غطاء للكنبات الغنفات من وين

[ghalaty]

السلام اشلونكم بغيت اسأل وين ينباع الغطاء الي ينحط على الغنفات وين احصله مو كامل لا الي يجي على شكل لحاف وين احصله:0bee2e8d89:

 

[عدسات ملونة]

انا شايفته من فترة في سيتي سنتر اللي بالشويخ عند الشراشف والفوط

 

[سموره الحنونه]

اي وانا شفته بسوق شعبي في مجمع بيروت اللي بحولي
واسعارهم معقووله على 2 .3..و3ونص واحجام والوان
روحي شوفيهم هناك صوب الشراشف والفوط انا شفتهم لما كنت اجهز حق رمضان بيومين

 

[ghalaty]

مشكورين خواتي ماقصرتوا

 

[غيمةالشوق]

انا شريت عازل برادي من المباركية صج عجيب والكل يسالني عنة من وين جبتة خذيتة وانا قصيتة علي جحم قنفاتي ما يسرب اي سؤايل او يتوصخ نوعة جلد+خام

 

[جاكليت]

حبيبتي ان ماخذته من المحاميد

 

[A7la 7la]

أي مكان يبيع مفارش و بطانيات راح تحصلين عنده .. قولي أبي كفر حق القنفات وراح يطلعون لج ... أحجاام وألوااان ...

 

[بنت العز والدلال]

كارفور عندة بعد

 

[أساور]

شلون صايرين
انا بس شايفة اللي ايون مثل التلبيس

 

[زقرتية]

وهمن فيه ابمجمع الرحاب

 

[بطه فيها نطه]

معاها حق زقرتية ... الوالده شاريته من الرحاب ، السرداب

 

[ghalaty]

لا انا مابي الي يصير تلبيه ابي الي يكون مثل اللحاف فهمتوا قصدي يكون شكل حلو وبع حمايه من الوصخ وسلامتكم

 

[السفيرة عزيزه]

إنتي قصدج ( ثرو) اللي جنه مفرش بس ينحط على القنفات بكل مكان ملوت الأثاث مثل هوم سنتر تروفاليو و a2z اذا تبين حلوين وعاديين يعني مو وايد كشخه استعمال يومي لكن اذا تبين الكشخه محلات الأثاث الكبيره

 

[jaggy-cat]

تلقين عند المعلم و سوق الجوهرة واي محل يبيع مفارش ساليه عن تلبيس الكنبات وهو يطلع لج يجون لونين بيج وعنابي بس و3 احجام .

 

[دانة الكوويت]

مجمع بيروت تحت

 

[العود الأزرق]

مشكووووورييييين

أنا استفدت وايد من الموضووووع

كأنكم تدرون عني

ومشكووووووره لصاحبة الموضوع بعد

 

[مس دندون]

على ما اظن بالاسواق الشعبيه

وان شاء الله البنات يفيدونج​

 

[ghalaty]

مثل ما قلت منقبل انا مابي التلبيسه شفتهم مو حلوين ما عجبوني بس لونين بيج او عنابي باجر بروح تروفاليو واي تو زد بشوف واذا في اماكن بعد دلوني رحت كذا محل للمفارش خالصين

 

[AnaQ8tia]

أمي شاريه من ايكيا عندهم تشكيله كبيره

 

[المالديف]

حبيبتي انا شريته من مجمع الرحاب نايلون حدة عجيب الكل سال عنه ومايسرب اي شي اذاطاح عليه وتقدرين تمسحينه