غلطة امي(قصة واقعية)

[دلع بنت راك]

وييييييييييييييييييينج ؟؟؟؟؟ ملووووووووووولة كملي ^_^

 

[الملالة]

حبايبي توني رادة من المستشفى خل ارتاح شوي وانزل البارت ومشكور (ريري) ولا شرايج اناديج( ريورة) على وزن ملولة واضبطج مثل ما ضبطيني ومشكورة حبيبتي (رفيف الورد ) على كلماتج الرائعة ... الله لا يحرمني من طيبكم

 

[@@jwan@@]

حياتي الله يشافي امج يارب
يعطيج ربي الف عافيه ويوفقج يارب

 

[b6ooo6a*_*]

حبيبتي اخذي رااحتج المهم راحتج

 

[rose lady$$]

الله يقوم امك بالسلامه ويعطيها الصحه والعافيه يارب

take ur time sweety

 

[الملالة]

ملّ حمود وهو يدق على بيت لطيفة ليما اخرشئ ردت سيتا وصوتها فيه النوم وبدون مقدمات قال لها روحي شوفي لطيفة وينها.. وسمعها وهي تطق الباب على لطيفة وبدون ما ترد وسمعها تقوله لتوف فتحي باب وحس انه فيها شئ وقام طيران على بيتها حتى بدون ما يغير ملابسه ولمن وصل البيت لقى سيتا واقفة عند الباب وتبجى دخل على طول وحاول انه يفتح الباب وما قدر وكان مرتبك حده وطلب من سيتا انه تييب له أي شئ يفتح الباب مطرقة درنفيس أي شئ وعلى ما يابت المطرقة اتصل بالاسعاف لانه كان حاس انها مسوية شي بروحها .. وكسر الباب؟؟؟؟؟
وشاف ابشع منظر بحياته لطيفة ممدة على فراشها ولونها أزرق وباردة مثل الثلج وما فيها روح... وقام يهزها وشاف علب الدوا يمها فاضية .. وسيتا قامت تصرخ وتبجي ولمها حمود على صدره وحاول انه يسمع صوت تنفسها لكن ماكو نفس ابد.. ووصلت الاسعاف وحاولو يسعفونها وقال المسعف حق رفيجه : النبض ضعيف كلش ما اعتقد راح تعيش بس بنسوي اللي علينا.. ولما سمع حمود هالكلام درات فيه الدنيا وطاح على الارض موقادر يتحرك وحس بدموع حارة نازلة على خدوده,, وقال : يعني ماتت؟؟ راحت لطيفة.
التفت عليه المسعف: انت زوجها؟ لازم ننقلها حالا المستشفى تنفسها بطئ وانشاء الله نلحق عليها .. الله يكون بعونك.
ركب حمود مع لطيفة الاسعاف وطارت فيهم لمستشفى مباركوعلى طول تيمعو الاطبا ء حولها وكل واحد يهز راسه يعني ماكو فايدة وحمود يطالعهم بعيون حايرة وعرف من نظراتهم ان؟؟؟؟؟لطيييييييييييييييييفة مااااااااااتتتتتت .
حمود:لطيييييييفة ، انا اسف ،لا تموتين وتخليني صدقيني موقصدي كنت أحاول انقذج.. سامحيني والله أحبج وخذوه الدكاترة ونوموه وعطوه ابرة مهدئة في نفس الوقت اللغمض حمود عيونه... الممرضه رفعت الشرشف الابيض وغطت ويه لطيفة عن الدنيا اللي ما شافت فيها غير الهم والشقى..

*****************************
هذي كانت لطيفة اللي دفعت حياتها ثمن لغلطة امها خسرت دنيتها وخسرت آخرتها..وطبعا تبون تعرفون شصار للباجي.
(عالية): انهارت لما سمعت بانتحار لطيفة ولامت نفسها وايد على اللي سوته بحياتها بس شعقبه عقب ما فقدت بنتها الوحيدة.. وتابت لربها توبه نصوحه وردت عاشت مع امها واخوانها اللي تعاطفو معاها بعد سالفة انتحار بنتها..
(ابو لطيفة متعب) : طلق زوجته الثانيه لانه حس بانها السبب بقسوته على بنته وترك الكويت وأعتقد انه عايش بقطر.
(حمود): تم فترة طويلة حزين على لطيفة وأهله درو بالسالفة وأبوه تم وراه لمن خلاه يتزوج بنت عمه أشواق وياب منها ولد وسماه (عبداللطيف) ودايما يناديه (لطوف) ويذكره يمكن للحين بلطيفة.
(خالد): بعد ما طلعت عالية من السجن حاول انه يصلح غلطته معاها ويتزوجها لانه كان عارف انه السبب بانحرافها وسبب من اسباب انتحار لطيفة فحب يكفر عن ذنبه ،لكن عالية خلت اخوانها يطردونه بدون ما ما تسمع ليش اهوا يايهم البيت.

وتم قبر لطيفة بمقبرة الصليبخات بروحه وسط آلاف القبور
(ادعو انه الله يغفر لها ويسامحها ... لانها ضحيه وما لقت اللي ينصحها ويوجهها)
**************************
والى لقاء قريب في قصة قادمه. ويلا ابي اسمع آراءكم الحلوة بالنهاية.

 

[طـير7]

الله يرحمها ويغفر لها

وياخذ حقها من اهلها

 

[@@jwan@@]

واي لا
الله يسامح امها على اللي سوته بالبنت

 

[com-teacher]

عورني قلبي
توقعت يلحقووون عليها
بس الله يرحمها ويجازي الي كان السبب
تسلم الايادي ملوووله القصه جدا روووعه
وننطر قصص ثانية

 

[ReRez]

اسنغفرالله ياربي حييييييييييل ضاق خلقي واختنقت .. لأن الانتحار نهايته مكان واحد .. استغفرالله مادري شقول بس الله يرحمها برحمته الواسعه
ويسامح اهلها .. والله ماعرف شنو بقول بس ضاق صدري
ومشكوره حبيبتي على القصه

 

[oranGe~Girl]

يااااي الله يرحمها ويغفر لهاا

كسرت خاطري

مشكورة حبيبتي ع القصة

والله يشافي أمج

 

[rose lady$$]

وربي القصه تقطع القلب
مرا ضاق صدري ياعمري عليها وتوقعت انها بتعيش لأن فيه نبض بسيط بس للأسف ماتت هالموته اللي مانتمناها لعدو ولا حبيب
الله يغفر لها ويرحمها ويجازي اللي كان السبب

ملوووله
يعطيك يعطيك الف الف الف الف عافيه على هيك قصه
ويرزقك ربي كل الي تتمنينه
ويشفي امك يارب انه على كل شي قدير

ولك مني الف شكـــــــــــــــــــــر....

 

[- soulmate -]

الله يرحمها برحمته
مشكووورة حبوبة عالقصة الرووعه والله كسرت خاطري :"(
ثاانكيووو :*

 

[over love]

لاحول ولاقوة الا بالله العلى العظيم

الله يرحمها الله يرحمها ويغفر لها سبحانه رحمته وسعت كل شيء يارب سعها برحمتك فإنها لاشيء

يااااااااااااااربى مت قهر وحره وبجى

كله من ابوها الخسيس الى خلاها ولاحافظ عليها لعنبوك بنتك لحمك ودمك عشان مرتك الرديه تقطها !!!!!

لطيفه ضحيه الكل اولهم ابوها الى ماابريه من ذنبها الواطى النذل وامها الى مادرى شقول عنها وخوالها القاسيين وخالد الخسيس

يارب ارحمها

ملاله مشكوره حبيبتى والله يشافى مريضتكم وجميع مرضى المسلمين

 

[بناتى هم حياتى]

لااااااااااا انتحرت حرام خسرت اخرتها بس انا الوم احمود

 

[3aboora]

واي عورت قلبي .. الله يسامح اللي كان السبب .. و حمود كان سبب في انتحارها بعد !!

 

[ReRez]

الله يرحمها برحمته يارب .. ومشكووره حبيبتي دلعتي اسمي الدلع لووول .. ربي يشافي امج يااارب وامي معاها وابوي والكل
<< رزت ويهها بالنص
لا بس للحين ضايق خلقي والله رحت سبحت ابي انسى ورجعت وللحين ضايق صدري :×

 

[medo k s a]

يؤ الله يرحمها وربي انها مسكينة الله يغفر لها ان شالله
وتسلم انامك يالغلا ع القصة الجوناااااااااان الموثره
ونترياك بالرواية جديدة

 

[baby johnson]

وييييييييييييييييييييييي

والله ضاق خلقي
الله يرحمها ويغفرلهاااااااا
مشكووره حبيبتي عالقصه

 

[alreem.84]

مشكوره على القصه الحلوه حدي اندمج فيها
والله يعطيج العافيه:eh_s(7):