غرائب القصص الوواقعيه .. من ايدكم ..

[منوووووله]

وييييي االله يرحمه مات واهاه موراضين عنه كسر خاطري

 

[& ياملحي كيوووت &]

مسكين الريال اللي مات كسر خاطري الظاهر مات من القهر

 

[سبائك]

الزبده ان البنت اللي مع امي كانت حيل نزغه وشيطانه وقليله ادب
وتسوي مقالب ومن هالسوالف

باختصار ما اطول عليكم........

تقول امي ذاك اليوم جان تقول تدرون ان ابله فلانه(مصريه) تلبس باروكه؟؟


واذا منتوا مصدقيني انا اوريكم ........ان ما ضحكتوا عليها

المهم واتيي الابله في امان الله وتشرح الدرس
واهي لافه عالسبوره.......جان اتيي من وراها البنت وتشيل باروكتها
والا المسكينه راااااااااااااسها خاااااااالي

وانحرجت المدرسه والبنات قاموا يضحكون

تقول امي مرت السنين وكبرنا وتزوجنا ومن ضمنهم فلانه الشيطانه

ونسمع عنها انها يابت عيال.....


بس سبحان الله ربي راواها حوبه هذيج المدرسه بالدنيا قبل الاخره

المرا يابت بنات من يطول شعرهم يحتتتتتتتتتتتتتتت
حتى راسهم خخخخخاااااااااالي جنه راحه الايد

والاولاد عليهم شعور لا اله الا الله ولا شعور احلى البنات



سبحان الله...............كلشي ولا السخريه من خلق الله

وايد تأثرت بهالقصه

​

 

[منوووووله]

هلا سبووجه

انا بعد تأثرت بهلقصه واايد ..

 

[almost a whisper]

بلاك روس الله يرحمه
بس يعني يتزوج بالحلال وبمعرفتهم .. احسن من وراهم!
شهالاهل! ماكو قلب!

الله يرحمه


منووووووووله @@ امي كل ما اقولها سولفيلي يالله البنات ناطريني بالمنتدى .. تقولي مادري ومادري!
اختي تشتغل في مكان كله اجرام وقضايا تعور القلب وفي منها الي يفرفش بعد:eh_s(3):
على يوم بمسكها وبييب معاي ورقه وقلم

 

[منوووووله]

هههههههههههههههههههههههههههههههههههههههههههههه

بعد عمري والله زين حاطتني ابالج :*

 

[سبائك]

تصدقين منوله اسولف على خالتي هالسالفه جان تقول اعرفهم هالبنات كانوا وياي بالثنويه

وتقول الحين متزوجين وعندهم عيال ماشاءالله

 

[منوووووله]

لا والله عن القصه الي فووق ؟؟؟ وي صج الديره صغيره

 

[سمحة]

ليش قصصكم تخرع
مافي قصة حلوة عن جزاء الصبر او الاحتساب عند الله ؟

 

[سمحة]

اللهتقول امي ذاك اليوم جان تقول تدرون ان ابله فلانه(مصريه) تلبس باروكه؟؟


واذا منتوا مصدقيني انا اوريكم ........ان ما ضحكتوا عليها

المهم واتيي الابله في امان الله وتشرح الدرس
واهي لافه عالسبوره.......جان اتيي من وراها البنت وتشيل باروكتها
والا المسكينه راااااااااااااسها خاااااااالي

وانحرجت المدرسه والبنات قاموا يضحكون

تقول امي مرت السنين وكبرنا وتزوجنا ومن ضمنهم فلانه الشيطانه

ونسمع عنها انها يابت عيال.....


بس سبحان الله ربي راواها حوبه هذيج المدرسه بالدنيا قبل الاخره

المرا يابت بنات من يطول شعرهم يحتتتتتتتتتتتتتتت
حتى راسهم خخخخخاااااااااالي جنه راحه الايد

والاولاد عليهم شعور لا اله الا الله ولا شعور احلى البنات



سبحان الله...............كلشي ولا السخريه من خلق الله

بس سؤال - انا سامعة نفس السالفة بمدرسة غرناطة من 20 سنة !!

 

[منوووووله]

انا عن نفسي اول مره اسمعهاا ..

يسلموو على المرور.. ماقلتيلنا عن قصه

 

[الريحانة]

قصصكم تضحك و تخوف بعد
تسلمون حبيباتي

 

[منوووووله]

الله يسلمج ليش ماقلتي قصه عالطاير

 

[نزف]

قصصكم عجييييييييييييييييييييبه


ولي عوده

 

[منوووووله]

ناطرتج ياقلبي ..

 

[BlackRose]

بنات اليوم بسولف لكم سالفة سمعتها وانا صغيرة

الله يسلمكم في وحدة من اهلنا كانت تشتغل مدرسة بروضة

تقول كان عندي بنت صغيرة وايد حلوة اتينن واحبها واموت عليها عاد ابوها يوم يه الروضة وقال ماابي امها تشوفها واذا مرتها طردوها واذا دريت ان الام شايفتها راح اشتكي عليكم

المهم قامت الابلة وسألت تطسأت وعرفت السالفة

اثاري ان الام عندها 7 يهال وعقب السبعة حبت واحد جان يقولها اللي يحبها انا ابيج وتطلقي وراح اتزوجج بس ماابي عيالج وفعلا تطلقت وخذاها الريال

عاد تقول الابلة من كانت تيجي الام الروضة كنت اهد البنت على امها وكانوا يحضنون بعض حيل والناظرة تزفني وتقولي راح تجيبين لنا المشاكل

المهم قام الابو وتزوج واحدة مو كويتية علشان تربي العيال

عاد ذاك اليوم تقول الابلة اشوف البنت مو قادرة تقعد على الكرسي وتبجي وتقولها اشفيج حبيبتي تقول ابلة مااقدر اقعد يحرقني تقول اشوف والا على فخوذ البنت اكو حرقات اثاري مرت الابو جايبة قفشة ومحميتها على النار وحارقة البنت:eh_s(14):الجلبة مرت الابو

عاد قاموا واستدعوا الابو وزوجته والا تقول بكل وقاحة ايوه انا اللي عملت كده اصلها تعمل في روحها وانا بربيها:eh_s(14)::eh_s(14):

والابو يقول دبروني 7 امهم هدتهم وراحت تزوجت شسوي اذبح روحيمسكين يكسر الخاطر

المهم تقول الابلة في يوم بغوا يقعدون الابو من النوم والا جك بم ماقام والا الفقير يايته السكته واهوا نايم وتوفىصج يكسر الخاطر

وقامت مرت الابو وهدت العيال ورجعت ديرتها

عاد قالت الام حق زوجها اشلون على العيال قالها انا متفق معاج من الاول انتي ابيج بس عيالج لالالالالالالالاع

جان تتطلق منه ورجعت تربي عيالها​

 

[منوووووله]

:eh_s(14): :eh_s(14): :eh_s(14): :eh_s(14):


مرت الابوو عمى بعينها مات الريال اذلفت ديرتها على طوول عمى بعينها

مااكو رحمه :eh_s(13):

والام زين هدت الريال وارجعت حق عيالها اخسرت الاثنين زوجها وابو عيالها

هاذا عقاابهاا :eh_s(20):

 

[almost a whisper]

حسبي الله عليها من مرت ابو:eh_s(13)::eh_s(14):
الله يرحمه مسيجين
وزين هالام صار عندها قلب وردت لعيالها

يايه اقول سالفه عالطاير

اكو واحد يحب وحده بجنون .. بس كان عنده مشكله .. ان اهله مايرضون الا بوحده من الاهل او قبايل مادري شنو
مع الايام هالولد تجرآ يقول لابوه ابي اتزوج .. الابو استانس وقام يبارك .. وما عطاه فرصه يقول منو الي يبيها
الولد سكت وقال باجر بقوله منو البنت عشان لا اكسر فرحته مره وحده..
نفس اليوم بالليل الابو رايح يبارك لولده .. الولد مستغرب ويقول الله يبارك فيك شصاير يبا!
يقول انا اليوم كنت بالمحكمه مع عمك وزوجناك بنته نعم!!!!!
الولد حده انصدم .. وما كان بإيده يسوي شي .. قال لحبيبته الخبر
والبنت قالت امري لله واصبرت ..
بعد جم شهر الولد رجع دق على حبيبته يتسامح منها .. ويقول انه طلق بنت عمه! لانها كانت ما تحترم ابوه وكله تطول لسانها على امه !

اخر زمن​

 

[منوووووله]

@@

صج الزواج قسمه ونصيب واحسن الي ماتحترم اهل زووجها اكيد ماتحترم حتى اهلها !! ويمكن ماتحترم نفسها بعد ..

 

[شيهانه كويتيه]

شهالقصص اللي تعور القلب
الله يعينكم والله

انا صارلي موقف وايد غريب ويضحك ويخوف بنفس الوقت

مو تضحكون ترا صج الموقف خرعني ههههههه

مرة رادة من عرس الساعة 4 الفير
وقاعدة أسولف مع ريلي بالموبايل
والشارع فاضي، جان أقوله حبيبي
بس باخذ تشيكن برجر من مكدونالدز
حدي يوعانة ما أكلت بالعرس، المهم باي
باي، طلبت الأوردر وسافطة عند شباك التسليم
جان اييني واحد كويتي يقول مدام فلانة ؟
جان أقوله هلا جان يقول تفضلي وعطاني لعبة
مالت وجبة الأطفال، جان أقوله انا بس طالبة تشيكن
برجر ما طلبت كيدز ميل !!! جان يقول انا ما أشتغل
هني بس بعطيج هذي !!! وقبل لا أسأله عن أي شي
الأخ طلع وركب سيارته وراح !!! يه يه يههههه !!!
شسالفة ؟ تدرون شالمشكلة ؟؟ ان الشارع فاضي ومحد
لاحقني وسيارته كانت سافطة برا مكدونالدز من أول ما
وصلت يعني وين شافني ؟ المهم جان أطالع اللعبة ولا لما
تضغطين على بطنها تطلع صوت يخرع (اللي عندها عيال راح
تعرف اللعبة أكيد) جان أموت من الخرعة وأقفل باب السيارة
وأدق على ريلي وحدي مخترعة لوووووول وأقوله ما أنزل البيت
الا لما تطلع توقفلي بره وريلي يقول تعرفينه أقوله لا والله أول مرة
أشوفه، المهم حدي تعقدت والمشكلة قالي تبين أييج أسايرج من الفندق
قلت له لا حبيبي راح ايي بسرعة ما يحتاي .. قلت توبة بعد ما أطلع بروحي
بعد ال 12 حدي تصرقعت ما تسوى علي !!! لووووووول جبانة حدي مو ؟؟

بس اربع الفجر تري حيل قويه احنا نرجع 12 ويالله يالله يخوززون عند الاشارات وبعد واقفه عند مطعم الله يهداج زين ماخطفج