غريبة الدار والماسنجر المفضوح

[~ اميرة الورد ~]

لاااااااااااااااااااااااااااااااااااااااااااااااااااا والله ؟؟؟؟؟؟؟؟؟؟؟؟؟؟؟


انتووووووو هنيه وانا الطم وابجي ع مواضيعنا اللي راحت ؟

الظاهر اني نحس عليكم كل مادشيت موضوع سكروه ههههههههههههههههههههههههههههه

الله يعين عاد الثالثه ثابته خخخخخخخخخخخخخخ


انا الله يسلمكم

ميمي << دلعي خخخ
عمري 25
عزابيه
حلوه ولله الحمد ونعومه وصيغرونه << امدح نفسي كيفي خخخ
موظفه بالتربيه
مطيريه كولولولولولوششششش << استخفت ههههههههههههههههه
اكبر اخواني وماماتي وباباتي صغار كبر عهود << اقعععععععععععد يالصاروووووووخ

ههههههههههههههههههههههههههههههههه

وبعد شنووووو مممممممم

ايه

اجدادي كانوا بالمدينه المنوره
ولازالوا خوالي ونص عمامي هناك
واحبها هالمنطقه بشكل حيل حيل احبها
يكفي ان اجدادي مدفونين فيها

وسلامتكم وتعيشون

والسامع يصلي عالنبي

كولوووووولوووووووووولووووووووووششششششششششششششششش

 

[نيولوفر]

نيولوفر و اللا نيلوفر ؟؟؟
و شنهو المعنى ؟؟؟ ترى بقلبي كلمتين يقرقعون يا قلبي بس ماني متليقفه ،،، بسمع منك و تالي أقول !!
ناطرة الجواب يا أحلى سنغل بالدراسات العليا ( كان زين وحدة مثلكم تفك عقدة ولدي و يتزوج )

هلا فيييييج حبيبتي كاتلوفر ... انا نيولوفر ... و معنى اسمي ع ما اعتقد اسم وردة موطنها الاصلي نهر بتركيا ... حبيبتي قولي كل اللي في قلبج ...فديت قلبج

 

[نيولوفر]

يارب تسهل ولادة عهووووووووووووووووووده حبيبتي و تقومها بالسلامه

 

[~ اميرة الورد ~]

امييييييييييييييييييييين يااااااااااااااااااااااارب

ياحياتي ياعهود الله يتمم عليج وتولدين بالسلامه

وحياج الله نيولوفر يعني اسمي واسمج مقارب لبعض << كله ورد بورد خخخخخخخخخخخخخخخخ

بنات بما انا ماسنجر مفتوح

يلا كل وحده تقولنا

وين بتسافر بالصيف ؟؟؟؟؟

واللي مهي مسافره تقولنا شلووووووووون بتقضي الاجازه ؟

واللي ماعندها اجازه مثل حاتلي الله يعينها

مالك الا الصبر وش ودااااااااااااااااااااااااك له

خخخخخخخخخخخخخخخخخخخ

 

[علولي]

جبيبتي غريبة الدار
انا بدوية وماني موظفة جالسة بالبيت
واذا عن الاجازة
بحكم انا قريب من الطايف فكل اسبوع احنا هناك الجو فيها حلو
وانتي وين بتقظن الاجازة

 

[SwEeT aPpLe]

هلووووو الله انا ماراح اسافر ومادري شنو راح اسوي ؟؟؟؟

كان ودي بدورة بس ماكو بالكويت دورات تفتح النفس

 

[نيولوفر]

الله يحييج اميرة الورد حبيبتي ... انا ماني مسافرة شكلي هالصيف ... سويت ابل حبيبتي تره في دورات بالصيف واااااايد بس انتي عن شنو تبين مثلا ؟؟؟ عشان افيدج باللي اعرفه >>> اموووووووت ع الدورات و هالسوالف تره حاضرة باللي تامرين فيه

 

[SwEeT aPpLe]

نيولوفر تسلمين يا قلبي عادي بس انا اميل للخياطة والطبخ احب التفنن فيه ودي اخذ دورات جذي

 

[catloverq8]

هلا فيييييج حبيبتي كاتلوفر ... انا نيولوفر ... و معنى اسمي ع ما اعتقد اسم وردة موطنها الاصلي نهر بتركيا ... حبيبتي قولي كل اللي في قلبج ...فديت قلبج

طلعت مثل ماكان ببالي
صج إنك مثقفة
بس بدون زعل و مو تطقيني
كنت بقول إيش جاب ( بدوية ) لنيلوفر
قلت لك لا تطقين أتغشمر
فعلا هي (( نيلوفر )) وردة معروفة عند قبيلتي التركية الفارسية
تضحكين !!!! و الله عندنا قبيلة و زعيمهم يسمونه ( خان )
و لوية و سوالف بس جبال مو بر
ترى الإسم وايد يتكرر في الأغاني الفارسية ( نيلوفر ) و أعتقد إنها وردة وايد رقيقة و جميلة
بس ماقط شفتها بحياتي
توقعي الثاني يكون اسمك نيو - جديد لوفر -محب ( المحب الجديد )
صايرة مترجمة حضرتي !!
تشرفنا يا نيلوفر و سامحينا على الإجعاج

 

[غزلان]

ههههههههههههههههههههههههههههههههه احلا تجمع
انا غزيل عمري 23 بدويه ظفيريه ولله الحمد من محافظه الفروانيه موظفه وشقرديه وبعد شنوو
ودي اطلب عشى بس مفلسه حدي غريبه جانج بنت جيرانه بعد زولي دزيلي عشى

 

[~ اميرة الورد ~]

علوي حياج الله

انا بعد كم يوم

راح سافر باذن الله

خط سيري

الكويت _ مكه _ الطايف _ الباحه

ان شاء الله

قوليلي بما انج قريبه من الطايف شنو احسن الاماكن هناك ؟

وين نستانس والاسواق اهم شي خخخخخخخخ

والباحه كذلك اللي تعرف شي عنها تعلمني

لان اول مره اروح لها

<< قلبت الدردشه موضوع سياحي خخخخخخخخخخ

 

[MiSs SaLsA]

الله يبارك فيج حياتي غريبة الدار
انتي وينج يبا و انتي جذي صاحبة الموضوع >>> ترا و الله تعبني ردودج أحسها ترد الروح وااااااي فديتج أنا


و الله يا بنات أنا رايحة صلالة هالسنة و عاد صدق أو لا تصدق أنا العمانيو و هاذي أول مرة أروحلها من بعد 16 سنه يعني بس رحتلها لما كنت نونو ضغيرونه

 

[~نسمه هوى ~]

حلو الموضوع يبيله كل مادخلت اطل عليكم

 

[اوراد العشق]

هااااااااااااااااااااي

صبااايااا كيفكوووون


اعرفكم على نفسسسسسسسسسسسسسسي


اوراد --- 23---- بـدويــه--مــنقــبــه---عجــمــيــه---مطلقه---ماعندي يهال---موظفه
واتوووووووووووقع هذا اهم شي قلته لكم

 

[علولي]

اهلين اميرة
مرحبا فكي بالسعودية
واماكن الطايف كثير حلوة
ايش تبغي بالظبط اماكن ترفيهيه ولا سكن
واذا على الاسواق عندك الطايف الدولي
وقلب الطايف والعبيكان
وابها ماعرف عنها شي
والله بتنور مكة بالغلى

 

[علولي]

غزلان انا دحين ارسلك عشا بس ايش تبغين امري تدللي

 

[نيولوفر]

طلعت مثل ماكان ببالي
صج إنك مثقفة
بس بدون زعل و مو تطقيني
كنت بقول إيش جاب ( بدوية ) لنيلوفر
قلت لك لا تطقين أتغشمر
فعلا هي (( نيلوفر )) وردة معروفة عند قبيلتي التركية الفارسية
تضحكين !!!! و الله عندنا قبيلة و زعيمهم يسمونه ( خان )
و لوية و سوالف بس جبال مو بر
ترى الإسم وايد يتكرر في الأغاني الفارسية ( نيلوفر ) و أعتقد إنها وردة وايد رقيقة و جميلة
بس ماقط شفتها بحياتي
توقعي الثاني يكون اسمك نيو - جديد لوفر -محب ( المحب الجديد )
صايرة مترجمة حضرتي !!
تشرفنا يا نيلوفر و سامحينا على الإجعاج

مشكوووووووووووورة حبيبتي ... و عاااااادي ما ازعل منج حبيبتي انتي ... و انا اساسا كله يقولون لي جذيه من يوم كنت بالمدرسه ... تصدقين عااااااااااد انا حتى اللي يشوفوني اول مره يقولون لي انتي مو بدويه ؟؟؟ و انتي ماشاءالله عليج ما شفتيني تقولين لي مو بدويه ؟؟؟ و انصدم منهم مرااااات يقولون لي فيج عرق لبناني او تركي او ايراني مع ؟؟؟ و اتذكر
مرة بالاكوابارك بنات بعد ع بالهم انا باكستانية تخيييييييييييييييلي ؟؟؟ مع انه شكلي ملامحي بدويه بس يمكن عشان بيضه ...

و بالنسبة للاسم ... هو الاسم جذيه له كذا معنى ومثل قلتي انتي بالضبط لالول معناه ورده و الثاني محب جديد ف عشان جذيه انا حبيته

انتي اسمج بعد حيييييييييييييييل عاجبني على وزن اسمي بعد و اذا ماني غلطانه معناه قطوة المحب صح؟؟؟

 

[علولي]

اسمك حلو مثلك
لان الاسم يدل على صاحبه

 

[نيولوفر]

نيولوفر تسلمين يا قلبي عادي بس انا اميل للخياطة والطبخ احب التفنن فيه ودي اخذ دورات جذي

عاد انا مالي بهالسوالف ... انا ع بالي تبين دورات تطوير و تنمية الذات و علوم الطاقة عاد اذبحيني ع هالسوالف ... هني في بالمنتدى مرة شفت اعلان عن هالدورات و جامعة الكويت بعد كل كورس تنزل دورات خياطة و يمدحونها و حتى اسعارها زينه بعد

 

[SwEeT aPpLe]

ههههههههههههههههههههههههههههههههه احلا تجمع
انا غزيل عمري 23 بدويه ظفيريه ولله الحمد من محافظه الفروانيه موظفه وشقرديه وبعد شنوو
ودي اطلب عشى بس مفلسه حدي غريبه جانج بنت جيرانه بعد زولي دزيلي عشى

هلا هلا بنت العم << قامت تجذب
بنت الفرانية انا يمكم بس اي منطقة عشان ادزلج واذا ماتبين تقولين خلاص مو مشكله بس شلون ادزه
ولا اقولج حياااااااااااااج عندي يخسي الجووع __ حسيت انج جوعانه
:krkrkr: :krkrkr: