غرائب القصص الوواقعيه .. من ايدكم ..

[رشروشة]

انا بقولكم سالفة صارت بالكويت من كم سنة .. وحدة كانت تحب واحد حيييييييييييل خطبها اهلها مارضوو عقب تزوجت واحد من جماعتها وكان خووووووش ولد بعد اسبوع من زواجها وكانت راده من عشا مسوينا لها اهلها ,,, راحت وبدلت ونزلت تحت تبى تكمل سهرتها مع حمواتها,, قامت دقت على زوجها وتقوله فلان مر البقاله جيب معاك ككاو ,,, والخبيثة كانت متفقه مع حبيبها الاولى عشان يذبح زوجها وعقب تتزوج حبيبها .. وهو راد زوجها من البقاله الا ويسمعون صوت الرصاص هى قامت وفزت وقالت اسم زوجها جان يقولون خواته اشفييييج اخترعتى هذا صوت جراغى جان تقعد شوى والا يسمعون اصوات وصياح ويطلعون والا اخوهم ميييت ,,, وجات الشرطة وفتشوا تلفون زوجته والا اخر مكالمة كانت مع حبيبها ,,, المهم اقبضوا على حبيبها وانعدم وهى انسجنت فترة عقب طلعت انسانه ثانيه منعزله عن العالم ولاتكلم احد................................................................. حيييييييييييل اثرت فينى القصة كسر خاطرى زوجها كل اللى يعرف كانو يشهدون له باللاخلاق العالية وكان حييييييييل جميل الله يرحمه

 

[منوووووله]

سكن طووفي البدلياات استري علينا

والله يعينج على هالسالفه !! صج شي يخرع هههههههههههههههههههه

 

[almost a whisper]

سكن صج انج قويه

رشروووشه الله يرحمه .. هالحريم مادري شيبون من الدنيا
ما ترس عينها شي

بنات ودي اييب سوالف .. بس ماعندي من وين احصل

 

[منوووووله]

سألي خوواتج امج اي احد المهم اتيبين سالفه ولا ازنطج




<< اتغشمر ترى

 

[nono78]

مشكوره منوله خوش موضوع

وسوالفكم امبيه تخرعععععععععععععععععععععععع

اذا سمعت سالفه ولا تذكرت سالفه بحطلكم

 

[rzaan77]

واى صج القصص اتعور القلب واتحر
واذا تذكرت قصه بقولكم

 

[منوووووله]

ناطرتكم وناطره قصصكم

 

[أغلى حبيبه]

وااااااي شنو هالسوالف

تعبت وانا اقرى

شوي واحط لكم مغامرات المهبوله

 

[أغلى حبيبه]

يوم كنت ساكنه بالمهبووله واااااااي شكثر مشاكل

انا كنت ساكنه بالدور الثالث
كان شهر واحد يمكن بالبرد
اسمع صراخ اقول حق ريلي يقولي نامي مالج شغل
لا جان اقوم ولا اشوف ام مسكينه تبجي بنص الشارع فضحتينا وفضحتينا
وصبيان ماسكين واحد وكلهم مشتغلين عليه طق
والبنيه بالعماره اللي جدامنا تصرخ ابي فيييييصل ابي فيصل طلعو بو عرقا
وهذا كله الفير وهدوء لا تكييف ولا شي بس صراخ
اهما تحت يتهاوشون وانا فوق ارجف من الخوف

قلت حق ريلي السالفه جان يقولي دامج خوافه ليش اطالعييييين
قتلا انزين انزل حق بو فارس الحارس اساله شصاير

ولا فيصل حبيب العراقيه ياي الفير اطق الباب يبي العراقيه رفيجته
ومنو فج الباب اخوها
ويلحقونه المسكين ويراونا شغل الله

وتيي الدوريه تركب فيصل والبنيه صراخ من الشباك فييييييييييييصل ابي فييييييييييصل
ابد لاخايفه من الاخوان ولا شي الحمدالله والشكر
اقول حق ريلي اكيد مسولفه معاه بالتلفون سوالف خاثره من جذي ماقدر الريال ياي الفير
مانطر الصبح

لووووووووووووووووووول

 

[منوووووله]

لوووووووووووووووول انتي بالمهبووله اي صووب انا كنت ساكنه بالمهبووله ورا عاليه وغاليه واختي للحينها اهناك

بس هاذي الي تبي فيصل حدهاا باعتهاا لووووووووووووووووول صار فلم هندي ههههههههههههههههههههههههههههه

 

[MaYoOoma]

امبيه بدعت ام فيصل

 

[منوووووله]

جيكتي هههههههههههههههههههههههههههههههههههههه

صار فلم هندي لوووووووووووووووووووووووووووووووووووول

 

[أغلى حبيبه]

انا الله يسلمج جدامنا في مزرعه معروووفه على الزاويه

كله سهر ودي جي وبنات وخرابيط

بس طلعت انا من الشقه الحين استغفر الله وايد مشاكل

اي والله صار فلم هندي مع فييييييييييييييصل

 

[أغلى حبيبه]

قبل لا اطلع من الشقه اسكنت عندنا وحده مطلقه عندها بنيه وولدين

خو العايله كلها الله بالخير الحمدالله والشكر

مره كنت واقفه بالبلكونه الظهر مااسمع الا الحجي الوصخخخخخ

رحت شباك لصاله ولا الصبي الصغير بالابتدائي قاعد يتهاوش مع صبي بالباص
والام من الشباك ياابن.......
خلاص يا ابن ........

مافي فايده قالت حق بنتها نزلي لهم

ولا تنزل اخته بلبس الثانويه وتصعد الباص نزلت اخوها وتمسك الصبي
طقته جدام ربعه وماخلت كلمه وصخه ماقالتها حق السايق والصبي:eh_s(13):

حرام يكسر الخاطر
نزلت من الباص
جان اطق الجام اللي جدام وتقول حق صبي ثاني تعلم هاااااااا

الحمدالله والشكر عايله خربااااانه
وسوالف وااااايد

 

[يمّه مني]

هذي السالفه سالفة انسانه عزيزه علي اهي وحده من اهلي
الله يسلمكم عندها مرت ابو الله لايسلطها على مسلم انسانه مافيها ذرة رحمه ماعندها غير اذية خلق الله بسحورها
المهم البنت هذي تزوجت صغيره تقريبن 18 سنه وكانت فرحانه والكل فرحلها
جم اسبوع ولا ابوها يعزمها اهي وريلها عشان يعرفه على اخوانها اللي من ابوها والزفته كانت معاهم عشان ما اوضح وايد ردو من المطعم البنت انعفست جم يوم ولا بس ماتبي اتكمل معاه صارلهم يمكن حدود الشهرين اذكر لمه كلمتني قلت لها فلانه من صجج اتقولي ها ؟ ايه مادري سبحان الله البنت موبعيها صار بينهم الطلاق والبنت ماشالله عليها حلوه وبنت عايله كل مايتقدم لها واحد ويقولون لها اهلها تقعد تبجي وتصارخ عندها تسمع طاري الموت ولا احد يطريلها الزواج مرت السنين صار كل مايشوفها واحد يبي يسال عنها يقول ابي هالبنت بس احس في حاجز ماني قادر اكثر من مره تكررت هالكلمه مع اكثر من شخص خصوصن انه بعضهم امهاتهم رفيجات امها او خالاتها طبعن البنت اتعاني من 10 سنين وين ماطقها عويه مره من المرات وحده احلمت ابحمامه اتقول هذي الحمامه فلانه بس شكلها حمامه محبوسه ابقفص وتبجي تكرر معاها الحلم اكثر من مره دقت عالنهام وفسره لها والبنت اهلها مابقا قراي ماودوها بس الله كاتب عليها حتى ريلها يقول انا ليلحين احبها ومن عقب العزيمه البنت صارلها شي تغيرت عاد من فتره لمه اكلمها اتقولي اتمنى انا وفلان نرد وقبل اسبوع داقه تبجي اتقولي مابي شي بس ابي نرجع حق بعض وقبل جم يوم هم داقه اتقولي اخووه بره وطلع فيه المرض الشين وهالاخو الصغير حيل اتعزه قامت تبجي عليه وتوه قبل صلاة الفير دازتلي مسج اتقولي فلانه لي صليتي ادعيلي الله يجمعني مع ريلي ....
والله يابنات اشكثر انكسر قلبي على اشياء بس سالفتها حيل اكسرتي خصوصن اني عايشه الوضع معاها واللي يحز بالخاطر اكثر مرت ابوها من كثر الحقد قامت تتلصق بالناس بس عشان اتحجي فيها طلعت عليها كلام حيل يجرح والمصيبه اخوانها من ابوها شيقولون لها ؟ ايييييييه يالمطلقه ويقولون لها انتي ماتشرفينا ريلج طايح عليج مع واحد واهما عارفين منو تسبب بفراقها مع ريلها و يحاولون يحطمونها باي طريقه تخيلو لي يت المظره من لحمها ودمها
انا حييل حيييل كاسره خاطري لانها خووش بنت وسبحان الله اي احد يشوفها تدش قلبه وفوق هذا ملتزمه وماعندها خرابيط بس سبحان الله يمكن يكون لها اختبار والله لي حب عبده ابتلالاه
عسى الله يجمعها ابريلها وينصرها على من ظلمها....قولو اميييين

 

[لبيه لكن!]

راعية الفيصل ابدااااااااع خخخخخخخخخخخخخخخ
صج صج اثبتت انها من العرررررقرررق
هذي تشوف اخوانها دجاج هههههه مو معبرتهم كلششششش
على شنو يلحقون الولد يطقونها .. استريييحووا زيييين اول سنعوا العنز اللي تصيح في بيتكم خخخخخخخخ والله والله من جد شر البليه ما يضحك


يمه مني

عورتي قلبي بالقصه الله يلم شملهم ويجمعهم على خيير
وحسبي الله على من كان السبب

انا اعرف وحده جذي مزيوووونه وحلووه كل مقاييس الجمال فيها
ما شاء الله عليها واهلها من احسسن الناس الكل يبي قربهم بس للحين ما تبي تتزوج ولا تحب طاري الزواج
نفسيتها جذي يجوون واجد يخطبونها تردهم رافضه رفض قطعي​

 

[منوووووله]

اغلى حبيبه

شهلعوووبه هاذي الي تردح من البلكووون ؟؟؟ والمزرعه الي اطل على البحر؟؟


يمه مني انشالله يجمع شملهم مره ثانيه وبعيد عن مرت ابوها انشالله امين

بنت البدووو

الله يعينها المره ليش ترفض؟؟؟

 

[منوووووله]

وير اريوو جيرل؟

 

[أميرة الورد]

أغلى حبيبة لووووووووول ربي لا تبلينا يارب بس شنو هالجرأة ولا حاسبة حساب خوان ولاشي الظاهر كانوا عايشين الدور عبالها اهي جولييت اطل من الشباك واهو وروميو (فيصل المهبولة) ههه

 

[BlackRose]

بقولكم بنات اليوم ساالفة رفيج ابوي

من اتذكر سالفته يعورني قلبي حيل عليه

الله يسلمكم رفيج ابوي كان يحب وحدة واهله مايبونها

المهم قام الريال وتزوجها من غير رضا اهله

وكان كل مايروح لهم يطردونه ويسمعونه حجي يعور القلب

المهم مرة راح لهم وطردوه

قاموا الصبح والا يشوفون الريال بسيارته ومتوفي

ابوي وايد تاثر ايامها

الله يرحمه كان شاب صغير