غذاؤك .. يا أحلى حامل

[تدلل حبيبي]

بسم الله الرحمن الرحيم
السلام عليكم ورحمة الله وبركاته
شلونكم حواملنا الحلوات انشالله كل أموركم تمام
مثل ما الكل يعرف ان مرحلة الحمل من أهم المراحل التي تمر بها المرأة وأجملها :wqedqw:
لانها مسؤوله عن جنينها اللي بعد أشهر قليلة راح تشوفه جدام عينها
عشان جذي لازم تهتم بنوعية أكلها وتبتعد كثر ما تقدر عن الفاست فود
انا عن نفسي حبيت أحطلكم جدولي اليومي بأكلي
وأبيكم تقولولي في شي ناقص والا لا
نبدي بالريوق
كوب حليب بالككاو



وسلطة خضراء



الغداء
وجبة رئيسية



بين الوجبات أطقطق ككااااااو



العشاء
توست وجبن



طبعا ما انسى الفولك من الغدا



وثلاث مرات المثبت



الحين صار دوركم
كل وحده تكتب شنو جدولها بالاكل ؟
وشنو مفيد حق الام الحامل ؟
أترك المايك لكم :gathering:​

 

[الكادي 2011]

رد : غذاؤك .. يا أحلى حامل

حبيبتي وين الحليب وبن اللبن والبيض والتمر اهم شي

الاسماك والفواكه كلها مو موجوده اتصور خطا نضامج

 

[NoOoBy]

احس نظام اكلج ناقص وايد اشياء

انا من حملت وانا اكره الريوق بس اغصب روحي ( جبن - لبنه - زعتر - توست او خبز - خس - طماط و خيار واشرب كوب حليب


الغدا اول شي سلطه وساعات شوربه ( اكثر سمج وربيان - واحاول اكل الخضار يوميا - وابتعدت ع المقالي احسها ثقيله علي - )

وبين الغدا والعشا اكل خس وساعات جزر او خيار - موز - برتقال - مكسرات

والعشا خفايف ( سلطات - خبز وجبن - ساعات اسوي حمسات )

وقبل لا انام اشرب كوب حليب بارد او اكل طاسه روب



وسوري اذا قرقت وايد :wqedqw:

 

[تدلل حبيبي]

ثانكس بنات فدتوني وايد

الهدف من الموضوع اني اعرف شنو الاكل الصحي للمرأه الحامل

وناطره ردودكم وآرائكم ونظاكم الغذائي

 

[فلة الحلوة]

هم انا ابي اعرف لان حددددي مو قاعده اكل عدل باليوم اكل وجبه وحده بس ..

نظامي حدده مخربط

 

[تدلل حبيبي]

بنات معقوله محد يعرف شنو المفيد حق المرأه الحامل

انا حامل ابجري
فبعرف وفي بنات بيستفيدون

خلو الفايده تعم الجميع

يالله ناطرتكم :wqedqw:

 

[أم عبود 2011]

رد : غذاؤك .. يا أحلى حامل

أمبيييييييييييييييه أكلي ضيييييييييييييييييم ماشاء الله الحين دشيت بالسادس ومن حملت للحين وزني بس زايد 300 جم الدكتورة بتمووووووووووووووووت مني

أبد أبد أبد ما عندي نظام وعادي والله العظيم يطوف علي يومين ما آكل شي ولالالالالالالالالالا تقولون لي غصبي نفسج عالأكل أببببببببببببببد ما راح أقدر

 

[فلة الحلوة]

انا اللي اعرفه ان لازم من الاشياء الضروريه للحامل ..

التمر والحليب والروب و البيض و الخضار و المكسرات وااايد تنفع

انزين ماتعرفون شي ناكله يخلي البيبي حلو

 

[NoOoBy]

يقولون البقدونس زين >> كثرو تبوله


ولاتنسون الــــمــــــاي






لي باك

 

[NoOoBy]

انا اللي اعرفه ان لازم من الاشياء الضروريه للحامل ..

التمر والحليب والروب و البيض و الخضار و المكسرات وااايد تنفع

انزين ماتعرفون شي ناكله يخلي البيبي حلو

^

^


يقولج اكلي سفرجل يطلع البيبي حلو وتطلعله غمازات :denya:

 

[تدلل حبيبي]

انزين بنات التمر ما يطيح البيبي

لان ياكلونه وقت الولادة يسهل الولاده !!

شي يحلي البيبي السفرجل

وحق الغمازات جنه انتي وريلج تاكلون تفاحه مع بعض لوووووووووول
والله سامعه جذي بس مادري صج والا خرابيط

بعد نبي لا يوقف :n2006107: