غساله الصحون ضرووووووووري

[اسكادا]

السلام عليكم ياكويتيات ياحلوات الله يجزاها خير الي ترد علي ابي اسائلكم عن غساله الصحون الله يخليكم الي مجربتها اتقيدني لاني ناويه اشتريها وطبعا في ناس تقول رووووعهى اخذيها وانتي مغمضه وناس تقول لاتاخذيها ماتسوي شي الله يخليكم الي مجربتها تقولي شنو رايها تنفع وتريح في البيت ولا لا وشنو احسن ماركه وتنضف عدل يعني اذا المواعين كان فيهم زيوت الغلي تنظفهم وهل تغسل القدور الله يخليكم ردوا علي ضروري لاني محتااااااااااااره واسفه طولت عليكم

 

[eman12]

حبيبتى نفس سالفتي انا مشيت الخدامه وباديه رحلة الكفاح وافكر ايبها ونفس ترددج
اب للاستفاده

 

[اسكادا]

يعني معقوله محد عنده غساله الصحون وحياج الله اختي ايمان ان شاءالله احد يرد علينا

 

[diamonda]

دكتورنا مصري يقول اشلون في بيت مافيه غسالة صحون
البيت اللي مافيه خسرااانين
بس مادري شنو النوعيات بصراحه
انا ودي اشتريها بعد:eh_s(10):
اخذيلج فره بالغانم او يوريكا وشوفي الاسعار والنوعيات

 

[aengineera]

شوفي هالرابط

http://www.q8yat.net/showthread.php?t=230002

 

[منارة الإيمان]

عزيزتي عندي جلاية الصحون ماركة أل جي .. جدا ممتازة وعملية .. ونافعتني حييل
خاصة ماعندي خدامة .. وأجمع فيها أطباق اليوم كله .. وفى بعض الأحيان أدش باليوم الثاني وأشغل عليهم مرة وحدة
يعني لما أترسها بالكامل اشغلها وجدا أقتصادية بالصابون ..
أنصحج فيها وما أستغنى عنها .. وأذا حابة أعلمج على كل شئ فيها أنا حاضرة ..
وبالتوفيـــــــــــــق

 

[اسكادا]

مشكوره حبيبتي بسومه الله يريحج مثل ماريحتيني بس في ناس قالو لي ان الويرلبول احسن شي لغسالات الصحون انتيى شنو رايج ومن وين ماخذتها وبجم وشلون استخدامها وهل تنظف كل شي كل شي ادري طماعه بس مابي اخذها واندم الله يعطيج العافيه

 

[اسكادا]

حبيبتي aengineer a مشكوره على الرابط ماقصرتي الله يعطيج العافيه

 

[منارة الإيمان]

مشكوره حبيبتي بسومه الله يريحج مثل ماريحتيني
الشكرلله يالغالية حاضرين للطيبين

بس في ناس قالو لي ان الويرلبول احسن شي لغسالات الصحون انتيى شنو رايج
فعلا حبيبتى الويرلبول ممتازة ولكن فيها الكثير من التعقيدات وسعرها أغلى شوي وللعلم سويت بحث قبل لأشتريها والكل مدح أل جي وفعلا ماندمت لما شريتها جدا ممتازة والأمر لج ..

ومن وين ماخذتها وبجم
أشتريتها من معرض البابطين للكترونيات ألي بمنطقة سلوى وهذا الكلام من ثلاث سنين تقريبا وبسعر 127 دينار وألحين أنزلت الأجدد واتوقعها أفضل ..

وشلون استخدامها وهل تنظف كل شي كل شي ادري طماعه بس مابي اخذها واندم الله يعطيج العافيه

طبعا فيها رفين رف للأكواب والقلاسات والرف السفلي للأطباق وأي ملحقات أو شفرات الخاصة للمكينات الخاصة بالمطبخ وفى سلة خاصة للملاعق بجميع أحجامها ..
طبعا الجلاية أكثر شئ أستخداماتها للقلاسات والأطباق بجميع أشكالها وما أنصح غسل الجدور فيها لأنه ما تنظفهم عدل وأي غسالة فى العالم ما تغسلج الجدور عدل ..
ونصيحة بالنسبة للجدور علشان الفرك وماشابه أخذي الأستيل اصلي 18/10 جدا ممتازين وماتحاتجين لا فرك ولا شئ غير صابون الجفت يلمعهم بطريقة سحرية وهذه عن تجربة هم صج غاليين لكن ترتاحين من الفرك غير أنهم صحيين ..
أنرد للغسالة ممكن تشغلين الرف السفلي لوحدة وممكن الرف العلوي وممكن تغسلين فيها أشياءكثييرة مثل فرش مكياجج مشوط الشعر وأشياء كثيرة وممكن تتحكمين بالبرنامج على حسب نوع القطعة سواء بلاستيك أو جلاسيس أو أي شئ حساس
وحتى درجة الحرارة .. وأيضا يوجد الغسل السريع وأشياء أخرى كثييرة ..
وبالنسبة للغسالة تحتاجين لها ملح خاص ويضاف كل 6 شهور على حسب ظهور العلامة لذلك ..
تحتاج صابون خاص وفى أنواع منها الرخيص ومنها الغالي وكله يؤدي الغرض وانا أنصحج بكارفور اسعارهم جدا ممتازة لملحقات الجلاية ..
وتحتاج الملمع وهذا أيضا بين فترة وفترة تظهر تلك العلامة عند أحتياجها لتلك الملمع ..
والأمور سهلة بإذن الله والله يسهل لج كل أمر توكلي على الله .. والله ماراح تندمين ..
الله يوفقج .. ولا تنسينا من صالح دعائج بارك الله فيج ..

 

[اسكادا]

ماشاءالله عليج اختي بسومه كفيتي ووفيتي خلاص بتوكل على الله ثم على شورتج وراح اشتريها جزاج الله خير حبيبتي ماقصرتي

 

[اسكادا]

حبيبتي diamonda مشكوره والظاهر دكتوركم صاج خلاص انتوكل عاى الله ونيبها