أم علي حبيبتي هذي يمكن خامس مره أكتب سؤال و ماتردين
سؤالي
أبي كونسيلر ما يخطط و ما يخلي كأن عندي تجاعيد لأن عندي سواد حوالين عيني أبي أخفيه
لأن صراحه المكياج صار يلوع الجبد كل شي حلو إلا تحت عيني
تكفين حبيبتي ردي هالمره
و الله يوفقج و يرزقج بالذريه الصالحه
بايات
اخيييييه بعد عمرررررري حبيبتي سااامحيني يالغاليه جد ماشفت سؤالج او ما انتبهت حبيبتي
شوفي ياقلبي انا كنت ولا زلت اوصي بكريولايين صراحة حلو ليش ؟ (لانة كريمي ودرجات ينفع تخلط ,, بس شوي زيتي بس بالسفنجة يشيل الزايد بس الخطوط مسألة ترة مو كلمن قدر يحلها حسب تحت عينج ,, اما الحين وبكل صراحة اقولج معنج خليتيني ابط الجربة انا كنت ناوية انزل موضوع حبيبتي كامل عن المجموعة الكونسلرية هههه بس بختصار جربي كوستال كونسيلر خفييييييييييييييف بس يغطي وصراحة صراحة انا امس واليوم حاطتة فونديشن كامل هههههه وحيل عجبني واليوم استخدمتة على بنات ,, قلت لهم باجر يعطوني خبر اذا خططت عيونهم بالعرس ولا لا
,, انا عن نفسي استعمال يومي وخفيف وحتى ممكن حق الحفلات (خلصنا من الفل كفر )
ينفع ,, تبيعة تاجرة هني ,, كنت حدي متترددة اشترية وتوكلت على الله وشريتة والحمد لله طلع يهبل عندج كريولاين وعندج كوستال ,, تبين زيتي كريمي ثقيل كريولاين ,, تبين مو حاطة كريم بس لون تضوين الوي كوستال ^_^ ومشكووورة ياقلبي تسلميييييييييين حبيبتي ^_^
اااه يا ام علي شسويتي ااااه يا ام علي :eh_s(9): متابعينج من البحرين
جزاك الله كل خير على هالمعلومات القيمة وهذا ان دل على طيبتج وذوقج وحسن اخلاقج احسج والله نفسي اللي عندي لناس ماقول بخبيه وبحتفظ فيه لنفسي جزاك ربي الفردوس وبرجعلك بس استلم بعض البنات
احين اللي تتمصخر ولا تقول تبذير يعني الحرمه زين منها تفيدكم صدقوني انتوا اول ناس بتروحون السوق وتسالون عن هلاغراض بدل ماتقولون ماشاء الله مشكورة جزاك الله خير البنت تقولكم شغلتها يعني اهي ماكيرة وقاعده تعلمكم ابلاش طلعولي مكيره وحده ترضى تعطيكم معلومه عن ميكبها وارقام اغراضها مستحيل تلقون فاحمدوا الله وقولوا كلمه شكر ولا فلتقل خيراً او تصمت ولو كانت ماتشتغل وعندها كل هلاغراض ياخي الله منعم عليها تبارك الله انا ماشتغل عندي كميه ميكب لان دوم احلم يتحقق لي هالحلم فعتبروها هوايه ولا ليش تعتبرونها اهي تقول لكم مصدر رزق الله يرزقها من اوسع ابوابه يارب
نرجع لام علي مشكورة حبيبتي والله اني احبك في الله قاعده اسجل شي شي خبرك العيد جاي ونفسك انا حامل نبي نكشخ لحمولتنا بس عندي استفسار يابعدهم
انا بشرتي حنطية فاتحة نفسك تراني ماعمري جربت فونديشن كريمي مادري ليش اخاف حتى لين يحطون لي حق الاعراس ارجع البيت واغير الفونديش احس كلش مايناسبني ويطلع خطوط تحت عيني ولا اللي يقهر نقط سود متقشره بعد الفونديشن على طول مادري ليش ولا الدرج مليان ماركات زوجي شراهم لي لين انتهوا
لاكن بسمع بنصيحتج وباخذ الفرشة مع كونسيلر كرويلان مع بوبي براون بس شنو احسن رقم تستخدمينه بوبي براون لازم اثبته بلوز بودر صح اشتري من نفس الماركه ؟
ربي يحفظج ويسعدج دنيا واخره ويقر عينج بشوفه جنينج كامل الخلق والخلقه اللهم امين
هلا هلا هلا هلالالالالالالالالالا والله بالحباييييب هلا باهل البحرييين فديييييييييييييتهم ياهلا حياتي انتي مشكوووووووووووووووووووووووووووووووووووووووووورة ياقلبي تسلمين والله ماقصرتي وماعليج زود حبيييييييييييي ,, ولا تحاتين ياقلبي طااااااف من امة افا عليج عندي هالناس الطيبة الحلوة الي مثلج ياحبيبتي عبالج بهتم ؟! :*** مشكووورة حبيبتي
حبي انتي ماتستخدمين كريمي ؟؟تستخدمين بودري قصدج ؟؟؟؟ ,,ترة البودر اهو الي ينشف وبتعب االبشرة ,, خليج كريمية رطبة ,, عموما اي شي في زيت دهن تحطينة افضل من البودر ,, نفس فكرة البودرة مالت اليهال ؟؟ مو كثرتها تسود ... والكريم العكس يفتح ,, وهم يرطب البشرة ,, ترة تعيزين بسرعة ههههههههه ساحبة الترطيب من البشرة سحاب شكلج , وحبي شلون نقط سود بويهج ؟؟ تسوين سنفرة ؟؟؟؟ ولا يمكن ماعرفتي تستخدمينة دشي اليوتيوب شوفي شلون يستخدمون السائل وجربي الفرشة بالعدة الي عندج بالدرج (الفونديشنات السوائل ,,قبل لا تشترين اي كريم يديد احيانا الانسان اذا تعود على شغلة صعب يغيرها او يقتنع فيها جربيهم اول وبسرعة غسلي ويهج اذا على قولتج منتهين جربي الحركة وشوفي وانا بالنسبة لي احب ناتشورال رقم 4 بس لازم انتي تروحين وتجربينة ياقلبي لمن تشوفينة اختفة معناتة درجتج الصح بس افضل ناتجورالات فما فوق واي حبيبتي لوز بودر بوبي براون الصفرا وااااااايد حلوة الي تطيح على جميع انواع البشرات بس خليج على كونسيلرج المعتاد لانة كريولاين دهني وكريمي اخاف تتضايقين منة خصوصا انج متعودة انة يكون ويهج جاف اي كونسيلر خفيف ثاني عشان تضوين شوي وتسلمييييين حبيبتي وربي يسعدج بالدنيا والاخرة ومشكووووورة حبيبتي على دفاعج واسلوببببج ,, ويلومونا ليش نحب البحرين اخ بس اخ :****
هههههههه ماشاء الله لو اغراضي جان بايعتهم من زمان والسبب عيالي اسم الله عليهم
مبين ماشاء الله انه انتي موهوبه وهوايتج الميك اب
كملي متابعه
ههههههههههههه حبيبتي مشكورة ,, لا حبيبتي انا ولدي تخصص كسر ولعب بالكراسي الي بالغرفة مو المكياج هههه اي كرسي يفتر عنده مدينة ملاهي ,, كرسي المساج مسويه زحلاقية والقنفة يطامر عليها واول امس طايح من الكرسي وكاسرة لي وطايح على راسة حبيبي اتوقع تاب الحين هالمرة ماراح اخش الكراسي هههههه
