غشيمه بلبنان ابى اللي يدلنى

[حصيصه ام قصيصه]

بنات زوجى بيوديني لبنان وانا ما اعرف فيها شى ابى السوقه الحلوه والرخيصه لانى بروح 3 ايام بس وودي اشترى شغلات منها غريبه من كل شى حتى العلاجات والكريمات

 

[السفيرة عزيزه]

حصيصه أول شي تروحين وتردين بالسلامه

بالنسبه للأسواق كل شي بالكويت بس بقولج اللي أعرفهم

عندج شارع الحمرا مثل عندنا سوق السالميه شارع وتتمشين فيه

الفردان مجمعات اكثر من واحد

ال Abc مثل تقريبا سنتر بوينت

السوليدير حلو محلات ومقاهي يونس

بس ترى لبنان مو رخيصه مثل ما تتوقعين

ونصيحتي روحي الأماكن السياحيه وتسوقي في الكويت

يعني استانسي انت وأبو الشباب وربي يحفظكم ويهنيكم

إخذي بس شغلات تذكاريه ولا بدله سنعه وكافي

ولك حرية الإختيار

والله معاكم......

 

[اخت فروحه]

لبنان مو للتسوق اهم شي الوناسه وااااايد راقية

عندج مطعم منير , مطعم مانويلا , مغارة جعيتا, متحف المشاهير, سوليدير

 

[ام فهودي2007]

روحي منطقة طرابلس حق الاسواق نظام سوريا يعني رخيصه
وعندج شارع مارالياس حلو وكشخه واسعاره معقوله
واكو سوق منطقة برج حمود رخيص بشكل ماتوقعينه بس مو ذاك الزود بالكشخه

 

[ghalaty]

اي والله لبنان للتغيير الجو والطبيعه حرام تضيعين وقتج بالسوق روحي تغدي بمانويلا والا منير وعندج مطعم جنة بيت مري وروحي مغارت جعيتااااااااا واي شنو سوق روحي استانسي بالجو والطبيعي وعليج بالعافيه

 

[ساسونة]

اولا السكن اذا في الجبل غير وبيروت غير كل واحد له ناسة اذا تبين الوناسة بالجو والريلاكس والاكل الذيذ بالجبل او الجو حار بس اماكن وطلعات وقهاوي ببيروت في دليل سياحي ينباع في كل شي البنات ما قصرو ا اهم شي تاجير السيارة مهم تكون تحت ايدج طول الوقت. ارقام مكاتب سيرات تاجير 1-ابو خالد 03952496 2-ابو طلال تاكسي 03502810 3-كمال 03728127 4- 03268415سعيد خداج

 

[al7reyaa]

بنات مشكورين والله كفيتو ووفيتوا
انا بروح 10 ايام مع اعيالي 4و5 سنين
شنو الشي اللي يونسهم

 

[اوركيدا]

بنات مشكورين والله كفيتو ووفيتوا
انا بروح 10 ايام مع اعيالي 4و5 سنين
شنو الشي اللي يونسهم

روحو البحر .. وايد بيستانسون سواحلهم وايد حلوه
او وديهم حبتور لاند .. تينن الحديقه وايد راقيه ومرتبه والعابها حلوه

 

[al7reyaa]

مشكوره ماقصرتي

 

[ضَوْء]

:e3: