غرائب القصص الوواقعيه .. من ايدكم ..

[BlackRose]

بنات هالقصة صارت حق واحدة من اهلنا واهيا قايلة لي هالصة بلسانها

اهيا حرمة كبيرة وكانت ومو متزوجة

المهم تقدم لها واحد ارمل....عاد بيوم الملجة والهبان شغال واهيا كاشخة والحالة حالة والمعازيم ترس الحوش.....مو خبركم قبل العروس كانت بالحوش:eh_s(6):

جاها اخوها الكبير قالها تدرين ان المعرس عنده 3 عيال اكبرهم باولى ابتدائي والصغير توه عمره سنتين

قالها مالج شغل بكل اللي قاعدين اذا ماتبين قولي لاء وانا اتصرف وتعيشين في البيت معززة مكرمة

اهيا ردت عليه قالت له افا عليك ياخوي هالعيال امهم توفت الله يرحمها انا امهم:eh_s(22):هذيل الله طرشهم لي علشان اصير امهم....خوش مرة والله انا احبها من كل قلبي

المهم عاشت مع زوجها وعياله وكانت لهم نعم الام تحبهم وتراعيهم وتدللهم المهم عاشت 8 سنوات ماجابت عيال....قامت امها ودتها واحدة من الدول العربية حق شيخ يقرى عليها......قالها الشيخ انتي مسوين لج عمل:eh_s(14):مايوزون الاوادم من هالسوالف

وقال لها انا اقدر افتح لج السحر وراح تحملين بس زوجج يموت :eh_s(13):مسوين لج العمل بطريقة ان اذا انفتح زوجج يموت

المهم اهيا ردت عليه وقالت له الاعمار بيد الله بس السحر موجود افتح لي السحر والاعمار بيد رب العباد

الريال فتح لها السحر وحملت المرة وجابت بنت مثل القمر ولمن صار عمر البنت شهرين او 6 شهور ماني ذاكرة بالضبط فيوم كانت قاعدة تسوي الغدا والريال قاعد يلاعب بنته ماوعت الا البنت قاعدة بروحها والريال توفى:


قالوا ضغطه ارتفع فجأة وتوفى

المهم رد قالها اخوها الريال توفى قطي اليهال على اهلهم وتعالي عيشي معانا انتي وبنتج

قالت لو اموت مااهد عيالي هذيل عيالي

وصج قعدت عليهم وربتهم والكبير زوجته من بنت اختها والصغير هم تزوج والحين ساكن معاها بنفس المكان والبنت اللي من زوجها ليلحينها معاها ما تزوجت وهم بنتها معاها

بس صج صج صج هالمرة واااااااااااااايد طيييييييييييبة وحنووووووووووووووونة والله يعطيها على قد نيتها...انا وايد احبها​

 

[منوووووله]

ماشااااااااا الله عليهاا صج مره

يسلموو عالقصه الحلوه

 

[توت عنكبوت]

هذي سالفة وحدة اعرفها

تزوجت الكويتية من سعودي وطبعا اهله مو راضين لأنها ما تقرب لهم ولا يعرفونها والرجال متزوج وبعد ما اخذ الكويتية زعلت زوجته السعودية وراحت لأهلها فترة ورجعها .
المهم حما الكويتية ما يحبها قال لازم اطلقها منه وطبعا اهو حشاش وراعي مخدرات قام نط على مرت اخوه وحاول يغتصبها يحسب الكويتيات خفيفات واي واحد يمشون معاه .
المهم عرف الزوج بالسالفة من اخوه على اساس انها مواعدته لأنه دق عليه واهو بالدوام قام الرجال وطلق الكويتية ورجعها لأهلها.

انقهرت البنت وتصارخ عند اهلها اهو نط علي غرفتي ويتهمني اني مدخلته ودقت على زوجها تفهمه السالفة وبعد فترة رجعها.

مرت الأيام واتفقت شريجتها مع الخدامة انهم يتهمون الكويتية حماهامرة ثانية .
جاء الزوج وقالت له الزوجة السعودية ترى الكويتية تدخل اخوك لما تصير ليلتي والشاهد الخادمة.
سال الخدامة وشهدت بالزور وتطلقت الكويتية للمرة الثانية

رجعت الكويت وهي تدعي عليهم وبعد فترة تحسفت الخدامة وخافت لأنها على بالها ان الكويتية بس بتنطق مو تتطلق وراحت للمعزب وعلمته بالاتفاق وحس انه ظلم مرته قامم طلق السعودية لغير رجعه ورجع الكويتية اللي ربت عياله .

 

[منوووووله]

منوووووووووووولة

هذي مصيبة مو قصة معقولة في واحد يكتم على عياله انهم اخوان واي ياما بنشوف في هالدنيا بلاوي,

اي والله بلاوي

ضوى العيون

لا حول ولا قوة الا بالله وايد تصير هالحالات

اقول لكم قصه وحدة معرروفه تزوجت
وصار لها سبع سنين ما تييب عيال
ولمن قرر ريلها يتزوج عليها عشان انها ما تيييب عيال
معنه كان قايلين احتمال العيب منها
اول ما تزوج ريلها لمن حملت مرة اهى احملت نفس الشهر سبحان الله
قال لها الطبيب الغيرة زادت عندج وهذا اهو السبب للي عالجج حمدلله على كل حال

سبحاان الله ؟

غير كل الناس

سالفه العروس هذي اعرفها شخصيا

انتي وين سااكنه ؟؟؟

غير كل الناس

بقولكم سالفه

جارتين مع يعض ليل ونهار وحده منهم ارمله وكل سوالفهم عند بعض علي ابو صديقتات خاصه المتزوجه زوجي يحب كذا قال كذا يحب القميص الفلاني الخ من ادق اسرار الحياه ازوجيه

يعني الجاره عرفت كل شي عن اللي يحبه زوج جارتها

وعلي العلم انها راحمه حالها شويه علي بو ارمله حتي التموين مال البيت تقسمه بينها وبين جارتها

المهم الجاره المتزوجه متعوده بالصيف تروح عند اهلها بالسعوديه شهرين وتحاتي زوجها من بغديه قالت لها الجاره ولا يهمج هذا اخوي وانا ماانسي طيبكم فيني وغداه يوميا يجيه من بيتي

سافرت الحبيبه وسلمت جارتها الامانه
اشتغل السيرفس المحترم اللي حتي السلطه اشكال والوان بحياته مامرت عليه كل يوم وهالخدامه جايبه هالصينيه البرياني اللي ريحته تدوخ والسلطه والرطب والرقي حتي قلاص اللبن مقصدر ياسلام

تطور الموظوع قامت تدق عليه في البيت ها بو فلان جاز لك الغدا اليوم

عندك غسيل

بطرش الخدامه تنظف البيت خل االمفتاح الا هي رايحه هي وخدامتها وتنفظ البيت فوق تحت لدرجه يدخل بيته مومصدق الله يام العيال طلعت اي كلام
كان مخدوع فيها والله هذي مبين عليها سنعه ماشالله عليها

وعقب صار بينهم تلفونات وكلام معسول الا الرجال ذايب وحطها براسه اتزوجها اتزوجها

وفاتحها في الموظوع قالت عندك اخواني واما ارومله وام ايتام تبيني تزوجني وسحبت نفسها منه

مات تحطم يبيها ويروح لاخوانها ويتم الزواج
وعقب وصلت الخبله بالسلامه لاحظت ان زوجها تغير وكثرت سهراته برا وجارتها اللي اول ماتطلع منها الي اخر الليل كله معزومه رايحه لاهلها عندها عرس ش السالفه في شي ............... تو الناس يالغاليه؟

صدفه وهي راجعه من بيت اهلها متأخره شافت سياره زوجها عند بيت جارتها البيت ظهر وبطن والاخ صافط منوري واثق محد رح يشوفه دقت عليها قالت لها : اقول بو فلان عندج
انصدمت الثانيه وسكرت التلفون هنيه وانكشفوا ودخلت عليهم بالبيت وصارت صيحه والنهايه انه طلق زوجته الاولي واختار الحياه مع الثانيه

خاويني واخاويج وأخذ رجلج واخليج

وسلامتكم

طاااااااااااالع صج مره ماتستحي لاحول الله هاذي عبره عشان لاتعطين اسرار بيتكم حق اقرب الناس لكم يسلموووو حبيبتي

BlackRose

بنات سمعوا هالسالفة...قالت لي صديقتي ولد عم ابوي متزوج بنت خاله وتصير بنت عمته بنفس الوقت وجاب منها ولدين وعلى اسباب مادية طلقها والحين اهما خطبوني وانا مارضيت لان زوجته هم بنت خال ابوي وعيب انا اتزوجه......المهم تروح الايام وتيجي الايام وتقوم عمة صديقتي تقول حق خواته....انا موجودة وتخطبون له واحدة غريبة@@ حتى لو زوجته بنت خالي عادي بس اهيا تطلقتالمهم جان تنخطب له وتقول صديقتي يوم الخطوبة في الحفلة وجدام الناس ماوعينا الا زوجته الاولية وجايبة عيالها معاها واختها وعلى المسرح هات ياردحياللي سرقتي زوج بنت خالجبدال لا تصلحين بينا يا حرامية الرياييل وصرااااااااااااااااااااااااااااخ العروس قامت لها وتصرخ عليها والريال يقول انا مالي شغل فيكم كل هذا على الكوشةالمهم غصب هدت الزوجة الاولى وطلعت برة وصار صراخ وهيصة المهم راحوا العروس والمعرس بيفتتحون البوفيه ما لقوا الا الزوجة الاولى ناطة لهم من باب المطبخوبجيييييييييييي ابي ريليييييييييييييييييي هذي باقت ريلي وانا ابي ريليييييييييي جيبوا لي اياه المهم جاتها اخت المعرس تتخانق معاها والا تقول صديقتي ماوعينا الا اخت المعرس صار راسها بالكيكة وزوجها اخذ سجينة من البوفيه بيذبح مادري منو تقول شوي والا العقل تشتغل والكعوبات تتطايرماهدوا الا لمن جابوا الشرطة

يووووووووووووووووو عالفضاااااايح عااد بالعرس امبي امبي ؟:eh_s(1):

BlackRose

بنات هذي قصة واحدة ثانية .....وايد كسرت خاطري.....المرة متدنية وحجاب وعباية ......وبنفس الوقت كشيييييييييييييييييييخة وجسسسسسسسسسسسسسسم وجماااااااااااااااااااااااااال ماتقطين منها شي.....طول عمرها وزوجها يخونها واهيا تدري وتجكه ومستحمله.....لين آخر مرة تقول دريت ان هالمرة زوجي مع واحدة صينية جرسونة بفندق.......المهم راحت الفندق ......وقعدت عند مدير الفندق.....وقالت له ابي فلانة......ونادوها.......وتقول لا شعوري......فصخت عبايتي.......وصفطتها........وحطيتها على الكرسي.....وسلمت على الجرسونة.....وطااااااااااااااااااااااااخ هات يطق في الصينية.....تقول صارت فيني قوة عجيبة.....وموقادرين يوخروني عنها.....وبالأخير تطلقت تقول لاعت جبدي من الريال وماقمت استحمل

اي واللله ماتلام وحده صينيه يبديها ريلي علي قطيعه ...

توت عنكبوت

قصصصكم عجيبة

كملو

هلا بحبيبت قلبي :eh_s(7):

والله البنات ماقصروو على القصص العجيبه .. وناطرتج بقصه يديده توته ..

 

[منوووووله]

لاحول الله

توت عنكبووت

شووفي الخدامه حست بعذااب الضمير والثانيه كيدهن عظيم

 

[همسات ليالي]

خوش قصص
لا يوقف لا يوقف لا يوقف

 

[منوووووله]

اي والله ياريت الي عندهاا بعد قصص لاتووقف

 

[ضوى العيون]

شرايكم انا اقول لكم قصه
يمكن سامعينها بس حلوة

 

[ضوى العيون]

مرة في واحد حلم بصديقه الميت انا قاعد يتعذب فسئله شنو السبب
قاله ان اختي مو راضيه عني وتدعي لي
طبعا الريال راح وسئل عن المرة طلعت كبيرة
راح قالها شنو السبب للي مخليج تزعلين وماترضين على اخوج
قالت صج انا مو سامحته دينا واخره
والسبب قطع نصيبي كل مايتقدم لي ريال يرفضه بدون سبب
لمن شوفني الحين مو متزوجه والناس قام تطلع علي كلام
طبعا الريال قالها واذا انا تزوجتج ترضين على اخوج قالت ان شاء الله وتزوجها الريال وبيوم العرس قالت له اسمح لي ومشكور انا الحين رضيت على اخوي بس طاب خاطري من العرس بس كنت ابي اشهر قبال الناس انه مافيني شي وتزوجت شيخ دين عشان لا يطلع على كلام بس حللني طاب خاطري من العرس

 

[عنايد]

سبحان االله قصه غريبه

 

[منوووووله]

اي والله سبحاان الله ؟

 

[BlackRose]

سلام بنات

بقولكم قصة صارت لي انا شخصيا والله ثم والله كلها صج بصج

الله يسلمكم اختي عندها صديقتها هندية ومو اي كلام هالهندية دارسة وعندها ماجستير

المهم انها هالمرة حبت ولد خالتها....ولانها من عايلة كبيرة ومعروفة وعريقة اهلها مارضوا انها تتزوجه

المهم اهيا تزوجت واحد ثاني واهوا تزوج وجا الكويت واهوا بعد مو هين هالهندي كشييييييييييخ ومهندس ومعاشه فوق ال2000 دينار:eh_s(14):

المهم اهما وايد يحبون بعض فاهيا تطلقت وكان عندها ولد وبنت وخذت عيالها وانحاشت وجات الكويت

وقامت تشتغل بمركز مرموق بالكويت

وتزوجت ولد خالتها بالسر طبعا الدنيا قامت وماقعدت واهلها تبروا منها والكل عاداها والحالة حالة

وزوجها صارت لها معاه وايد مشاكل كان يغار عليها بشكل مو طبيعي ويشك فيها وسوى فيها بلاوي الدنيا

كانت وايد تبي تنحاش منه وتبتدي حياة اهيا وعيالها خالية من المشاكل فكان يخرب عليها وايد وايد كان ماذيها

المهم يوم جاتنا انا واختي وطلبت منا ان واحدة فينا توديها المطار لان خلاص بتهاجر ورتبت امورها على اساس انها بتروح امريكا

قوم انا اييييييييييييييه اللي طاقيني على مخي قلت لها انا اوصلج<<<<<<<مو تدرون بعد انا نلفسك الجباراللي اخدم الكل

المهم وصلت بيتها قالت لي صعدي شوي واسمع صوت صرااااااااااااخ

انا اخترعت امبيييييييييييه اشهالصراخ....دخلت والا شنو اشوف @@

ذاك اللي قاعد بالدريشة...وكنا بالطابق الخامس...وماسك المصحف....وبعينه دمعة الهنود الخايسة مالت الافلام الهندية ويصررررررررررررررخ من قمة راسه.........بيخربططططططططط بالهندي
واهيا تبجيييييييييي..........وعيالها ماخذين زاوية ويبجون:eh_s(16):

وانا بعد حسيت بقلبي طااااااااااااح ببطني

المهم شوي شوي غصب نزلناه وقاعد يترجاها ان ماتسافر.....يوم شاف ان ماكو فايدة قام يخربط ويعصب.........وجان يسحب جنطتها بيدور الجوازات....بس اهيا كانت حاطتهم عند واحدة وهالواحدة ناطرتها بالمطار

ومرة واحدة بغى يهجم علينا المهم وانا زوجي قاعد يدقدق علي ومادري شقوله وقاعد يعصب يقولي تاخرتي واهيا بجي ووةجها بجي وعيالها بجي وانا مخترعة يعني من صج فيلم هندي معتبر

المهم انا خذيت عيالها برة وقلت لها عندج5 دقايق كلميه خل نمشي انا تاخرت

يوم دخلت عليهم والا والله والله بنات ماجذب والا اهوا طايح على ريولها يبجي ويترجاها ان ماتسافر واهيا هم تبجي المهم تركناه على هالحالة ورحنا المطار....وقلعتها هناك حتى مانزلت معاها....خرعوني وصرقعوني:eh_s(14):

أثاري الافلام الهندية صج لي حبوا جذي يصير فيهم لابارج الله فيهم هم اخترعت هم حصلت زف معتبر من زوجي:eh_s​

(14):

 

[الحياة]

ههههههههههههه


الله يعينج

انا لو مكانج اخليهم ومع السلام تنياز اهيه وريلها

والحمدلله يت على جذي

 

[منوووووله]

لووووووووووووووووووووووووووووول اي والله فلم هندي ؟

الله يعينج وزين سويتي وديتيها المطار داام ريلها امأذيهاا لا والله اوقف معاها

 

[ريفيل]

هاااااااااي منوله شلونج شخبارج

بقولج سالفه سمعتها من رفيشتي تقول

في وحده عايشه اهيا و ريلها و عيالها و اخو ريلها نفس البيت المهم راح زوجها الطبيب كان فيه التهابات ف قالتله الدكتوره انت عقيم ضحك قالها انا عندي 4 عيال قالتله مستحيل راح البيت وقال حق مرته انا بسافر زهبت جنطته و اهيا مستانسه طلع اخذ جوازه عساس انه يسافر صعد فوق السطح و يراقبها فيه دري بالسطح يطل علا غرفته المهم راقب زوجته اخر شي لقاها معا اخوه الي عايش وياهم بنفس البيت ذبح اخوه و ذبحها

صج حقيره

استغفر الله

 

[بتبوتااا]

واااااااي صج عوار قلب

 

[BlackRose]

المصيبة ان الهندية طاح على عنوانها بامريكا ورجعها الكويت والحين مراويها الوييييييييييييييييييل ونجوووووووووووووم الليل والحين قاعدة تفكر تهاجر مرة ثانية

بس لو اموت ماوديها المطار مرة ثانية

لي الحين انا وزوجي نتذكر هالسالفة

كله كوم والدمعة الخايسة مالت الهنود اللي بعيونه كوم

 

[منوووووله]

هااا شيبي فيها هاذا؟؟

واشلوون طاح على عنوانها؟

صج البيووت اسرار

 

[أميرة الورد]

لووووول بلاك روز والله مخيلتهم مو خصبة اثاري الافلام عندهم واقع واحنا ما ندري ههههههههه

 

[منوووووله]

هههههههههههههههههههههههههههههههههه

فلم هندي مباشر لووووووووووووووووووووووووووول


لايوقف قصصكم عجيييبه