غلطت ع مرت اخوي0000بموت ندم

[ام الدرر]

كل ما تذكرت اللي سويتيه
ادعي لها
دعائج لها ينفعها
ويغفر لج من خطاياج باذن الله
عسى الله يديم المحبة بينكم ولا يغير عليكم​

 

[كويتيه مذهله 87]

روحيلها بريلج واعتذريلها لان ربج جذي ماراح يمشيج علي الصراط لان هي بنفسها موراضيه عليج

 

[بنت العوازم]

تقربي منها الحين وعوضي اللي صار قبل
صج الواحد ما نعرفه الا مع العشره

 

[~.ąvȍƈaȚ.~]

رد : غلطت ع مرت اخوي0000بموت ندم

الحمدلله الله هداج و عرفتي غلطتج و ما استمريتي بالغلط
و خير الخطاؤون التوابين

تدرين شنو احسن شي ؟؟

تسويلها بير ماي (بئر) بوحده من هالدول الفقيرة طبعا في اماكن بالكويت يعني جمعيات تسوي هالشغلات و تكتبينه باسمها و لما يتسوى خل يصورونه لج و حطيلها الصورة بظرف مع هديه و عطيها اياه
و كتبي سامحيني أو شي جذي أو قوليلها بويهها احسن

والله ما اعتقد في شي احسن من الحسنات و عمل الخير

و متأكده بتسامحج من كل قلبها مع ان ادري مسامحتج من تعاملها معاج !!

 

[A7la KatkoOota]

رد : رد: غلطت ع مرت اخوي0000بموت ندم

انج ادركتي هالشي متأخر
أفضل من انج تكونين جاهلته لمدة أطول من جذي
الشغلة الثانية
انا اتوقع لوو تصارحينها ابأحساسج هذا بترتاحين لأنج ودج تبينين لها أنج متحسفة ،، بوحده من قعداتج معاها
قوليلها احساسج واللي بقلبج وعبري لها عن ندمج
وشكريها على نصايحها لج

ماشالله هذا ان دل يدل على طيبة قلبها انها ماحطت بقلبها شي من اللي سويتيه لها ،،وهم انتي قلبج ابيض ،، ولا جان ماحسيتي بالندم

معاها وموفقه حبوبه

 

[*-*Lo0o0Raaa*-*]

شوفي حبيبتي

بدايه حلوه وزينه

قليل اللي يعترفوون بالغلللط

وخطوه ايجابيه اللي سويتيه

لكن

اولا لازم تعتذرين لها وتعترفين لها

وقوليلها مو قصدي كنت ياهل تفكيري غلللط

وكل ما شفتيها يبـــلها هديه

يعني عطر .. ملفع

مو شرط غالي بس الهديه حلووو ولو رخيصه

حتى لو جبتيلهااا ككاو وقوليلها انا رحت الجمعيه وذركت انج تحبين هالكاكاو ويبتلج جيس كامل

ترا اذا سويتي لها جذي بتحبج غصب طيب مثل ما قال حبيبنا محمد عليه الصلاة والسلام بما معناه مادري اذا صح ولا لا (( اهدوا.. تحابووو))

 

[نورهـ]

لاتقولين لها شي وعفى الله عما سلف

زين انج عرفتي الصح من الخطا

وعامليها بصفا نيه مثل هي ماتعاملج

وعسى الله لايغير عليكم

 

[فوفو22]

رد : غلطت ع مرت اخوي0000بموت ندم

حلو اعترافج بالندم

واحلى هدية تقدمينها لها

شكرها هي شخصيا بأنها تحملت ظلمكم وقساوتكم بصدر رحب

اتوقع هالاعتراف بينصفها ويحسسها بروعه اخلاقها وصبرها

فوفو

 

[مشتاقه لك يبا]

رد : غلطت ع مرت اخوي0000بموت ندم

مرت اخوج مبين عليها انسانه طيبه وما تشيل فأكيد نست كل شي انتي لا تفكرين وتحاتين
منو فينا ما يغلط ؟ ماعليه حلو احساسج بالذنب بس لا يزيد اكثر من حده انتي وياها الحين سمنه على عسل وهذا المهم

 

['Basma']

غيري معاملتج لها وخليها تحس ان نيتج صافية

 

[سارووونه22]

حبيبتي دام حاسة بذنب وحسيتي انج غلطانه وعرفتي انها زينه حاولي تعوضينها بحترامج لها وتوعين خواتج انهم لايأذونها وكافي تقديرج لها هل شغلات بتغفرلج عندها واكيد اهيه مسامحتج ولا جان ماشفتيها تكلمج

 

[كويتksa]

رد : غلطت ع مرت اخوي0000بموت ندم

اشكركم كلكم




بصراااااااحة ماودي اتكلم ع اللي فااااااااااااااااات ودي ادفنه

بس انا والله الذي لا اله الا هو اغليها واحترمها:eh_s(7):

 

[كويتksa]

رد : غلطت ع مرت اخوي0000بموت ندم

:n2006107:

 

[غير عنهم]

اممممم عندي فكرة روحي تصدقي وأهي ثوابها لمرت اخوك وعطيها الوصل وقولي لها هذي هدية مني لكــــــــــــي (هدية حلوة صدقيني بتفرح فيها)

وكل عيد أهديها هدية (لوشن _عطر _ساعه_أممممممم أيش شيئ حلو)

وحلو أنو حسيتي بغلطتك بعض الناس مايحسون ابد

 

[الـهـآم]

رد : غلطت ع مرت اخوي0000بموت ندم

عـآد اشووهـ انج تندمتي :)

لا تعتذرين اللي صار صار .. انسسسيـه .. وو باين تصرفاتج حلووهـ معاها الحيـن ..
وعوضيهـآ شكلهآ حبووبـه .

 

[أحـلام * ورديـة]

رد : غلطت ع مرت اخوي0000بموت ندم

انا اقول لا تعتذرين منها ولا شي وتذكرينها باللي كنتي تسوينه فيها

تعاملي معاها على انها اختج وبس

وياليت اللي في بالي مثلج وتحياتي

 

[جوزائيه مغروره]

صارحيها باللي بقلبج

وصدقيني بتلقينها ناسيه هالسوالف كلها

لانها لو متضايقه منج ما تنصحج

 

[dectora 7elwa]

رد: رد : غلطت ع مرت اخوي0000بموت ندم

يكفي الندم و الإستغفار

ما له داعي تعيدين الشريط من الأول

راح تثيرين شجونها من جديد

معاملتج و ابتسامتج و سؤالج عنها

أفضل من التعبير المباشر

و احمدي ربج إن عندج ضميرصاحي

بالتوفيق

:wqedqw:​

والله خوش كلام اللي فات مات اهم شي الحين خلج حقانيه وطيبه معاها بس باعتدال وفعلا هذي اخرة اللي يمشي سيده ويتعامل باخلاقه قدرت تكسبج مع الوقت:hjy5jewf:

 

[semaasem]

اشتري لها هدية تستاهلها وكتبي لها رسالة عبري فيها عن كل اللي بخاطرج باسلوب حلو وقوليلها انج اختي وسامحيني اذا غلطت عليج بيوم من الايام وان شاء الله يطيح الحطب وتستمر علاقتكم الطيبة بس هي بأخلاقها أثبتت لكم طيب أصلها ودايما مدحيها جدام أخوج وقوليله لو تلف الدنيا ماتلقى مثل أم فلان وصدقيني انا لو أبي شي من حمولتي يمدحوني جدام زوجي ويحلوني بعينه

 

[*قمر 2005*]

لو سمحتي يا صاحبة الموضوع ممكن اسالك سؤال . قبل لا تتزوجين شنو الشي اللي يدفعك تضايقين مرة اخوك يعني ليش كل حماة تضايق مرة اخوها ليش بفهم يعني لو كانت مرة الاخو وحده ثانيه ما يكون عليها غل منك وبعدين لما تصير مرة اخوك تكرهينها ليش بفهم الكره والغل على مرة الاخو شنو منبعه من وين يجي وليش لان هالشي صار عرف والعياذ بالله في كل بيت . والله المفروض مرة الاخو تنحب من محبة الاخو واللي تحب اخوها تريحه وتريح مرته لانها محسوبه منه وفيه والي يضايقها يضايقه واللي يمسها يمسه