غلطـة عممـرري :'(..!!>>تكفين دشي وانصحيني علا سواد الويه الي سوويته :(

[دعابة الشـتاء]

يا قلبي عليج الله يستر عليج ويحفظج
حبيبتي الجئي لربج وو كلي الله وادعي الله يفرج همج و سوي كمين للولد قوليله ان رفيجتي تبي تشوفك او شي يخليه يجي وبعدين دقي عالمباحث و قوليله انه في واحد يهددني
انه بينشر صوري وخليهم يجون البيت وقت جيته ويمسكونه
والله ييستر عليج ويخلصج وطمنيني ياقلبي

 

[دعابة الشـتاء]

وقولي للمباحث مابي احد يدري بالموضوع

 

[~Unreachable]

شي فضيييييع اللي سويتيه !!!!!!!

قولي حق امج و تحملي اللي راح اييلج لانج تستاهلينه

و يا تبلغوون المخفر و طبعا راح يروح فيها لانج قاصر

او احد من اهلكم و سووله كمين ناديه بيتكم و قوليله ماكو احد

و خلي امج و اي ريال من اهلكم ياخذ تلفونه و يكسره على راسه

ويسمعه جم كلمه بالعظم ة يهدده انه يوصل السالفه حق اهله اذا حاول يسوي شي

او يقرب صوبج

و انتي توبي و ديري بالج تفكرين تكلمين شباب ترى كلهم هدفهم واحد

و اتوقع انج كبيره و عندج عقل !!

 

[bent mahoma]

طمنينا عليج

من قريت مووضوعج وانا احاتيج
​

 

[*ريما*]

الله يستر عليك

 

[رهيبة قطر]

اهم شي انج اتوبين لربج توبه نصووحه وماترجعين لـ هالشي ابد لاتخلين الله اهون الناظرين لج

واكثري من الاستغفار وصلي قيام الليل

وماله داعي تقولين حق حد انتي اذا تبتي من قلبج ربي بيكون معاج وبيستر عليج ان شاء الله

الله يبعد عنج عيال الحرام ويستر عليج دنيا واخره

 

[بالقرآن اسمو]

مدام تبتي واستغفرتي ربج
الله بيفكج من شره
ان شاء الله
الله يستر عليج ويهديج

 

[Dalo0o3a Cute]

يآ حياتي عورتي قلبي انتي صغنونه نصيحه من اخت اكبر من منج ابتعدي عن سوالف البيبي وغيرها
المهم انج ندامه على اللي سويتيه ,,, شوفي حبيبتي انا مع الاخت اللي تقول قوليله احد شافنا من اليران وامي طقتني وترا اذا ييت مره ثانيه بتاخذ رقمك وبتوديه المخفر ,,, حبيبتي وخوفيه قوليله الفيديو امسحه وبذمتك هالشي واعتقد انه ما في ذمه
وديري بالج لا يقص عليج ويحلف ترا كلهم جذابين اسلوبهم جذي
وحبيبتي اذا حسيته مو راضي نصيحه مني علمي امج ولا يصير شي بسمعتكم تحملي طق امج واللي يبي ييي منها ولا يصير شي يضركم كلكم
واذا هددج هذا 25623888 رقم المباحث الجنائيه مختصه بالسوالف الاجتماعيه وبستر ومن غير محد يدري
وعليج بالدعاء كثري من الاستغفار
والله يحل مشكلتج ويستر عليج

 

[على الطيب تربيت]

طمنينا عليج ولاتخافين هو الخواف اصلا مجرد تقولين له انا غلطت وماراح استمر بالغلط وسو الي تسويه ماني خايفه

وتغيرين تلفونج وتقولين اذكار الصباح والمسااااء خلاص مايضرج شي باذن الله

 

[كتمااان]

الله يستر عليج ياحياتي ويعطيج على قد نيتج

بس صدقيني محد يقدر يطلعج من هالمشكله وهالذنب اللي حاسته من بعد الله الا امج ترى مافيها شي اذا قلتيلها نفس الكلام اللي كتبتيه لنا وربي بتكون أحن مننا عليج حتى لوتضايقت وعصبت وطقتج عادي بس بترد تحن وتضحي عشانج..

 

[هجران الليالي]

ديري بالج يهددج وتطاوعينه ترى إن دخل بيتكم مرة ثانية لا سمح الله بيآخذ شرفج وعرضج! تحمــــــــــــلي ديري بالــــــــج

طمنينا عليج الله يستر عليج دنيا وآخرة

 

[عذاري كويت]

الله يهديج بس
مافيه احد معصوم من الغلط
بس اهم شي ماتكررين الغلط وتعالجينه بغلط حبيبتي شوفي البنات قالو شي حلووو قوليله بالرساله ان الييران شافو وفيه احد منهم عرفه وياب سيرته لامي وامي قالت لاخوانه والسالفه كبرت واهلي مايرضون وكبروها وبيشتكون عليك وعرفو السالفه كلها واهلي مو قليلين شر عرفوك وعرفو من انت ومن اهلك
****وحياتي لا تكررين الي سويته ولو تقولين لامج اريحلج لانها بتصرف واابعدي عن سوالف الاضافه العشوائيه وشوفي وين وصلتج واخذي الحذر توج صغيره والحياه قدامج ماشفتي شي منها وبقولج شغله حتى صديقاتج لاتعطينهم بيانات حياتج بالتفصيل حتى لو كانو بنات لاتعطينهم معلومات يستغلونج فيها مع الوقت
​

 

[Loloki]

بنااات وتقول ان يرانا خذا رقم سيارته علشان لا يتابع لبنيه والله شباب الكويت سفله

ف انتي مسحي من بيبي وصكي تلفونج يومين على اساس انه اهلج ماخذين تلفونج ماشي

 

[كلي أنوثة]

انتي خوش بنية و العمر جدامج..الي سويتيه غلطة و غلطة كبيرة..بس هالغلطة خلاص صارت ماضي..عطي امج البلاك بيري و قوليلها تشتريلج تلفون عادي..والله هالبلاك بيري يخرب وايد بدون لا تحسين..
وقولي حمدلله ان ما لمسج او سوالج شي..و الحين توبي و اقري قرآن و صلي صلاة الليل حاولي انج تكفرين عن ذنوبج..ترا اذا ما هديتيه الحين ماراح تهدينه كلش و ما توعين الا انتي خسرانة كل شي سمعتج و حياءج و دراستج..و اهوا شنو يبي يعطيج غير المذلة.

 

[بحرينيه كشوخيه"]

ياااحياااتي عووورتي قلبي

ياقلبي آنه أقوولج

دزيله مسج وقوليله نفس كلام أختي كات ياعساها الجنه

ولاتخافين إن الله غفوور رحيم

يااماا غيرج سوو أكثر منج وتابووا لربهم وقبل توبتهم

وألحين متزوجين وعندهم عياال وعايشين أحسن عيشه

حبيبتي ممكن تعطيني بيبي بن تبعج ماعليج أمر

 

[حبيبتي إختي]

الحمد لله انه ما صارلج شي من المرة الاولي ومبين من كتابتج انج ندمانه
الحين المتوقع انه بيهددج بالتصوير علشان يخرعج من الفضيحة وياخذ منج اللي يبيه
فمثل ما قالوا لج البنات .. مثلي عليه انج انصدتي وانه السالفة كبيرة وانه اهلج بلغوا المباحث وانه جيرانكم ناطرينه علشان يسلمونه للمخفر .. لانج قاصر ... وما بتشوفين رقعة وجهه ولا بيدق عليج مرة ثانية ..
عاد لو ما خاف ونشب لج لازم تعلمين امج مهما كانت النتيجة لانها هي الوحيدة اللي تخاف عليج وتبديج على عمرها وهي بتعرف اشلون تتصرف

 

[Vaniela]

حبيبتي محد بيخاااف عليج الا امج لو شنو سويتي ولا حد بيوقف معاااج الا هي لو شنووو صار
ارجوووج رجااء خاص علمي امج وقولي لهااا اهي الوحيده الي بتنقذج من الي صار لا تقولين تخافين عليها وما بتستحمل وبتذبحج .. انتي تستاهلين الذبح بس مابي ازيدج قولي لهاااا الي صار واعتذري وبيني اسفج اول الطريج الاحساس بالخطاا .. الريال صورج حتى لو مب مبين ويهج مب من كبر الكويت حبي .. ونيته يهدد ولا ليش صور ؟
شوفي روحي قولي لامج باجر بيجي يهددج ويقولج دخلني ولا نشرت و بيسوي الي براسه باجر يغتصبج ولا شي تكونين ضيعتي مستقبلج على لحضه ضعف ومغامره فاشله ..
علمي امج حتى لو عاقبتج اهي الي تحبج وبتحافظ عليج .. ولا تكبر السالفه لوصل لابوج بيجي وبيزف امج على كل شي ..
روحي علمي امج وتلاحقي على روحج ..
عشان تروح المخفر وتبلغ عنه .. واخبر بهالسوالف ما ينشرون ولا ينتشر بالمخفر لانه يكون بسريه تامه ..
وهم انصحج لا تكلمينه بالتلفون لو يقولج ضروري ولا ابيج حالتي صعبه ومن هالسوالف ترى كلها شلخ وبيسجل كل شي ..
انا مكانج بقول لامي ..
وتحملي اتدخلينه بيتكم ترى الجيه الثانيه نيتها شينه ..
ماراح اقولج كلميه وقولي له دروا الجيران وامي درت لا ..
علمي امج وخل تدق عليه وتسنعه .. وتهدده بالشرطه ..
بليز لا تقطين روحج بمتاهاااات .. والله يساعدج ويستر عليج وصلي وتوبي واستغفري واستغفري بنيه انها تعدي على خير
وتقبليني وماكون طولت عليج .. هالله الله بامج

 

[بـلآكـ مآتدري]

اهم شي انج اعترفتي باللغلط وندمتي
قبل لا يصير شي ماينفع الندم فيه

هذا الشيطان يوسوسلج كثري استغفار وادعي الله يستر عليج

الله يهديج ويهدنا ويسترعلينا
​

 

[شيماء المطيري]

الله يبعد عنج عيال الحرام ان شاءالله ندمج وخوفج معناه أنج حسيت بغلطتج ومراح تعيدينها وكل ابن ادم خطاء ومراح أزيد على اللي قالوه البنات غير أنج تشغلين نفسج ووقتج بشي يفيدج والله يعينج

 

["البتول"]

لاحول ولاقوة إلا بالله الله يستر عليج