غــــــــــــرفة النووووم؟

[Lost]

السلام عليكم

بنات يمكن هذا مو المكان المناسب للموضوع بس ابي رااااايكم يالمتزوجااات

لا تبلخون علي بالرد بليز

رفيجتي اخذت راي في شغله وبصراحه احترت شنو اقول لها ؟؟:eh_s(10):

سلمكم الله بيت الي تبنيه اهيا وريلها ارضيته سيرامك بسسس تسألني

غررررفة النوم تفرشها سجاد كامل وله لا؟

مادري شرايكم؟؟

انا اشوف دام ان سيرامك ماله داعي سجاد كامل يمكن موكيت بالنص كافي؟
وبصراحه سجاد كامل احس ان بعدين راح يخرب ويمكن لو حبت تغير لوك الغرفه يمكن مايناسب لون وله شي يطلع غلط

؟؟
وله شرايكم شنو تهقون الانسب؟؟

يلا يا ذوي الخبرات


وكل عام وانتم بخير وصحه وسلامة

:eh_s(17):​

 

[Gifts&Occaions]

أنا اقولها خل تحط رخام وبالنص باركيه انا مسويه جذي وايد حلو وتحطلها زولية صغيرة بس ديكور

 

[miss_whitemocha]

السيراميك حلو و تنظيفه سهل..تشتري قطعة سجاد صغيرة تناسب لون الأثاث وخلاص..​

 

[على الطيب تربيت]

شقتي سيراميك بس غرفة نومي مفروشه سجاد كامل بصراحه احلا اشوووفه وكلن وذوقه وربي يوفقكم كلكم

 

[سكوتي بذوقي]

تحط قطعة سجاد أحلى

 

[فوفو22]

انا احب غرف النوم سجاد

والصالات سيراميك او باركيه

لسبب هو

ان معظم السنه السنترال شغال

واحنا 24 ساعه نتسبح

بالسيراميك بارد

والسجاد يخفف البروده

وزين لليهال تخف امراضهم شوي

فوفو

 

[FeShinGoOo]

انا احب السجاد الكامل احس يعطي دفا للغرفه بس الي احلى منه الباركيه مع ان تنظيفه صعب

 

[انثى عاشقة]

الكامل احلى لغرفة النوم ​

 

[el7ob Klah]

السجاد الكامل احلا بغرفه النووم

على الاقل تكون المكان الوحيد تمشين فيه حافيه

وغير انج تقعدين ع الارض براحتج اذا عندج اغراض تبين تعدلينها

وتعطي دفاا

 

[LeeMa q8]

آنا غرفتي سيراميك وزوليه عنونه منظر بس

بس اعتقد لو سجاد كامل بيصير احلا وادفا ههههههه

 

[قمرية الفيس]

صج القص قديم بس والله غرفة النوم احسها احلا بالقص مو السراميك احس انها احلا بالهدوء والدفا والنوم

 

[حبيتكم فسجلت]

انا فارشته موكيت كامل ومرتاحه له اكثر من السراميك وهذا من تتجربه

 

[** باربي **]

زولية بدون شك
لانه راح تحط بعدين قولي ماقلت

انا اذكر ريلي حط الاثاث وقال مو شرط زوليه مو حلو

خليته يشيل الاثاث مرة ثانية ويحط زوليه
الحين يقول احسن شي سويتية قلتيلي نحط زولية

لازم غرفه النوم تصير مميزة عن البيت والصالات ..

وبالشتا ولا صيف تكرها عمرها لانه حتى بالصيف المكيف يبرد الكاشي
معقولة تعيش بغرفه نومها بنعال ولا وعوار بطن

اساسا لو بتقعد بالارض بتعدل بأغراضها ما تقدر راخ تقول ويييع
فخل تحط من البدايه

 

[Lost]

بعد روحي والله انتوووو اشكركم حبيباتي وحدة وحدة

اهوا انا مترددة اقول لها سجاد كامل لان مالتي كامل وخربت لان تعرفون. اطيح مني اشياء بالغلط

وتوسخها تخلي شكله قديييم

بس شكلي بخليها تشوف ردودكم وان شاء الله تقرر


مشكورين حبيباتي انتووو

؛)

 

[A.E]

صراحه انا غرفتي سراميك هههههه ما فيها فرش ولا يحزنون اشيل نعولي لما اطلع على السرير ههههه لان هي غرفتي انا واختي وهي فيها 2 سرير ويفصل بين سريري انا واختي طاوله..... وبس هذي غرفتنا من غير درج الملابس وسلة الحذيان ودرج الملابس الداخليه......

 

[أحلى عروس 2012]

غرف النوم احسها احلى مفروشة

 

[درة أهل الطولات]

سراميك احلى

 

[زوجة عزيز]

انا بيت ابوي كله سيراميك بس يملل سجاد افضل لغرف النوم

 

[صمت المرافئ]

السيراميك أفضل ... وأنظف ... وأفخم ...
وحطي قطع سجاد صغيرة تناسب الغرفة
أما الزل كامل لغرفة النوم ممل ومتعب في التنظيف
​

 

[انا لحبيبي .]

الباركيه احلا واحلا ، وتحط قطع سجاده مليان اشكال واحجام بطلع ارتب