(( غير المعاش )) .... تنويــع مصادر الدخل .... (( غير المعاش ))

[^SwEeTa^]

السلام عليكم


اشلونكم بنات

حبيت افتح المجال علشان نتناقش بأساليب تنويع مصادر الدخل .. لأن مثلكم عارف ان مصاريف الاسره وايده و طلبات العيال ما تخلص .. و المعاش يا دوب يغطي الاقصاط .. و الحل ؟؟؟؟ لازم نلجأ لمصدر دخل ثاني يسند المعاش اللي ماااا عاااااش ..


و علشان نثري المناقشه حطيت محاور ممكن ننطلق منها ... و هي :


- شنو ممكن تسوون انتي و شريك حياتج لزيادة دخل الاسره (نوع النشاط) ؟؟؟

- شنو مقدار الزياده اللي ممكن ترضيكم و تغطي احتياجاتكم ؟؟

- مصدر الدخل الجانبي اللي اخترتوه دخله ثابت و لا متغير ؟؟






ارجو من الكل المشاركة

و لكم خالص الشكر

 

[**فلونه**]

رد : (( غير المعاش )) .... تنويــع مصادر الدخل .... (( غير المعاش ))

هلا سويتا خوش موضوع .........تنوع مصادر الدخل ..........عندج المشاريع الصغيره (( بس كلش مو مضمونه ويبيلها قوه قلب ............يعني عندج مطعم ..........مصبغه ........الخ

بس انا وزوجي ما نفكر بالمشاريع بالمره .......لان الفلوس اللي بنيمعها ممكن نخسرها لان المشاريع يبلها خبره ............والاجانب بالكويت مو مخلين لعيال الديره فرصه كل شي مشتغلين فيه واذا الكويتي فتح له محل يمهم اخسرونه .


والطريقه الاضمن ...............الاسهم و الله كريم


والمعيشه بالكويت وايد غاليه ..............ويالله الحمدلله على كل حال .

وبنات تذكروا المجاعه بالصومال وغيرهم وغيرهم و شوفوا احنا شلون نصرف الفلوس على الكماليات مكياج ............عطور ............ساعات .....الخ وبعد مايبين بعينه


ومشكووووووووووره سويتا على الموضوع الحلو

 

[الدلال كله]

رد : (( غير المعاش )) .... تنويــع مصادر الدخل .... (( غير المعاش ))

اول شي اللي ماعنده اقساط موكويتي عندج مشروع المشغل اوصالون اواذا عنج وحدة عندها مشروع سوقي لها ويبي لها زباين وتعطيج نسبة بس انصح كل وحدة ديري بالج من الشراكة في اي مشروع في مثل يقول اللي بتخسره شاركه.. والله يابنات عيشتنا والحمدلله عيشة ملوك شنوناقصنا والحمدلله خدم شايلة البيت من الالف الي الياء وخدم ايدهم بيدنا تساعدنا اذا عندنا ياهل صغير وسواق وكل مانشتهي نحصل عليه من اكل ولبس وغيره وبيوت تسترنا ولله الحمد وترى اللي ذكرته مااقسط فيه الطبقة الغنية وفوق هذا كله عايشين بديرتنا الغالية الله يحفظها وبين اهلنا وشعبنا الحبيب صج الواحد يسعى للافضل وفعلا ديرتنا وايد غالية ومتطلبات الحياة موعادية العيال ماكو شي يرضيهم لانهم تعودوا ان كل شي يبونه يحصلون عليه.وسامحوني طولت عليكم شسوي الموضوع عجبني

 

[**فلونه**]

رد : (( غير المعاش )) .... تنويــع مصادر الدخل .... (( غير المعاش ))

الدلال كله والله انا اعرف ناس ما عندهم اقساط لا ووفرون من معاشاتهم صج اهم قله قليله بس انا اعتبرهم مكافحين و قنوعين ...............يعني السياره يستعملونها اكثر من 6 سنين مدام تمشي و زينه ليش يغيرونها ................لا وهل ناس الحمد لله ما عليهم قاصر و الفلس يحسبون له الف حساب قبل ما يدفعونه ...........يابختهم والله

 

[^SwEeTa^]

رد : (( غير المعاش )) .... تنويــع مصادر الدخل .... (( غير المعاش ))

فلونه ..

الدلال كله ..


اولا : مشكورين حبيبات قلبي على المشاركه و التفاعل

ثانيا: افهم منكم انكم ما تفكرون بتنويع مصادر الدخل ؟؟؟

طيب ميخالف الحمدلله احنا ما علينا قاصر .. بس انتوا شايفين العيشه كل مالها تغلى اكثر و اكثر .. و كل ما كبروا العيال كثرت طلباتهم .. و احنا حتى بيوت مو قادرين نشتري و لا حتى سياره عاديه كاش .. و اعتمادنا كله على القروض .. يعني ليمتى ؟؟؟

يتراوالي احنا كلنا لازم نفكر بهالشي و نتحرك دام احنا تونا صغار و بصحتنا ..

انزين اكيد كل وحده فكرت بينها و بين نفسها بمشروع .. شنو هالمشروع ؟؟ و اشلون ممكن تشتغل فيه ؟؟؟

يلا يا بنات خلونا نتساعد .. نبي مشاريع .. كل وحده تحط المشروع اللي ودها فيه و باجي البنات يحاولون يساعدونها و يقترحون عليها اشلون تطبقه .. انا في بالي واااااايد مشاريع بس ما ادري اشلون ابتدي فيها ..

 

[السفيرة عزيزة]

رد : (( غير المعاش )) .... تنويــع مصادر الدخل .... (( غير المعاش ))

سويتا خوش موضمع

انا ودي اسوي مشروع

و انا قصدي انا مو ريلي

ودي بمشروع حقي اشغل فيه وقتي
و هذا انا قصدي اذا طلعت عالمعاش

اما عن ريلي فيفكر بانه يفتح شركه تكاسي سيارات

انا مو عاجبتني الفكرة

بس اهو مصمم عليها

على العموم حاليا احنا مانقدر نسوي اي مشروع لما يخلص قصد البيت

ان شاء الله

اما الوضع الراهنفهو الاسهم

بس تدرين نصيحه اخوي شنو

يقول دايما ان افضل استثمار بالكويت

العقار

و سلامتكم

 

[kajool]

رد : (( غير المعاش )) .... تنويــع مصادر الدخل .... (( غير المعاش ))

بصراحة الموضوع وايد حلو ويستاهل الواحد يتناقش فيه
المهم طوووووووووووووول ما نا في الشغل لا يمكن افكر في مشروع لان يالله تردين الدوام وتشوفين اليهال والبيت يعني كفايه انك تاركتهم السبع ساعات هذي اول هم فيها من غيرهم
ولكن بعد التقاعد بصراحه افكر اني افتح حضانه او اي مشروع صغير يكون اقدر اوفر منه ويكون اقدر اجابله

 

[^SwEeTa^]

رد : (( غير المعاش )) .... تنويــع مصادر الدخل .... (( غير المعاش ))

السفيرة عزيزة

شنو المشروع اللي تفكرين فيه ؟؟

و التكسي تهقين يمشي ؟؟ لأن الديره متشبعه تكاسي !! و بعدين يبيله راس مال كبير .. سيارات و اجار مكتب و رواتب عمال و اللذي منه .. و لازم يكون عندكم خبره بهالمجال .. تعتقدين انه مشروع عملي ؟؟؟!!!


كاجول .. مشكوره حبوبه على التفاعل .. بس اشفيكم كلكم تبون تفتحون مشاريع بعد التقاعد ؟؟؟

احلى انكم تتعبون الحين عشان عقب التقاعد تتفرغون حق انفسكم و تكونون بانين روحكم و خالصين .. ما تبدون بالشغل من اول و يديد .. و تفضون عاد حق السفر و الوناسه

 

[@ الرسامة @]

رد : (( غير المعاش )) .... تنويــع مصادر الدخل .... (( غير المعاش ))

انا معاج اختي


لازم الوحدة تفكر بمشروع يدر عليها الفلوس




والله







انا ودي ببيت ومو حاصلي ؟؟؟؟



وانا قاعدة افكر بهالموضوع من زمان بس ما عندي اللي يشجعني يعني فكرت بمشروع تزيين الكاكاو والقرقيعان وانا شاطرة حيل فيهم بس ما عندي الوقت اني افتح محل واجابله يعني ممكن عن طريق اعلان صغير بالوسيط ويمشي


بس ياربي اتوقعون الناس تشتري مني ؟؟؟؟؟؟؟؟؟؟؟



والله يابنات لا تقولون ان احنا عندنا خير !!!!!! ويكفي المعاش ؟؟؟؟؟؟؟؟؟


لا يا حلوين حسبو حساب الطوارئ يعني بيت او علاج او عرس او سيارة ؟؟؟؟؟؟؟؟؟؟؟



ها شقلتو ؟؟

 

[^SwEeTa^]

رد : (( غير المعاش )) .... تنويــع مصادر الدخل .... (( غير المعاش ))

الرسامه


صاجه و الله المعاش مو كافي

و بالنسبة لمشروع القرقيعان و الككاو ترى وايد حلو .. دشي فيه ليش لأ

ترى الناس تبي هالسوالف .. و خصوصا اذا صارت اسعارج ارخص من السوق و الشغل مرتب و فنتك .. صدقيني محد راح يخليج .. يلا شدي حيلج و فكري فيه بطريقة جديه .. انا اشجعج و بشده

 

[@ الرسامة @]

رد : (( غير المعاش )) .... تنويــع مصادر الدخل .... (( غير المعاش ))

صج ؟؟؟؟؟؟؟؟؟



اتوقعين اني انجح ؟؟؟؟

 

[^SwEeTa^]

رد : (( غير المعاش )) .... تنويــع مصادر الدخل .... (( غير المعاش ))

اي ان شاء الله ليش لأ ؟؟؟

ابدي باللي حواليج و اذا الناس شافوا شغلج حلو شوي شوي يزيد الطلب عليج و يصير لج زباين

 

[Dancing^Queen]

رد : (( غير المعاش )) .... تنويــع مصادر الدخل .... (( غير المعاش ))

مشكوره سويتا علي الموضوع




ورسامه ليش ماتنجحين
انا هالسنه شاريه قرقيعان من رفيجه حماتي وياحلاته طلع شزينه
وايد حلو وسعره معقول


وبالنسبه لي
انا صج صج صج صج خاطري اني افتح مطعم
ابي اسوي صمون فقاره بو اميه فلس
اولا مايبله راس مال وايد
يعني اجار المحل
والاكل والمواد الغذائيه
ومعاش اللي يشتغل والستاند مال الصمون
وابي يكون بجنوب السره
لان منطقه يديده ومافيها خدمات
خصوصا احنا الزهره
صج ناطره يفتحون فرع علشان اخذلي مطعم عنونو بالفرع واخليه محل صمون فقاره يعني مابي شي جايد كشخه موت
قليل دائم احسن من كثير منقطع واخليه بطاط وبيديان وفلافل ولبنه وهمبرغر وجذي
يعني المشروع بالزايد راس ماله 5 الاف او حتا 3 تكفي
ويخدم البيوت اللي يمه
واسوي فيه قاري ديلفري اول شي
بعدين اتوسع واسوي سياره توصيل
وانافس شهريار


ترا ماتغشمر من صجي


هذا اللي ابيه
اهل الكويت يموتوووون علي الاكل
تجارتين ماتخسرين فيهم بالكويت
بلعه
وقمصان نوم

 

[Dancing^Queen]

رد : (( غير المعاش )) .... تنويــع مصادر الدخل .... (( غير المعاش ))

علي فكره يابنات قبل جم سنه قبل المعارض واللويه
انا واختي تحاططنا كل وحده 100 ويبنا قمصان نوم من امريكا بفتره السيل
وبعناهم بحيث مايزيد سعر القميص عن 6 - 5
والله يابنات رد علينا المشروع 400
يعني كلوحده 200
يعني ربحنا الدبل
حلو جذي اتطقطقين

 

[kajool]

رد : (( غير المعاش )) .... تنويــع مصادر الدخل .... (( غير المعاش ))

انا اقول احنا نطلع من البيت الساعه 7 الصبح ونرد الساعه 3 العصر يكون اليهال رادين من المدرسه لازم تجابلينهم وتأكدين من دراستهم هذا غير انش لازم تجابلين الزوج وتشوفين احتيجاته وشنو البيت يبي لا تقولين خدامه عندي ترى هي ما تسد عنش في البيت وفرضا اخذتي محل وسويتي تجاره وعينتي احد فيه ما تضمنينه لان اسأل مجرب ولا تسأل دكتور وهذا الشىء صار ونسرق الفلوس وهرب + غش في الحسابات وطلعتي انتي في الاخير مطلوبه
ففضلت يصير بعد التقاعد الواحد يفرغ يشوف شغله الخاص ويصير ملك وامير راس عمله وعرف يصرف اموره
ترى كوين حتى الصمون راح يسرقون منش ويصير غلط في الاحساب هههههههههه9

 

[الشيف رقيقة]

رد : (( غير المعاش )) .... تنويــع مصادر الدخل .... (( غير المعاش ))

خوش مشروع كوين - موفقة حبوبة

 

[@ الرسامة @]

رد : (( غير المعاش )) .... تنويــع مصادر الدخل .... (( غير المعاش ))

والله انتي كوين تمام


اتونسين واتشجعين وفكرتج حلوة بس المشكلة بالعمالة واجارهم ولازم ريال يجابلهم مو مرة !!!!


انا ودي والله انا مدرسة رسم شنو اتوقعون انجح فيه ؟؟؟؟؟؟؟؟؟؟

 

[^SwEeTa^]

رد : (( غير المعاش )) .... تنويــع مصادر الدخل .... (( غير المعاش ))

كوين .. و الله خوش مشروع الصراحه .. و حلو انج تفكرين بالمناطق اللي توها ما كملت خدماتها .. و على سالفة القمصان .. منين يبتوهم ؟؟ من اي محل ؟؟

كاجول ... اي صاجه حبوبه .. مو الكل تقدرين تأمنين فيه .. بس ترى مو الكل .. حرام .. بس لازم ما تهدين حلالج بيد احد الا و انتي عارفته عدل

الرسامه .. ها فكرتي بالمشروع و لا ليلحين ؟؟

الشيف رقيقه .. حياج

 

[**فلونه**]

رد : (( غير المعاش )) .... تنويــع مصادر الدخل .... (( غير المعاش ))

سويتا انا معاج الواحد افكر بمشاريع اصغيرونه .........بس بو الاف هذي جايده وتخوف


بس انا بقولج حلمي اللي كله بالي بس صعب تحقيقه ...........ودي اسوي مطعم انا اشتغل فيه بس مو نفس كوبن صمون بو 100 لالالالا انا ابي اسوي مطعم بس باستاااااااااااا و دي اكون للنسااااااااااء فقط ما يدخلونه ريايل ...........عشان البنات ياخذون راحتهم واااااااااااايد اتحلم ادري


و انا وحده اشتغلت بالمشاريع الصغيره واااااااااااااااايد و صج كنت اربح بس وايد تعب و الناس مايقدرون بالمره .........وكرهوني عيشتي و قلت خلاص بعد مشاريع اصغيره ما كو ...

 

[غدير^الجنان]

رد : (( غير المعاش )) .... تنويــع مصادر الدخل .... (( غير المعاش ))

السلام

شلنونكم ينات

خوووش موضوع والله

انا ديت بمشروع اللي اهو التصوير

صرت اصور اليهال في المناسبات مثل العيد والقرقيعان
واحط الصور بالكمبيوتر وشغل عدل بالفوو شوب

بس ماكملت لان بننت خالي باقت الفكره مني وريلها له خبره بالبرامج فصار يساعدها و صارت تصور حق اهل ريلها اللي وايد اهم
مو مثل اهل ريلي ينعدون على الاصابع

فربحت وصارت تشتري احدث الكامرات

ولما كنت اقولها علميني بجم شغله اسألها تقول مو فاضيه
او ان بعدين تعلمني وتعطيني طاف

بس الشي الزين انه خالاتي الليي كنت اصور عيالهم ماقامو ياخذون منها لان سعرها غالي


فاللي عندها مشروع صغيرون مايبيه راس مال وايد

تقولي

ومشكورين