ساهر انا ويا الأرق ووسادتي مع وردتي اقطف ورق اغصانها يحبني ؟.... مايحبني؟...
خايف اصدق ناتجي وخايف اكذب هقوتي تايه انا مابينهم هم السؤال يهدني
وانفض لحافي والأورق وبوح الشعر يزفني
واضوي شموعي للورق تحكي السوالف ريشتي وانثر مشاعر من زمان عنها اللسان يردني
مرات احس اني له ومرات تبعد خطوتي واذا سألت عيونه تحلف تقول: يحبني
لاجيت ابدا بالحكي بعض الامور تصدني
وارجع انا ويا السهر اقطف بقايا وردتي يحبني؟.... ما يحبني؟....
طويت آخر مشاوير الهوى في دفتر الفرقا
طويت الي طويت من الغلا وابحرت بالضيقه
ينزف محجري دمع يبي يرقا ولا يرقا
تحده عزة تاقف على الجفنين وتعيقه
حبيبي مادريت ان فوداعك يصعب المرقا
اجل وشلون لا صار اللقا ياهون تحقيقه
انا فليت لك عذر الوداع وياعسى بلقى
ورا ليل السهر صبح تباريني توافيقه
تعبت اسقي ضما قلبي واعله مير مايسقا
الا ياكثر ماكانت تطارد به مخاليقه
حبيبي مابقا الا العتاب الهاجس الانقى
حلفت ادفن به الليله سنا اجمل مواثيقه
بعد لاتنشد عيوني وش اللي بحزنها يبقى
عزاها حلمها الوردي توارى قبل تصديقه
طويت اطول مشاويري حدر هاك السما الزرقا
وقلت ارحل مع الفرقا غريب بعالم الضيقه
من يصدق يمر الوقت مااااشوفك
واصير بلهفتي مفجوع
ويمر الوقت ماااادري وايام الزمن تجري
ساعه بعدها ساعه
واسبوعن وراه اسبوع
بعد ماكنت انا اشوفك سبت وأحد واثنين وثلاثا والاربعا
واجي طاير صباح السبت لأني فاقدك يومين
وسبقني وله عيني قبل اعرف مكانك وين
واليوم يمر السبت ويروح السبت
ولا ادري عن احوالك ضايق والا حالك زين
ودي احطك في ضلوعي واخليك
لاابوك يسألني ولا امك تجيني
حتى اخوك اللي يعزك ويغليك
ينساك في قلبي ولا يبتليني
وان ضاق بك صدري رفعتك اسليك
تطلع من ضلوعي وترقا لعيني
