غرفة المعرس شلون ؟؟؟؟؟

[ميمي الحلوه]

بنات عفيه منو منكم اشترت غرف جديده .,.,وراحت ريحتها

غرفة اخوي .,.,ريحت الصبغ والخشب.,.,ولما ندخلها تعور العين.,.,والعروس جايه بعد جم يوم.,.,امبييه فشله

حطست فيها كل شي

بخرتها.,., مسحت الخشب.,.,وحطيت فنيليه

هم مافاد

اللى تعرف بلييييييييز

شلون تروح الريحه فديتكم​

 

[ميمي الحلوه]

شدعوة مافي ولا وحده ردت

 

[..بسمة..أمل..]

حبيبتي مسحي ارضيتها بديتول وغاااز

وبعدين بخريها وخلي المبخر بالغرفه يطووول

وكل شووي حطي معمووول او عود مسقا

لان ريحته اقووى

 

[Doodoo.star]

جيبي جدر ماي حار وحطي فيه فانيلا بودر وله سائل عادي كله واحد وحطيه بالغرفة أو الكبت لان بيمتص الريحة كلها

 

[أنفاسي دخون]

عسى الله يهنيه وتشوفون عياله ان شاء الله

اول شي مسحي الاثاث كله بماي وديتول وعقب جيبي فوطه ونقعيها بكلونيا اشرقت وام بنت ومسحي الكبت والادراج من داخل وبرا وشبي فحم كل شوي واحسن شي المسقى على قوله بسمة امل لانه اقوى ويمسك الريحه مع العطر وانصحش بالقرشي اللي قرشته بـ 25 ومعمول المعاريس من امل الكويت وكل ما دشيتي الدار تبخرينها رشي على الفرش والزوليه والستاير بالمشعل اللي تفضلينه عندش اكوا كوثر قوي حيل واخلطي نوعين او ثلاث واقعدي بخبخي وشغلي فواحتين وان شاء الله ما تجي العروس والا دارها ريحتها مثل ما تبين واحسن

 

[••غـلآًهْـم••]

حطي اول شي جاونيه اخذيها من العطار

ريحتها موحلوه لكن راح تسحب لج اي ريحه موحابتها

وعقبها هوي الغرفه وبخريها بالبخور اللي تبين معمول الدواسر اومعمول المعاريس ترا رووعه

واذا ماعجبتج ريحت الجاونيه لاتدعين علي لكن وربي عن تجربه

 

[ميمي الحلوه]

بسمة امل يسلمو ياعمري

سويت الللى قلتي عليه .,.وجزاج الله خير

 

[ميمي الحلوه]

shooshoostar
حبيبتي والله يسلمووووووو

حطيت الجدر بالكبت وصكرت عليه

جزاج الله خير

 

[ميمي الحلوه]

انفاسي دخون حبيبتي

شكرا لج

وان شاء الله من باجر بروح للسوق واشتري اللى قلتي عليه

يعطيج العافيه والله ماقصرتي ياقلبي

 

[ميمي الحلوه]

فدكـ* حبيبتي شدعوه ..ادعي عليج ..لاان شاء الله

يكفي طلتج بموضوعي فديتج...

وحطيت جاونيه بالعكس ريحتها تعجبني

يسلموووو ياعمري والله

ومشكوووووووووووووووووووووووووره

 

[ميمي الحلوه]

مشكووورين بنات والله

كل وحده دعيت لها بظهر الغيب

جزاكم الله خير

 

[الهاديه]

اولا عسى يهنيكم ويوفق اخوج ومرته

بس اللي سمعته حلو حق ريحة الكبت حطي فحم اللي نشوي فيه هذا عرفته حطيه بالكبت وعلى التواليت ويسحب ريحة الخشب،،

 

[أميرة]

مبااااركين عسى الله يهنيكم



اضم صوتي لصوت فدك وعن تجربة شخصية سوي مثل ما قالت لج فدك

 

[أميرة]

صج حبيت اقوووول ماعليه خلي تبقى ريحة صبغ



عشان العروووس تحس ان غرفتها جديدة بريحة الصبغ

 

[ام رهف]

أنا سمعت تحطين جرايد بالكبت تسحب ريحت الصبغ

 

[مطلع الشمس@]

شغلي التكييف او شفاط الشقه يسحب الريحه اول شي وعقب حطي اللي تحبين من بخور وخلطات
وخلي ريحت الصبغ تبقى شوي عادي حلوووه جديده يعني
والله يوفق معاريسكم يااااارب

 

[ميمي الحلوه]

الهاديه حبيبتي

مشكوووووووره ان شاء الله بسوي اللى قلتيه

 

[ميمي الحلوه]

أمير حبيبتي سويت اللى قالته فدك راحت بس شوي

واه سويت الفانيلا..

ورحت للسوق واشتريت البخور اللى قالو عنه البنات(مسقى*)

يسلمو ياعمري

 

[ميمي الحلوه]

أميره حبيبتي ..هي فكره حلوه ان العروس لما تجي وتشم الريحه الصبغ ..على بو انها جديده

لكن وانا اختج ..ريحتها تصرع..مالنا خلق صرع العروس من اول يوم
ههههههههههههههههههههههههههههههههه

 

[ميمي الحلوه]

أم رهف حبيبتي بروح الحين بحط جرايد

نجرب شورانا
خخخخخ

مشكوووووووووووووووره...وتسلمين ياعمري