غريب هالانسان !! انتوا جذيه ولا بس انا الي تعبانه !!!!

[شواخي]

السلام عليكم بنات

شخباركم؟

والله ضايق خلقي ..

اول مره اليوم زوجي يعصب ويصرخ ويرفع صوته علي ويبجيني ،،، وصك علي الغرفه وقال لي لا خلصتي صياحج طلعي !!!


انا متزوجه من سنه ونص والحمدلله حليو زوجي والله انا ما اقصر فيه وعند ي بنت الحين بدت تحبي ماشاء الله عليها حركيه و اراكض وراها

ذابحه عمري .. شغاله وحده و مكروفه حدها مسكينه والله اني اساعدها واغسل وانظف ودايم

توني مقدمه استقاله لان شوي الدوام فيه مشاكل من مديرتي و قاعده ادور شغل ثاني وبالعكس مرتاحه بالبيت لان من تخرجت توظفت و لا ارتحت ولا قعدت في البيت الحين عالاقل اشوف بنتي و انام ..
واطلع وايي

المهم

اليوم من كم يوم وانا اقوله والله مانطلع انا وانت خل نطلع شوي !! بليز حتى لو مو بالويكند لو ساعه نشرب عصير اي شي

عفسسسسسني قال انتي ماتشبعين !!

قلت له شنو و؟ انا و دي اطلع وياك والله مو طالعه وياك من اكثر من اسبوعين ولا تعطيني ويه !!

يقول لي انتي 24 ساعه طالعه مع صديقاتج ويعدد لي اساميهم بعد!!

انتي ماتشبعين من الطلعات !!!

قلت له شكو انت لما ترد البيت تلقاني موجوده والصبح اخلص اشغالي بسرعه واكتب لك بمسج المكان الفلاني!!

جان يقول : انتي اول امس بعزيمه والي قبله حنا بنت خالتي والي بعده عرسها

قلت له

لو ماتبيني اروح ليش ماقلت لي

اروح اجامل اهلك مو عشان شي !!!

جان يرد انا يوم انتي طلعتي قعدت مع العمال والغساله !! قلت له انا ياما اعابل بالبيت واطبخ واكنس وانظف الحمامات و اعابل بنتك واقوم بها !!!!!!!!


غريب هالانسان

يحسسني ان مو مسؤؤل عن هالاشيا ! و هالاشيا مسويها زياده !!

ولا طلعني كآنه مستكثر علي وعمره ماراح سوق ولامجمع وياي

يعطيني مبلغ حق البيت وبنته و شايل ايده

كم مره اقوله لا تشيل ايدك ،، خذ المبلغ وانت روح السو ق ويب لنا الاغراض يقول انا مشغول منو هاليومين يسوي جذيه !! اقوله الكل يسوي والكل مشغول لكن ماكو فايده !!


وهاليومين كان عنده كورس يخلص مبجر لان هالانسان دوامه وااااااايد طويل فبستغل هالفتره الي يرجع من وقت ومبجر !!

انزين

اول امس يا من الكورس عالظهر ،، قلت له عازمتك على كوفي ،،قال تعبان بنام!! قلت اوكي مره ثانيه

امس كنت في بيت امي وكلمته على طلعت الدوامات قلت برد البيت عشانك ،، فرديت له البيت اول ماشاف ويهي قال بروح المسيد اصلي العصر قلت اوكي
رد شاف القهوه والبسكوت والشاي والكيك قال بنام قعديني بالليل !!

قلت له انزين جان قلت لي لا اتيين !! شاسوي بروحي بالبيت !! وانت ماتقعد وياي

سكت ونام ،،

طلعت اخلص شغلات ورديت ،، و انا ضايق خلقي ان مو معطني ويه ،، ويبين علي !

قال لي شفيج بعد قلت له ماكو شي خلاص ،، وراح ينام

واليوم لما رد من الدوام قلت له انت ليش متزوج و يايب بيبي و انت ماودك

قام يصصصصصصصصصصصرخ و عفسنا وقال انا كرهت هالبيت و انتي وانتي وانتي الييين ما بجيت والله

ضيق خلقي وايد وصك الغرفه علي وبنتي تبجي وداها حق الخدامه

تميت ساعه ابجي قهر منه ولا فيه فايده ،،طلع الديوانيه مع ربعه والحين رد شافني فالصاله عالكرسي

قال دوري لج وظيفه احسن من هالمغثه والكآآبه الي عايشه فيها !!!

انا ما رديت عليه ،، وطلع !!

ولين الحين طالع ،،

وانا ادري ان هو غثيث ومو من النوع الي يراضي ولا يلين

بيتم لو سنين جدام ما يتعب !!!

شاسوي ؟

لان تعبت منه وااااااايد !!

وضايق خلقي
:eh_s(2):
*

 

[شواخي]

ولا ررررد

 

[ناعمه و رزه]

لا حول ولا قوة إلا بالله


انتي حاولي تهدين الوضع لما يعصب


يمكن تعبان من الشغل انتي تقولين دوامه طويل


حاولي سوي له جو يريحه أو قعدي وياه صارحيه قوليله شاللي مضايقك


أنا أدري انج متضايقه وما ألومج بهالشي

بس انتي لا تزيدين عليه يمكن يكون مضغوط من شي والله يعينج


شغلي سورة البقره تريح القلب وتبعد عنكم الشر



الله يهديه لج ويسعدكم



\

 

[الأميرة جوري]

شيء طبيعي اول سنتين مشاكل ...بس انتى قعدي معاه لاصار هادي وفاضي وكلميه باسلوب مو عتاب لا تفاهم وهادي وساليه شنو اللي يرضيك...؟ وقولي له خصص لي يوم نطلع مع بعض,,يعني اي يوم تكون فاضي وخففي الطلعات من كلامه تطلعين وايد...والحين سكتى عنه ليمن يهدى ويراضيج..والله يهديكم لبعض

 

[نظرة اعجاب]

يمكن زوجج من النوعية الي يحبون الزوجه تشتغل وعندها دوام مرموق ما يحون الي تقعد في البييت يمكن

 

[iLLuMinaTion]

الله يهديكم

 

[انا لحبيبي .]

الله يعينك حبيبتي ، اعصابك تعبانه وبدك تطلعي كل يلي جواكي لترتاحي بس اخترتي الوقت الغير مناسب والغير صحيح ،، مو مشكله حاولي روقي هاليومين ، وبعدين بترتاحي ان شاء الله ، ولاتنسي زوجك مضغوط يمكن عنده مشاكل بالشغل يمكن في شي مدايقه منك وما حكالك ، حاولي اقعدي معه وتناقشو وحطو النقط ع الحروف وزوجك من النوع يلي بحكي لانه حكالك على موضوع الطلعه ، اقعدي وتفاهمي ، بعدك بااول زواجك ما صرلك سنه ونص ، فحاولي زبطي الاوضاع ببيتك حبيبتي ،

الله يهدي بالك ويصلح الحال ،

 

[تعبت اداري...~]

وآي الله يعينج عليه وقللي من طلعآتج إذا كان هـ الشئ يرضيه بعد شً سوين معآه....

 

[ام الدرر]

حبوبة الريال مايمشي بالاوامر
يمشي بالمساحل المحايل
اذا بغيتي شي اختاري الوقت اللي يكون مستعد يسمع وتحسين انه ماراح يرد لج طلب
حاولي هاليومين تهدين الوضع
واذا حسيتي طخ ناقشي الموضوع بهدوء
عسى الله يصلح حالكم ويهديه ويسخره لج​

 

[هيبة ملك]

فديتج حاسة فيج

ياقلبي لاتكلمين معاه ولاتطلبين منه شئ هالأيام لين يهدأ

ولاتسوين له شئ لين يطلب منج

فيه أزواج جذيه مثل زوجي مايحبون الكلام ولايحبون الطلبات

الله يهديه لج ويسخره

ويريح أعصابج

 

[ماني من الناس]

بكل بساطه سأليه شنو اللي مضايقك ؟؟؟؟؟؟؟

 

[أإلع ـشق دلع ـهـأإ]

.






امممممممم

يمكن زووجج في شي مضاايقه فيحط الحره فيج مبين عليه ع اتفه الاسباب يعصب !!

شوفي اللي عليج خليه الفتره لاتحنييين عليييه ولاتطلعييين واااجد مو لازم تروحين عند النااس خففي ..

جاابلي بيتج وبنتج ولاتحنين عند زووجج حااولي تجذبينه بالكلام تكلمي بدلع وسوالف حب ..

خلي البيت كله نضيف تفرغي حق خدمة زوجج ولا تهملينه .. يمكن انتي بالفتره الاخيره اهملتيه وتضاليق من هالشي ..

فكري ورااجعي اموورج .

والله يهديه ويسخره لج ..








.

 

[EmMy]

الله يصلح الامور بينكم

 

[يارب احفظ عيالي]

عااااااااااااااااادي حبيبتي نفس الوضع في رياييل مايحبون يطلعون مع حريمهم يحبون ويه ربعهم المهم انتي خلج عاديه واهو بيتاسف منج ويمكن يطلعج بعد بس ترى هالشي عادي يعني حاولي معاه بالمحايل واللين والدلع واذا مانفع خلاص طلعي ويه رفيجاتج وخواتج وخلاص والله يسخره لج

 

[بنت التمايمة]

الله يعينك
يمكن اهو ما تعود عليكي جالسه بالبيت انتى اصبري شوي

 

[** محبوبه**]

عيشي جوك .... عيشي جوك ...عيشي جوك...(بس لاتنسين واجباته )
وخري عنه كل مالزقتي فيه كل ما يوخر عنج ....(لو بنتج قاعده يمج وتحن تحن على الفاضي بتزهقين منها وتوخرين عنها )< هذا مثال توضيحي
لاتعاتبينه بالعكس خلي الأبتسامه على ويهج الشقه مني لي منيه
<<<بيعيش بحيييييرة يقول هذي شفيها تغيرت يبدى يتقرب منج >>>
عاد بهالحاله سوالفي فرفشي معاه خلية يسمع ضحكتج ليما يحسين روق مستعد للعتاب في هالحاله عاتبيه عتاب حبيب لمحبه
الله يكووووون بعونج ويسر أمرج

 

[swanyway]

اهو ماتغير الا لمن استقلتي

يعني هل كنت تصرفين على البيت ولا على الاقل مصروفج او شئ
يعني مخففه عنه شوي ؟ لانه يقولج ارجعي احسن

اذا ايه معناته متضايق ماديا وزادت المصاريف ولايبي يبين لج مثلا يعني

اذا لا فطنشي وعيشي حياتج واستانسي واذا جاء يراضيج و خلصتوا اسئليه وش اللي مضايقه

 

[فركيته]

حاولي تبعدين وتستانسين مع صديقاتج وخواتج وراح يحس بفقدتج وراح يركض وراج واهو الي يقولج خنطلع

 

[dectora 7elwa]

الله يصلح الحال
تحسين انج متغيره بعد الاستقاله يعني ملاحظته بمحلها ولا غلط
ترا تفرق بالحكم عالمشكله

 

[ام زهقانه]

انا مع ام دررر