماعادت تسمع صوت دقات قلبها..خلاص

حست بأنها راح تنهار من الفرحه..ماتحس بإيدها

ماتحس بريولهاا..وحست بهدوء فجأه


لابس قميص ازرق امجفس الجموووم...امبطل الزرارات..ورافع الغوله لي فوق

الجمال الكويتي الممزوج مع الاسكتلندي..
لون شعره الذهبي اللي مرفوع بسبررريه..وامخربط من التعب..باين عليه كبررر..

ديرتي...ستايله كان ديرتي...

ماسك الجاكيت بإيده الثانيه..ازقرتي بمعنى الكلمه

في لمعه غريبه بفيسه....بشرته حلوه...

ساعه كبيره لابسها بإيدها اليسار..

يسحب الهاند باق لونها ازرق سماووي..

القميص صااك على جسمه المجسم...

كانت نظراته متطشره يمين ويسار وفوق وتحت ..


~داير بعيني الحايره

وسط الزحااام

ودي ألاقي عيونها

وقف ..وقف الكلاااام~

~محبوبتي شوقي نقش أحلى القصيد..

محبوبتي جسمي ارتعش وانا بعيــــــــــــد..~


شوق تجرأت ورفعت ايدهاا فوووووق..وحركتها..


وانتبه لهم...

اقترب ...


واقترب..

قرب منهم..




مريم..



مريم..


===============================

التكمله ورا الردود
احبكم كلكم خصوصا دبة زمانها

 

[دبة زمانها]

ياااااااااااااااا بعد جبدي والله حيااااااااااااااااتي....يلا يلا يلا كملي واااي ونااسه والقصه حدها عجييبه...يلا كملي..احم احم واسمي صج احم احم<<اقول لاتغترين عنتله على هالويه...
احم...يلا ننطر التكمله.............wateing..............

 

[دبة زمانها]

اشدعوه اصايل مو من عادتج جذي قطعت جم يووم(اي يووم اسبووع_سووري) احم ماعلينه...
توقعتج مخلصه الروايه ليش يلا كمليها انا ماحنيت واايد ادش واطلع واشوف مافي شي..الروايه اوصلت لي صفحه 5 ليييييييييش؟؟
يلا كملي وبلييز لا تكشتين معني ادري انتي مو من هالنوع بس يلا كمليييييييها بليييييييييز...ننطرج وسوري ع القرقه...كملي..

 

[دبة زمانها]

يلا وينج اصوول يلا عااد<<<<شنو اصغر اعيالج اصول استحي..
احم ....يلا عااد كمليها عفيه لا اتطولين اكثر من جذي....يلا
لايوقف لايوقف لايوقف لايوقف لايوقف لايوقف لايوقف ...

 

[miss 3yara]

سوري سوري سوري والحين بكملها صججججججججججج سامحوني وراح اعوضكم دبة زمانها انتي مو اصغر عيالي انتي كبري اصلا يعني اخذي راحتج حياتي والحين بكملها يالله برب

 

[miss 3yara]

الحين بعوضكم فبارتات لاصارت ولا استوت

 

[دبة زمانها]

حياااااااااااااااتي قلبي انتي يلا ننتظر التكمله يلا وااي ونااسه ننطر التكمله الرواايه صج عجييبه...يلا ننتظر..

 

[miss 3yara]

مريم؟

مريم ( رفعت عيونها اللي فجأه تغورقت بالدموع ): الحمدلله ع السلامه ضاري..

ضاري (واهو امركز بنظرته عليهااا..والصدمه امشققه ملامحه ): الله يسلمج...شلونكم يبه

مريم: احنا بخير بشوفتك ..تو ما نورت الكويت يالغالي..

ضاري( كان يطالع كل شي فيهاااا وامدقق على عيونها واهي تتكلم واهي نظرتها مو ثابته):تغيرتي

مريم ( بالضبط هاذي الكلمه اللي ما ابي اسمعها منك ): شللي تغير...مريم مايغيرها شي عليك

ضاري( ...حس ان مريم اللي تركها بالكويت تنطره مو نفسها مريم اللي جدامه....حاول يجامل بنظراته لكن كل نظراته كانت تعبر عن الصدمه اللي طغت على ملامحه): الله يحفظج ويخليج


شوق: يالله مريم

مريم: ضاري انا تأخرت ع البيت...راح اكلمك بس ارد

ضاري: الله معاج

فرك راسه واهوووو يفكر..

حس انه محتاج مااااااااي يتطشر على هالفيس عشان يصحيه من هالصدمه

شنو هذااااااااااااا؟

يبوووووووووووي

وين مريم اللي حبيتهاااا

هذي مرايم مو مرييييم


ابتسم ابتسامه طرفيه( نص ابتسامه)..

تحركت زاوية حلجه..وانشد فكه ..

واهو يسحب الجنطه...ويفكرررر..

تهقى يا ضاري ماخانتك بغياايبك

استغفر الله شفيني بعد انا

من التعب قمت اخربط..

رفع راسه اول ماطلع من المطار واهوو يطالع هالسما المغبره

ولهت عليييييييييييج ياسما ديرتي

الله عليج يالكويت

الله عليج

بغبرتج

بحرج

برطوبتج

ياحلو ارضج ياحلو سماج

والله والله مامثلها ديرررره

حس وده ينقز ويقوول

ييييييييييييييييييييس

رفع ايده يأشر على التكسيييي

================================================

فتح عينه واهو يتمنى ان اللي صار اليوم حلـــم..

لكن وجوده منسدح على مرتبه بيضه...وسط ستاير امخططه

اكد له انه واقع

وانه بالمستشفى

فقد وعيه لفتره من الزمن

لكنه استعاااد وعيه اخيرا"..

تمتمه فوق رااسه

قرقت سسترات ..

دخلت عليهم سستر كويتيه باللبس الابيض اللي نعرفه..

وبصوت رايح قالت: صحى جراح؟

ردت عليها الهنديه : يس..

بعد دقايق دخل الدكتووور....عليه..

الدكتور: اخوي جراح الحمدلله ع السلامه..خلني اشوف ضغطك الحين..

رفع جهاز الضغط ولفه على ايد جراح اللي كان عاجز عن الكلام..

وبعد ثواني ..: ممتاز...ضغطك طبيعي الحين..تقدر تقوم معاي الحين

جراح ( رفع راسه):وين
الدكتور: قوم معاي..

جراح قام ...حس ان جو محيطه مشحون وان حواليه ناس تتمتم وتتكلم عنه..تجاهلهم واهو يصرخ: اخووووي فراااس شفيييييييييه

تحجى

اخوي صارله شيييييييييييييي

الدكتور: هد اخووووووي اخوك مافيه شي وانا ماخذك عنده الحين

جراح( بدت تنزل دموعه): تجذب انت....تجذذذذذب

الدكتور: صل ع النبي اخ جراح..قلتلك اخوك مافيه شي وانا ماخذك عنده..

دخلوا بممرات ضيقه....متشابهه ..بايخه...تضيق الخلق..

جراح ماكان امركززززز كان يبي يووصل لأخووه يشووفه

لأنه ماراح يصدق الا عينــــــــــه...

لبس ملابس معقمه فوق ملابسه..واهو يدز باب العنايه بقوووووووووه..

ويرتد الباب خلفه..

دخل غرفة اخوه اللي كان قطعه لحم بين اجهزه..

عاري من جهة الصدر متصله فيه اسلاك ..واصوات الاجهزه من كل صووب كانت تنرفززز..

جراح مسك راس اخوووه وقطرات دموعه بدت تتساقط....: فرااااااااس

فراس كان امغمض عيونه وبس سمع حس اخوه حاول انه يدوس على الألم ويفتح عينه: جراح انا بخير

جراح: وييييييييين بخير وانت هني..تكفه فراس ماتخليني تكفه قول انك ماراح تخليني

فراس: اسمعني جراح..ترف تحاتي الحين...تكفه اسمع اللي بقوله

جراح: خلنا من ترف الحيييين لا تفكر انا راح اكلمها واطمنها علييييك

فراس: لأ..أسمعني..اسكت واسمعني

جراح..: قول..انا اسمع قووول

فراس: انت ..فراس الحين

جراح( غمض عيونه بقوه): فراس انا مو قد هالحمل تكفه انت ادرى بأخوك انت ادرى فيني..انت بتقوم على ريلك راح تقوووووم ماراح تخليها اهي تنطرك انا ادري

فراس: جراح اخذ اسمي..واخذ ترف..اذا تبيني اكون مرتاااح

جراح: فراس صعبه..( بده يصرخ مثل اليهال واهوو يطق على ويهه بقوووه )...فراس ما اقدر ماااااااا اقدر والله ما اقدر

فراس: جراح ترف لازم تكون بخير

جراح : تكون بخيررررر ..تكون بخير...

فراس: معاك انت..محد ياخذ ترف غيرك جراح

جراح: فراس حبيبي...( مسح دموعه وقرب من اخوه حيل)...

فراس: دق عليها قول لها انك بخير...جراح خلني ارتاح..اهي تنطرك ..انت فراس الحين...

جراح: فراس

فراس: اسمع اللي قلته...

جراح ( غمض عيونه بقووه واهو يوافق على كلام فراس



يوافق انه ياخذ حبيبته ودنيته


يوافق انه يستبدل شخصيه بشخصية اخوه

يوافق على انه يودع حياااة العبث

يوافق انه يودع الحب اللي بعده ما ابتدا

يوافق انه يحب غصبن عليه



ويرتبط غصبن عليه

يوافق انه يدوس على نفسه

يوافق على انه يكون


فرآس

فرآس

فرآس.....)

==================================================

 

[miss 3yara]

الخنقه ذابحتها...الشمس راحت..

وماوصل لي عنه اي خبر..

طلعت بالبلكونه ..

وياحلو القمر نص الشهر..

كان مرتسم وسط السمااا..

انهمرت خصلات شعرها على ملامحهاا..

تبي خبر..


خبر

مجرد خبر

تحاول تجمع نفسها

وتتماسك

بيوصل لي عنه خبر

فراس بخير

انشالله يكون بخير..

فرح: ترف ...امي تقول تعالي قعدي معانا لا تقعدين بروحج تستاحشين

ترف ماكانت ترد..

نزلت بهدوء للمطبخ..شافت خواتها متجمعييين

لينا العوده حاطه جدر كبير وامفرغه الاندومي كله دااخل..وقاعده تقلب بالقفشه...


هنوف تقصص سلطه ..وباجي البنات متوزعين داخل المطبخ....

سحبت قلاص ماي بهدووء..وصبت شوي ماي..

شربته..

واهي فاقده الشعور بأطراافهاا..


==============================================

دز باب غرفتها بقوووه..


وحش فزت : فهدددد..ِشهالحركه خرعتني

قعد على سريره والفرحه شاقه حلجه: هند وحش...هند

وحش( خذت نفس طويل واهي تقول): اللهم طووولج ياروح ..ياصبر ايووووووب....شفيها هند بعد


فهد: كتبت خاطره...بهند

وحش: سمعناا يبه سمعنا ( واهي تتثاوب..)

فهد(كح واهو يشد ظهره):[...أهند مازالت هنا..ام أنني في الوهم منغمس..
أهند كانت بالأمس هنا..ام انه حلم كاذب..
أهند محبوبتي..نست كل مامضى..
نست ليالينا الليلكيه تحت قمرٍ وظلُ..
أهند تناست عشقنا..ام أنها لم تعشق ُ..
أهند معشوقتي تناست حلمناااا..

أهند حين احترق تشعر بأحتراقي
أهند هان عليها بالفعل فراقي..؟
أهند مازالت هند التي اعتدتها
ام انه في الرحيل..تبدل اسمها....

أهند تشعر بي حين ابكي
ام هند


ام هند

...
تقطعت كلماته وانهمرت دمووعه واهو يكمل كلماته

ام هند نست ومضت في دربها عاشقه

ام هند نست
ومضت في دربهاا عاشقه

ام هند نست

وحش نزلت دموعها على خدها واهي تشووف خالها يمسك الورقه بقوه ويحافظ على تماسكه رغم ارتجاف اطرافه

اقتربت منه واهي تحظنه بقووووووه..وتبجي على صدره...


وحش: فهد الله يكون بعونك

فهد( بصوت متقطع): اهند مازالت هند التي اعتدتها..

انقلب ويهه للون الاحمر..واهو يحاول اكمال ابياته....لكنه استسلم باكي...

==========================================
سفط التاكسي جدام بيت فايز...في مشرف..

ونزل منها ضااري..

واهو يشوف البيت منور..حده..وامبطلين الكشافات اللي بالحديقه..

وله على هالبيت يا الله..


ابتسم واهو يرد شعره لي وره..

فتح الباب..واندفعوا عليه امه وابوه واخته روان

روان: كلولولش..توما نوّر البيت..مسيو ضرووي..هلا بأخوي هلا

فايز: الحمد لله ع السلامه..ها شلون كانت الرحله؟؟

فاطمه( امه ميشيل): هلاااااااااااااااا هبيبي(حبيبي)( وبدت تنهمر دموعها)..انا قلت حق ابووج(ابوك) والله البيت بدون ذاري( ضاري)..ما احبه..

ضاري: بعد عمري والله يمه ( باس راس امه اللي كان ويهها امحمر من البجي..)
والله يايبه الكويت غير لو وين تروح ماتلقى مثلها

======================================

ام جراح ( زينب.) انسانه مؤمنه بقضاء الله وقدره..والخبر ماشكل لها صدمه من النوع القوي بما انها حيل مؤمنه (مذهبها جعفري)..كانت مساكه القرآن ..وترتل بصوت جميل....ودموعها تنزل بهدوء..وييهها انقلب للون الوردي..


ابوه .بو جراح (محمد)..كان قاط الغتره قط على راسه..وشكله امبين عليه التعب...والقلق..

جراح كان بجد محتاج شاور..

تقدم بخطوات واهو يخطي خارج المستشفى...دخل البيت...خذا نفس..


الحين يا جراح راح ترفع السماعه وتكلم ترف على انك فراس

الحين يا جراح لازم يكون اسلوبك مثل اسلوب فرااس

الحين ياجراح لازم تنسى انك جرااااح..


دخل غرفته اللي كانت تفتقد فراس بشده مع انه الصبح طالع منها

بلع ريجه واهوو يمسح على رااسه..

رفع سماعة تليفون البيت...بما ان فراس تليفونه صار في خبر كاان..

سحب الورقه اللي فيها رقم ترف..واهو يكح..ويفرك راسه..ويبلع ريجه عشان مايبين انه بااجي..

من اول رنه..

ترف: الووووو..فرااااس....ووووووووينك..




[جراح ابعد السماعه عن اذونه واغلقها ]


واهووو يبجيييي ويووون..

ويطق على الطاوله بقووه..

ما اقدر فراس

حرام عليك يافراس

حرام عليك

حراااااااااااام علييييييييييييييييييك

بلع ريجه للمره الاخيره..

وعاود الاتصال... بعد 5 دقايق..

جراح: ألوو

ترف: فرااااااااااس ويييييييييييينك ( وباان صوتها واهي تبجي)..والله قلبي طاااح ...فيك شي..

جراح: لا ترف..انا بخير

ترف( استغربت اسلوبه): فيك شي ؟؟ قوله تحجى تكفه والله والله على اعصاابي

جراح: لا..انا ب..بخير..

ترف( قلبها يقول لها ان صوته تعبان..امبين ان صوته تعبان ومتغير): فراس حبيبي..صوتك مايطمن

جراح: ترف قلتلج انا بخير..يالله مع السلامه

ترف تمت فوق راسها علامة استفاهم كبر اليهد..

بس تطمنت شوي بعد ماسمعت صوته

الحمدلله

حبيبي


حبيبي بخير..



جراح سكر السماعه واهوووو يبجي..فرااس تكفه ..ارجع..ارجع

غفى بعد ربع ساعه..بما ان التعب كااان امسيطر عليه بشكل قوي..

==============================================

شقت السما شعاع خفيييييييييف..

مزقها اربا"...

تكسرت السما..

إلى ان اصطبغت بلووون برتقالي...

وطلعت الشمس..

ترف العاده تصحى على صوت فراس..

شفيه مادق ليلحين !!...

خذت شاور واهي منشغله ..الريال فيه شي..مو طبيعي..

 

[miss 3yara]

============================================

مريم كانت شاغله بالها كلمه وحده

تغيرتي

تغيرتي

تغيرتي

وللأسف ما اتصل عليها اول مارد..

اكيد تعبان

اي حبيبي تعبان

رحله طويله

بخليه على راحته

مرده راح يتصل..

================================================

الخاين الكذااب حمدت الله لاااااااااانوو غاب

ابي يووصل خبر
عني
لحدوووو

كانت تمشط شعرهاا وترده لي ورده واهي تقوول

تاااااااارت تااااااارت..وتغني لحن الاغنيه..

ابي يدري اني صرت اقوى
وعلى نفسي قدرت مادري شنوو
تعديتوا سطر بكتاب

هذاك الخااين الكذاااب..وتهززز خصرهااا



على طاولة الطعااام..كرواسون عليها جوكليت سايح..

وحش قامت تسعبل واهي تخزها..

مشاعل: صباح الخيررر..

وحش: هلا يماااه..صباح النور

مشاعل: اصبلج جاي

وحش: لا بشرب نسكافيه..

خلال ساعتين وحش كااانت داااخل المدرسه..

طافت على فصل التلميذ بدر مشاري..

قالت خل اتحرش

طقت الباب على الصف...وكانت فيه معلمة العلوم ابلة هدى..

وحش: صباح الخير ابله هدى

هدى: صباح النور هلا ابله وحش

وحش: هلا فيج ابله بغيت بدر

بدر كانت يطالع من بعيييد..

هدى: قوم بدر شوف ابله وحش شتبي منك

بعد دقايق طلع لها..

وحش: هاا..قلت لأبوك ايي المدرسه؟

بدر: ابوي شق الورقه

وحش: نعم؟؟

بدر: اي وقال عنج شسمها قلت اسمها وحش

وحش: وحْش ياحبيبي..مو وحش..اي كمل

بدر: قال لا ترد عليها

وحش: شوف بدر قول لأبوك يراجع الاخصائيه..

بدر: انشالله..

وحش: والله يبه ززين..يالله ادخل ادخل..


واهي ماشيه بالممر..هالمشاري الا اييبه هني..يصير خير...لا ترد عليها هاا..والله العظيم حاااااااااله..

=====================================

قعد من النوم على صوت تليفون الغرفه اللي كان يرن من صباح الله خيرر..من التعب كانت نومته متواصله ما صحى كلش..

جراح رفعت السماعه بصوت خشن ويخرع: ألووووه

ترف: صباح الخير

جراح: صباح النور منوو

ترف(بدلع): بو عيالي وينه

جراح: نعم يبه منو يتحجىىىى

ترف: شفيك حبييبي

جراح( بلع ريجه وقام وعدل قعدته): هلا ترف

ترف: شفيك انته شصايرلك

جراح: لا مافيني شي..يالله انا بقوم بروح الدوام

ترف: ماقعدتنييي اليوم

جراح: ها..نسيت يالله مع السلامه اخاف اتأخر


ترف سكرت السماعه واهي تقلب بإيدها..ِِشفيه هالريااااال..


جراح قااام خذا شاور....وراح لأخوه..واهو بالطريج..رن فونـــه

مطلق: هلا جراح ..طمنا ..شصار على اخوك

جراح: هلا حبيبي رايح له الحين..

مطلق:طمننا اول بأول وانا بعطيهم خبر انك مستأذن اليوم..

جراح: ماتقصر حبيبي..

مطلق: افا عليك..وان بغيت شي لا يردك الا لسانك

جراح: تسلم من طيب اصلك..

سكر التليفوون..وبعد دقاايق وصل الاميري..


بخطوات متوتره وشكله معتفس حده..

بدخل على اخوي الحين وبقوله اني مو قد هالشي

انا مو قـــــــــــــد هذا الشي..

ايه

مو قدددددددده


بخطوات متفرقه مابين الممرات..

إلى ان وصل..

إلى غرفة فراس...

نادته السستر: اخووي ..انت اخو فراس.؟؟؟

جراح: اي نعم..

السستر: ادخل على الدكتور قبل

جراح( بتوتر): خير ..صاير شي؟

السستر: لا ابد ادخل عليه وانشالله ماكو الا الخير

جراح دز باب الدكتور ودخل..

الدكتور: استرييييح اخ جراح

جراح: قووووولي ...فراس فيه شي

الدكتور: استريح وانا اطمنك

جراح: فراس اخووي وينه مو بغرفته

الدكتور: اخوك يا جراح

دخل بغيبووبـــه






دخل بغيبوبـــه


ـــــــــــــــــــــــــــــــــــــــــــــــــــــــــــــــــــــــــــــــــــــ

 

[miss 3yara]

======================================

الحدث الاخير...

جعل جراح يخضع للأمر الواقع..

مافي وقت للتراجــع..

لازم يمضي بخطواته ...
مستحيل يتراجع..مافي غير خيار واحد جدامه..


درب واحد بس..

ترف...

مافي مجال يقول لأ...ولا في مجال يقول انا مو قد هالــــشي..

دخل في حاله غريبه

كان هادي

وصامت..

إلى ابعد درجات الهدوء..

كــــان مبتسم..

إبتسامة المصدوم

إبتسامه ترغمه ..
على مواجهــة هذا الواقع

بكل تفاصيـــله...

لازم يدوس على اهواءه

لازم يعلن نهاية العبث

ابتسااااامه


انرسمت على وجهه



~إبتســــامه~

...
========================================

هاااااااااااااااي..بنوتاااااااااات

عجايب: هلا والله شمووووسه..والله الكليه بدونج ماتسوى..

نوف: هااا شلون الزوااااااج..شلون ريلج ( تغمز لهااا..)

شمس(واهي تتأفأف): ليش وحسين عادته ريال

نوف: هههههههههههههه حرام عليج شفيه بعد

شمس: ويع ويع يتأتأ وحالته حاله يبيله سنه على مايخلص كلامه...يلوع الجبد يلوووووووووووع الجبد

عجايب:هههههههههههههههههه يعني لي يه بيغازلج شيقول

شمس: يلوع جبدددددي يأرفني..انا منحاشه منه ماتشوفيني امداومه ولا اكو عروس ماصارلها اسبووع من تزوجت تداااااوم؟

نوف: ولي يه بيقولج احبج شلون يقولهااا؟؟؟ ههههههههه

شمس: يقولها عقب باجر

عجايب:ههههههههههههههههههههههههههههههههههههههههه

نوف:هههههههههههههههههههههههههههههههههههههههههههههه ههههههههههههه


شمس : اووف كاهو يدق

عجايب: حطيه سبيكر بليييييييييييييز شموسه هههههههههههههههههههههههههههههه

شمس: سكتوا وسمعوااااهههههههههههههههههه ( وترد على حسين وتحطه سبيكر)...

[ حسين: شــ شــــ مووسه حيــ حيآتي ..مت متااا متى تخخخلص محا حاضراتج..

شمس تصكه بويهه..

وانفجروا البنات من الضحكــ ]

عجايب: انتي الله يهداج استعيلتي

هنوف: هههههههههههههههههههههههههه ما اتخيلج معاااه بصراحه الله يعيييينج

شمس: ويع لا تذكريييييييييييييييييني عمى انشالله.. بروحي قاعده احاول اتناسى

عجايب: عفيه عفيه سولفيلناااااااا ههههههههههههههههههههههههههه

شمس( واهي تجيك ع الساعه): باقي نص ساعه ع المحاضره...امشوا نقعد هناك واسولفلكم

عجايب +هنوف(بحماس غير طبيعي): يلا يلا هههههههههههههههههههه
============================================

حسين كااان بدوامــه...ارتسمت على ملامحه خيبــه..

يمكن تكون بمحاضرتها الحين

ماكان لازم ازعجهاا..

دخلوا عليــه ربعه عمـــاد..و جـــابر..

عماد: اهلا بالمعرس...اهلا...

حسين ( قام واقف وبانت على ملامحه فرحه كبيره سلم عليهم وقعد واهووو ساكت )

جابر: ايييي جذي بدت المسؤولياااات من الحين يابو علي..لا مشالله باين انك مرتااح من شكلك

حسين: مر مرتاح الحمد دلله..(واهوو يلعب بأصابعه)..

عماد: قالتها الوالده..المره تغير( واهو يضحك)...الا ليش مااخذتلك اجازه اسبوع..ماجنك داومت امبجر

حسين: لأن المره تد تدرس فااا فااا فاااا ما أبيها تت تت تتأخر..

عماد: الله يهنيييك يابو علي..الله يهنيييك..ويسعدك..تستاهل كل خير انشالله..

حسين: تس تس تس تستاهل الطيب

=======================================

 

[miss 3yara]

حاطه ع المرينا اف ام....

واهي قاعده على كرسي ورا مكتبهااا..

وتلزق صور ألعاب القوى في دفترها التحضير..

وعلى يمينها جيس مطعم كناري مشقوووق ..المخلل داخل الجيس وصمون بطاط وبدنيان..وزهره وطحينه تقطر منه

ترفع الصمغ وتلزق الصور بترتيب واهي تشرب جاي..

فتحيه ( واهي تجلد طوق ألعاب القوه بجلاد لونه احمر..وتحط عليه رييش وشرايط): الاجتماع هـ يكون إمته (متى)

إلهاام( اكبرهم لابسه قميص بني مع حجاب بيج وقلاده ذهب نازله على صدرهاا...): واللهي مش عارفه الوكيله هيه إللي بتحدد

وحش: قايلتلكم انا..فريق السله اناا اللي بشكله..

ويرن تليفووون القسم وتشيله وحش: اهلا...هلا ابله عبير..

عبير: صباح الخير

وحش: صباح الورداااات

عبير: حياكم قسم العربي..ابله سميره امسويه ريووق بمناسبة ردتها

وحش: ليش اهي وين كانت ( حدها امسطله )

عبير: كانت بإجازة وضع

وحش: اهاا يالله احنا ياااييين الحين ( سكرت التليفون )

فتحيه: في إيه؟

وحش: ابله عبير تقول حياكم قسم العربي

إلهام: هـ تروحو؟

وحش: انا بروح..(ركبت مقطة الصمغ وحطته ع المكتب...وقامت وقفت واهي تسكر دفتر التحضير... وقاموا معااااها ابلات القسم..)


طلعوا من القسم اللي موجود داخل الصالــه ..

قطعوا مسافه كبيره بين الممرات..

واهما يسولفوون..و وحش اندمجت معاهم طبعا" من اول يوم..

شموا ريحة البخور بأول الممر..دخلوا القسم وكانوا ابلات العربي حاطين الحلو والقهوه بصووب..

وحش سلمت على ابله سميره وباركتلها..

بعد دقايق ييوا بعض ابلات قسم العلوم وكانت معاهم ابله هدى..

ابله هدى بيضه ...كشخه وهاديــه..ونوع لبسها دايما كلاسيكي بسيط..

وهالمره لافه الشيله السوده بإتقان..ولابسه تنوره ..

وشكلها حده كيووت ..

وحش كانت ادفش وحده وصوتها عالي : هلا هلا هلااا ههههههههههه مايغرز الاحمر بصراحه

عبير تطق ابله وحش على ظهرها: وبعدين معااج انتي كله طنازه كله طنازه ههههههههههههههههههههه

وحش: كله طنازه كله طنازه ( واهي تتطنز على طريقة كلامها)..

ابله وضحه تدخلت: يالله الفال لأبله وحش تجيب لنا جيش كامل

وحش:هههههههههاي ضحكتيني وانا عيزانه اضحك

ابله وضحه:ههههههههههههههههههههههههههههههههههه متى ناويه تعقلين أنتي

وحش: لما تطيح القروض

عبير: ههههههههههههههههه لا تتحجون بالسياسه ترا في عندنا ناس هني تخاف وبسرعه تنحاش

وحش: مايبنا طاري السياسه الله يهداج

ابله هدى: هووو هوو هووو محد سياسيه ولي يعافيكم مالنا خلق مشااكل

وحش:خخخخخخخخخخخخخخخ وجان تدخل علينا ابله سهااام

( ابله سهاام لونها امصوفر وشكلها نايمه ودايما يعلقون عليها لأنها ماتدري عن الدنياااا شكلها نااااااااااااااااااايم...وعندها الناس كلهم طيبيين)

سهام : السلام عليكم..مبروك سميره مبروووك

وحش: اهلا بمنى حبىىىىى ودبىىىى وركب القليلبىىى اهلا بأبله سهااام

سهام: هلا فيج هلا

وحش: سهام كنا نتحجى انا وهدى عن المجلس بعد ماحلوه شرايكم نسويلنا مجلس بروحنا ونحطج رئيسه علينا

هدى: لا بالله راحت الكووويت

سهاام: مجلس شنو

وحش: ههههههههههههههههههههههههههههههههههههههههه

هدى: ههههههههههههههههههههههههه حسبي الله عليييييييج خلي المره بحالها

وضحه: ايه عشان لما ينكسر خاطرها توزع المال العام والحكومه تقعد ع الحديده

وحش:هههههههههههههههههههههههههههههههههههههههههههه

عبير: يمه سكتوا لحد يسمع الله يغربل ابليسكم

وحش: والسجن يسكر والمحكمه يسوونها ناادي ومجلس الامه تسويه فندق

عبير:ههههههههههههههههههههههههههههههههههههه هاذي اللي بتولدني الحيييين

وحش كاااانت تهذر حلجها مايتسكر وماخلت ابله بحالها

واهي تسولف طاحت عينها بعين ابله هدى لما قالت: المخلل خشوووووه حق وحش ادري غرامها المخلل

وحش: شدراج يالعياره؟

هدى: من ذاك اليوم لما تريقتي عندي كليتي المخلل وخليتي الصموون ههههههههههههه

وحش ابتسمت لها وتدور براسها فكره

ايه


هــــــــــــدى

ابله هـــدى

عـــــــــــز الطلب..

================================================

 

[miss 3yara]

كانت تطق اضافرها بالطاوله بقوه وتصدر صوت مزعج..

تسندت ع الكرسي واهي تتمقط...وتطقطق اصاابعها..

تتثاوب..

حست هزه بجنطتهاا..

ماعبرت الدكتوره اللي واقفه جدامها..

بكل وقاحه سحبت فونها...اللي يقرقش من صوت الاكسسوارات اللي امعلقه فيه..

بنكي..

وفتحت المسج..

[ فديتهم والله ]..

تمقطت مو مهتمه للمسج اكيد واحد من الخمه اللي تكلمهم...

ترف كانت سرحاااانه وترسم على النوت اللي جداامها..

محتاجه تكلمه..

ليش يتهرب مني هاليومين..

يكلم غيري؟؟

فراس مو جذي طبعه..

داليا: كل الرياييل نفس الشي..

ترف ( فزت وصحت من حالة الاندماج الشديده على صوت داليا): شقلتي؟؟

داليا: اقوولج الرياييل كلهم نفس الشي

ترف: وشدراج اني افكر فيه؟؟؟؟؟@@

داليا: بنات وفاهميييين بعضناا..لا تضايقين نفسج على شغله ماتسوى

ترف: عيل شللي يسوى قوليلي

داليا: انتي وبس..فكري فيج..بنفسج...( تهمس )

ترف حست ان الدكتوره خزتهم...رفعت القلم وكتبت لداليا....

[ تغيّر علي ]

داليا سحبت منها القلم ( بو اربع ألوان)..وردت عليها بخط كبير وبالانقلش المعرب..


[ 5aliiiiih ahwa yarke'9 warach .. ]

تسندت رافعه حاجب..احنا عمرنا ما اتبعنا هالاسلوب..

احنا عمرنا ماتغلينا على بعض ولا كابرنا على بعض

كنا واضحين صريحين..

اكيد في شي صاير معااه

بعايلتهم

فراس لأ..مستحيل يكون لاهي مع غيري..

فراس مايعرف يلعب..

تفضحه عيونه بااجر

..ماكو الا اني اطلب منه اشووفه..ابي اكلمه واشووف عيونه تقول الصج..

تجاوب علي..

وتريحني..


سرحت واهي تسمع

~صوت الماي~
=============================================
فتحت باب السياره بعصبيه..

وسكرته بقوه ..واهي تحط ريل على ريل..دون ما تسلم..
حسين: ش..ش...شفيــج؟

شمس: حرك حررررك

حسين: شم شممم شمووسه حااا حــااا حـــابيبتي شفيج

شمس( حطت ايدها على راسها واهي تتأفأف): انا مو قلتلك اوووقف بعيييد شعندك واقفلي عند الباب

حسين: عاا عااا ع عشان اق اق اقرب اقربلج

شمس: اسكت اسكت...حرك خلاص لا تطالعني جذي

اوووووووووووووف

حسين بعيونه ذهول .. انا ابي راحتها

ما ابيها تمشي وايد

الشمس حاره

متضايقه شمس

يمكن متضايقه لأن اليوم طويل ويتعب

ايه متضايقه شمس..

===============================================

سعد: ذيب يامطلق ذييب

مطلق: بس الذيب اللي تتكلم عنه اقرصته عقربه

سعد:خخخخخخخخخخخخخخخخخ و وينها الحين

مطلق: دستها ولصقت بنعالي

سعد:خخخخخخخخخخخخخخخخخخخخخخخخخخخخخخخخخخخ

جراح كان معطيهم ظهره..حالته حاله ومو حاالق..وقلق..

وماكان له خلق شي ..

سعد نغز مطلق واهوو يهمس له: جنه مصخناها اسكت الريال متضايق عشان اخوه واحنا نضحك

مطلق: انا ادري عنك انت ...جراح ياخوك لا تضايق روحك وتعال اقعد معنا

جراح( ساكت..وقال بصعوبه): محتاج اقعد بروحـي...( واهو يربت على كف مطلق..)

==============================================

دخلت ريم البيت..وقطت الحجاب الابيض ( حجاب المدرسه)..على السرير..

فتحت سحاب المريول..الكحلي..

ونثرت شعرها على جتفهااا....راسها امصدع

يوم حافل..

خدودها حمره من الشمس..

ورقبتها كانت كبيره نتيجة وزنها..

بشرتها امدهنه حدها

دخلت الحمام وسكبت مااي باااااارد على ملامحها الحاره..

طلعت بكل هدوء واهي تنشف فيسهاا..

سحبت الفون ...

خلاص

ابي اكلمه..

==========================================

 

[miss 3yara]

ضاري كان ناايم..

نومه امخربط ...وكل شي بحياته معتفس محتاج لأعادة تنظيـــم..

شاف رقمهاا ...على شاشة فوونه..

وشاله على طول: هلا...هلا مريوم


مريم: هاي حبيبي

ضاري: هايات

مريم: شنووو نايم ( بعد مالاحظت انه يرد بعد مده وصوته خشن ويتقلب ع السرير)

ضاري: اي نايم

مريم : ليلحين !!! ..ليش متى نمت امس

ضاري(دخل عليهم رفيجه سالم waiting ): مريم اقعد واكلمج..عندي خط ثاني

مريم: خلاص اوكي...

ضاري سكره على طول ورد على رفيجه...

مريم بدت تقلب بعيونها..

خط ثاني !!



~اهم منــــي؟؟؟؟~

==================================================

فهد: وبعدين معااك انت متى بتبطل هالسوالف برووحها شوش شاكه وذاك اليوم سألتني

ناصر: وانت شقلت؟؟

فهد: سويت نفسي ماعرف..ماراح اقدر آآخذك

ناصر: تكفه فهووود

فهد: لا تحاول فيني ماراح آخذك

ناصر: فهد هالمره الشغل اكبر..افهمنييي

فهد: بس انا بنام العصرررر..ماقدر

ناصر: تكفه فهوووووود تكفه

فهد: اسكت ...اسكت....( همس له لأان وحش كانت توها داخله البيت..وبراسها فكره تحوس تحوس

تحووس)

فهد: هلا والله هلا

وحش: السلام علييييهم جميعاا" المرئيين والغير مرئيين..

ناصر: وعليهم السلاااام

وحش( رافعه حاجب): اشفيكم تتناغزون...مو خاليييين

فهد( وابتسامه صناعيه تشق ويهه): لا ابد شووش..صج تعااااااااااااااالي..ماقلتيلي ...شلون المدرسه

وحش: ماعليه ( واهي رافعه حاجب)..بسوي روحي حماره....مؤقتا" بس..

ناصر ( كان حاكر الضحكـــه)...

مشاعل نزلت من فووق بدراعه برتقاليه..: هااا يمه يييتي

وحش: لا بعدي هناك

فهد:خخخخخخخخخخخخخخخخخخخخخخخخخخ

مشاعل: والله ماقول غير الله يشافيكم

ناصر:::ليش يمه عيالج مرضىى

مشاعل: مافي احد مو مريض..الله يكافينا الشرررر...خل انجب احسنلي

وحش: اي يمه هالله هالله بالمعبوج

ناصر: وكثري ليمون بالسلطه

فهد: المملحه يمه

مشاعل: انشالله انشالله

وحش: دقوس بو ديج

مشاعل: وبعدين يعني ماروح

ناصر: الحشو يمااااه

مشاعل ( حقرته )

فهد:خخخخخخخخخخخخخخخخخخخخ

=============================================
دخل البيت

اللي اصبح صخــه

بدون فراس...

مع انه مو مصدر ازعاج

بس كااانت ابتسامه منه تحيي هالبيت

شاف امه قاعده تحت مع الوالد....وبحالة كآبه شديده

زينب: هلا يمه

جراح ( بهدوء غريب): السلام عليكم

محمد: وعليكم السلام والرحمــه..

زينب: يمه جراح..انزل يمه..رجيتك..من زمان ماتغديت معانا

جراح( ابتسم لها): يمــه...انا مو يوعاان

زينب: بس يمـه..

محمد (همس لها): خليه على راحته..

صعد..لغرفته


قط التي شيررررت..

شاف القيتار ( الجيتار).. امسند على الزاويه..

فتح الجنطه..وسحب منها الجيتار...

وهني

تتطشرت بعض الذكريات..


[ (بيده ورقه ومنسدح على بطنه فوق السرير ..عمره كان 15 سنه): لا لا فرووووس جذي اسمعني انت..اسمعنييييييي...خل طبعك ينفعك ..خل غرورك يرفعك...اصرخ وانا بسمعك..ما عدت اطييييقك وابلعك....


فراس: لاه لاااااااااااه ماتمشي على اللحن جرووح ألف لك وحده يديده

جراح: عصبييين عصبييين احنا ناس عصبييين ماينفع معانا الليييين..

فراس: عصبييين عصبييين احنا ناس عصبيييين ماينفع معانا الليييييييييييييييييييييييين

زينب تفتح عليهم الباب وتشووف فراس لام القيتار على قلبه ويدق بقوه زلغت اضافره ..وجروح يصرخ ويألفوون ويغنووون...

زينب: وبعدين معااكم انتاو..ابوكم توه راد من الدوام بينااااااااام يعني لازم اخذه منكم واحطه فووق الكبت

جراح: ذاك اول يمااااااااااه الحين كل واحد فينا طوولج مرتييين

فراس:خخخخخخخخخخخخخخخخخخخ يماه خلاص بس الحين ارده بجنطته


وتتأفأف امهم زينب وتسكر الباب....

جراح ( يهمس لأخوه): عصبييين عصبيييييييين

فراس ( يهمس): احنا ناس عصبيييييييييييييين

وبصووت واحد عالي قالوا: ماينفع معانااااااااااااا اللين

خخخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخ
خخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخ
خخخخخخخ

جراح: لا قول.. تمنيتك في كل لحظه تطري فيها على بالي..تناظرني تسرح بعيوني اسولف فيك

فراس: الله الله...تبعثرني ..تلعثمني وتسألني عن اخبااااري..

جراح: خلنا نغني حق بو سعده

فراس: بو سعده بووو سعده..

جراح: منىىىىى خذوووووك.ادري خذووووووووووك مني..

فراس: احساسي مايخطي..ابعدت عن خطيي..آآه ياويلي آآه ياوييييييييييل خيبت فييييك ظني..

آآه ياويلي آآآه يااااووووووويل خيبت فيك ظني..


خيبت فيك ظني..



خيبت فيييك ظني.. ]..


انهمرت دموعه...

ما اقدر اعيش بدونه

فروس نصي الثاني..

احس شي انشلع مني

شي كبير انوخذ مني

جزء من جراح


رآآآآح



جزء من جراااح



راااح..


=========================================

دبة زمانها عوضتج بالبارتات والا ماعووضتج والله اموت فيكم كلكم خصوصا دبة زمااااااااااااااااااااانهااااااااااااااااااااا
يالله ابي توقعاتج وردج الي ينور الروايه

 

[دبة زمانها]

يلا عفيه كملي تره تعبت نفسيا القصه واايد شدتني...
يلا لايوقف لايوقف لايوقف لايوقف لايوقف لايوقف لايوقف لايوقف ...يلا اب انتظاار التكمله...

 

[دبة زمانها]

شوفي توقعاتي فرااس راح يمووت...ووووو مممممم مادري وطبعا اشكرج ع البارتات احم احم احرجتينيييي...
يلا ماعندي توقعات مع الاسف .....وثانكس المره 10000 واكثر ...... يلا ننطر البارتات اليايه القصه واايد شدتني..يلا ننتظرر...

 

[miss 3yara]

دبة زمانها انا الحييييييين المخده تنطرني لاني حدي دايخه وباجر بكملها اووووووووووووكي ويالله تصبحين على الف الف خير