(( غير المعاش )) .... تنويــع مصادر الدخل .... (( غير المعاش ))

[السنيورة]

رد : (( غير المعاش )) .... تنويــع مصادر الدخل .... (( غير المعاش ))

الله يوفقكم بنات ان شالله

 

[@ الرسامة @]

رد : (( غير المعاش )) .... تنويــع مصادر الدخل .... (( غير المعاش ))

فطومة الكويتية



اشلون تقدرين اتساعدينا ؟؟؟؟

 

[عيون شيرازيه]

رد : (( غير المعاش )) .... تنويــع مصادر الدخل .... (( غير المعاش ))

قوه بنات
أنا توني يديده بالمنتدى والصراحه حسيتكم خوات عشان جذي اشتركت معاكم
أنا وحده جامعيه وتدرون بسوالف البنات بالجامعه (مو متزوجه) بس إذا أبي نظارات ولبس وجناط وفايل وانتوا بكرامه جواتي وشحاحيط
صج أشتري من العادي بس بخاطري مثل ربعي آخذ ماركات وهالسوالف وبطلع مع رفيجاتي ومصرف التلفون والبحوث والسفر بالصيف مانطول عارفين المصاريف
أنا مخي نظيف بشهادة وايد من الناس بس مشكلتي مادري اشلون أستغل شطارتي وأفكاري
أبي مشروع راس ماله زين مو خيالي لأن مو معقوله كل شئ على أهلي هم بعد عندي اخوان
كافي حاطين القصد مال سيارتي على ظهرهم
فشنو تقترحون؟؟؟
أنا فكرت أييب بضاعه وأبيعها بربح صغير ويكون راس مالها شويه وكل ما ربي يرزقني أييب زياده
أنتوا اشرايكم؟؟؟ شنو تقترحون؟؟؟؟
يليت تساعدوني

 

[نفيشه]

رد : (( غير المعاش )) .... تنويــع مصادر الدخل .... (( غير المعاش ))

بس حبيت اقول لكم انه خوش موضوع
وبالتوفيق للجميع انشالله

 

[مطفوقه^ملقوفه]

رد : (( غير المعاش )) .... تنويــع مصادر الدخل .... (( غير المعاش ))

قوه بنات
منو تعرف شئ عن معرض القادسيه؟؟؟
يليت اللي تعرف مستوى المعرض وأسعار الدراريع اللي تنباع بجم تفيدني بسرررررررررررررررعه

 

[تووت]

رد : (( غير المعاش )) .... تنويــع مصادر الدخل .... (( غير المعاش ))

بناااااات


اتوقع كل وحده عندها مواهب معينه

سواء بالخياطه او الاشغال اليدويه

او حتى تقدر تجيب بضاعه معينه


لكن المشكله ويييييييين

؟؟؟


الغالبيه يستحون او مايتقنون فن التسويق


فاتصور لو وحده شاطره ولهلوبه

تصير وسيطه بمعنى ....اي وحده عندها شي تبي تسوقه توديه لها

وتقولها ابيج تبيع بما لايقل عن خمس دنانير

والمبلغ اللي تبين تزيدينه براحتك بيعيه بسته سبعه المهم اللي ابيه 5

وجذي الثنتين ربحانين

ممكن تكون وسيط لتأجير وبيع بدل الاستقبالات ونفانيف السهره

او الجناط الماركه اذا طاحت بجبدج وتبين تبيعينها وهي جديده ممكن تعرضينها


او اي وحده تتقن طبخه معينه او صنعه معينه

توديلها نماين والوسيطه هذي تعرضهم وتسوقهم للزباين

هذي فكرررررررره مربحه احنا بنستفيد والوسيطه نفسها تستفيد مع العموله


اتمنى فكرتي عجبتكم


واللي حابه تكون وسيطه بس الله الله بالامانه

تبلغ الجميييييييييييييييييييييييع

وبالتوفيق ان شالله

 

[بـزه]

رد : (( غير المعاش )) .... تنويــع مصادر الدخل .... (( غير المعاش ))

قوه بنات
أنا توني يديده بالمنتدى والصراحه حسيتكم خوات عشان جذي اشتركت معاكم
أنا وحده جامعيه وتدرون بسوالف البنات بالجامعه (مو متزوجه) بس إذا أبي نظارات ولبس وجناط وفايل وانتوا بكرامه جواتي وشحاحيط
صج أشتري من العادي بس بخاطري مثل ربعي آخذ ماركات وهالسوالف وبطلع مع رفيجاتي ومصرف التلفون والبحوث والسفر بالصيف مانطول عارفين المصاريف
أنا مخي نظيف بشهادة وايد من الناس بس مشكلتي مادري اشلون أستغل شطارتي وأفكاري
أبي مشروع راس ماله زين مو خيالي لأن مو معقوله كل شئ على أهلي هم بعد عندي اخوان
كافي حاطين القصد مال سيارتي على ظهرهم
فشنو تقترحون؟؟؟
أنا فكرت أييب بضاعه وأبيعها بربح صغير ويكون راس مالها شويه وكل ما ربي يرزقني أييب زياده
أنتوا اشرايكم؟؟؟ شنو تقترحون؟؟؟؟
يليت تساعدوني

صاجه عيون شيرازيه المعاش ما يكفي من كثر المصاريف و كل شي صاير غالي والمعاش مكانك سر ما شفنا زيادات ولا شي



انا اقول اذا في مشروع بضاعه في بالج ليش لأ جربي وان شاءالله ينجح و كل ما بعتي جيبي بعد ... بيعي عن طريق المنتدى و رفيجاتج بالجامعه او دشي معرض



انا ان شاءالله احااااول اجيب لي بضاعه او اصمم دراريع ... بس ماني عارفه شلون ادش المعارض ... اللي عندها فكرة يا ليت تقولي

 

[sunshine22]

رد : (( غير المعاش )) .... تنويــع مصادر الدخل .... (( غير المعاش ))

انااعرف بنات

تجمعو وحطو ملابسهم السهر ثاني يوم عرس وماشابه

صراحه ذوقهم عالي وبنات عزززززززززززززززززززززززز


بس يبون فلوس تعرفون مصاريف الحيااااااااااااااه



شنو سوو...............

قامو ببيت ديفا وهالمعارض يعرضون بدلهم وراحت البدل


شوي شوي

والناس يبون نفس الشي

قامو يودون لخيياييط برررره الهنود ينسخون ويترزقون الله

شوفو شلون من فكره انهم يصرفون ملابسهم الى انهم يصممون ملابس



====================


وانااختي بعد

تجييب من السعوديه عباياااااااااااات فخمه وغاليه صراحه بس في ناس يحبون يقطون وهي ما تزيد حيل على السعر شوي بس

والكل مأذينا بعباياتها من وين ونبي ونبي................الخ


وهي صدفه مره جابت اثنين وقالت ليش مااعرضهم بالمدرسه قامت من الحصه الثانيه قضوو الابلات عليهم والباقي انحروووووووو طافهم ويبون مثلهم قامت سوتلها تجاااااااااااره


سبحان الله الرزق بيد الله


والتجاره يبيلها شطـــــــــــــــــــــــاره

 

[شذروان]

رد : (( غير المعاش )) .... تنويــع مصادر الدخل .... (( غير المعاش ))

انا معاج اختي

السلام عليكم ... اشلونج اختى ... من مشاركتج عرفت انج تصممين ديكورات كاكاو للقرقعيان والكاكاو .. وانا هم عندي هذى الهواية وعندى مشغل واييب شغلات من فلبيين والصين بس لان زوجى الكريم ما يخيلينى افتر بالسوق عشان اعرف الافكار الموجودة عشان ما انككرها وادرس سعر السوق عدل .... اسوي اشياء حلوة بس رخيصة عشان انشهر اول لانى اصمم ملابس وقمصان والحمدلله مشت بس هالاشهر لايهة مع المدارس بس حيييل افكر اسوي فناتك للقرقيعان لانى العام سويت معرض اصغيير ونجح وكانت الطلبات وايدة ... المهم ادرى دوشت راسج .. الفكرة اللى ياتنى من مشاركتج اشرايج اشترى منج التصميم واذا اعجبتج الفكرة راسليني على ايميلي omritag2004@yahoo .com
لازم الوحدة تفكر بمشروع يدر عليها الفلوس




والله







انا ودي ببيت ومو حاصلي ؟؟؟؟



وانا قاعدة افكر بهالموضوع من زمان بس ما عندي اللي يشجعني يعني فكرت بمشروع تزيين الكاكاو والقرقيعان وانا شاطرة حيل فيهم بس ما عندي الوقت اني افتح محل واجابله يعني ممكن عن طريق اعلان صغير بالوسيط ويمشي


بس ياربي اتوقعون الناس تشتري مني ؟؟؟؟؟؟؟؟؟؟؟



والله يابنات لا تقولون ان احنا عندنا خير !!!!!! ويكفي المعاش ؟؟؟؟؟؟؟؟؟


لا يا حلوين حسبو حساب الطوارئ يعني بيت او علاج او عرس او سيارة ؟؟؟؟؟؟؟؟؟؟؟



ها شقلتو ؟؟

السلام عليكم ... اشلونج اختى ... من مشاركتج عرفت انج تصممين ديكورات كاكاو للقرقعيان والكاكاو .. وانا هم عندي هذى الهواية وعندى مشغل واييب شغلات من فلبيين والصين بس لان زوجى الكريم ما يخيلينى افتر بالسوق عشان اعرف الافكار الموجودة عشان ما انككرها وادرس سعر السوق عدل .... اسوي اشياء حلوة بس رخيصة عشان انشهر اول لانى اصمم ملابس وقمصان والحمدلله مشت بس هالاشهر لايهة مع المدارس بس حيييل افكر اسوي فناتك للقرقيعان لانى العام سويت معرض اصغيير ونجح وكانت الطلبات وايدة ... المهم ادرى دوشت راسج .. الفكرة اللى ياتنى من مشاركتج اشرايج اشترى منج التصميم واذا اعجبتج الفكرة راسليني على ايميلي omritag2004@yahoo .com

 

[bnt_kwt]

رد : (( غير المعاش )) .... تنويــع مصادر الدخل .... (( غير المعاش ))

والله يا بنات الماعاش ما عاش
ما يتم عندي كلش ساعات احس انه فلوسنا مافيها بركه
وساعات اقول انا اللي ما عندي حسن تصرف وتدبير
ودي افتح مشروع بس من وين ودي بوايد اشياء بس اخاف من المخاطره

 

[مطفوقه^ملقوفه]

رد : (( غير المعاش )) .... تنويــع مصادر الدخل .... (( غير المعاش ))

أنا بعد ودي أصمم دراريع لأني أعرف أدخل ألوان وخامات
بس المشكله كل من يصمم الحين
وأنا أن سويت بسوي دراريع فخمه وتكلف يعني شي طبيعي بيصير سعرها شوي غالي وأخاف الناس يستغلون وما يشترون
وهم أحب أسوي علب قرقيعان أنا وأختي
وأحب أصمم كفرات ومفارش حق اللي بتتزوج أو طقم والده جذي
وأمي مشجعتني وأخواني بس مشكلتي أخاف ماتمشي بضاعتي وأنا مفكره أدش معارض من زمان ورسمت تصاميم الدراريع ودرست الموضوع وحددت الميزانيه التكلفه والشغل والربح بس الخوف ذابحني

 

[ربيع العمر]

مشاركة: (( غير المعاش )) .... تنويــع مصادر الدخل .... (( غير المعاش ))

بنات أنا أعرف وحدة تصير لنا ماشاء الله عليها عندها خير خير وبانية حخق عيالها بناتها وصبيانها بيوت بالجابرية وهي من زمان عندها خير والله رازقها

المهم بناتها يدروسون برة بالخارج يعني هي أولها تاليها دافعة فلوس تذكرة السفر
وكانت تييب معاها كم جنطة فيها بضايع مو شرط تكون البضايع من شيء واحد لا والله منوعة ونصيحتي يعني الاقبال أكثر شيء يكون أكثر من الملابس لأان بصراحة الملابس تارسة ديرتنا وفي أرقى المحلات ,,,, لا اللي بتييب بضاعة خل تييب أشياء مميزة وفناتك حق البيت حق المطبخ حق العيال وشوفوا ترا هي تييب أشياء فنكية حق البنات اللي بسن 13_17 ومرة ودينا الجناط بيت يدتي الله لايراويكم البنات طاحوا له حن في امهاتهم على هالأشياء يكشخون فيهم بالمدرسة على صديقاتهم ومن كثر الحن أمهاتهم شروا لهم

وأقول لكم الشغلات غير الملابس تمشي بسرعة أكثر


بس هي تسوي هالشغلة مو عشان تبي فلوس لأ .. لكن من كثر ماتسير على بره حق بناتها قاموا يطلبون منها أشياء ومنها قامت تبيع ... والربح اللي تاخذه توديه مسجد في سبيل الله
اي بنات إذا طلعتي من فلوسج شيء في سبيل الله الله ماينساج ويزيد شغلج

وهم بعد أتذكر قصة ان في ناس بعمان يصيرون لصديقة أمي ابوهم ماعنده غير بيت واحد راس ماله في هالدنيا ماعنده غير ... حطاه في سبيل الله سواه مجلس ديني بعد فترة سلطان عمان مرة شاف شغله وهو كان عنده محجر صغيرون حق الرخام وشاف شغله وعجبه شغل نطيف ومرتب وبعدها عطاه كل محاجر عمان عشان يديرهم مالت الرخام وحتى في لاس فيغاس فنادق الاهرامات هذا الرخام الأصفر الغريب ماخذينه منهم وهو بيته حتى السقف رخام ماشاء الله

شوفوا الله يعوضكم ويفتح عليكم الرزق لو النية صافية حق رب العالمين



وعندي بعد مشروع أنا أقترحه على الأخوات اللي تشوف انها تقدر عليه
وهو ان أعرف وحدة تسوي مخلل ومعبوج وبهارات وطرشي وغيره ونفس اللي ينباعون بالجمعية المرطبانات اللي فيهم جبن وغيره

بس يابنات شنو طعمهة حلووووووووو أنا اللي مااحبه قمت أكل جبن ابيض اللي ينحط مع مخلل وغيره تسوي فناتك وكل اللي يساعدها بالشغلة انها عنده ألأة تجفيف تحطها فيها خلطبيطة أكل يتجففون وبعدين تسوي منهم مخللات وفناتك يابنات وين مال الجمعية اللي ماله طعم وين الأشياء اللي تحطها

لدرجة ان عندنا وحدة تدرس بدبي مرة خذت منها ودته هناك وقاموا يطلبون منها

 

[الأميرة]

مشاركة: (( غير المعاش )) .... تنويــع مصادر الدخل .... (( غير المعاش ))

ترى البقالات تربح هالجهال رايحين رادين

واكبر دليل بقالة بيت جيران اخواني رايحين رادين عليها وكل جهال الفريج

والله خووش مشروع

 

[أغلى حبيبه]

مشاركة: (( غير المعاش )) .... تنويــع مصادر الدخل .... (( غير المعاش ))

افففففففف


ريلي مو راضي اسويلي مشروع

رحت تايلند وماليزيا اقوله ليش مانييب بضايع يقولي لالالالالالالا احنا مو محتاجين

رحت السعوديه والامارات والبحرين اقوله ليش مانييب بخور وعطور وعبي يقولي لالالالالالا

افتحلي اهني محل لالالالالالا

كل شي عنده لالالالالالالالا

ليش ماادري

عطوني حل

تدرون الحين ببالي فكره
اسوي سي دي
احط فيهم الاكلات ومقاديرهم وطريقتهم مع الصور

ولا اسوي دي جي

واحط فيهم اغاني العروس
ولا على الطلب الاغاني اللي يطلبونها


شرايكم

 

[الأميرة]

مشاركة: (( غير المعاش )) .... تنويــع مصادر الدخل .... (( غير المعاش ))

لا الا الدي جي والاغاني بتاخذين ذنوب طول عمرج وتغضبين ربج

بطلي بقالة صدقيني بتربحين

 

[أغلى حبيبه]

مشاركة: (( غير المعاش )) .... تنويــع مصادر الدخل .... (( غير المعاش ))

اوكي ان شاءالله ادور مشروع ثاني

 

[امة الله2]

مشاركة: (( غير المعاش )) .... تنويــع مصادر الدخل .... (( غير المعاش ))

انا ودي ببيت ومو حاصلي ؟؟؟؟



وانا قاعدة افكر بهالموضوع من زمان بس ما عندي اللي يشجعني يعني فكرت بمشروع تزيين الكاكاو والقرقيعان وانا شاطرة حيل فيهم بس ما عندي الوقت اني افتح محل واجابله يعني ممكن عن طريق اعلان صغير بالوسيط ويمشي


بس ياربي اتوقعون الناس تشتري مني ؟؟؟؟؟؟؟؟؟؟؟



والله يابنات لا تقولون ان احنا عندنا خير !!!!!! ويكفي المعاش ؟؟؟؟؟؟؟؟؟


لا يا حلوين حسبو حساب الطوارئ يعني بيت او علاج او عرس او سيارة ؟؟؟؟؟؟؟؟؟؟؟



ها شقلتو ؟؟ انانفس الشئ وجزجالله خير يا الغاليه علي طرح الموضوع

 

[الأميرة]

مشاركة: (( غير المعاش )) .... تنويــع مصادر الدخل .... (( غير المعاش ))

ان شالله ينجح مشروعج الناس هابين بهالشغلات القرقيعان وعلبهم وهالسوالف واحنا ان شاالله نكون زباين عندج
والله يوفقج

 

[عنايد]

مشاركة: (( غير المعاش )) .... تنويــع مصادر الدخل .... (( غير المعاش ))

والله موضوعكم يونس واكيد خطر في بال اي وحده منا بس التردد والخوف اهو اللي يمنعناحتى انا فكرت بمشروع بس يكون في بيتي انا بعد ما أقدر اطلع من البيت كل شوي ووزوجي مايرضا بعد بس شنو لا تقولون لي مشغل المشاغل الحين تارسه الديره انا فكرت اجيب بضاعه من دبي بس شنو اجيب اذا كل شي موجود بالديره يعني ممكن تساعدوني بشي هابين فيه الحين بس مو موجود بالكويت اجيبه من برا استفيد منه بس ماتكون الديره بعيده يعني حدي دول الخليج ومصر هم فكرت بمشروع حلو القهوه والمعجنات اللي الحين هابين فيه بس شلون ماني عارفه؟؟؟؟يعني العماله اللي اجيبها من وين وانا طبعا اكيد بخليهم ببيتي والله للحين متردده وماني عارفه ارجو المساعده منكم

 

[@ الرسامة @]

مشاركة: (( غير المعاش )) .... تنويــع مصادر الدخل .... (( غير المعاش ))

بالتوفيج يابنات


بعد نبي افكار للمشاريع