غموض زيادات القطاع الحكومي وتفسيرها بموضوعي اتمنى الدخول والمشاركه

[ON_LY]

:bbbiu: كل وحده فينا قاعده تفكر بحجم زيادتها وتقارن بنظيراتها بالقطاع الخاص

بالبدايه حابه اقولكم ان الزيادات راح تدخل ان شاءالله بشهايد رواتبنا بهالشهر ( شهر مايو )
والصرف راح يكون بشهر يونيو الشهر الياي ان شاءالله وبأثر رجعي لشهر ابريل 4

لو بناخذها بالعقل شنو حجم الموظفين الكويتيين بالقطاع الخاص مقارنه بالقطاع الحكومي اساسا
بمعنى بغض النظر عن دعم الدوله للقطاع الخاص فلازم نشوف ان القطاع الحكومي اولى من القطاع الخاص بالزياده لان نسبه الكويتيين فيها اضعاف اضعاف من كويتيين القطاع الخاص بهالزيادات


الي كل وحده فينا يششوبها الغموض ومو عارفه جم زيادتها اساسا

بس الكشف عن زياده القطاع الخاص خلتنا نعرف ولو القليل بحجم زياده بعض التخصصات

ومنها كالاتي

جرت العاده ان زياده القطاع الحكومي اعلى من زياده القطاع الخاص بشوي

واقصد

كان صافي رواتب المهندسين 980 اصبحت 1380 زيادتهم بالحكومه 400
فزياده المهندسين بالقطاع الخاص 380 "330 + 50 " الي هي25% "

كانت صافي رواتب القانونيين 780 واصبحت 1180 الصافي " زيادتهم 320 + 25%"الي هي 65 " يساوي 385 "
فزياده المحامين والقانونيين القطاع الخاص 330 بحيث مجموع دعم العماله والزياده 750 + راتب المكتب + نسب القضايا

كان صافي رواتب المعلمين(900للنادر )اصبحت(1250 للنادر ) بمعنى الزياده 350
بينما زياده الخاص 280 + 50 يساوي 330 للمعلم


فنلاحظ من الامثله الثلاث ان زياده القطاع الحكومي اعلى من زياده القطاع الخاص بالكثير 50 دينار فرق

طبعا لا تنسون ان راتب القطاع الحكومي للجامعي حديث التعيين "260 دينار " بينما راتب الجامعي حديث التعيين بالقطاع الخاص سواء معلم ولا مهندس ولا قانوني لايقل عن750 والله يعني الفرق ضعفييين وشخصيا صايره وياي هالشي مره قدمت على شؤون الطلبه بالكليه الاستراليه وقالولي راتبج نعطيج 770 دينار بجانب دعم العماله

والحين مع الزياده حسبوها اذا الحكومه بروحها تعطي لتخصصات الهندسه والطب والقانون والمحاسبه والتدريس الزياده مع دعم العماله صاروا 780 صافي وترى هالمبلغ بدون لا نحسب راتب مكان العمل الي طبيعي مايقل عن500الى700 لحديث التعيين بمعنى 1200 اول مايتعين بالخاص الجامعي"780دينار من الحكومه من دعم عماله وزيادات+راتب جهه العمل الي مايقل عن500دينار"

وبالنسبه للمهندس بدلاته اقوى بالخاص وبالنسبه للقانوني المحامي عنده نسب القضايا و و و ,, ف اشوفها من ناحيتي ظلم ان زياده الحكومه اعلى من الخاص ب50دينار فقط ": \<-وجهه نظري

وان شاءالله النقطه وضحت لكم بالارقام


وهذي وجهه نظري وتقبلوا مروري

 

[Q8ytya]

فعلا القطاع الحكومي مظلومين انا جامعيه وبكالوريس وراتبي 700 دينار بس اما القطاع الخاص والكوادر مثل المهندسين وغيرهم يوصل بالالاف غير البونصات

 

[الحلاوالزين]

مشكوره
زين بعرف جم زياده الدبلوم سكرتاريا ؟؟؟؟؟؟؟؟؟

 

[<> إيلاف الكويت <>]

فعلا ظلم :s

 

[قرنبيطوو]

انتي متاكده من كلاامج يعني الحين زياده المحاسب في الحكومه صافي راتبه 1180؟؟؟؟
ع الدرجه الرابعه ؟؟؟ وتوه متعين؟؟

 

[atoooty]

المشكله الفررق كبير

مو شوي صراحه

امس يوم قريت الزيادات بالجدول بجريدة الأنباء

كتابين راتب بكالوريوس محاسبة وقانون 1043 كأول تعيين
ودبلوم للمحاسبة والقانون 840

http://www.alanba.com.kw/AbsoluteNMNEW/templates/oula2010.aspx?articleid=276533&zoneid=12

بس كاتبين بحالة المتزووج يعني احنا زيادتنا اقل بكثير صح ؟

 

[ON_LY]

مشكورين عالمرور والردود

الحلا والزين

بالنسبه للسكرتاريه اقري الجدول بالموقع وتطلعين منها زيادتج

http://www.alanba.com.kw/AbsoluteNMNEW/templates/oula2010.aspx?articleid=276533&zoneid=12

atoooty

الي قريتيه بالنسبه للحاله المتزوج 1043 تدرين شنو تفصيلها ومفهومها " لو مفتحه مخج شوي ولحلحتيه جان عرفتي طبخته

اساسا تفصيلها كالاتي

هم حاطين ان الحد الادنى للزياده هي 60 والحد الاقصى للزياده هي 440 حلو؟؟

المبلغ 1043 للحاله المتزوج لو نفصلها عدل مدل

بتكون كالاتي

830 اجمالي راتب العزوبي ومع الزوجيه "الجامعي" الي هو 88 بيساوي 918 الي هوه المبلغ قبل الزياده بلنسبه للمتزوج عدل؟

ال1043 طلعت عن طريق زياده ال25% وهي 65 دينار وزياده (( ادنى حد للزياده وهي 60 دينار قلنا))

فلو تزيدين ال65دينار( الي هو 25% ) وال 60 دينار ( الي هو ادنى حد للزياده ) على المبلغ 918 للمتزوج قبل الزياده

بيطلعلج 1043

معناته حسبتهم للمتزوج بعد الزياده (( زادوا ادنى حد للزياده وهي 60 دينار ))

ولو تلاحظين الزياده كانت اضافه على كادرنا القديم الي هو 160 معناته اي زياده راح تكون اضافه للكادر القديم وليس الاخذ بالفرق

فاذا قريتي بنفس الخبر بتلاقين ان المجلس اقروا زياده القانونيين والمحاسبين 320 (( زيااده وليس الاخذ بالفرق مع كادرنا بل زياده على كادرنا )) عرفتي؟؟؟

وزيادتنا هي 320 هوه رقم موجود بين الحد الادنى للزياده 60 والحد الاقصى للزياده وهي 440

وطبعا الزيادات كلها التامينات مايقصون منها شي للتعقيب

وهذا تفسيرها واتمنى اكون قد افدتج

 

[Shasawi]

عفوا موضوعج ملخبط من متى الفرق بين القطاع الحكومي والخاص ضئيل اولا؟؟
ثانيا شلون مبلغ 260 فرقه ضئيل عن ال700؟؟؟ احنا كقطاع حكومي البيسك مالنا ولا شي مايوكل خبز احنا عايشين عالعلاوات والبدلات والكادر عند بعض الجهات...

 

[atoooty]

أهاا انا عبالي الأخذ بالفرق

يعني الحين الكادر القديم 160 + 320 = 480 مجموع الكادر

 

[ON_LY]

رسميا

الزياده 60 دينار فقط على الكادر القديم (( معناته اخذوا الحد الادنى للزياده الي كانت تتراوح بين 60 الى 440 ))

الزياده 60 + 25% الي هي 65 = يساوي = زياده بكاليريوس قانون 125 دينار

وزياده الدبلوم قانون 60 + 25% الي هي 50 = يساوي = 110

بمعنى وبحسبه الزياده الجديده بمجملها (( كادر القانونيين والمحاسبين )) :

البكاليريوس : صافي راتب العزوبي الباحث القانوني المبتدئ = 900
الدبلوم : صافي راتب العزوبي الدبلوم قانون مبتدئ = 730

 

[atoooty]

أنا اقول ياربي مامنهم فايده

والله حرام نداوم طول السنه وكرف

وغيرنا تخصصات ثانيه معاش اول توظيف 1000 وشي وغير عطلة الربيع وعطلة السنه

واحنا صارلهم سنه يتحجون بهالزيادات واخرتها جذي

والقطاع الخاص زايدنهم تقريبا ب700

مع انه الحكومه مو مجبوره فيهم

المفروض التقدير للموظف الحكومي

الحمدالله على كل حال

 

[Shasawi]

انا مادري شكو تخصصي ماعليه كادر ولا شي بس اشوف مكتوب بالجدول زياده شاغلين بعض الوظائف وزايدين تخصصي؟ معقوله؟

اي والله صراحه رفيجاتي خريجات الحقوق يكسرون الخاطر كل هالدراسه والتعب اخر شي معاشاتهم جدا قليله ان شالله يزيدونكم تستاهلوووووووون

 

[بنت الكويت 25]

انا في شي ماني فاهمتة بخصوص بدل الشاشة بجريدة الوطن حاطين زيادتة 100 وباجي الجرايد حاطين بند ان يجوز الجمع بين بدل الشاشة وباقي البدلات طيب المعروف ان بدل الشاشة اغلب الوزرات 30 شلون نقز صار 100 هل معناة ان في زيادة على 30 او يجوز الجمع بين بدل الشاشة وبدلات ثانية الي عندها توضيح جان زين تفيدونا جزاكم الله خير

 

[Angel_store]

اب اب اب

 

[عيا زماني]

اختي اوونلي ماافهمت ياليت توضحين واكون لج شاكره
قلتي باول كلامج صافي زيادة القانونيين ١١٨٠
وبأحد ردودج ذكرتي الصاافي ٩٠٠

ياليت توضحيين حبيبتي بانتظارج والله يبااارك لكل موظف بزيادته

 

[~*~الملكة~*~]

اونلي ضعت انا

الحين احنا ناخذ الزياده 25% + الكادر

وشنو الــ 60 مو اهيا نفسها الــ 25 %

حدي ضيعت

 

[ON_LY]

عيا زماني + الملكه

الاولى 1180 كانت وجهه نظري الي توقعتها ,, والثانيه 905.5 الرسمي الي طلع بالجرايد

طبعا مثل ماقلت بالموضوع ان الزياده تتراوح بين الحد الادنى والاعلى الي هو بين 60 الى 440

والي صار ان الشمالي وقع على ادنى زياده الي هي 60 دينار فقط مع انه كان يقدر يقر لنا 200 ولا 300 بس مادري ليش الشمالي حاط دوبه دوب الشريعه والقانونيين وهذا الي اقرت لنا

طبعا لو تشوفين دبلوم قانون زيادتهم مثل زياده بكاليريوس الحقوق بالضبط 60 للدبلوم( دبل المكافاه التشجيعيه ودبل مكافاه التخصص ) وهالشي ماصار مع البكاليريوس وعطونا بس 60 ,, ف وين العداله ؟؟ وهي يستوي الذين يعملون والذين لا يعملون؟؟؟

دبلوم قانون بادارتنا والله حاطين ريل على ريل المديره ماتدري شنو الشغل الي تكلفهم فيهم تقول اساسا بوزارتنا بكبرها مالكم توصيف وظيفي وماندري شنو طبيعه عملكم؟؟؟

وانا مو ضد زيادتهم بالعكس عافيه بس عالاقل زيادتنا من الطبيعي والعقل المنطقي تكون اعلى لو شوي مو يصير راس الدبلوم براس البكاليريوس؟؟؟ خصوصا طبيعه وظيفتنا اكثر جهد وتعب من وظيفتهم من تحقيق ولا كتابه للمذكرات وروحات للمحاكم ف وين الحق؟؟؟

خليها على ربج

 

[Blue_Eyes]

انا في شي ماني فاهمتة بخصوص بدل الشاشة بجريدة الوطن حاطين زيادتة 100 وباجي الجرايد حاطين بند ان يجوز الجمع بين بدل الشاشة وباقي البدلات طيب المعروف ان بدل الشاشة اغلب الوزرات 30 شلون نقز صار 100 هل معناة ان في زيادة على 30 او يجوز الجمع بين بدل الشاشة وبدلات ثانية الي عندها توضيح جان زين تفيدونا جزاكم الله خير

برجاء الاجابه لمن تملك معلومات

+1

 

[Shasawi]

اي تره حركه حقيره جدا مثلا انا تخصصي ماله ادر بس كان مكتوب بجريدة الانباء انه له زياده من 150 كحد ادنى لي 250 وعدد امس مكتوب 60!! شكو؟

 

[ادمنت حبه]

بناات مافهمت شي