غياب بعد العيد؟؟؟؟

[ام فهووودي]

اليوم غيبت بنتي ثالثه ابتدائي وولدي بأولى ابتدائي

وشفت مدرسه بمدرسة ولدي قالتلي لااتودينه باجر لان اليوم كان العدد شويه ومادرسوهم

باجر بروح اخذ طبيه حقهم ويوم الاحد ان شاء الله بخليهم يداومون

 

[النهج الاسمى]

اكيد غياب

 

[وهج الخير]

حسب كل مدرسه مع ان الكل دق على اهله ياخذونهم وبس قاعدين يدمجون الصفوف

 

[فراشة الوادي]

بنات منو بخيطان انا غيبت عيالي اليوم مادري اشوف كل الناس مغيبين عيالهم للاحد نبي راحه بعد الامتحانات والله لي قبل العيد بيوم يالله خلصوا خلينا نرتاح

 

[الناعمة]

والله مدرسة بنتي متروووووووووسة

ولا حصة احتياط

 

[dnyay_mll]

انا غيبت ولدي اليوم
بس سالت مرت اخوي اهي مدرسه عن باجر قالت مافي طلبه ومافي دراسه
بخلييه لي يوم الاحد يداوم

 

[الرياش]

انا وديت ولدي المدرسه وقالي الطلبه امداومين بس 5 الي غايبين ودرسوهم والمدرسه دازينلي مسج لاتغيبون اعيالكم في دراسه .
مدرسة ولدي شيخان الفارسي ,على هالحركه وايد عجبتني المدرسه لأن انا ضد الغيااااااااااااااااااااااااااااااب
ودوا اعيالكم المدارس ما يصير جذيه ابروحهم امداومين متأخر متى بيخلصون المناهج
مو بعدين تتحلطمون وتقولون راكضين باعيالنا ركضه

 

[shogalq8]

آنا أستغرب من إلي تبي تودي عيالها المدرسة يعني كل دول الخليج عطلتهم أسبوع كامل إلا إحنا ووايد من المرسين رايحين الحج وبعض الأهالي بعد رايحين الحج يعني شصير إذا خلو العطلة حق المدارس أسبوع بس تبون الفكه منهم حرام مساكين

 

[كويتية صغيرة]

وبعدين

تقولون

ليش يركضون فيهم بالمنهج


اهم اصلا مداومين متأخر علشان انفلونزا الخنازير

+

تأخيرات العطل

ترى ماباقي شي و يعطلون (شهر12 بس باقي و شهر 1 امتحانات)

كله الغيابات الحين
كله يأثر
خصوصا رابع و خامس و مابعد
اللي عندهم امتحانات فترة نهائية

 

[Um Hasan]

وبعدين

تقولون

ليش يركضون فيهم بالمنهج


اهم اصلا مداومين متأخر علشان انفلونزا الخنازير

+

تأخيرات العطل

ترى ماباقي شي و يعطلون (شهر12 بس باقي و شهر 1 امتحانات)

كله الغيابات الحين
كله يأثر
خصوصا رابع و خامس و مابعد
اللي عندهم امتحانات فترة نهائية

معاج حق انا خليتهم يداومون ... العطلة 5 أيام ، ليش لازم تزيدونها ؟؟

 

[زينة الزين]

والله آنا من قلب ضد الغياااااااااااااااااااب وما ودي أغيب عيالي بس شسوي
بنتي قالت لها الوكيلة أشكرة لاتييييييون
بس الولد بشيخان الفارسي قال الحضور بس شوية ودرسوا شوي والباقي لعب
ما أدري يا ربي أحترت والله والصراحة مصخت السالفة 3 أيام أبدا مو شوية حق الغياب
بس إذا الكل غايب مافي داعي يروحون

 

[زينة الزين]

توني أتصلت على ولية أمر ولد بشيخان الفارسي وأتفقت معاها أن باكر قصبا عليهم يروحون المدرسة
مافي داعي تروح عليهم دروس وينحسبون غياب
قاعد حضرته بالبيت حق الحنة والنجرة بس شبعوا وناسة وطلعات وفراغ بالعطلة
البنت بتغيب بعد شسوي يا حيل الله بس الولد مو على كيفه