** غــرفـــة بـــنــتـــي **

[ام شموخ]

حلوه بس فاضيه ناقصها جم شغله

 

[بتبوتااا]

مااشاء الله ..

الله يهنيهاا يارب ..

شوفي حبيبتي حلوه انهاا فاضيه لانه بعدين راح تتكود اغراض .. فشوي شوي يبيلهاا طاوله مع كرسيها هذول الصغار ..
وكثري زوليات صغار على ورد ودوائر تطلع حلوه ..

الخيمه احسن شيليها وقت الي تلعب حطيهاا + كمودينات يم سريرهاا ..
:>

 

[جلاديلياس]

شوفي حبوبه الغرفه كبيره وحلوه بس يبيلها ترتيب وتنسيق بالالوان اكثر مثل الكبت والزوليه

 

[درة أهل الطولات]

السجااااااااااااادة صغيرة مو مناسبة الغررررررررررررررررفه

اشتريها ورديه وعليها شخصية كارتونيــة


وحطي لها تواليت

 

[Miss-Madry]

ناقصها كومدينه

وصندووق كبير حق العابهاا

وابجورتين صغار

وتسريحه

وزوليه اكبر

والعاب >>غرفتها فاضيه<<

 

[bobo lover]

اهو اللي مخرب الغرفة السيراميك .. لو تحطين باركيه وايد أحسن او زولية هم احسن بعد و اختاري الوان غامجة لان الغرفة كبيرة و فاضية
عسى الله يبلغ فيها عروس ان شاءالله

 

[مسك81]

بالعافيه حبوبه بس ناقصها تسريحه او طاوله صغيرونه مع كرسيين نفس اللي في ايكيا وتطلع روووعه

 

[دلـووله]

مشكـــووره ويعطيج العافية

 

[قَلبيْ صُويبكْ !]

,



حلوه مشآء لله , آلله يخليهآ لج ~

 

[tasali]

ناقصها طاوله صغيره بنص وكرسيين او قنفه مالت الجهال وناقصها منظره والستيكرات على الكبت مخربه منظر الكبت لو تتشيلينهم احلى

 

[وردة عشق]

البنات ماقصروا .........الله يحفظها لك بنوتك......

 

[al7noona]

تسلمووووووون ماتقصرون وانشالله اعدل الغرفه وبافكارهم بتصير احلى

 

[اشتياق]

من وين الستاره

 

[ملواكي]

يبيلها قطعة زوليه كبيره
وتقسمين الغرفه جزء حق اللعب وجزء السرير والكبت

 

[al7noona]

الستاره من واحد امي تعرفه بس ماادري وين صاير محله اذا رديت البيت ادور رقمه واعطيج

 

[قلوب من ذهب]

حلوة ما شالله بس ناقصها....سجادة كبيرة تغطي السيراميك....تدرين السيراميك والرخام أحلى حق غرف الصالون والاستقبال...
اما غرف النوم فالأحسن ان تغطين أرضيتها بسجادة كبيرة....أدفى و أشرح...
المساحة اللي يم السرير يبيلها كوميدينه...أو تسريحة أو دروج (اليرارات) حق أغراضها...
أممممممم بعد........الكبت....اشوي بروحة والمساحات اللي يمة من الصوبين فاضيين.......خليلها مكان للألعاب......

وموفقة........

 

[يبقى الوله]

مآشاء لله حلووه حيل

والوانهآ هاديه ... عليهآ بالعآفيه

 

[حناينq8]

الله يخليها لج حبيبتي

نصيحه - خلي الستاره ساده دام الطوفه فيها رسمات

 

[باربي للابد]

ماشالله الصبغ وايد حلو

يبيله اثاث ناعم وستارة سادة عشان الغرفة ما تصير اوفر

شرايج تخلين الكرفاية مع الكبت لونهم ابيض

وزولية كبيرة الوانها هادية

وخذيلها طاولة صغيرة مع كراسيها تلقينهم بسنتر بوينت على أميرات حق التلوين

وهم عندهم مثل السلة البلاستيك حق الالعاب واللي يتعلقون من السقف يصيرون طقم

وتوني شارية حق بنتي كوشيات على ورد جوري شحلوهم ويمشون معاج

لا تكثرين وايد أغراض لان الغرفة مردها بتنترس من العابهم

عسى الله يخليها حقج وتجهزينها عروس انشالله ​

 

[مندوبة ام بندر]

ماشاء الله ان شاء الله تفرحين فيها عروس ياااارب
بس اتوقع لو يكون في تسريحه وصندوق العاب واذا هي بسن روضه او مدرسه يبيلها مكتبه وكرسي
لاني اشوف الغرفه وسيعه ماشاء الله وفاضيه