غًّــُِـَِّـًُرًَِّآإُم أٌمَِـَِـِّوًؤُآَإِت ~ بقِلمــــ:MaHa Almulla ـــــــــــ ‏

[miss 3yara]

الساعه 6 المغرب..

صووت الماي


صوت الماي..

تتسابق تبي تسمع صوت الماي..




كانت واقفه فوق ارتفاع كبير....يغطي راسها الswimming kab ..لونه ازرق..

ويغطي جسمها مايوه اسود حفر ..يبان جسمها المتناسق بقوه..

رافعه ايدها فوق تتنتظر صوت الصفآره..اللي انطلقت بعد 10 ثواني..

إرتفع جسمها فوؤوووق..وإلتف في الهوآ...وانزلت وسط الحوض...دخلت بعمق كبير..

ماتشوف حولها الا اللون الأزرق..وتسمع صوت


المآي..

بعد ثواني طفح جسمها فوق السطح واهي ترفع نظارة السباحه وتبتسم للي فكرت تحاوول..

وباءت محاولتها بالفشل..

محد يقدر على وحش

من ناحيتين

السباحه

والتكواندو..

قربت كفها من كف البنت...واهي تبتسم لها...

طلعت بره الحوض واهي تمشي حافيه..

رفعت الكاب عن راسها واهي تسمع تصفيق خفيف ومتفرق..ابتسمت ابتسامة الواثق من نفسه لدرجة الغرور...

فتحت الشآور المكشوف..بإيد وحده واهي تحس براحه بعد مانزل الماي البارد على جسمهاا..



طلعت واهي حاطه الفوطه على جتفها ودخلت غرفت التبديل..

شآفت يمها بنت عمرها حسب تقدير وحش..يمكن 21 سنه..شعرها بوي حنطاويه وجسمها امجسم من انواع الرياضه القاسيه اللي تلعبها..وامبين من نظراتها انها متهوره وبايعتها....

قربت صوبها...سرحت بشكلها الهلكان ..باين عليها التعب..بدت تفرك الفوطه بشعرهااا...وحاولت تقرب وتكلمها


لكن نادوها بنات ...عشان تروح صوب الكاونتر..


وحش: نعم؟

خدمة الاستقبال: اخت وحش..تليفونج يرن..

وحش( سحبت منها تليفونها وابتعدت بنفسيه ...اهي ماتتعمد تطالع الناس على انهم حشرات لكن شخصيتها جذي واللي مايعرف وحش عدل بيكرهها على هالتصرفات):...هلا فهود

فهد: متى بتطلعين

وحش: خالصه انا

فهد: زين عيل..خلينا نطلع نتمشى شوي

وحش: فيك شي؟

فهد: لاا زهقت والله من القعده..قلت نشوف لنا مطعم

وحش: نصور بيي معانا ( ناصر اخوها)..

فهد: لا ماظنتي وحتى لو يه ييته مامنها فايده بتم عيونه امعلقه على الابتوب..خليه بالبيت احسن

وحش: لا انا اقول ناخذه معانا احسن مره وحده نعرف شسالفته

فهد: على راحتج ..ناطرج

===============================================


عالمها عنوانه [ الأنتظار ]

بس تدرون..

يا انتظاري..

خلآآآآص

ترا هآآآآآنت..

[ ابتسمت ]..

مابقى من البعد

إلا خطوة بعد..

وألتقي بعمري..

عمري إللي معاااااااااك..

سنين ضاعت ( سرحت تتذكر الايام اللي فاتت بدونه)..

سنين لهفه وحب..
سنين بعد وقرب...

وقطعت عليها موجة الشوق...اختها شوق..

مريم: خرعتييييني

شوق: داش عليج ينييي

مريم: سكتي شواق بروحي مو بالعه روحي

شوق: ليش شفيج

مريم: مادري...مافيني صبررررررررر

شوق: متى بيوصل

مريم: العصر

شوق: بتروحين له المطار

مريم: اكيـــــد بروحله

شوق: خوفج يكون عمي فايز ومرته هناااك بعدين شيفكنا من الحجي

مريم: لا قالي محد بييه المطار كلهم بينطرونه بالبيت

شوق: اهااا يعني يبيلج تضبيط حق باجر

مريم: شوق 5 سنين مو شايفني

شوق( واهي تطالع اختها بنظرات حيره...)

مريم..
تربطها علاقة حب...بولد عمها فايز...( اخو روان..) ولد الاسكتلدنيه..

وهالعلاقه دامت اكثر من 6 سنوات..

ضاري ولد عمها فايز ..اهو عشقها والشي الوحيد اللي تطمح له..

مريم تعلقت فيه من طفولتهم...وازداد ترابطهم في فترة المراهقه..اخر مره شافها كان عمرها 14 سنه..

وبعدين انقطعوا على بعض ..بعد ماسافر يدرس في مصرر..(اداره اعمال..)

استمرت علاقتهم نت...وكانت تشوفه بالكام..بس اهو انحرم من انه يشوفهاا....الا بالصور...والصور عادة" ماتشبع النظر..

في فترة تواجده في مصر...ازداد وزن مريم للضعف..او اكثر من صعف وزنها..

والسؤال اللي ينطقه عقل القارئ الحين...

هل ضاري الوسيم المميز من بد كل عيال عمه...اللي يتسم بجمال عيونه العسليه...وشقاره...راح يتقبل بنت عمه حبيبته مريم بعد التغيير الكبير اللي طرأ عليها...؟

الأحداث راح توضح كل شي...

================================================

نصور قلتلك تعال معانا

ناصر: وحش روحوا انتوا بروحكم والله مالي خلق وراي مدرسه انا

وحش: وبتقنعني انك بتنام مبجر...انشاااااااااااااااالله ماتمثل علي وتسوي روحك ميت ع الدراسه..امش معاااي بغيتك بموضوع انا

ناصر: اووووووووووووووووووف نطريني خل اتسبح صاير قذر

وحش: اشوه حسيت انك صاير قلق ..وشعرك امدهن

ناصر: انشالله ماتكسرين فيني اكثرررر..


فهد( طل عليهم كان متقلقص بلوفر اسود صاير امتبتب وشحلاته..): انشالله ماتقطعوني تحت جني سايق ناطركم

وحش: انا جاهزه بس خل انطر هالسلق

ناصر: محد سلق نطروني

فهد: وحش بلا نجره نزلي جدامي لا تتحرشين فيه

وحش: يالله انا تحت ياجماعه

================================================== ===

فراس: اين فتاتي

ترف: فتاتك قاعده تغوص بالفراش

فراس: ليلحين !!!!!@@..الساعه 7 يبه..قومي

ترف: فراس تكفه امصدعه خل اكملها

فراس: امصدعه لأنج نمتي وايد قومي صحصحي ببوقج

ترف: بتبوقني حق ليش

فراس: لبسي ومتى ماحسيتي انج جاهزه حق البوقه دقي علي

ترف: فرووس مالي خللللللللللللللق انا بأعماق الحلم الحين

فراس: تروف لا تحسسيني انج خيسه قومي خلصيني قايلج بشووفج

ترف: فففففففففففففففففففففف مالي خلق اتسبح

فراس: خيسه الحب خيسه

ترف: ههههههههههههه مو خيسه جب...خلاص كا قمت

فراس: يلا عمري ناطر ألوج

ترف: انطر ألوي..

=============================================

فتحت الباب شافت خواتها كلهم بالصاله..

وحده منسدحه على بطنها وحاطه ماسك على فيسها وتقرا مجله..

و لينا العوده تبرد اضافرهااا..

فرح تاكل حب ...وتطشرر..


والباجي مندمجين مع الوالده واهما يطالعون فلم تركي مدبلج مليييييييييييق

..........: هااااااي تروف...

ترف( حست انها امسطله والرؤيه غير واضحه..): انشالله تساعدوني

البنات فهموا الشفررررره ..وقاموا لها الغرفه يسنعون فيها..مع انهم يردون انها تحب كل شي بسيط وانها بعد كل هالتسنيع راااااااااااااااح

ترف: اوف مو حلو بمسحه ( عن المكياج)..

وحتى الملابس غيرتهم..

تحب البساطه والنعومه..

اختارت من ملابسها العمليه مالت كل يوم..

وشكلها النهائي كان كيوت وغير مبالغ فيه..


طشرت شوي من البلاشر على خدها المنتفخ..

واكتفت بالبلاشر بس..

===========================================

 

[miss 3yara]

مع فهود

بسياره وحده

امنزلين الجامات..

وامعليين(امطولين)..على صوت رويشد...( ما اقووول اانا كلمة حبيبي ولا ابيك..اخاف اذا تسمعها مني تغتر علللليّه...)..


والشبيبه..كانوا يحركون ايدهم مع الايقاعات..وطبعا" انا اقول الشبيبه..لأن وحش ضايعه بينهم...فقدت جزء كبير من انوثتها لأنها تعتبر الانوثه ضعف...بس هذا مو يعني انها شاذه..او منحرفه...

فقدت الجزء الاكبر من انوثتها مقابل انها تمارس هواياتها بكل حريه..دون قيود.

حتى شعرها قصته عشان مايلعوزها ...ويكون عملي ومريح اكثر ومايحتاج عوار رااس..
زحمة غريبه عجيبه بالسير....

فهد: تلقين عرس عقيدي وقاعدين يسوون استعراضات هالعقد اللي ماعندهم لا ذمه ولا ضمير..لو واحد بياخذ اهله المستشفى او عنده مشوار ضروري شراح يسوي....

وحش: ناس متخلفه ويقولون ليش احنا متأخرين...شيلوا هالحشرات من مجتمعنا واحنا نتطور

ناصر( مندمج مع اللي بالابتوب): يتعالون بالبنيان خخخخخخخخخخخ والله يبه زين..


اما داخل هالقاعه الواسعه...

ولادة نهايه..

نهاية قصة حب...بسعاده..لا حدود لها..

تزف بالفستان الأبيض...للرجل اللي حفر الصخر عشان يتزوجها

لكن هالرجل...ينتظره الكثير..

الكثير وو الكثير..

وربما لم تنتهي قصته معها ..هنا..


كانت تلمع عيونه وفرحته باينه بوضوح ترجمها بحركاته السريعه ..

~حسين تزوج شمـــس..~



==============================================

سفطت سيارتها بمواقف جمعية الشاميه..

نزلت ....واهي مبتسمه حدها شاقه الحلج..

شافت شارجر فراس... اسود ..

وقفت فتره سارحه بملامحه..


فراس طول على صوت نوال...

طحت بهوآآآآآآآآآآآآآآآآآآآه ياهلي سمووا علي

من شفته وانا حالتي حاله وابيـــــــــــــــــــــــــــه




فراس ( ابتسم لها)..

================================================

نزلوا صوب برج الحمام..وكل واحد فيهم رفع الغوله وعدل السكبه..

كانت خطواتهم متطشره لأنهم كانوا يتمايلون ويضحكون بخبال..وطبعا" ناصر شايل لابتوبه معاه بما انه عضو من اعضاءه..

اختاروا طاوله مميزه ..وسط المطعم..

وحش سحبت المنيو من ايد فهد: اقول لا تاخذ راحتك ..خو قلنا الحساب علينا بس مو معناتها انك تاخذ راحتك

فهد:خخخخخخخخخخخخخخخخخخخ اللي يقول كلمه لازم يكون قدها حبيبي

وحش: والله خوووووووش

ناصر: تكفه فهد ماتحس انك قوطي لما تدفع عنك بنيه

فهد: بالطبع

ناصر: متى بتصير ريال وتشتغل مانبي منتهاا

فهد: انا قلت احس اني قوطي لما تدفع عني بنيه...لكن وحش..عن مليون ريال

بعد فترة صمت

انفجروا خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخ


وحش: استغلوني جيدا" وراي دوام يعني لازم اناام امبجر

فهد: عندي افلام يدد عاااد..راحوا عليج نامي امبجر احسن

وحش: اي وراي تلاميذي ينطروني

ناصر: الله يعينهم هالتلاميذ ..تلقى الصبيان حاشتهم اعاقه فكريه لما شافوج..تلقى الواحد يسأل الثاني هاذي ابله ولا ابل خخخخخخخخخخخخخخخخخخخخخخخخخخخخخخخخخ

وحش: كل تبن عاد لا والله ادفع عني وعن فهيد وانت اخليك يامتشررررررد

هند عبدالعزيز ال**

طاف احد النادليين بالمطعم واهو ينطق بهالأسم..

...: مني ( ماني)..متأكد..بس الاكيد إناااا(انها) للآنسه هند...الـ**

ونادل آخر يناقشها بموضوع الطاوله المحجوزه..


فهد ( قام وقف واهو يحس بالدم تجمع بعروقه..وانه قلبه بدا ينبض من جديد..بعد ماتوقف نبضه ل3 سنوات...بأيامها )...: سمعتي !!..سمعتي اللي انا سمعته....


فهد كان يعشق فتاة بهالأسم....ولو انها مختفيه من حياته من 3 سنين لكنها عايشه وسط قلبه...سبب اختفائها غامض...كانوا سمن على عسل..مايدري شللي صار فجأه وابعدها عنه...كل اللي يعرفه انه ملزوم ينطرها..

لي اخر يوم بعمره


سمعتي..اللي انا سمعته؟؟؟



سمعتــــــي..




==================================================
نوقف لي هني وباذن الله التكمله ورا الردود

 

[دبة زمانها]

يالله كملي بس شنو اهم كل وااحد قصه يعني مايصيرون حق بعض ولا يربطهم صلات رحم وعائليه..ادري كلامي مخربط ماراح تفهمين شي بس اتمنى انج تفهمين ... وناطرتج يلا يلا يلا يلا يلا يلا يلا يلا...waiting...

 

[شروفه القدساويه]

ماني فاهمه كلامج بس الحين بكمل الروايه

 

[شروفه القدساويه]

الروايه فضيعه وناطرن التكمله

 

[miss 3yara]

الحين بكمل

 

[miss 3yara]

ملاحظه:شروفه القدساويه اختي فعادي اذا ردت بدالي

 

[miss 3yara]

وانا قلت لها تكتب جذي عيل ماأدش المنتدى
وهذي التكمله
ـــــــــــــــــــــــــــــــــ
وقفت بمكاااانها...انصبغت ملامحها بألوان الذهوول..واهي تشوف خالها يترك مكااانه ويلحق النادل ..



فهد: لو سمحت..اي ...انت...شقلت ..انت قلت هند صح

النادل( بملامح بارده مندهشه): شو..بتحب اخدمك بشي؟

فهد( كان يحرك ايده بسرعه): لأ لأ لأ قول ...قول..انت شقلت قبل شوووي..الاسم اللي قلته...شقلت قبل شوووي(واهو يمسكه بقوه من ايده)

رئيسهم لاحظ اندفاع فهد بطريقه غير عقلانيه صوب النادل...اتجه ناحيتهم..

الرئيس: عفوا" خيي..بتحب نخدمك بشي...في شي؟؟؟

فهد: قوله..قوله شقال قبل شوووي..قال هنـــد


وحش تدخلت وقفت ورا خالها واهي حاطه ايدها على ظهره تسحبه ناحيتهااا: ممافي شي ..فهد تعال اقعد

فهد: شنوو ماااااااااافي شي ( بلهجه حااده )..اهوو توه قال هند..وين هننننند..ما اشوفهاا وين

وحش ( عفست ملامحهااا..وناصر حط ايده على راسه ..بسبة الفضيحه اللي سببها لهم خاله..): امش معاااي تعال فهد تعال...

الرئيس ( يوجه حواره للنادل): شكلو متدايئ(متضايق..) شو ألتلوو(قلتله).. انت

النادل: والله ما إلت(قلت) شي...كنا بنحكي انا وسمير ..سمير طلع إدامي( جدامي))..والرجال اعد ( قعد) يحكي مافهمت عليه ..

فهد: وخرررررري عني انتييي ( الكلام موجه حق وحش)..قال هند انتي سمعتيييه ناصر سمعته ؟؟ مو بس انا اللي سمعت..انت تتحجى عن هند توك الطاوله..الحجز..هند عبدالعزيز

نادل: اي كنا بنحكي انا وسمير من شان الطاوله اللي هونيك(هناك)..إلتلو ( قلتله).إنا (انها)..محجووزه

وحش: آآسفييين احنا فهمنا غلط

فهد: اللي حاجزه الطاوله اسمها هند؟؟

النادل: اي ..اخي مابفهم عليك..بتسأل من شان الطاوله او من شان مين حجزاا( حجزها)

فهد: هند عبدالعزيز اهي اللي حاجزه الطاوله؟؟؟

الرئيس: ايي شوو في..بشو بدنا نخدمك خيي

فهد: سمعتي وووحش..( اتسعت حدقة عيونه من الفرح ..ودمعه دمرت زوايا عيونه...) هند بتييييي الحين...

الرئيس ( تم واقف يطالع بكل صمت واهو مو فاهم ولا شي)

وحش: آسفيييين اخووي..تقدرون تروحوون

النادل ( مازال الذهول يسيطر عليه...تقدم بخطواته وابتعد عنهم..بعد ماقاله الرئيس: شوف شو بدوون( شنو يبون)...الطاوله اللي هونيك...


فهد قعد ع الكرسي...وانفاسه كانت سريعه...بعد 3 سنين..

راح اسألها ليش راااحت

لا ماراح اسألها

بسألها شلونها وين راحت

بسألها اذا ليلحين تتذكرني..

بسألها اذا ليلحين ترسم....

بقول لها جم كتاب ألفت فيهاااا

كل هالافكار كانت تدور في باله ..كانت افكار غير قابله للترتيب...مايدري يفكر بشنو ويخلي بشنووو

هند بعد دقايق يمكن تكون يمه

بعد فترة غيااااب طوووووويله عاشها وحيد رافض انه يفكر بغيرها

هند

هند راح تكون معاااه هني

بتقعد معااي هني..

وراح اعزمهااا

فهد: وحشششش عندج فلوس صح

وحش: بشنو تفكر انت

فهد تجاهل وحش وتم يفكرررر..

نسى انها من الممكن تكون يايه مع شخص ..او عدة اشخاص..

محور تفكيره كان

هنــــد..

3 حروف..

3 سنين

~...هند..~

==================================================

 

[miss 3yara]

الخصلات الشقرا المدموجه بالبني ..والبلاتيني....كانوا مدموجين بعنايه والطرحه البيضه تزين شعرهاااا الملون..

حنطاويه بملامح كويتيه....

لفت ويهها واهي تطالع الشخص اللي قاعد يمهاااا..

حسين اللي كان يمهااا..بنظارته الطبيه...والنسفه اللي غير هالمره..

كان متجاهل كل من حوله....كل تفكيره كااان بللي خذاهااا..

شمس...

شمس عمره ودنيته وروحــــه..

كان يعد الأيام ...متى يتخرج ويشتغل ويقدم على هالخطوه

والحمدلله صار اللي يبيه..وخذا بنت خالته

كاهي شمس يمه...

بالابيض..وكريم الجسم الوردي يدمر لونهااا الحنطاوي...او غير ممزوج بطريقه جيده..

اضافرها كاانوا طواال وماسكه بيدها المسكه...والورد حولها من كل صووب..


امه..وامها..كانت الفرحه مو سايعتهم

شهادته بسيطه..و وظيفته بسيطه..انسان بسيط..بكل معنى البساطه..

شمس..تدرس بالأعلام..وانسانه طموحها حيل عاالي وتفكر بالشهره..وتخطط لها ...وتنطر اليوم اللي تخرج فيه من هالكليه عشان تنطلق في عالم احلامها

وريال مثل حسين..متحطم فيها...مستحيل يرد لها الطلب اللي رده لها ابوهااا..

ميخالف...اوافق على حسين....

يمكن يكون احسن من غيره

كان هذا تفكيرها

شمس نموذج غريب...راح تكتشفونه


قـــريـــــب..

=============================================

ابعد بعيـــــد

بس بنفس الديره



اللي مامثلها ديره



الفحيحيل سيتي..

الكوت سنتــــــــر..

مجمع كبير ضخم بتصاميمه..

متجاهلينه عيال الكويت بسبة وجوده في منطقه بعيده عن الديره

لكن محد يقدر ينكر روعته...وخصوصا


في الليل..

صوب النوافير ..

اللي يتطشر منها الماي من كل صووب وينزل ..

والأضاءه كااانت برتقاليه اللون...والماي يصب هني وهناااك..

طاولات متفرقه صوب النوافير...

اليوم المكان فاضي نوعا" ما..بما ان باجر دوامات...هذا احنا عيال الكويت اغلبنا مايطلع الا بالويك اند..

ركضــــــــت وافتلت خصلاتهاااا وانفل شعرهاااا الككاوي ..

اطلقت ريولها وكأنها طفله..

وراحت وقفت فوق اعلى ارتفااااااع عند اقرب نافوره..

وكان رذاذ الماي يتطشر بكل صووووووب..

وشكل المطاعم المصفوفه كااان غير شكل..

وصووت الماي


الله على صوت الماي..

ماتحس بلذته

الا لما تكوون

عطـــــشان


كان ينزل الماي ويصدر صوووت يرد الرووح

نصها الثااااني

بجاكيته البني...الجلد....كاااان لاحقهاااا..بخطوات ثقيله..


وقفت فووق واهي تطالعه واضاءة المكان منعكسه وسط عيوونها اللوزيــه..

تقدم صووبهاااا


فرآآآس..

واهي امغضه عيونها وتسمح للنسمات تتحرش بخصلاتها بكل رقه..

يا الله..

انا بحلم

بحلم..

المنظر خلفها وجدامها كان مثل الحلم

و وجود فراس معااها اكد لها انه احلىىىى حلم..


صعد بكل رزانه فوق الارتفااااع..

ومسك ايدها بقووه..

والماي يتطشر حوولهم..

رفعت راسهااا بما انه اطول منهااا..

وكانت قذلتها تعاندها وتنزل على عيووونهاا...

الابتسامه كانت تشق ويهها نصيييين..

واهو كان مكتفي بإبتسامه خفيفه بس كااااانت روعه وغير شكل..

بدت ضروسها تتراقع ببعض من البررررد..

وكان البخار يخرج مع انفاسهم..القريبه من بعض..

والماي يتطشرررر ويزيد من برودة الجوو حولهااا..

قرب حيل منهااا

واهي فزت وابتعدت

حط ايده ورا ظهرها..

ترف: فراس لأ

فراس كان متجاهلهاااا..

بس عيونه تقول ذنب واحد وبعده اتووووووووووووب


استغفر الله..


كانت تتراعش بين ايده من برودة الجووو..

وخصلاتها اللي انسكبت على جتوفهااا كانوا كيريلي ..والقذله العنونه كااانت غير شكل..

ممزوجه مع خصلاات اطول منها ..

مع ابتسامتها ظهرت غمازتهااا..وازدادت ورودة خدودهاااا...برد خجل ..

قربها منه..

وحظنها حييييييييييييييييييييييييييييييل

بعد ماكانت تحاول تبتعد

..استسلمت

ودفنت رااسها وسط صدرررره

ودها مايطوف الوقت

ودها هاللحظه ماتنتهي

ودهااا ماتفتح عينهاااااااا

المكان حولهم ضخم حيل لدرجة انهم اصبحوا جنهم نمل وسط هالمساحه الشاسعه من النوافير..

ابتعد عنهااا شوي بعد فترة طويله طافت واهي وسط احظانه..

مسكها من حنجها ورفع راسها فوووق

===============================================

 

[miss 3yara]

===============================================

وبعدين يعني سكري الليت بنااااااااام


مريم: تو الناس شووق تكفين حسي فيني

شوق: انتي من شهرين تجهزين حق هاليوم والحين متردده تلبسين اي بدله ..ترا دخت معااج ..سكري الليت بناااام..

مريم: اذا لبست البدله البيج ألبس معاها شيله بيج يصير شكلي غلط..قعدي قوليلي البس اي شيله

شوق: اوووووووف وبعدين يعني مريوم

مريم: شووق انا ماعندي اخت غيرج والمفروض توقفين معاااااااي

شوق: حياتي انتي والله كل شي مضبوط بس انتي متوتره عاادي عاادي ..سكري الليت وناامي عشااااااان باجر ويهج مايطلع امتفخ

مريم: لا خلاص...الحين اناااام..بس خل احط ماسك بويهي

شوق: حطي يمه حطي بس سكرييييييييي الليت والله حرام علييييج كل ما اغفي اسمع صوت جياس وحوسه

مريم: خلاص انزين خلاااااااااص


سكرررررت الليت

================================================== ===


فتح الليت..

ودخلت جدامه بالأبيض..

واهووو متوتر وايده بدت تعرق من شدة توتره


حسين(من عيوبه انه يتأتأ بالكلام..وهذا العيب فيه من الصغرر ..لما يتوتر تزيد التأتأه في كلامه..): مب مب...مبروك عليج ياعرووس

شمس( ابتسمت له..)

قعدت على الكرسي اللي يم التسريحه ...واهي تحاول تنزل الطرحه وتشيلها

وقف وراهاااااا واهو يسااعدهاا.....كانت تطالعه بالمرايا ( المنظره...)

وقف فتره بعد ما ازال الطرحه..

وباس رااسها..

واهو يشم فيه ريحة البخوور ..واروع انواع الطيب..

تتميز بحلجها اللعريض..

مملوحه اكثر من انها حلوه..

جسمها مترووس ..بزياده..

سحبت الماشات من التسريحه وبدت تفل الخصل..

واهوو قط الغتره والعقال..وقط الدشداشه..

وكل مافيه متوتررررر ...

الغرفه كاااانت فخمه جدا"...في الشيراتون..

الاضاءه كااانت خافته شوي...لأنه مافتح كل الليتات..بالغرفه اجزاء مظلمه..والابجورات الكبار كانوا بالزوايا..

حسين: تب..تب...ت...تا...تبيني ..اساعدج بشي..

شمس: لأ..

==================================================

فهد تكفه خلنا نرووووح

الساعه صارت وحده

لي متى بنتم قاعدين بالسياره ننطر

انت من صجك بتيي الحين

فهد الله يخلييك ارحم نفسك


ناصر: وراي مدرسه ياجماعه..متى ماحليتوا الموضوع عطوني خبر ( ويرد حق شغله اللي بالابتوب..)

فهد: وحش سكتي..سكتي بس سكتييييييييي..راح تيي هند ..رااااح تيييييي


وحش: لي متى بتقعد تجذب على روحك...لا تصير ياااهل...شوف الوقت...شووف الساعه

فهد: رااح تيييي راااح تيييييييييييييي انا ادري..(واهو ماسك السكان بقوه..)


وحش: انا لله وانا إليه راجعوون..فهد....


فهد اصحى


رفع نظرته وطاحت عينه بعين وحش اللي كانت تطالع بنظرة رجاء..

وفجأه

انفجر من البكاااء


وحش...ماقدرت تتحمل..قربت صوب خالها..واحظنته حييييييييييييييييييييييييييييييل


فهد: راح ترجع



راح ترررررجع وحش راااح ترررررجع

وحش: ذبحت حالك شوف شسويت بنفسك..صحتك راحت...خلاص يافهد تكفه تكفه تكفه عيش عشانك عيش عشاااااااانك لي متى بتم عايش عشاانها ....الواقع يذبح...لكنه الواااااااااااااااقع لي متى بنتم عايشين وسط احلامنا..و اوهامنااااا..

كانت انفاسه سريعه وتصدر صووت..بسبة سمنته...وكان يبجي بطريقه تقطع القلب...مثل اليهال..

ويوووون بصوت عاالي


عالي
================================================


الساعه 3 الفير...النوم عاندهااا..


مريم تمت تتقلب..

و تتقلب..


ضاري


ضاري راح يرجع الديره بااااجر


راح يرجع





=============================================


انتهى البارت...
واعتذر ادري انه قصير...

أتمنى انه يعجبكم

تحياتي لكم احبكم..
أصايل الكويت

 

[دبة زمانها]

واااااااااي الفصه ونااسه يلا ناطرين التكمله....
waaaaaaaaaaateing.......

 

[miss 3yara]

سامحيني دبة زمانها باجر بكملها اوكي

 

[دبة زمانها]

اوكي مسموحه....اشدعوه بس يلا ناطرين لي باجر......waiteing....

 

[miss 3yara]

دبة زمانها توني راده من الشاليه وباجر بنزل بارتات شكثر وبعوضكم وصج سامحوني

 

[miss 3yara]

واخذو مني وعد

 

[دبة زمانها]

اوكي يلا ننطرج واكيد مسموحه لا تعتذرين والله ازنطج....يلا ننطر باجر التكمله....والتعوضه ننطرها اهم شي....يلا ننطرج..

 

[miss 3yara]

انااااااا وعدتكم والحين بنزل لكم الي اقدر عليه والحين انا بطلع ولما ارجع بنزل لكم بارتات شكثر لما تقولون بس
ـــــــــــــــــــــــــــــــــــــــــــــــــــــــــــــــــــــــــــــــــــ
===========================================




نثرت خصلاتها على الوساده...

هاليوم بيتم محفور وسط ذاااااكرتي..

ترف ماكان ودها تصحى من هالحلم ...

حبها للواقع خلاها تخاف من الحرمان

تخاف على كثر ماعطاها القدر..باجر يصفعهااا..ويلتها ذاك الطراااق...

ويصحيها من هالحلم ..

فراس اغلى مابحيااااتهاا..

قربه الشديد منها اليوم...اللي خلاها تسمع نبضات قلبه بقووووه

كان شي يدفع للقلق..

اليوم فراس كان غير عن كل يوم

كان متمسك فيني حييييييل

اكثر من كل مرررررررره..

قطع تفكيرهاااا..صوت فونها واهوو يدق بنص الليل..

....: ألو ...ترف

ترف: حبيبي شفييييك

...: ( صووووت انفاسه .....واهو ياخذ نفس طويل ويقلب على السرير...): ...قعدتج؟

ترف: فراااااااس فيييييك شي؟؟

فراس: لا ترف....لا....خلاص ردي ناامي بابا

ترف: حلمان حبيبي؟؟

فراس( والعرق يقطر من جسمه):...اي عمري حلمااان...

ترف: ههههههههه تعوذ من ابليس حبيبي وناااام

فراس: احبج بابا

ترف( وقف قلبها لما سمعت هالكلمه): اموووت فيييييك

فراس: نامي زييين وتغطي زززين

ترف: انشالله

فراس: وباجر الصبح راح اكلمج ان شاء الله ...زين يبه؟

ترف: فيك شي فراس؟؟؟غير انك حلمااان!!!

فراس: لا مافيني شي باباتي...بس حطي بالج على روحج

ترف: فراااس والله وقفت قلبي ...اذا في شي صاير قوولي

فراس: ههههههههههههههههههههههه حياتي والله ماكو شي كلام احتجت اقوله وقلته

ترف: متأكد؟؟؟يعني ماكو شي ثااااني

فراس: اي متأأأأكد بابا

ترف: احبك

فراس( همس بعد فترة هدوووء): اعشقج...

ترف ( همست له): بو عيالي وووينه؟؟

فراس ( همس لها): كاااهووو آآآنا

ترف: هههههههههههه تصبح على ترف

فراس: وانتي كل اهل فرااااس



سكره منها....حس براحه شوي...لكن قلبه ناغزه بقوه..

تقلب يمين...ويسااار..الوقت متأخر..بس محتاج يكلم صاحبه....شهاب..

دق....مره ومرتين..

المره الثالثه رد عليه بصوت ناااعس..

شهاب: هلا فراس...فيك شي؟؟

فراس: بو احمد آآسف قعدتك بس بغيت اكلمك بشي مهم

شهاب: تكلم

فراس: تذكر السالفه اللي قلتلك عنها ..ومحد يدري فيها غيرنا؟

شهاب: اي ذاكرهااا...شيايبها على بالك بييييييييييييه هالحجي من زمان

فراس: اسمعني...ابيك توعدني

شهاب: اوعدك بشنو

فراس: بأمنك مره ثانيه عليها...اوعدني محد يدري فيها..برتاح

شهاب: فراس يبه فيك شي تبي اييييك ؟؟ حاس بشي؟؟ صاير شي؟؟

فراس: لااااا بو احمد لا تحاتي ..ساعات الواحد يقعد يراجع نفسه قبل النوم..

شهاب: خلاص عيل تعوذ من ابليس ونااام وباجر اشوفك انا

فراس: رقم خزنة القسم بدزه لك مسج

شهاب: انت شفيييييك وربي صرت احاااتي ياخوي

فراس: لا تحاتي تكفه مافي شي صااير

شهاب: خلاص عيل نااام الحين

فراس: انشالله

شهاب: تصبح على خير

فراس: وانت من اهل الخير..

سكر التليفوون...


بعد ساعه ماياه النووم..قام من السرير...وبدا يتمشى بالبيت..

واول ماصعد حس فيه اخووه جراح

جراح : فراس...شعندك قاعد

فراس: ناطر الأذان

جراح: شفيك ؟..مو نايم من امس؟؟؟


فراس: لا نمت شوي

جراح: رد ناااام

فراس: قوم بكلمك

جراح: فروس تكفه خل اكمل نومي بروحه دوامي عصر باجر خل انام

فراس سكت.....وانسدح على السرير......

=================================================
قامت ع الصلاة..

توضت.....وصلت..

خربطت شعرها النتفه بيدهااااا..

واهي تلبس بنطرون اسوود...مستعده ليومها الثاني في المدرسه..

كمُدرسه..

البيت صخه ..

مشاعل: قوليلي شسووووي ..ياللله هاا انا بقعد وانتي قوليلي شسوي مع هالصبي

وحش: بس انا ما اقدر استأذن من دوامي ..شلون ايييبله طبيه

مشاعل: خلاص يمه انا الضحى ..اروح اييبله مرضيه..امرنا لله

وحش: هالصبي يشلع القلب...يالله يمه انااا رايحه

مشاعل: فحفظ الرحمن

وحش( رشفت آآآخر رشفه من كوب النسكافيه...وقطت بحلجها زيتونه..تمت تعلج فيها واهي تطالع شكلها بالمنظره اللي يم الباب..وتنفش شعرهااا..وتعدله.كان حده قصيرر..



تمت تطق هرنااااااااات بس الشارع واااااقف

زحمه...

طقت ع السكاان بقوه..

تأخرت ع المدرسه


والمرينا اف ام قرقه من صباح الخير...وملاقه...

واخيرا" بعد ساعه الا ربع وحش قدررررت تطلع من هالشااارع

الحادث بصوب..واللي يطلطلون بالسياره صوب.اهما سبب الزحمه ..صج كويتين فضوولييييييين غصب بيطلوووون ويشوفون الحادث بتفاصيله

شارجر سوده على الرصيف....اقصد بقايا الشارجررر..

والدماء املطخه الرصييييف..

حادث مروع...


يماااااااااااااااااااااااااااااااااااااااااااااااا ااااااااااااااااااااااااااااااااااااااا


انفاس متسارعه


صحت ترف من نومهااا

واهي تشهق

وتيمعوا حولها خواتهاااا

والعرق يبلل يبهتهااا..



تكسر الزجااااااااااااااااااااااااااااااااااج

اصبح حطاااام

لقطات سريعه

صورة الشارع الرصيف

الاشاره

سيارات

الاف ام

صوت مزززززعج

وفجأه

___________

غاب عن الوعي..

===============================================


ويصعد جراااااح فوق عامود المطافي..وينززززل


مطلق: اشفيك شااااذي؟؟انزل انزل ..لي متى بتم امتعلق فووق؟؟

جراح: ياخوك ملينا قاعدين جذي متى البريك خل ناكل لنا شييييي

مطلق: اقول انثبر وانطر ثامر يجينا والله شكله مهو امدااااوم هالرجال ماراح يرتاح الا لما يطردونه

جراح: تلقاه الحييين امكبر المخده وانا ويااااك نلعب كوووت

سعد: يمعوووووود اخر الشهر مايلقى شي بمخباته ويقعد يطر يدور سلف

جراح:خخخخخخخخخخخخخخخخخخخخخ اوف اوف يالله متى البريك بدخن ياجماعه

مطلق: انثبر زيييييين اعقل انت متى بتعقل...الله يالفرق بينك وبين اخوك فراس..هذاك تقول رجال..وانت مهايطجي ولسانك طويل

جراح: كل تبن ززين مطلقو والله اني معطيك وي انا وحاشمك قلنا انت الكبير بس عااااد لا تطيح من قدري

سعد: قدرك ع الراس يابو راس بس تكفوون لكم خلق تتناجرون على هالصبح حتى ريحة حلوجكم ماراحت وانت وياااااه مناجر وصيحه

مطلق: انا ادري عنه هالمطفوق

جراح: شغل البلوتوث وشوف اللي بيوصلك الحييييين

سعد: الله ماعطاك خوات انت

جراح: للأسف لأ

مطلق: اخ تفو على اخلاقك

سعد: خخخخخخخخخخخخخخخخخخخخخخخخخخخخخ شباب بااااااااااس والله راسي بينبط

ويطل عليهم حامد.....: وبعدين يعني

مطلق: شتبي انت وجه العنززز رح رد لمكانك وانطر الانذار

كلهم قاعدين بالاستراحه وحولهم بدلاتهم الصفره امعلقييييين...والملل ذابحهممممم وامشغلين الاف ام وحده قرقه وعوار راس من الصبح ويسمعون المذيع يقول اسعار السمج..

مطلق: تدري عااد الوالده تحن علي شهر تبي زبيدي

جراح( رفع راسه اللي كان امسنده على اسفنجه): اقوول سعود...شعلم العقييييييييييدي اكل الزبيدي...

سعد : خخخخخخخخخخخ تكفه بس اترك عنك الريال..

========================================
لما ارجع اكمل

 

[دبة زمانها]

أوكي يلا نحن ب انتظاااارك..............wateing........<<<<<يعني ثقافه..

 

[miss 3yara]

الحين اكمل

 

[miss 3yara]

========================================


سفطت سيارتها ونزززلت ركض لقت الطلاب رايحييين صفوفهم....اوف معناتها راح تدخل ع الناظره..


بكل هدوء طقت على الباب..

الناظره فاطمه: تفضلي

وحش: صباح الخير يا ابله

فاطمه: صباح النور...( واهي تطالع الساعه) جم الساعه عندج

وحش: والله ادري يا ابله زحمه وحادث الله لا يوووريج وبالغصب طلعت منهااا

فاطمه( ابتسمت ابتسامه بارده): لو طالعه من بيتكم امبجر جان وصلتي بوقت ابجرررر...




بعد فترة من المحاسبات اللي مالها داعي بصراحه...


دخلت وحش الصاله...


إلهام: صباح الورد ....صف فتحيه احتياط يا ابله وحش

وحش: من اولها...( بلعت ريجهااا..واهي تحط جنطتها على المكتب...رفعت جمومها وتوجهت حق صف ..


اولى رابع...يبوووووووووووووووي الله يعيييني على اولى..

دخلت عليهم الصف واهي تصفق بقوه..

وحش: يالله شباب الصاله ...

إلتفتوا على الابله اليديده...والذهوله كافخهم..

وحش: في شي؟؟ ياللله جداااااااااااااااااامي اشووف ( بملامح امعصبه وتورد لونها...وبان عرج خفيف بيبهتها وصوب رقبتهاا..)

تقدموا اليهال بخوف وصفووا طابوووور..


وحش مشت جدامهم وفجأه سمعت....


جب انتوا خدمنا والله اعلم ابوي


وحش لفت واهي طابقه اسنانها بقوه على بعضهم...: منو اللي تحجى قبل شوووي


كلهم سكتوووا

و وخروا...وبان تلميذ قصير...ابيض..بشعر ناعم مارينز..ماسك التلميذ الثاني من ملابسه..


وحش: انت هييييييييييييييييي نزل ايدك

نزّل ايده وتخصر لهااا ..واهو امجتف ايده...


وحش: اوقف عدددل

سكت واهووا يطالعها بنظره خايسه...

وحش استغربت ورفعت حواجبها تعبير عن الاندهاش..

وحش: شسمك انت؟؟؟؟

....: اسمي بدر...

وحش: تكلم عددددل ...لا تخليني الحين أأدبك ....واوديك عند الناظره

بدر سكت واهو رافع حاااجب

والتلاميذ سووا دائره حولهم...

وحش: ليش تكلم رفيجك جذي

بدر: مو رفييييجي خسييييي

وحش: اااااااسكت...تكلم عدل

بدر: شتبين انتي

وحش: بعدددددددددددد؟؟؟؟؟

وحش: ابله إلهاااام....

إلهام: نعم يا ابله...

وحش: خليج مع الصف انا باخذه الاداره

إلهام: سبيييييييييهم يا ابله واللهي تتعبي دول صوغيريين

وحش: لالا هذا غير جدامي اشووف تعال وراي المكتب

بدر راح وراها بهدوء لمكتبها..قعدت ....واهوا تم وااقف....

وحش: عطني اسمك الكامل..

بدر: بدر مشاري الـ**

وحش صفعتها اكبر انواع الصدمـــــــــــــات..

بدر؟؟؟؟؟ مشاري ال...**


ابوك مشاري الـ**..

بدر: اي ( واهوو امسند ايده على المكتب..)


بدر مشاري..


ولد طليق بدور اختي


الله يالدنيا......

وحش: اسمعني بكتبلك ورقه تعطيها حق ابوك

بدر حرك راااسه واهوو حده متضايق من هالكائن اللي جدامه...

===============================================