غصن البان

[kwt.2012]

قوه بنات شلونكم
طبعا كالعاده نحوووس المواقع حوووس قبل لانبدا رجيم وكل شيء بنسويه من اول يوم

المهم ماطول عليكم

وانا احووس لقيت خلطه غصن البان تبيعها وحده ب25 دينار
عاد قلت اسالكم عنها اذا تعرفونها ولا سامعين عنها شيء

اخاف اشتريها وتطلع مثل ام حسين الكل يذمها

يلا ناطرتكم :d

 

[kwt.2012]

اي نسيت اقولكم لقيتها بموقع يمكن مايصير نكتب مواقع هني
بس حطوا بقوقل خلطة غصن البان وشوفوا

 

[الملاكـَ]

هلا والله انا خالتي جربتها وامدحتها
ومالها اي اضرار ولا شي
بس لازم تستمرين خالتي نزلت عليها 8 كيلو بس وقفت برمضان وماردت امتنت
بس الخلطه يبيلها استمرار واهي عباره عن نوعين اعشاب الاول يسد الشهيه والثاني يحرق الدهون
الخلطه الاولى طعمها عادي تنخلط مع الماي او الروب او تصير لهوم
الثانيه طعمها زعتر انا ماحبيتها لاني ماحب الزعتر
وسلامتج

 

[ام عيالها الغاليين]

للأسف بيبتي ما اعرف بس بيت أرفع لج الموضوع

وإن شاء الله البنات مايقصرون

 

[reem0o0o0o0]

جذب بجذب ما تسوي ولا شي اللهم تمشي البطن اخذي الحبوب الايرانية أحسن منها بواااااااايد نصيحة حراااااااام عالاقل الحبوب الايرانية بدينار عند الحواي و ترى دكتور يوسف الخضر يعطيها للي يراجعون عنده يعني ما منها ضرر عشان جذي كل الي يراجعون عند يوسف الخضر بسرعة ينزلون

 

[kwt.2012]

ريم انتي مجربتها الحبوب ؟ ومالها ضرر
الحبوب تخوف
وجم تنزل تقريبا ؟

 

[kwt.2012]

هلا والله انا خالتي جربتها وامدحتها
ومالها اي اضرار ولا شي
بس لازم تستمرين خالتي نزلت عليها 8 كيلو بس وقفت برمضان وماردت امتنت
بس الخلطه يبيلها استمرار واهي عباره عن نوعين اعشاب الاول يسد الشهيه والثاني يحرق الدهون
الخلطه الاولى طعمها عادي تنخلط مع الماي او الروب او تصير لهوم
الثانيه طعمها زعتر انا ماحبيتها لاني ماحب الزعتر
وسلامتج

مشكور ملاك بس وحده تقول تمشي البطن

ننطر باجي البنات ونشوف

 

[كويتيه والنعم]

انا جربتها ما ضعفت عليها ولا شي

شريتهاا وجربتهااا

تقولج لازم متاابعه وكل 3 ايام تتصلين عليهااا و تتابع معااج وبدون رجيم

ولما اتصلت عليها قالت لي خففي اكلج يعني رجيم

ومااضعفت عليهااا

حبوب ازيلاكس احسن منهااا

 

[احتاجك انا]

انا جربته بس تمشي البطن وكله كذب..

 

[ام عفاف الكويت]

حسب الشاي اللى استعمله يهبل والله
اسمه غصن البان من الحواي

 

[kwt.2012]

احترنا مع هالحريم
كله طلع جذب

 

[ام عفاف الكويت]

روحي اخذي اللى بالحواي علبته خضره فيها واحد مكرش لابس بنفسجي ب 3 دنانير والله الى الان مخلصه 3 كراتين
روعه

 

[kwt.2012]

ام عفاف وين اي حواي ؟
ماتسهل يعني ؟