غياب بعد العيد؟؟؟؟

[زينة الزين]

السلام عليكم وعيدكم مبارك أجمعين

وديت عيالي اليوم إبتدائي ومتوسط ومساكين لي آخر الدوام كل صف فيه 6 أو 7 وخلوهم يلعبون طول اليوم

سؤااااال
شنسوي؟؟؟؟
إذا اليوم ماكو أحد مداوم يعني نغيبهم لي الأحد؟؟؟

آنا حدي ضد الغياب بين العطل بس مساكين أقعدهم بهالبرد من صباح الله خير ويضيعون وقتهم بدون دراسة ؟؟؟

أشرايكم؟
غياااااااااااااااااااب؟؟؟؟

 

[بنت العمدة]

أكيد غياااااااااااااااااب
انا ولدي بثانية ابتدائي ماوديته وأختي درست عيالها والساعة عشر دقوا على أبوهم ياخذهم
ماكو أحد

 

[زينة الزين]

الظاهر ماكو دراسة
عيد طويييييييييييييل هالمرة

 

[البرق80]

اختي عيالج اي مدرسه لان انا ما وديت بنتي بس ما دري شكل اللي بالمدرسه كلهم غياب

 

[زينة الزين]

عيالي بجنوب السرة
سلمى بنت مالك المتوسطة
وشيخان الفارسي إبتدائي

 

[طير الحب]

راحو عيالى المتوسط والابتدائى مافى احد

بغيبهم لى الاحد شسوى بعد

 

[شهدالعسل]

انا والله وديت بنتي شهوده و اهي بصف اول ماكانوا غير 5 في صفه و ابلات يقولون ليش جيبته المدرسة
ما ادري اوديه باجر او لا ؟؟؟؟

 

[نجمة البحر]

انا ولدي باولى ابتدائي وما وديته واشوه اني ما وديته لاني دقيت على المدرسه وقالو ان اللي مداومين نسبه قليله ومافي دراسه
وطبعا راح اخليه يداوم الاحد الياي
وبنت اخوي بالثانويه راحت وبعدين دقو على البيت ورحنا خذيناها

 

[ام الفناتك]

من صجج محد مداوم الناس ساحبينها الى الاحد ما كو دوام في ناس داومو وردوهم البيت

 

[أم أحمد الحلوة]

انا ولدي بالثانويه وديته اليوم بعد مارد قالي يمه مافي الا 5 في الصف اكيد باجر ماراح اوديه المدرسه

 

[بسكوتا كتكوتا]

والله انا غيبته لاننا ما كنا جاهزين للمدارس وولدي بمدرسة خاصه بثانية ابتدائي

فرحت اشوف الوضع في مدرسته جان ألاقي الكل غايب والمدرسة مافيها احد


قالو المدرسات بيني وبينهم ما نبي نشوفه الا يوم الأحد

 

[الحراير]

انا اليوم وديت ولدي برابعه ولد اخوي باأولي ابتدائي وردوهم مافي احد مداوم وكلمت ناظرتنا قلتلها باجر يداوم قالت كيفج قلتله يعني مالي خلق اقوم الصبح واجيبه واخرتها تدقون علي وردت علي قالت شكلهم الطالب بيداومون يوم الاحد يعني اهي مستحيل تقول غيبوهم بس قالتلي ماراح يدرسون

 

[شيــوخه]

صج ماكو احد انا بعد اليوم وديت بناتي جامعين الصفوف كلها بصف واحد يعني ثواني كلهم بصف واحد اقول لهم ليش ماتتصلون علينا ناخذهم احسن من قعدتهم قالت ممنوع نتصل !!!!!

عاد قلت غياااااااااااااااااااااااب لي يوم الاحد احسن شي ماكو احد صراحه

 

[Um Hasan]

عيالي داوموا اليوم بمدرسة شيخان الفارسي ... وصفوفهم مداومين اللي غايبين ثلاثة لي خمسة ... باجر دوااااااااااااام بسهم قعدة بالبيت

 

[lyale]

المفروض ما يردونهم البيت والغايب يسجلونه غياب وينزلون درجاته بدل ما يشجعون المداومين يشجعون الطلبه علي الغياب صج الطلبه اهما الي ممشين بعض المدارس مو الناظر او الناظره

 

[البرق80]

انا عيالي بمدرسة لبابه بنت الحارث سألت جيرانا اللي كانوا امداومين يقولون ما في احد نسبه قليله اللي مداومه فعليه غياب لي الاحد

 

[&& قيثاره &&]

ماكو دوام واللى يدامون سته وسبعه ويضمونهم فما له داعى تودون اعيالكم ماكو دراسه الا يوم الاحد

 

[frfr197]

والله انا وديت بناتى ولا بنتى الوسطيه زرقت واتصلت على على الساعه 9 الضحى وقالتلى يمه تعالى اخذينا ماكو احد... طلعوا حاطين كل مرحله بصف يعنى محد مداوم........والله بصراحه انا ابى اغيبهم لحد يوم الاحدلان حرام اقعدهم من صباح الله خير بهالبرد ويمعونهم بصف واحد.....لا دراسه ولا شى

 

[om al ghaleen]

انا اليوم غيبتهم لانه اختى مدرسه وقالت مافي حضوور ابدا " واللي حاظرين ردووهم البيت
عادي قلت اوديهم باجر بس من كلامكم شكلي بخليها على يوم الاحد

 

[anona79]

ماعندكم سالفة ليش تغيبونهم أنا بنتي أولى ابتدائي عادي اليوم درسوهم وعطوهم واجبات حتى ولدي اللي برابعة عادي في دوام
الظاهر صج الطلبة هم اللي يمشون المدرسة
آنا أقول خل يداومون أحسن لهم من قادة البيت خل يرومون ويتعلمون
بسهم غياب