غــدى الشــــر/البــقــى براســـج....

[smail-girl]

الســـلام عليكم يا أحلى كويتيــــات..


قبل جم يوم كنت مريضه شوي (كحه ونشله وسخونه) بس لله الحمد طبت..

عاد وحده قالتلي بالدوام (غدى الشر...) و توهقت ما عرفت أرد عليها.. قتلها مشكوره..

إذا وحده قالتلج غدى الشر شنو تردين عليها؟.........................


وفي موقف ثاني بعد.. بس ماصارلي صار حق زوج رفيجتي..

بالعزا قالوله (البــقى براســك)!! وتوهق وماعرف يرد..

إذا احد قالج البقى براسج شنو تردين عليها؟.....................

وبإنتظار ردودكم وتفاعلكم....

 

[barbya_q8]

عندي معلومة صغيرة بس
(البقى براسج) ........... ماتجوز( البقاء لله) وحده فقط ولازم نقول عظم الله أجركم او البقاء لله لانه الانسان له يوم وينتهي عمره والبقاء الابدي لله وحده

 

[smail-girl]

مشكوره حبيبتي على الرد السريع

 

[@الخياله@]

اللي تقول غدا الشر ،،،
قوليلها جزاج الله خير >> هالكلمه تنفع لكل المواقف خخخخخخخخخ

والبقا فراسج مايجوووز نقولها لان البقاء لله وحدة ،،
ان شاء الله نكون فدناج يالغلا

 

[Athwaq]

غدى الشر .. تردين بـ يغدي ولا اييج .. يعني يغدي ولا يجيج .. يعنيييي يروح بعيد و لا يجيج ويصيبج

البقا براسج مانقولها احنا بس نسمعها بالافلام .. يقولون و حياتك الباقيه وحرموها بعد هم مادري

 

[غلاي غير]

ما ادري اتوقع غدا الشر = والشر ما يجيج هههههههههههههه ما ادري


وانا ما ادري انها حرام البقا براسج

لان اشوف بالافلام يردون وحياتك الباقيه

 

[smail-girl]

البقى براسج يقولونها الكويتيين أول... والشـــياب لي الحين يقولونه!! مساكين مايعرفون إذا حرام ولا حلال

ومشكورين على الردود حبايبي

 

[مطيريه ماركه]

غدى الشر أرد وأقول الشر مايجيج

اما البقا براسك مانقولها نقول أحسن الله عزاكم أو عظم الله أجركم

 

[cute-q8cat]

كل ما توهقتي بشي قولي :
جـــزاج الله خـيــــــــــــــر

 

[قطوة@@]

البنات ما قصروو

 

[lolO29]

ايه ولله مرات نتوهق بهالمواقف وما ندري شنو لازم نقول اما بالنسبه لغدا الشر صج ما عرف شنو لازم نرد بالمقابل وايد تصير معاي وتوهق حدييييييييييييييييييييييييييييييي واتفشل بس الصراحه خوش موضوع نستفيد منكم هههههههههههه

 

[MaZyOoOoNa]

غدى الشر .. تردين بـ يغدي ولا اييج .. يعني يغدي ولا يجيج .. يعنيييي يروح بعيد و لا يجيج ويصيبج

البقا براسج مانقولها احنا بس نسمعها بالافلام .. يقولون و حياتك الباقيه وحرموها بعد هم مادري

نفس جوابها وترا حرام نقوول البقا براسك:eh_s(1):

 

[$$ صعبة الوصوف $$]

غدا الشر تردين عليها الشر مايجيج .

 

[كوَاليسْ]

هههههههههههههههههه
اختي اول شي الحمد لله على سلامتج وغدى الشر انشالله ههههههههههههههههه
وانا بصراحه مثلج ما عرف شنو الاجوبه ,,,,بس قلت لازم اقولها غدى الشر مايصير انتي توج مخلصه من المرض

 

[حبيبتي الكويت]

معروف غدا الشر تردين عليها = الشر ما يجيج

 

[كندية]

عندي معلومة صغيرة بس
(البقى براسج) ........... ماتجوز( البقاء لله) وحده فقط ولازم نقول عظم الله أجركم او البقاء لله لانه الانسان له يوم وينتهي عمره والبقاء الابدي لله وحده

والله توني ادري ..مشكوووره والله على التنبيييه

 

[أمانيQ8]

غدا الشر =يغدي ولا يجيج
البقا راسج ماتجوز بس فيها لها رد بحياتج الباقيه...وافضل عظم الله اجرك احسن

 

[اسوووره]

اول شي حبيبتي خطاج السو >>>>> تردين علي ((خطاج اللاش)) و حمد الله عالسلامه حبيبتي ...

و اول مره ادري ان البقا براسك حرااااااام كله اقولها استغفر الله و وااااااااايد شكرا حبايبي عالمعلومه ...

وو غدا الشر تردين الشر ماييج ...

شنووووو شنوووووووووو شنوووووووو بعد امممممممممم

اي اي صح اذا احد قالج قرة عينج تقولين بويه نبيج

هذا اللي اعرفه و اي رد ماتعرفينه ردي يزاج الله خير او يعطيج العافيه ماقصرتي يعني هالحجي ينفع بالازمات

 

[barbya_q8]

بعد عمري كلكم ماقصرتو واحنه اهني نعلم بعض ونستفيد من المعلومات والاشياء الي مانعرفها

 

[فلونة احلى وردة]

قولي الشر ما ييج
وحلوة منج حب المعرفة مكان الموضوع المفروض قسم تطوير الذات والمهارات