غســآلتي الاتومــآتك .. خـلت ملابسي كوكتيــل { بليز هلب }

[{ ليت ظني كآن صآيب }]

مرحبــآ بنــآت

بنات غسلت ملابسي بغسالتي الاوتوماتيك بس هالمره اخترت برنامج غسيل 95ْ للملابس القطن

يعني خليت الماي شوووي حار عشان يتعقمووون >> اول مره اختار هالبرنامج

دايم على برنامج الغسيل العادي 60ْ

بنات الملابس ساحت الوانها على بعض

الابيض صار عنابي

والفوشي صار رمادي

قهر قهر

في جم قطعه توني شاريتهم لبستهم لبسه بس

عمره ماصار معاي جذي

بنات شسوي ؟؟

في شي يرجع لونهم الاصلي .. !

تكفووون بنــــآت ..... لاتطنشووون .... شسوي

 

[بيت التوت]

سبحانك اللهم وبحمدك أشهد أن لااله الا أنت أستغفرك وأتوب اليك


ماودي أحبطج بس ماراح يردون اشكثر اخترب لي ملابس وغاليه الحين ركنت غسالتي الأوتوماتك

وشتريت غساله عاديه أنظف وأحسن

 

[Gorey]

هاهاهاااي والله جنج تتحجين عن مشكلتي توني شاريه ملابس من ماركس سبنسر

ما لبستهم الا مره والله اختربو بالغساله الابيض صار وردي

 

[طووم]

لا ماراح يردون الله يعوض عليج بس انتي غلطانه شوفي بالليبل مال الهدوم يحطون علامه اذا يتحمل حراره او لا ولاتحطين ابيض مع الوان
والله يعوضج خير

 

[om al ghaleen]

حببيتي شلون حاطه ابيض مع بنفسجي ؟
عزلي الالوان الغامجه مع بعض والابيض خليه بروح

انا استخدم وضع القطن اللي حراتها 95 لملابس البحر والابيض الساده بحاله اذا وصخين وايد
مره حطيت تي شيرت بنتي على لولو كاتي اللي من H&m اللي فيها خرز وطاحوا كلهم وراحت الرسمه
لانه الماي وايد يغلي .., فحاولي لاتستخدمين هالخاصيه الا اللبقع الصعبه


وبالنسبه للآلوان اتوقع اذا حطيتي القطع البيضا بروحها على نفس الوضعيه اتوقع يخف اللون تدريجيا


\\

 

[حروف من ذهب*]

نفسي ساحو الالون مادري شسوي

 

[ToOoTi]

حبيبتي ما يردون للاسف
بس البيض اذا غسلتيهم بروحهم شوي يردون اما الباجي لاا
وخيرها بغيرها
الحين انتي تعلمتي

 

[خـيــــــــلاء]

انا اول جذي بس عرفت شالطريقه


اول شي حطي الماي حلو وتالي حطي الصابون التايت طبعا وخليها تفتر الين مايذوب الصابون

تالي حطي ملابسج وشوفي الفرق

انا كنت جذي وتالي قاللي هالطريقه واشوا ردو ملابسي مثل قبل

 

[.. شموخ العز ..]

,
,


هذا اللي مخوفني من الغساله الاوتوماتيك

بغيت اشتريها وخفت

اخذيها انها خيرهـ لانج تعلمتي .. ولاتضايقين
الله يعوض عليج ~

 

[Tender Heart]

هلا حبيبتي انا استخدم الحراره العاليه حق دشاديش ريلي ساعات يكون من تحت وصخين اما العادي لا .... شوفي اتوقع مع غسله ثانيه يرجع لونهم لان انا كنت غاسله بجامه صفرا مع بلوزه زرقه اول شي صارت زرقه عقب 3 غسلات رجع لونها ان شاء الله يرد لونهم بس ترا انا بجامتي خامتها ستن

 

[توتاتوتا]

احتمال ان الماي الي جاي من السخان يكون معه صدا دايم تسير لي علشان سمرت الماي الحار