غلطـة عممـرري :'(..!!>>تكفين دشي وانصحيني علا سواد الويه الي سوويته :(

[ّحور الجنانّّ]

والله عورتي قلبي

الله يستر عليج يارب دنيا واخره مادري شقول والله
بس الله يستر عليج يارب

 

[شـمـووخۓسـعودي]

هلا حبيبتي اول شي بقولك شي

1 - في شباب مسجلين معانا بالمنتدى ومشاركاتهم كثيره بعد ومسوين روحهم بنات يمكن يراسلونك على الخاص انتبهي تقولين كل شي خاص فيك لاي احد بالخاص انتبهي انتبهي انتبهي اكررها ثلاث مرات

2 - امك لاتدرييي احد من اهلك لاييدري بالمره لأانه بعديين ببتغير نظرتهم لك واذا احد مفكرر من العايله يخطبك بيبعد عنك من هالسالفه عشان كذا اسكتي وطمطمي على المووضع

3- انتي تقوليين ماطلع وجهك ولاشي بس شعررك والمكان كله مو مبيين روحي قولي ييمه ودي نغيير اثاث هالغررفه اقلبيها فوق تحت الوان اثاث غيروها بالمرره وغيري لون شعررك وغيري القصصه ااوكي حبيبتي

4 - احذفييه من عندك ولاعااد تتواصليين معااه بأي شكل من الأاشكال وخففي الطلعات بروحك لاتطلعيين الا مع احد كبير من العايله

5 - كلمييه من تلفون احد وقولييله امي درت وطقتني وحلفت علييي ماعااد اطلع برروحي وقاعده تدورعليك تبي تشتكي علييك بالمبااحث خوفييه بشكل مو طبيعي اقذفي الررعب بقلببببه

وانتبهي مو اييي وااحد يراسسلك على الخااص تعطيينه معلوماات هذا اهم شييي انببهك علييه ياكثر الشباب بالمنتدى

والله يسستر علييك يارب ويوفقك


وبلغيينا حبيبتي شيصير معااك اول بأول

مثل ماقالت ..
والله يستر عليتس يابنت الحلال ..

 

[II'3anomaII]

الله يعينج و يفرج عنج

 

[shy60nat q8]

كل إنسان يغلط ماكو احد ما يغلط المهم انج عرفتي غلطتج

المطلوب : انج تكلمينه وتقولين له ان امج درت انج تكلمينه , إذا قال شلون .؟ قولي له امي شافتني اكلمك بالبي بي و راح تاخذ تليفوني .. و ما اقدر اكلمك و راح احذفك ,,

و ادعي ربج ان يغفر لج ..

 

[gannan99]

استودعتك اللة الذي لا تضيع وداعة
امانة امانة حبيبتي تتشجعين وتقولي لامك لان الموضوع مو هين خاصة انكم ساكنين الحالكم

 

[الأبتسامة الدام]

ماقصرو البنات

 

[متحديه ومتاكده]

لا حول ولاقوه الا بالله

حبيبتي دييييريبااالج تسمعين كلامه وعسى الله يفرج همج ويستر عليج ويبعد عنج عيال الحرام وبنات الحرام يارب العالمين ..

مع أني معصبه من فعلتج المتهوره بس
<<ترا دزيت لج ع الخاص جيكي عليه واتمنى تقدرين خوفنا عليج لإنج بحسبة اختنا الله يحفظج يااارب ..

 

[sunshine22]

غيري جهازج

هالبي البي والايفون دمااااااااااار

 

[دكتورة في مطبخ]

انتي من جدك او تقصين علينا
لو جد انصحك اتحجبين من اليوم وطالع حتي لما يشوفك في مجمع مايعرفك

 

[أضعف بطة]

لاحول ولاقوة إلا بالله
حبيبتي اللي سويتي غلط بغلط وبصراحة مع انج بهالعمر بس مادري شلون تجرأتي وسويتي هالشي فكري شنو راح يكون موقف امج من اللي راح تسمعه ناويه تذبيحنها انا اقول بلغي امج واللي يصير يصير قبل لاتغلطين غلطة أكبر من جذي وقبل كل هذا استغفري ربج وادعي لنفسج بالهداية والصلاح وثالثا حذفي من البيبي وقطعي علاقتج فيه نهائيا واذا مانفع حذريه وقوليله ترى اشتكي عليك بالمخفر لانج قاصر والله يهديج ان شالله ويبعد عنج عيال الحرام

 

[••غـلآًهْـم••]

حبيبتي قبل لاتفكرين بنفسج فكري بأمج

وفكري شراح يصير فيها ان علمتيها

الله يستر علينا وعليج وعلى عيال وبنات المسلمين اجمعين يارب

 

[بيعي الوفاء]

ديري بالج ديري بالج لايغصبج علي شئ وحتي اذا صور بالعنته اهم شئ ويهج ماطلع واهو ماصور الاي يبي يهددج فيه بعدين بس ربج ستر ومابينتي وهذا انذار من ربج فديري بالج انتي صغيره وحرام تضيعين عمرج بفضااايح

 

[Tulips]

الله يهديج ويصلحج

 

[كلي هلآك]

الله يهدييج ويستر علي وانا معا البنات قولي جيرانه شاافوك

 

[جديده 1]

ماعليه الكلام موجهه لج و لغيرج توني قاريه موضوع نفس سالفتج
بس بنات هالوقت احس الوحده منهم ماكو عقل ..

من تكلملها واحد عطته صورتها !! وربي وربي وربي انا اموت من القهر معقوول في ناس اغبياء جذي !؟
انتي شلون تعطينه صورتج و شلون تخلينه يصورج !!!!!!!!!!!!!!!!

انتي من بالاساس شلون تحاجين صبيان !؟؟ ليش بنت شوارع !؟ ماكو اخلاق !؟؟ ماكو تربيه !؟ اهلكم ماربوكم !!؟؟ انتم شنو !؟؟
ليش هالجيل صار تافه !؟؟ ليش البنت اللحين صارت وقحه وقليله ادب و صار المغازل عندها مثل شر ب المااي !.؟ شنو ماتخافون من الله انتم ؟؟؟؟

بس والله الحق مو عليكم .. الحق على اهلكم اللي تاركين الحبل على الغارب .. ولا مراهقه عمرها 16 سنه عندها بلاك بيري ولابتوب و ايفون لللليييييييييييش و شحقه !!!.؟؟؟؟ احنا لما كنا كبركم حتى تليفون البيت مانسمكه !!!!!!!!!!

والله العظيم قمه القهر اتشوفين اهل غير مبالين جذي .. يبطون الجبد .. عيالنا صاروا جنوس و عبده شيطان و البنات بويات و ايمو شنو هذا قمت انقهر لا رحت مكان العام تلوع جبدي من الاشكال الخايسه اللي اشوفها ..

انا بعرف شغله شلون بنت عمرها 16 سنه " تدخل " صبي عندها بالبيت شششششللللللللللللللللوووووووووووووون !؟
انا لارحت محل و اضطريت اتكلم مع البياع اتلخبط و اقط مليون بدليه من الخوف و المستحى .. لاتقولين لا تقسين علي .. لا بقسي عليج .. و هذي حرتي و غيريتي على بنات ديرتي .. وانتم يا أولاياء الامور يالافاضل .. صحصحوا فتحوا عيونكم وربوا عيالكم عيال تربيه الخدم و اذا مو قادرين على تربيتهم لا تفرخون مو لازم !! مو كل شي يطلبه الطفل و المراهق تلبونه على طول .. راقبوا عيالكم وين يروحون ووين اييون و مع منو يمشون و منو اهل اصدقائهم ترى البلاوي ترست الشوارع من تخاذلكم بتربيه ابنائكم !!

وانتي هذا الخايس اللي ياج البيت قطعي علاقتج معاه و غيري رقمج و علمي امج .. ترى درى ان ماعندكم ريال و هذا شي خطر !

 

[marimor]

والله من سنيين واحنا نسمع هالبلاوي معقووله ليلحين في بنات ماتعضوا ولا خافوا

ما اقوول الا الله يستر عليج وماعندي اي اضافه عالي قالوه البنات

بس حبيبتي طمنيينا اذا صار شي

 

[الغنج والدلع]

لاحول ولاقوه الابالله نصيحه علمي امج قوليلها انج ندمانه خليها تنصحج وتوجهج قربي منها حبيبتي وهذا يمكن له نيه ثانيه بالتصوير المهم خلي امج تكلمه وتزفه لايتصل عليج او يمر بيتكم بعد وعسي الله يستر عليج ويهديج حبيبتي وندمج هذا شي طيب وبدايه التغير الصحيح

 

[صديقه فله]

الله يهديج ويستر عليج وعلى بنات المسلمين

 

[كنت و كنت]

أنا أصغر منج .. و فاهمه إلي انتي عايشته و حتى أنا .. و صدقيني أنا أعذرج لأنها فترة مراهقه .. حمددي ربج ما كان من إلي يبي الحرام معاج و لا كان يبي يسوي شي .. و الله مأ عندي الحل .. غير اني أقول الله يهديج و يهدي كل إلي بعمرنا .. و يصبرنا على المرحله إلي احنا فيها

 

[جمآنه]

دشي هني بنت صار لها نفس قصتج والله فكها منه طبقيهأأ والله يحفظج
الرابط مو راضي يفتح نسخت لج كلام الشيخ..........................................

بسم الله الرحمن الرحيم

يقول الشيخ عبد الكريم المشيقح : كنت القي محاضرة عن قدرة الله عز وجل


وبعد المحاظرة إتصلت عليَّ إحدى الاخوات

تقول يا شيخ : أنا مبتلاة بمرض !, قبل ثلاث سنوات تزوجت وقد سافر زوجي لخارج المملكه واتى بالمرض ( الإيدز ) .

وبعد الزواج بثلاثة اشهر تعبت ومرضت ولما ذهبت للمستشفى اخذوا تحاليل مني ومن زوجي وجدوا أنّي مصابة بالمرض الذي نقله إليّ بعد زواجي منه ! .

وتكمل قصتها !.
تقول والله يا شيخ : لنا ثلاث سنوات نذهب شرق وغرب والله أنفقنا مليون وخمسمائة ريال طلبآ للعلاج ولا علاج , وانت في محاظرتك تتكلم عن قدرة الله !!!

قال لها الشيخ أتكلم عن قدرة الله وإني صادق (( لا إله الا الله وحده لاشريك له له الملك وله الحمد وهو على كل شي قدير ))
وقال لها الشيخ : يقول ابن الجوزي رحمه الله (( اعطوا الله ما يحب , يعطيكم ما تحبون , إستجيبوا لله إذا دعاكم يستجيب لكم إذا دعوتموه )) هنا العلاج .

قال لها الشيخ : أريد منكما المحافظة على فقط أربعة أشياء تفعلانها .

قالت إيش اسوي ياشيخ ؟؟؟

قال :

(1) عليكِ في الإسبوع هذا اربع وعشرين ساعة تكوني على وضوء انتي وزوجك , كل ما احدثتما توضئآ حتى النوم تناما متوضأين !.
(2) كل ما فكرتما بالمرض اعطيا الله مايحب ((سبحان الله والحمد لله ولا إله الا الله والله اكبر )) ردِّدَاها خمسين أو ستين مرة على الأقل باليوم
(3) تصدقا لحديث: حصنوا أموالكم بالزكاة، وداووا مرضاكم بالصدقة، وأعدوا للبلاء الدعاء.
(4) اكثرا مدح الله عز وجل
يقول الشيخ : ما هي الا اربعة ايام وتتصل على وتقول :ياشيخ احسُّ اني مرتاحة أدع لي
قال لها الشيخ : أنتي مرتاحة مع الله ! أنتي إدعِ لنا
يقول الشيخ : وبعد خمسة أو ستة أيام أرسلت لي رسالة تقول :ياشيخ إتصل عليّ توي جاية من المستشفى وتقول : إن الدكتورة المشرفة على علاجنا من بداية المرض اخذت التحاليل مني ومن زوجي وذهبت الى المختبر وبعد ربع ساعة جاءت ومعها نتيجة التحاليل , وقالت اجلسا : أريد أن أطمئنكما أن لا أثر للمرض بجسميكما !

لاإله الا الله خمسة ايام , وبأربعة اشياء شفيا من اخطر مرض .

واليكم القصة الثانية التي يرويها الشيخ عبد الكريم المشيقح ؛

يقول : إتّصَلَتْ بي فتاة تقول : ياشيخ كنت على إتصال مع احد الشباب قبل الزواج واعطيته صوري
والان اطلب منه الصور ولكن رفض ان يعيدها يقول لي : لن اضرك بها ولكن خليها عندي ذكريات !!!
طلب منها الشيخ أن تعمل نفس الاشياء الاربعة الّلي بالقصة الاولى
وبعد ثلاثة ايام اتصلت على الشيخ قالت : ياشيخ يقولي لو ماتطلعين معي افضحك بالصور !
قال لها الشيخ لا تكلمينه وخلي اتصالكِ بالله وكمّلي ما قلت لك عليه , هذا الشيطان شافك قربتي توصلي قام يوسوس لكِ .
ويقول الشيخ : والذي نفسي بيده ماهي الا اربعة ايام وتتصل عليّ الاخت من مكة المكرمة وتقول
ياشيخ والله اني بالحرم ومعاي الصور واني ادعيلك ياشيخ .

أحبتي بعد هذا ماذا ننتظر ؟

يقول الشيخ عبد الكريم المشيقح : تغلبوا على همومكم ومشاكلكم بذكر ربكم وابشروا والله بالفرج القريب
أين اصحاب الحاجات ؟
أين الذين يحلمون بالاطفال ليلآ ونهاراً ويصرفون على ذلك المبالغ الطائلة ؟
أين من يريد السعادة بالحياة ؟

أين من يريد التوفيق بالدراسة أو الوظيفة ؟
أين صاحب المرض الذي حرمه مرضه لذة النوم ؟
أين ... وأين .. وأين ؟

والله كلنا ذو حاجة وفاقة ومشاكل وهموم , ولكن لن تدوم دامنا مع الله " إعرف الله في الرخاء يعرفك في الشدّة " واسطته أقوى من أيّ واسطة أخرى

أخي القارئ : لا تهمل هذه الرسالة فيها طريقة علاج مهمه قد يحتاجها شخص يهمك أمره لا سمح الله فتنصحه بها