غريب هالانسان !! انتوا جذيه ولا بس انا الي تعبانه !!!!

[الغاليه ام احمد]

الله يهديه لا تراددينه وهو معصب نطريه اذا هدى ساليه عن سبب عصبيته يمكن في شي مضايقه

 

[رمز الفخر]

الله يعينش

 

[أم توتو]

يمكن حبيبتي عشان وظيفتج ليش تركتيها بعض الرجال مايحبون المراه تقعد بالبيت ويصرف عليها يبيها تشتغل وتشيل مصروفها يمكن مو اكيد وجلسي معاه واساليه ليش متضايق وليش وليش انت ابخص فيه الله يسهل عليج ويهدي بالكم

 

[Heaven Light]

واليوم لما رد من الدوام قلت له انت ليش متزوج و يايب بيبي و انت ماودك

*

هذي غلطتج .. الريال ياي تعبان وزهقان من الدوام .. وانتي بسرعة استلمتيه عتاب ..
يا اختي راعيه شووي .. واختاري الوقت المناسب ..


​

 

[رواضي قطر]

طنشيه ولااااا تكلمينه وتنااقشينه وهو تعبااان وقت ماايكوون رااايق قوليله الي تبين

 

[محاميه كويتيه]

حبيبتي مبين ان زوجج مضغوط من الشغل وانتي الحين حتى لو قمتي بشغل البيت كله هو شايف انج تطلعين وتروحين وهو مخليج على كيفج وهو يشتغل ويتعب فطولي بالج معاه وخليه على راحته لا تسالينه ولا تطلبين منه يطلعج وصدقيني صدقيني بييج من نفسه يقولج بطلعج
مثل ما قلتلج لا تطلبين منه شي
والله يهدي سركم ويبعد عنكم المشاكل يارب

 

[لغه عربيه]

عيشي جوك .... عيشي جوك ...عيشي جوك...(بس لاتنسين واجباته )
وخري عنه كل مالزقتي فيه كل ما يوخر عنج ....(لو بنتج قاعده يمج وتحن تحن على الفاضي بتزهقين منها وتوخرين عنها )< هذا مثال توضيحي
لاتعاتبينه بالعكس خلي الأبتسامه على ويهج الشقه مني لي منيه
<<<بيعيش بحيييييرة يقول هذي شفيها تغيرت يبدى يتقرب منج >>>
عاد بهالحاله سوالفي فرفشي معاه خلية يسمع ضحكتج ليما يحسين روق مستعد للعتاب في هالحاله عاتبيه عتاب حبيب لمحبه
الله يكووووون بعونج ويسر أمرج

لاحول ولا قوة الا بالله
شوفوا شتقول محبوبه :

كل ما لزقتي فيه يوخر عنج :bbbiu:

الحركات هاذي ممكن تمشي ويا زوجه حلوه

لكن اذا جمالها عادي او متوسط شتسوي ؟

بعدين دايم اسمع العبارة مو شرط ووو مو حقيقة مؤكدة ,,,,//ممكن اذا بتعدت يكرها :bbbiu:

 

[الوردة المكنونة]

بصراحه من غير زعل انا احس من كلامج انج منشغله عنه

ترى الريال يتضايق من مرته اذا طلعت وايد حتى لو ماعترض وقالج روحي مايبي يزعلج بس من داخله متضايق خففي طلعاتج وجابليه
وبعدين ليش زعلانه اهو متثيقل عليج ويدش الغرفه ينام ماتعرفين ادشين وراه تندعسين بالكنبل تراضينه مايبي اعلمج بعد ترى الرياييل يحبون الوحده تراضيهم الريال ياهل *

 

[ورد]

تبين الصراحة ،، الغلط من الفضاوة ..

لانك تعتبرين فاضية بمجرد ما تخلصي شغل البيت وما عندك شي يشغلك على طول تتابعي ورا زوجك .. ما طلعتني ما عطيتني وجه وما وما ... الخ

بينما هو قاعد يتعب ويكرف وتحصلينه في الشغل يفكر فيكي يا بختها قاعدة مرتاحة ولا ملزومة بشغل وطلعات على كيفها ،، يعني شبه حاسدنك على النعمة ..

يرجع يبي احد يحسسه ان هو مسوي انجاز محد مسويه من قبله تقديرا لتعبه مقابل راحتك انتي وبنتك ..

وفي الاخير انتي تقابليه ما تطلعني ولا تقعد معاي ؟؟ اقلبي الادوار وشوفي ردة فعلك عليه شلون بتكون ..
او حتى ما يحتاج تقلبيها انتي بنفسك في بداية الموضوع تشكيتي انك تتعبي في البيت ومن مراكض ورا البنت مع ان عندك خدامة تخلص اكثر من نص شغل البيت .. ما بالك الي يطلع من البيت من الصبح ودوام وكرف وتعب ولا طلعة عدلة ولا راحة ولا نوم ؟؟؟ ويرجع البيت ما يمديه يبي يريح الا طلعتي له بشغلات مقصر فيها في الوقت الي هو محتاج احد يخفف عنه ؟؟
وبعدين احمدي ربك تطلعين وتشوفين الناس ومو مانعك من شي ،، يعني زي انتي ما اخذتي راحتك في الطلعات لوحدك هو كمان يبي يطلع لربعه ،، واكيد يبي يطلع معاكي بس يقول هي مونسة روحها بروحها ليش اضيع وقتي!! ..

يعني بجد زي ما قال لك يا انك تدوري لك شغل وتشغلي نفسك عنه ،، او قعدي في البيت وقدري ظروفه وخفي عليه شوي ..


الله يهدي بالكم ويهديكم ..

 

[ترجمة احساس]

الله يهديه ويسخره لج يارب

 

[مناته]

ترى الرياييل جذي
خصوصاً اول ثلاث سنين
لو اسولفلج عن ريلي يشيب راسج
مادري شلون صبرت
احسه ما كان يعرف يتعامل
واذا غلط هو يزفني انا
المهم انه مدقرني
اظن المسآله فالبدايه فرض شخصيه
طولي بالج وان شاء الله مرده بيتعدل
بس خلي عنج الزعل وشغلي روحج
والله يهديه

 

[F A R A W L A]

الله يصلحه لج
يمكن في شيء مضااايقه او جذي
وانتي شكلج ماشاءالله دايره بالج
نطري لمن يطخ وروحيله وكلميه بهدوووء وجذي
خليه يهدا
وان شاءالله الاموور ترجع تمام

 

[داناتا]

حياتي مم غير زعل انتي غلطانه بكل تصرفاتج اول شي قلتي يداوم وقت طويل وانتي علي طول تستلمينه حنه خفي علي الريال واادام تكلم علي طلعاتج مع رفيجاتج يعني مو عاجبه بس عشان يراضيج وما تملين
اول شي الريال لما تشوفينه ساكت ومتضايق وخري عنه او انج تفاجائينه اول ما يرد البيت فصخيه الجوتي وييبي الطشت وغسلي ريله لا تستغربين ترا الريال مرات يحب ان يكون سي السيد وبعدين تسويله مساج قومي علي خدمته مو بس طلبات لما انتي تدلعينه شوفي شنو راح يكون ردت فعله راح اهو اللي يقولج يلا نطلع يا حبيبتي خلج ذكيه واخذي اللي تبينه بالذكاء
تراااا مرات يكون الريال متضايق من الدوام واول ما يشوف المرا معفسه الويه راح يحط الحره فيها
وانتي استقبليه بضحكه بلمه وخلي بنتج معاكم ترا البنت بالعمر هذا حركاتها حلوه والله يكون بعونج ويهدي ويسخر لج

 

[دكتوراه أنوثه]

مابي احبطج .............نفس الوضع بس بعدين انصدمت

 

[Omniya]

انتي لاتهاجمينه بالأسئله وتقولين انتا ماتقعد ماتجابل وانا اسوي اسوي
قعدي معاه بهدوء وسئليه شمضايقك !

 

[عقارية]

تسلمينه تقرير كامل عن طلعاتك وزياراتك ووناستك
بعدين تطالبينه يلا طلعني
أنت غير وهم غير
يعني الحاجه اللي أنت تبينها من طلعتك معاه في نظره تحققت
وهي أنك طلعتي وتمشيتي وخلصتي
فطبيعي يقول لك أنت بعد شتبين

في قانون في علاقة الرجل والمرأة هذه ثابته لكل الأجناس والمذاهب
لأن الرجل مخلوق من هرمونات مغايرة للمرأة
وهي أن المرأة كلما أبتعدت عن الرجل أنجذب لها الرجل
لكننا لأننا عاطفيات نتوقع منهم أن يفكروا بنفس تفكيرنا وعواطفنا وأحاسيسنا
ووالله لو يحصل ما ترغبين فيه بعد ذلك !!

الرجل منطقي عقلاني بصري
المرأة حساسة عاطفية سمعية

والحل ؟
الحل أنك تطلعين وتتونسين وتتمشين لكن لكن لا تعطينه التفاصيل ...
ومو حلوه ترغمين شخص يطلع معاك لكوفي مغصوب علشان يشرب معاك قهوه

القهوه يبي لها اشتياق لسوالف ، رقة وعاطفة ، ملاطفه وذوق في الأسلوب والحركات
مو تطلعين كأنه فرض لابد عليه ويسويه ويشرب وهو مشغول بتلفون أو يقعد يخز اللي حواليه !!

كل شي خططيه له في حياتك مع زوجك
حتى مشواركم لمكان أختاري سوالف جديدة بعيده عن سوالف البيت

لذلك إذا أردت الشوق واللهفه ابتعدي عنه ( بعدم الحنه والرنه والطلب والأوامر )

اتركيه

كما أن للمرأة دورة شهرية فللرجل دورة خلوة وانفراد واستقلالية
يحب يقعد في كهفه بعيد عنك وفي تنين واقف عند مدخل الكهف
كلما جاءه منك اتصال أو مسج ثار التنين وأطلق لهبه عليك
حزام مطاط يحتاج للابتعاد حتى يعود مره أخرى أقوى وأشد

(ولا يلقاها إلا الذين صبروا ولا يلقاها إلا ذو حظ عظيم )

اصبري وتعلمي الصبر وتفنني في معاملة زوجك
وألا شلون في بيوت سعيده وأخرى متهالكه
الأمر كله بيدك وحدك !

 

[ҜęҜสђ]

لاحول ولاقوه الا بالله..
حبيبتي حاولي تخفين عليه شويه..
الظاهر الاسلوب اللي تستخدمينه وياريلج موعاجبه ..غيريه..
لاتكرهينه بالبيت ديري بالج..المفروض بيته يصير بالنسبه له جنته..
الله يعينج ..

 

[رتو الكيوت]

انتي تحنين علييه !

خليه على راحته طلعي ويا اهلج حمدي ربج مخليج تروحين وتردين

لاتحنين وانشغلي بروووحج صدقيني بيتعدل

 

[زينهـ قطر]

اااااه يقلبي لاتشكين لي ابكي لج ......

_ مثل معاناتج ويمكن اكثر بعد عييييييل انا شقول صايرة له مثل الخدامه ولامه وخواته ..واالله العظيم مابين بعينه
لكن كل يوم اهدي نفسي واقول اصبري وعند الله الفرج ..
انتي عالاقل اسبوعين ماطلعتي ويااه اناا شقول اكثر من سنه كل وسائل الترفيه مارسها شنووو يطري ع بالج سوااه


كوفي شوب وسينما مووووولات سفر ..... وانا اقسم بالله ماشفت الا بيت هلي واذا ابي سووق ولا مكان ولا مول والله ياخواتي
يبيلي اسبوع اساحل واحايل فيه يالله يرضى وهالقعده الي اقعدها بكرسي السياره يطلعها من عيوني

من يطلعني لين نرد البيت وهو يقطع فيني من هالكلام السم ..وصابره وساكته ..

امه زعلت ع حريم عيالها الكبار وراحت عند بنتها الحين صاير لي مثل العظم ببلعومي كل يوم يبيني اطل بويهها
وامي وامي وامي ..... وانا امي هاجرها ولايسال عنها ..

لا والحين حامل بعد وزاد العانه لعانه ..


خلوا الطبق مستور ع قولت المصريين والله العظيم فيني غصه لو توزعت ع هالكون كله كفت وزادتهم ..

 

[صمت المرافئ]

أول شي هدي بالج
ترى أغلبنا إذا مو كلنا مرينا بهالمرحلة
صعوبات البداية ...
حاولي ما تعاتبين ... خصوصا إذا كان ريلج عصبي
شغلي نفسج ببنتج وبيتج
عيشي حياتج ...
حمدي ربج ان ريلج معطيج مساحة حرية
تطلعين ... تروحين حتى لو على قولتج توجبين
بعض الرياييل مو مخلين حريمهم يتنفسون
اعتبري استقالتج راحة واستجمام من غثا الدوام
لا تتجادلين مع ريلج ترى كلهم يطلعون حريمهم الغلطانات
وجذي ما استفدت شي
أدي واجباتج كاملة لريلج وبيتج
خلي النظرات رسول بينج وبينه بدون حنة ورنة
لا تتكلمين وايد ... نظرة حزن وسرحان منج يشوفها
تأثر فيه أكثر من الكلام ... خلي فيج كيد النساء
وطولة البال ... تاخذين كل شي تبينه :rerrerek:
والله يسخرلج ريلج وتحصلين كل اللي تبينه :eh_s(7):
​