غياب الطالبات يوم الخميس؟

[بـشـرى]

زميلاتي العزيزات اتمنى منكم مساعدتى:gathering:

ومساعدت الجميع ... باكسابه الخبره والمعلومه التى من الممكن ان تفيدنا في

عملنا ......

نعانى من مشكلة غياب الطالبات يوم الخميس ..:krkrkr: وكلفت مديرة المدرسة من المعلمات تقديم مقترحات للحد من هذه المشكلة .......؟

اتمنى من الجميع مساعدتنا:klhfl والمشاركة وان لا تبخل علينا حتى لو كانت المعلومة بسيطة

 

[^SwEeTa^]

انتوا اي مرحلة حبوبة؟؟

احنا بالابتدائي ما عندنا هالمشكله الحمدلله

بس ممكن تسوون نشاط جاذب يكون بس في يوم الخميس!!

يعني مثلا برنامج مبهر بالإذاعة أو مسابقات للطالبات ككل أو هدايا من غير أسئلة (سحب أرقام) و علموهم خلال الأسبوع ان هالأشياء تصير فقط في يوم الخميس!!

أو مثلا .. حطوا لوحة للمتميزات خلال الاسبوع حق أي مادة من المواد .. و يكون التكريم يوم الخميس للبنات المتميزات!!

هذا اللي فكرت فيه الحين .. لكن إن شاء الله أفكر لج بالموضوع أكثر و أطلع لج أفكار

 

[فطووومة]

شوفي اختي

اذا انتي ابتدائي اعتقد الغياب سببه الاهل اهمه الللي يغيبونهم فسووا للامهات ندوة عن اضرار الغياب

سووا للبنات يوم مفتوح ،،، بحيث يكون في الفرص مسابقات فقرات ظريفة وسهلة بعيدة عن الدراسة

وان شالله يتحقق الهدف

 

[بساط الريح الاحمر]

عيل انا شقول عندي صفين ثاني ابتدائي حصصهم يوم الخميس بس

والله في بنات ما اشوفهم بالمرة ... وحاطة لهم التقدير مقبول

وفي اجتماع اولياء الامور الاهل مو عاجبهم شلون تربية وطنية وماخذة مقبول !!

 

[فطووومة]

عيل انا شقول عندي صفين ثاني ابتدائي حصصهم يوم الخميس بس

والله في بنات ما اشوفهم بالمرة ... وحاطة لهم التقدير مقبول

وفي اجتماع اولياء الامور الاهل مو عاجبهم شلون تربية وطنية وماخذة مقبول !!

حبيبتي طرشي حق الاهل انذار غياب لبنتهم عشان يعرفون تأثيره على درجاتهم باجر بحاسبونج ويقولولج
















حللي معاشج خخخ :dddds:

 

[futooosh]

لازم الناظره تسوي اجتماع حق اولياء الامور تنبهم عن الغياب

 

[دراهــم]

حطوا امتحانات قصيرة لمواد أساسية

كلموا الامهات عن ضرر الغياب

شجعوا الطالبات بمسابقات

دزوا انذارات

وقفوا الطالبات في الطابور

​

 

[طال السكوت]

اش دعوة عليكم ؟؟

كل يوم امتحااان ......قبل العطله وبعد العطله
وكل يوم واجبات ......بكل المواد
غير تحضير الدروووس
وغير الطلبات اللى المعاش يخلص وهى ما خلصت وغير اللوحات والاطباق كل هذااااااا وشنو تبون بعد

لاحول ولاقوة الا بالله ........عيالنا جالهم شد عضلي بظهورهم من الجنطة والطلبات .....وكل ابله لازم لبس معين بهالجنظه اللى وزنها اثقل من الطفل 4 مرات .......اهو لبس علوم +لبس صلاة +لبس رياضة +الوان خشبي وشينى واقلام سبورة ولازم ماركه واصلي بعد؟؟

خاااااااافوا الله فينا وفي عيالنا ترى تعبنا ؟؟حتى اهنيه بالمنتدى وماسلمنا من الخطط والدوابير ؟؟جهال اشتبون فيهم انذارات وفصل وامتحانات يومية ؟؟

حسبي الله على كل ظالم واولهم وزيرة التربية وتاليتها قبل دقايق حادثة اغتصاااااااااااب جديده لطفل بروضه عمره 5 سنين؟؟
روحوا عابلوا بوزارتكم ومدارسكم اللى كل يوم مصيبة .......وخلوا هالجهال اررررررحم لهم

 

[Q8iya-Cute]

اش دعوة عليكم ؟؟

كل يوم امتحااان ......قبل العطله وبعد العطله
وكل يوم واجبات ......بكل المواد
غير تحضير الدروووس
وغير الطلبات اللى المعاش يخلص وهى ما خلصت وغير اللوحات والاطباق كل هذااااااا وشنو تبون بعد

لاحول ولاقوة الا بالله ........عيالنا جالهم شد عضلي بظهورهم من الجنطة والطلبات .....وكل ابله لازم لبس معين بهالجنظه اللى وزنها اثقل من الطفل 4 مرات .......اهو لبس علوم +لبس صلاة +لبس رياضة +الوان خشبي وشينى واقلام سبورة ولازم ماركه واصلي بعد؟؟

خاااااااافوا الله فينا وفي عيالنا ترى تعبنا ؟؟حتى اهنيه بالمنتدى وماسلمنا من الخطط والدوابير ؟؟جهال اشتبون فيهم انذارات وفصل وامتحانات يومية ؟؟

حسبي الله على كل ظالم واولهم وزيرة التربية وتاليتها قبل دقايق حادثة اغتصاااااااااااب جديده لطفل بروضه عمره 5 سنين؟؟
روحوا عابلوا بوزارتكم ومدارسكم اللى كل يوم مصيبة .......وخلوا هالجهال اررررررحم لهم

أنا معاها :eh_s(1):

 

[بساط الريح الاحمر]

متعبة عسافها

شدعوة عليج انتي:eh_s(6):

والله من حبنا لهم نبيهم يوم الخميس

 

[^ حـلـــــوى و رهـــــش ^]

بصراحـه ..
أنا معلمـه بنيـن ..
عندي طلبه يغيبوون كـل خميـس ..
وتقريبا كل خميس يكوون الصـف نصـه اذا مو أقل ..

والسبب أتوقع .. من أولياء الاموور ...
اللي يروحون الشاليـه واللي يروحون المخيـم ..
ويغيبووون عيالهـم مرة وحـده ..


الحـل من وجهه نظـري ..
أن نخلي المواد الغير الأساسيه ويحبونها الطلبه .. يوم الخميس ..
مثل البدنيـه والرسم ..
وممكن مثل ما قالت فطومـه ندوره للأمهـات .. للتنبيـه عن الغياب المستمر ..

 

[فطووومة]

اش دعوة عليكم ؟؟

كل يوم امتحااان ......قبل العطله وبعد العطله

شنسوي عشان نشتغل ونحلل معاشنا نبيهم كل يوم يداومون
وكل يوم واجبات ......بكل المواد
غير تحضير الدروووس
اهو طالب علم يعني شلون ؟؟ ما تبينه يحل واجباته ؟؟ ولا يحضر الدرس واذا وزعنا الشهادات وشفتوا الدرجات النازلة شتسوووووووووون فيناااااااااا ؟
وغير الطلبات اللى المعاش يخلص وهى ما خلصت وغير اللوحات والاطباق كل هذااااااا وشنو تبون بعد
اطباق بعد شنو ؟؟؟؟؟؟؟؟؟؟ لا يكون ريوقنا بعد منكم ؟؟؟

ابروحج تقولين لوحات يعني لهم مو لنا ،،، اللوحات تسهل عليهم الفهم ،، واساسا قليل اللي يسون لوحات الحين الا اذا البنت تبرعت بنفسها عاد مو ذنبا بهالحالة ؟؟


لاحول ولاقوة الا بالله ........عيالنا جالهم شد عضلي بظهورهم من الجنطة والطلبات .....وكل ابله لازم لبس معين بهالجنظه اللى وزنها اثقل من الطفل 4 مرات .......اهو لبس علوم +لبس صلاة +لبس رياضة +الوان خشبي وشينى واقلام سبورة ولازم ماركه واصلي بعد؟؟

شلون تبينه يدرس ( اذا تبينه ) ويتفاعل مع الدرس واهو ما عنده احتياجات المادة نفسها ؟؟؟؟ واذا انتي شايفة انها طلبات فوق الحد روحي المدرسة واشتكي طلعي قوتج هناك ،، مو كل شوي وحده ناطة لنا اتقوا ،، ومادري شنو

خاااااااافوا الله فينا وفي عيالنا ترى تعبنا ؟؟حتى اهنيه بالمنتدى وماسلمنا من الخطط والدوابير ؟؟جهال اشتبون فيهم انذارات وفصل وامتحانات يومية ؟؟

المفروض انتو يا الاهالي اللي تاخذون هالانذارات لانكم السبب في الغياب هاليهال ما لهم ذنب ،،، بس كله حق مصلحتهم ان شالله في العطلة يرتاحون ويغيبون على كيفهم

حسبي الله على كل ظالم واولهم وزيرة التربية وتاليتها قبل دقايق حادثة اغتصاااااااااااب جديده لطفل بروضه عمره 5 سنين؟؟
روحوا عابلوا بوزارتكم ومدارسكم اللى كل يوم مصيبة .......وخلوا هالجهال اررررررحم لهم

الحين انتي عندج التعليم ظلم ،،، ومتى عيال البلد يتعلمون ،، ويخدمون هالديرة اللي عطت وعطت ،،، ترى الحياة اخذ وعطاء اذا ما تدرين وهذي ديرتنا باجر عيالنا يكبرون ويخدمونها ويردون لها المعروف


اما بالنسبة لهالجرايم ،،، كلنا متضايقين منها مو بس انتو والوزيرة ما قالت لهالمجرمين سووا جذي


وربي يستر على عيال المسلمين



لا حول ولا قوة الا بالله

 

[نتاشا الجميله]

فطومه زين تردين صراحه ^_^




الاهل اهم السبب الرئيسي والوحيد لخراب اليهال
ولا الوزاره مافيها شي كاهي مناهجنا وكاهم ابلاتنا ^_^

الله يرحم قبل كنا ننطق بالخيازرين لى غبا ^_^
ونروح حتى لو فينا اسهال الغراب هههههههههههههههههههههههههههههه




سوري بشرى طلعت عن موضوعج ادري بس سامحيني حرتني ولية الامر المستنكره



البنات ما قصرو ,,, إلا بغيت اسألج النشاطات ليش اختفت وين راحت هالأيام؟؟
اذكر قبل كل اثنين عندنا حصتين نشاط ونااااااااااسه

ردووووووو فكرة النشاطات والله روعه
وخلوها الخميس
وقت مستقطع من كل الحصص وجمعوهم بحه نشاط
والكل يشترك باي نشاط يحبه

وزدو النشاطات ووسعوووها ,, مو تخلون نشاط عربي ورياضيات لأ
خلو نشاطات فنيه ورياضيه اكثر يحبونها اليهال

وحطو عليها درجات داشه بأعمال السنه ^_^

 

[صابونه_]

اللي ما تيي الخميس
الاحد ما تدش المدرسه اتدقون على اهلهم اييون اتفاهمون معاهم
بس اخذوا قبلها تصريح من المنطقه التعليميه علشان ما يشتكون عليكم