غلطات تجهيز العرايس خلونا نستفيد ولا نغلط :)

[أميره قلبه]

قوه بنااات

شلووونكم؟؟

شلووون التجهيزااات؟؟


انا توني راده من السووق كملت مكياجي وشريت صناديق عشان احط فيهم العطورات والاغراض
وباجر عندي بروفه اخيره حق الثوب الابيض واللي عقبه عندي جلسه ليزر واللي عقبه بروح المبااركيه وبرووح على طريجي ايكيا بشتريلي علاقات وصناديق ويوم الخميس بطلع دراريعي وملاابس واحجز الصالون

اوووووووووووف مليت احس اني اشتقت لقعدت البيت

الله يعيينج خذاني باجر راح اذكرج بالمعاناه والفراره بالاسوقه والمحلات

متى اخلص وارتاح احس مثل الهم

 

[خذااني الشووق]

قوه بنااات

شلووونكم؟؟

شلووون التجهيزااات؟؟


انا توني راده من السووق كملت مكياجي وشريت صناديق عشان احط فيهم العطورات والاغراض
وباجر عندي بروفه اخيره حق الثوب الابيض واللي عقبه عندي جلسه ليزر واللي عقبه بروح المبااركيه وبرووح على طريجي ايكيا بشتريلي علاقات وصناديق ويوم الخميس بطلع دراريعي وملاابس واحجز الصالون

اوووووووووووف مليت احس اني اشتقت لقعدت البيت

الله يعيينج خذاني باجر راح اذكرج بالمعاناه والفراره بالاسوقه والمحلات

متى اخلص وارتاح احس مثل الهم

اهليين قلبوو
الحمدالله بخير انتي شلونج شهالغيبه فقدتج
تعبنا من التجهيز نشتري ولا جنه نشتري :eh_s(1): ان شاءالله ما انسى شي


الله يعيينج والله انا ان شاءالله اليوم ناويه اروح الفنار اشوف المصوره
وبدور لي للعيد ماشريت والله دخت اجهز للعرس والعيد من كل صوب
انزين اميره حبيبتي من وين شريتي الدراريع ؟؟ في معارض حلوه وين ؟ يبيلي دراريع شكثر لان عند حموله احس تعب

 

[almassa]

اب اب
خذاني واميره والله مادري حيرتووني
نااااطره خذاني تروح وتقولنااو بروحلهم مره بيذبحني الفضول

 

[خذااني الشووق]

ان شاءالله حبيبتي بس ارد منهم راح اقولكم عنه اميره شوقتني اروح له

 

[بنت الأصايل]

موضوع حلو يعطيج العافية صاحبة الموضوع

 

[حرم البسمي]

يسلمووووووووووووووو بنات والله استفدت وااايد

بس انا تو الناس عرسي5\2\2010

 

[خذااني الشووق]

الله يعافيج بنت الاصايل ثانكس ع المرور

ولوو حرم البسمي ((نصيحه شطبي على شغلج وسكريه قبل العرس بشهر عشان ترتاحين نفسيا))

 

[سيــدة الغــــيد]

غلطتي احس انها غلطه بس الحمدلله عدت على خير وخلصت كل شغلي ولو اني موموضفه جااان تووهقت صح
اللي اهي بديت بالقمصان والبجايم وملابس البيت وقعدت اتفنن فيهم الغالي والرخيص والعطور نفس الشي والمكياج كذلك ليش قلت خلص منهم واتفرغ للاهم وهذا اكبر غلط لين وصلت للاهم الا المهر طاااير

اولا لازم لازم يابنات وباجر بتتذكرون كلامي تشيلين نص المهر اي نص المهر للذهب عالاقل اتشوفين افلوسج موتقطينهم على ملابس وبلاخر بالكبت مره او مرتين تلبسينهم وخلاص <<<<<<<<<<<<<<عقب الي شفته فكرت
ثانيا والله المكياج والعطور بيوم اذا ذبحتي عمرج بيومين والقمصان وملابس البيت بعد جذي فالله يخليكم لاتصيرون نفسي يمكن شهر اتشرى وللحين كل مارحت اشتريت <<<<<<<<<<<<<<<منغثه من نفسي واغلب جهازي اطقم ملابس داخليه وجواتي
ولما بديت افصل البدل الا الميزانيه حده حده يعني نصييييحه ابدي بالاهم بدله العرس المسكه الساعه الصالون المصوره وشبكه العرس وقميص اول يوم وطبعا انتي من الاول نص المهر خاشته للذهب
بعدين تروحين تشترين وتفصلين البدل والعبي والجناط والجواتي ولاتصيرون نفسي طبعا انا من يومي ادماااااان جواتي تكرمون والله لو اقولكم جم صندل وشحاطه وجوتي مشتريه تنصدمون المهم الحمدلله وعلي بالعافيه
ونصيحه الجوتي والجنطه مع بعض لاتشترون جنطه وتقعدون اسبوع ادورون صندل عليها اخس شي بالتجهيز وخلكم بالالوان الاساسيه اوفر واريح واحسن ومومشكله لو طلعنا بلونين عن الاسايات
مثلا الابيض الاسود البني البيج الذهبي الفضي يصلحون على كل البدل وبعددددددددددين اشتري الالوان اللي تعجبج وعلىىى البدل موبس عاجبج
وبعدين روب الحمام والفوط والاكسسوارات والعطور والمكياج وقمصان النوم وملابس الداخليه وشحاطات البيت لانهم بكل مكان وتقدرين تخلصينهم بمجمع واحد

ان شاءالله مانسيت شي قلبي متروووووووووووووووسه

لاتنسون واللي كل اهلي ورفيجاتي ينبهون عليه :
مناديل مزيل المكياج جونسون اكثر منهم .. وبلسم وحمام زيت للشعر لاااازم ولاااابد .. وفوط الصحيه .. وادوات الخياطه هذا اللي اتذكره الحين والبنات ماقصرو ..

ولاااتنسوني بالدعاااء

 

[خذااني الشووق]

جزاج الله خير خيتو والله فتحتي عيونا علي اشياء موحاسين فيها
المفروض نبدا بالمهم والله انا بلشت مثلج بس بلاحق على عمري واشتري الاشياء الاساسيه والله يستر ونخلص
والله ويوفق كل عرايسنا ويسخر لهم ازواجهم آمييين يارب

 

[أميره قلبه]

هلا حبااايبي

شلووونكم؟؟

بشري خذاني رحتي للمصور؟؟ انشاءلله اعجبج حبيبتي ؟؟ ولا تنسين تقوليلي

انا شريت دراريعي من فاطمه قبازرد واليووم رحتلها فصلت عندها بعد دراعتين ملابسها حلوه وراقيه واشكالها غريبه ومنزله حق العيد مااوصيج ماتروحيلها

وعندج اعتدال فصلت عندها دراعتين بعد حلوين وفخمين ابيها حق اول بدايخ زواراتي

وانشاءلله اكووون فدتج يااروووحي

 

[almassa]

وانا بعد ناطرتج خذاني
اميره عطيني ارقامهم بلييييز انا لحد الآن ماعجبني الا زوغه وهدى البرجس

 

[خذااني الشووق]

اهلييين
لا والله مارحت لها راحت علي نوومه
نومي متخربط
ان شاءالله اذا رحت لها راح اقول لكم

اممم والله الدراريع يبيلي شكثر
مي توو اميره مع الماس اذا عندج ارقامهم عطيني اياهم
وخيتوو الماس عطيني رقم زوغه والبرجس
لاني للحين مافصلت ولاسويت يبيلي <<< امبيه احس تعبت وانا ماسويت شي :"(

 

[كويتية 1990]

بنات انا مو متزوجة بس بقولكم فكرة حلووة حدها للي مهرها مو وايد اوومي معاها وحدة بالدوام قبل فترة تزوجت لمن سوت حفلة وعزمت الناس عشان يشوفون شبكتها وذهبها ولا شارية غير شبكتها 10 اطقم استغربوا لانه مهرها شوية عاد سألوها جان تقول

انها شرت فضة مطلية بذهب .... ما عدا الشبكة طبعا

فكفت فلووسها وشرت ساعات وهالسوالف عاد حبيت افيدكم خااصة للي مهرها مو وايد

و بث

 

[بنت دار العز]

انا غلطي كان شنييييييييييييييييع في تجهيز شنطت شهر العسل :0bee2e8d89:
راحت دبلتي والساعه وخاتم قيمته حوالي 600 دينار كويتي
نصيح اخذي معاج ساعه عاديه ولا تاخذين ألماس معاج ولا ذهب
لانه ممكن تنسينها <<<<<<<<<<<<<<< مثلي
اتمنى تكون مشاركتي تفيد البنات :tek:

 

[أميره قلبه]

هلا حبااايبي


الماسه
خذااني


ابشروووا من عيوووني

هذا رقم اعتداال موجوده بمبارك الكبير 66616693

وهذا رقم فاطمه قبازرد 25349948


وعطووني رايكم فيها اذا رحتوولهم

 

[ميمي..]

شنو تصلين :eh_s(1):

انا احاتي شلون بغير ثيابي وشلون بشوف وجهه

الحين يبيني اصلي


من الحين اقولكم صلاتي مو مقبوله

بقعد اقط خيط وخيط فيها خخخخخخخخخخخخخخخخ


يالله يا عرايس وناسه والله استفدت منكم


<< باقي شهرين عالعرس وعادها ما ثقلت :krkrkr:

هههههههههههههه
مت ضحك على توقيعك
اجل بطيحين بالزفه:eh_s(6)::eh_s(6):
بس لا تفاولين على نفسك ترى يصير صدق>>تبي تخوفك
لا حبيبتي ان شالله مايصير الا كل خير وتمشين مثل الغزاله>>فاشله بالتعبير:dddds:

 

[** باربي **]

خوووش موضوع

 

[بريهان]

صباح الخير
بدش في الموضوع عالطول لاني حاليا طايحة في هالمشكلة انا مشكلتي الاولية اني بديت الشغلات الصغار مثل دراريع البيت الشموع المعطرات والفواحات والبجايم خذيت بهبل والله اني حتى ناسيه اشكالهم منكثرهم وهم مانوعت في لبسي اللي راح البسه في شقتي يعني تخيلو انا من غبائي أخذت اكثر من بنطلون جنز تقريبا سبعه والله اني ناسية وكلهم بناطيل يعني ماخذت شورتات ولا تنانير وقمصان النوم والله ماجذب عليكم كلها نفس القصة والوان مكررة وهادية وردي موف ازرق وهم الغلطة الثانية اللي سويتها اني أخذت شنطة ماركة وأكثر من 13 شنطة تقليد صج اني موظفة بس ماله داعي هالعدد لاني تورطت تخيلو اني مااخذت شنط عشان دراريعي اللي يكونون ملونين وفيهم حركات دلع والغلطة الثانية اني اخذت اكسسري قبل ما اشتري هدومي يعني أنا باختصار بديت المهم على الاهم يعني نصيحتي لكل وحدة مقبلة على الزواج انها تبدي الحاجات المهمة يعني تخيلو اني للحين مابديت في بدلة ثاني يوم الا قبل يومين وللحين ماسويت لها بروفة وهم ماحجزت مصورتي ولا دخلتي ولا شريت الذهب ولا مسكتي وللحين موشفت تصميمات لاكسسوار الشعر والطرحة صج اني فصلت بدلة عرسي بس ماني عارفة شسوي لشعري اكسسوار لان اللي عند مصصممتي ماعجبني وللحين ماأخذت دراريع أستقبال وتخيلو الحين ماغير اراكض في رمضان وانهد حيلي وانا افتر على المعارض وعرسي بنص شهر عشرة وانا موظفة مادري شلون بلحق واخلص على العموم...........
عندي نصيحة وايد مهمة سجلي اللي تبين تشترينه وسويلج قائمة بالمشتريات وميزانية عشان ماتيين نص الطريق وتلاقين ان فلوسج قربت تخلص وانتي مومسوية شي وهم عشان ماتنسين اغراضج وتذكرينهم بعد مايفوت الفوت يعني باختصار ابدو بالشغلات اللي محتاجة وقت مثل التفصال والاختيار الزفة وبالتوفيق وادعولي اخلص على خير والحق اخلص كل شفلي وان الله يبارك في زواجي ويحليني في عين زوجي ويرزقني منه الذرية الصالحة
ملاحظة اي استفسار انا جاهزة وبالتوفيق لكل عرايسنا والفال للعزابة

 

[غنـــــج]

ما شاء الله عليكم

كفيتوا ووفيتوا




انا بعد بقى لي 3 شهور


ما شريت إلا بدله كشخه و3 ترينقات للبيت لان عرسي بيكون بالشتا
وما بديت بالبجامات
وشريت قميصين نوم لأول ليله والثاني بعد نفس المستوى بس بنطرون ولونه عنابي
وشريت خواتم وساعه ماركه الحمد لله افتكيت
وبعد اممممممممممممممممممم
واكسسوارات فخمه من برى الكويت
وبدلتي توني دخلتها وسوت أول بروفا والله يعيني لأن مالي خلق اطلع برمضان نهااائياً ونومي متلخبط بعد
وشوريت 4 جواتي عزكم الله
وجنطتين ماركه
و3 جناط عنونات جناط سهره
وساعه ماركه بعد بس مو غاليه وايد

نصيييييييحه
كثروا من الماركات وخلوا لبسكم كله كشخه × كشخه

يعني اشتري 4 جناط ماركه
3 او 2 بدلات ماركه
وجوتيين عزكم الله ماركه

ولا تنسون سوالف الشعر والترسريحات الحلوه

والسترييت عجييب مع إن شعري ناعم الحمد لله بسس لما اتسبح واطلع يكنفش علي بعدين يصير اوكي
فأول ما أتسبح على طول بستخدمه
إذاا كنفش علي وايد


اهم شي الشبكه والذهم وبدلة العرس وبدلة أول يوم
خلوها أساااس كل شي

ولا تنسين الكريم الناعم الخفيف
شوفوا دعاية ديور الكريم اللي تحطينه يغنيج عن البودر وعن الكريم
عجييييب والوانه طبيعيه اخذوا منه بنات
حتى ينحط من غير مرطب
بس انا أفضل احط المرطب خفيف إذا بغيت احطه

رووعه


واذا كنت بطلع طلعات يعني عاديه ولا شي
حطيت منه


ولا تنسون القلوسات ترى عجيييييييبه وبالذات قلوسات بودي شوب ونكهاتها الروووعه

 

[غنـــــج]

امبييه وربي اول مره اقط بدليات هالكثر

ومو راعية بدليات بس أثر السهر يلعب دووور