عاد هذي قصة ولادتي:
ولدت اول مرة وطبعا طبيعي واستمريت تعبانه بعد الولادة بس تعبانة 3ايام وقالت لي امي بسج رقاد وسالتني هل رحت الحمام من ولدت او لا ؟ عزكم الله يعني ( خرجت ) بعد الولادة او لا قلت لا ونصحتني اني احاول عشان ما يحوشني امساك.
المهم لما رحت الحمام واتعصر جان يطيح مني قطعة من المهبل واستغربت وخفت علمت امي ما صدقت ولبست كيس وطلعت اللي بالمرحاض.
شنو تتوقعون صرة من الشاش لونها اخضر متعفنة
بعدها حسيت اني ارتحت وما رضيت اروح المستشفى وفضلت النوم توني ارتحت ثاني يوم حاشتني حرارة ورجفة لما رحت المستشفى حولوني للمستشفى اللي ولدت فيه وقالو ان الخياطة انفتحت والتهاب وما صدقو سالفة الشاش وقعدت عندهم 3 ايام بدون لا يخيطوني مرة ثانية ولا شي وطلعت منهم بس بكريم فوسيدين اللي على صورة اسد ورحت الهادي وكوو جوني بمكان الخياطة وتعدلت اموري والحمد لله
ديو بالكم انا والدة بمستشفى حكومي .
ويييييييييييييييييييييييييييييييييييه
الحمدالله الله ستر عللليييج امبي عااد شاش مره وحده شوووفي حااسة امج والله الامهاات يحسوون بهسواالف .... وزين لحقتي عمرج طرتيلهم
انا لوومنج والله ما اسكت عالمستشفى ؟؟
يعني انتوو يا الدكاتره ولا السسترات قاعدين تلعبوون بارواح
العالم؟؟؟؟؟؟؟؟؟؟؟؟؟؟؟؟؟؟؟ ليش ماكووو اهتمام ماكوو رعاايه ؟؟
لاحول الله ...........
شدعوه ترى غرت يعني اغار الحين كل القصص انا اكتبها ومحد يعبرني وكل الشكر حق منوووووووولة .
كلمة ولو جبر خاطر.
التفتو علي شوي شدعوه
عادي لا تزعلين منووووولة بس لاحظت ان ما في تفاعل معاي كاشتين فيني
ياقلبي زعلج غالي حبيبتي والله انا من اشووف مواضيعي على طوول ارد بس لاني فتره انشغلت ولا انا ترى اول باول ارد على المشاركات....
وبعد لاتوقفيين نبي بعد من قصصج الواقعيه :eh_s(21):
توت عنكبوت
(( سوالف بنات))
وحدة تزوجت وزعلت من زوجها وراحت بيت اهلها زعلانة وكشت فيها الزوج وحبت تختبر زوجها (عقلية طفلة ) وعطت الرقم حق رفيجتها تحاكي الرجال تختبره .
سالتها الزوجه بعد فترة ها بشري استجاب معاج قالت حشا ولا عبرني .
مرت 8 شهور والبنت في بيت اهلها والله بعدها سخر لها زوجها ورجعت حق بيتها وكانت الصدمة في حياتها.
قال لها زوجها قطعي علاقتج بصديقتج تراها ما تحب لج الخير وقال لها انها تلاحقه من فترة طويلة واعترفت له ان الزوجة هي اللي عطتها الرقم وان زوجته تافها وسخيفة وتتكلم فيك عند الناس وشنو تبي فيه قرعه ما عندها شعر ولا تعرف.... و..... و,,,,,,
سوالف واجد قالتها وواعدت الزوج تطلع معاه انها احلى من مرته واتكن بس اهو رد عليها ان مرته اشرف
ورجع مرته وقال لها كل السوالف ومن ذاك اليوم انتهت علاقتها بالبنت اللي ضلت تلاحقها وتتعذر لها انه يكذب بس اهو قال لها وقائع كانت فعلا حاصلة.
واااااااااااااااااااااااااااااااااااااااااااااااي
اكره شي بهالدنيا الحركه السخييفه هاااذي خرااب بيووت هالبنات الي تأمنين لهم
وبعدين اذامو واثقه بريلج في الف طريقه غير هالطريقه ....
الوحده السنعه اتعرف اشلون تتعامل معه ريلها بهالموااقف...
شنوو يعني طحت عليه يكلم وحده بلعنه اخرتها بيردلي واهو الي ندماان انه فضل وحده من الشارع على زووجته والريايل ماتهوون عليهم العشره بهسهووله بس البنيه الي قلتي عنهاا والله وقوولي منال ماقالتلي ريلها بذلهاا
طوول عمرهاا على حركتها هاذي وبيقولها لوفيج خير جان ماخليتي رفيجتج
ادق علي وتتحرش.... واذا انتس سنعه وخايفه علي بطريقتج تقدرين اتخليني يادهينا
لاتنكتين .... وراح يشيخ عليهااا ويسوي نفسه اهو الي مظلووم والبنت اهي
الغلطااانه .........
الجادل
كنت بالمتوسطه وطبعا كنت طالبه شاااطره
وكانوا حاطين رحله للمتفوقات انا رفضت الرحله والسبب حصه العلوم كنت احبها حيييل
فلما جت الحصه قالتلي الابله وكانت مصريه ما رحتيش الرحله ليه؟
قلت لها لاني احب حصه العلوم ومابي اطوفها
ما وعيت اللا ذاك الكففففف اللي فرني فر
بجييييييييييييييييت وانحرجت
رحت لامي وكانت مدرسه بنفس مدرستي وقلت لها السالفه قالت انا ماني منزله نفسي لها لانها بتحط الغلط عليج وبتطول لسانها (الابله كانت عوووووبه)
وقالت امي تبي تهديني اذا لج حق ربي بياخذه
غابت الابله مده ولما داومت طلع فيها بو جهه مو قصدي اتشمت استغفر الله
بس فعلا ربي خذا حقي لاني كنت مظلومه
من يومها وانا دايما ما احب ادش في مشاكل وموكله امرى لله ياخذ بحقي من الناس
يسلموو عالمشااركه حبيبتي ولاتبخلين علينا بعد .............
ابي اعرف شغله الابله ليش طقتج كف عشان مارحتي يعني الرحله؟؟؟
والعبره من قصتج على قولت امج الغاليه الي له حق الله بياخذه .....
ضوى العيوون
والله تسلموون خووش قصص تسلموون عليها ومشكورة ياتوت على القصه الحلوة
هلا بضوويتي ..........
يسلموو عالمرور ولاتبخلين علينا بالقصص ....
الحياه
يسلموو عالمرور ولاتبخليين ..........
daloO3a هاااااااااي منوله شلونج شخبارج
بقولج سالفه سمعتها من رفيشتي تقول
في وحده عايشه اهيا و ريلها و عيالها و اخو ريلها نفس البيت المهم راح زوجها الطبيب كان فيه التهابات ف قالتله الدكتوره انت عقيم ضحك قالها انا عندي 4 عيال قالتله مستحيل راح البيت وقال حق مرته انا بسافر زهبت جنطته و اهيا مستانسه طلع اخذ جوازه عساس انه يسافر صعد فوق السطح و يراقبها فيه دري بالسطح يطل علا غرفته المهم راقب زوجته اخر شي لقاها معا اخوه الي عايش وياهم بنفس البيت ذبح اخوه و ذبحها
صج حقيره
وخزيااه وخزيااااااااااااه اخلصووو شباب الديره عشاان اطالع اخووو ريلهاا
لا والاخس يايبه منه عيااال امبي واحييي وكل شي ..
ماينلام الريال اخذ حقه بيده صرااحه اللحين واحد يتحرش بمرت واحد
يذبحه من الطق هالدوور اخووي يتحرش بزووجتي وااااااااااااااااااااااااااااي
والله بنات قصصكم اتيييين وياريت كل وحده
تتفاعل وترد على مواضيع الثانيه عشان يسير في تفاعل ونسمع القصص
الواقعيه الصجيه الي من تجارب الحياه وكل وحده قاعده تاخذ
عبر من غيرهااا وكلنا انحب نسمع جذي قصص ......
وياريت كل وحده تتذكر قصه تكتبهااا ماتبخل علينا :eh_s(7):
