غدا يعود الماضي

[احكي يا شهرزاد]

ان شاء يعجبكم البارتين اللي نزلتهم وابي توقعتكم على مجرى الاحداث اليايه
ناطره ردودكم

 

[برنسس أوراق]

اوب
اوب
اوب

3‏ بارتارت باليوم اللي غبتهم..
بس يهبلووووووووووووووون
وأخيرا مشعلللللللل اعترف بحبه..خخخخ انا مستانسه

 

[احكي يا شهرزاد]

حبيبتي والله وان شاء الله احداث راح تحلو

 

[برنسس أوراق]

يلا ناطرررررررررررينج

 

[بيبي 22]

ثانكس ثانكس ثانكس عالبارتااات الحلوييين
صج صج ان شاء الله اييني واحد مثل مشعل دخل قلبي :eh_s(22):
ناطرييين البارتاات الياية شي اكيييد بيكوونوون حلويين ويشوقوون مثل راعيتهم :eh_s(7)::eh_s(22)::eh_s(15):
ناطـــــــــــــــــــــــــــرين :eh_s(9):​

 

[احكي يا شهرزاد]

حبيباتي والله واليوم راح انزل بارت

 

[احكي يا شهرزاد]

البارت العاشر ​

مر اسبوعين على رجعتهم من السفر وكانت منى بداومها



منى: ووووووواي متى يخلص هل شعل مليت


عايشه وهي تاكل : اي والله شنو هذا الظاهر رئيس القسم هذا يبيله ذبح


منى: يا معوده سكتي ترى ما لي خلق مشاكل معاه


عايشه : انزين بس جان زين تيي صاعقه عليه ويسكت


منى وعايشه بدو يضحكون


وردت منى البيت بعد تعب من الدوام دشت دارها وقعدت تبدل هدومها وطق باب دارها


منى: منو


الام : انا يا بنيتي


منى: يما دشي حياج


دشت ام منى دارها وقعدت على سرير منى


الام: منى مبروك يا بني انخطبتي


منى: صج منو


الام: تذكرين مشعل اللي كان معانا بلبنان اهو اللي اخطبج


منى وابتسامه على ويها : اي يمه اذكره


الام : بصراحه الصبي خوش ولد وعايلته محترمه وفوق كل هذا اهو مهندس مشهور اقول مبروك


منى نزلت راسها وقالت :اي


الام : الله يوفقج يا بنتي



حست منى ان فرحه مو قادره تشيلها حقق الوعد اللي قاله وانتقطعت الفرحه يوم سمعت امها وابوها يصارخون طلعت من غرفتها وقربت يم غرفتهم




بو منى: انسان متسلط بكل معنى الكلمه وكلمته اهي اللي تمشي





الابو : منى ما تتزوج اللي يالها


الام: ليش شفيه الصبي


الابو: بس ما ابيه ياخذ بنتي اهو مو من اهل وبعدين راح ازوجها ولد عمها ناصر انا عطيت اخوي كلمتي



الام : مستحيل لا ما راح تتزوجه اهو فاشل وما كمل الثانويه


دخلت منى الغرفه


منى: لا ما راح اتزوج ناصر مو بس ما عنده شهاده واهو يشرب يبه شلون ترضاها علي موكافي حرمتي من حلم حياتي اني اكون طبيبه بس لا ما راح اتزوج ناصر



الابو : شوفي عاد راح تاخذين ناصر يعني راح تاخذينه


منى: لالالالالالاما راح اتزوجه هذي حياتي انا
ما شافت الا طراق من ابوها وبدا يطقها وما رحمها



الابو: انتي تعرفينه صح علشان جذي متمسكه فيه


منى: لا ما اعرفه



وطلعت منى من دار امها وابوها وما فيها حيل تمشي لي دارها وطاحت غشيانه بالصاله ودموعها على خدها


هيا: منىىىىىىىىىىىىىىىىىىىى ردي علي منىىىىىىىىىىىىىىىىىى

 

[احكي يا شهرزاد]

سامحوني على بارت القصير بس ان شاء الله راح اعوضكم البارت الياي بطويل بس ان شاء الله يعجبكم وناطره ردودكم

 

[برنسس أوراق]

وااااااااااااااااي تحمست..عفييييييييه لاتطولين علينااااا

 

[احكي يا شهرزاد]

ان شاء حبيبتي علشان خاطرج بحاول انزل البارت اليوم او باجر بس ان شاء الله ما راح اطول

 

[بيبي 22]

فدييت قلبج مشكورة
واااي منوووي مسكيينه والله عااد ابوها صج شري يعني البنت تحبه يقطع نصييبها ويزوجها ولد اخووه ليش :eh_s(14):" احيانا الابااااء ينرفزووون عفانا الله "

ناطرييين التكلمة حبيبتي نبي احداااث قوية وحلوة بعد نفسج :eh_s(7):​

 

[احكي يا شهرزاد]

حبيبتي والله ان شاء الله راح انزل بارت اليوم

 

[احكي يا شهرزاد]

البارت الحادي عشر ​

هيا: منىىىىىىىىىىىىىىىىىىىىىىى ردي علي حبيبتي


منى بتعب : ههي...


هيا : تعالي داري حبيبتي



سحبت هيا منى حق دارها وركضت هيا تييب ماي وفوطه فيها ماي علشان توخر الدم اللي بحلجها



منى: مشكوره حبيبتي



هيا: شفيه ابوي طاقج جذي



منى: لان مشعل خطبني تذكرينه اللي بلبنان


هيا: عاد خوش ولد ليش



منى: يبي يزوجني الفاشل ناصر



هيا: شنوووووووووووووو لا ابوي ين



منى: ابوي صار ما يتحمل

منى ماراحت دوامها وخذت اجازه طبيه مدتها اسبوعين ما تقدر تروح ويها متفخ من الدق وكانت قاعده بدارها ودش ابوها

ابو منى : شوفي منى انا موافق على زواجج من مشعل



استغربت منى لان ابو غير رايه وكمل


الابو: اتصلو اهل مشعل وقالو الزواج بعد شهر بس الملجه الاسبوع الياي وتجهزي حق زواجج
نطت من سريرها ولمت الابو




منى: يبا مشكور وايد الحمد الله انك فهمتني
وطلع الابو من دارها وراحت غسلت ويها وتوضت وصلت صلاه شكر





وصار يوم الملجه وقعدت الام تيبب وفرحانه وايد وامل كانت ترقص لها وقربت منها



امل : شفتي والله منتي هينه حذيته عاد اقول قوليله كل يوم كلام حلو وفعل احلى وغمزت



منى صار ويها احمر وراحت وقعدت يم مشعل



مشعل : بصراحه ما اقدر على هل جمال احبج حييييل



منى ما قدرت اطالعه من الفشله وكمل



مشعل : انتي صرتي مرتي ليش مستحيه بس احب اللي يستحون تدرين متى نخلص ترى حدي مل اقدر على جمالج



وخلص وقت الملجه ووغيرت هدومها وطلعت مع مشعل وقال



مشعل : ها منى ان شاء الله مستانسه



منى: اي



مشعل : وين تبينه نروح ؟



منى : على راحتك



مشعل : اوكي انا اعرف مكان حلو




وراحو البحر ونزلو من السياره وكانت ماسكه ايده كانت ايده خشنه وكبيره بس حست فيها بحنان


وراح لمها وساسرها


مشعل : منى احبج احبج لو ما كنتي من نصيبي جان انتحرت



منى: سمله عليك حبيبي



مشعل : شنو ؟شنو قلتي



منى : شنو قلت حبيبي



مشعل : اه اه اخير قلتيها من قلبج يا منى



منى: من كل قلبي صدقني انا احبك من يوم كنا صغار من اول ما شفتك وانا حبيتك



مشعل مستغرب : صج انتي تحبيني من زمان


منى: اي


مشعل ما تحمل كل هل حب قرب منها وباسها بحب وموده وقال


مشعل : صدقيني يا منى انا راح اخليج اسعد انسانه


منى قطت نفسها بحضنه وكانت وايد مرتاحه

 

[احكي يا شهرزاد]

ان شاء الله يعجبكم هل البارت واذا تبون اليوم انزل بارت قولولي علشان انزله علشانكم حبيباتي

 

[احكي يا شهرزاد]

البارت الثاني عشر واخير

​

بدت منى تجهز حق العرس وكانت تطلع مع مشعل وحدها مستانسه


مشعل : منى عندي لج مفاجاه


منى : شنو اهي قولي


مشعل : لا ما اقول



وقبل لا يصلون ربط عينها واهي كانت منصدمه ليش يسوي جذي وصلو المكان اللي يبه


منى: مشعل انا خايفه لا تهدني


مشعل : لا تخافين انا وياج


وصلو المكان وشال الربطه من عينها وانصدمت


منى: مشششششششششششششششعل هذا البيت احلامي


مشعل : اي انا مصممه


منى: مشعل من صجك هذا البيت من له


مشعل :هذا اول بيت صممته وهذا بيتج
منى: شنو بيتي ؟؟؟؟


مشعل : اي تذكرين من 10 سنين كنتي تقولين ابي بيت جذي وشكله جذي وبصراحه انا صممت اكثر ودرست الهندسه علشان اسوي بيت احلامج منى حبيبتي اعجبج
منى واهي تبجي : حبيبي شلون ما تعجبني واي احبك يا مشعل والله احبك


وبسرعه لمته حيل واهو نفس الشي وخر شوي عنها وبدا يقول
مشعل : منى انا بقولج على شي بس ما تزعلين منى ؟



منى: شنو مشعل خرعتني
مشعل : منى تذكرين وحد دزلج مسج اني اعرف شي عنج
منى انصدمت : انت شلون عرفت ؟؟؟؟؟
مشعل : بصراحه انا اللي دقيت عليج وغيرت صوتي وشريت خط غير خطي اول ما دقيت علييج وسمعت صوتج قلبي خفق واول ما جاوبتي بخشونه وعصبيه تعلقت فيج اكثر منى سامحيني
منى: بس شلون عرفت رقمي؟؟؟؟؟؟
مشعل وغمز لها : علشان الحب كل شي اسويه
منى: لانك قلتلي انا مسامحتك

ياه يوم العرس وكان عرس اسطوري والعروس احلى كانت ايه من الجمال ونفنوفها من اشهر المصممين من فرنسا وطقم العروس كان من الالماس كانت شي خيال ودشت العروس بهب السعد المشهوره وقعدت بالكوشه تنطر حبيب قلبها وعمرها مشعل

صارت الساعه 12 واللحين ما يه المعرس صارت 2 وبدو الناس يروحون دشت ام مشعل والدموع تارسه عينها
منى: خالتي شفيج شنو صاير ؟؟؟؟؟؟؟ظ؟
ام مشعل : ولدي راح يا منى مشعل سوه حادث اه اه اه
منى:وقفت وما تحركت مو مستوعبه الكلام تذكرت كل شي معاه وفجأه اصرخت : مششششششششششششششششششششعععععععععععععععل
منى: مشعععععععععععععععععععععللللللللللللللللللل لالالالالالالالالالالالالالالالالالالالالالالالالالالالالالالالالالالالالالالالالالالالالالالالا
بدت تركض وراحت السياره اللي يت فيها وراحت المستشفى بعد ما سالت راحت بسرعه وصلت وشافت ابو مشعل يبجي
منى: عمي وين مشعل وينه
ابو مشعل : مشعل عطاج عمره
منى: لالالالالالالالالالالالالالالالالالالالالالالالالالالالالالالالالالالالا ابي اشوفه
راحت الثلاجه اللي فيها مشعل وشافته وراحت تلمه حيل ونفنوفها الابيض صار احمر بدم مشعل
منى: مشعل لا تهدني مشعل لا لاتموت مشعل انا منى مشعل مشعل

مرت سنه على وفاه مشعل دشت منى بحاله نفسيه ما صارت تتكلم وطلعت من وظيفتها وما خلو امها وابوها مكان الا ودوها لها ودشت حق طبيب نفسي

الطبيب بعد ما شاف حالتها : بتكم ما تبي تتكلم حالتها صعبه الله يخليكم لا تضغطون عليها

مرت 4 اشهر وسمعت منى كلام بين امها وهيا

الام : ما دريتي ان ناصر ولد عمج انشل بعد الحادث اللي صارله
هيا: لا حول ولا قوه الا بالله
ومرت الايام وسمعت منى صراخ امها
الام : يابنات لحقو علي ابوكم ما ادري شفيه
ركضو البنات وبسرعه خذو الابو ومنى ما طلعت من البيت بعد وفاه مشعل دش العنايه المركزه وطلع الدكتور

الدكتور : منو منى ؟
الام اشرت عليها
الدكتور : لو سمحتي ابوج يبي يكلمج بس لا تطولين
هزت براسها ودشت وشافت ابوها القوي اللي كله يصارخ صار لا حول له ولا قوه عدت منى يم ابوها
الابو : منى ادري راح تكرهيني عقب الكلام اللي راح تسمعينه
منى قاعده تسمع
الابو: منى انا وناصر احنا اللي موتنا مشعل كان كله من تدبير ناصر سوه شي بالسياره يخليها ما توقف انفجرت سياره عليه ومات ناصر كان يحبج وما يقدر يستغنى عنج وانا وافقت على اللي سواه بس من عقب ما شقت ناصر صار معاق خفت وقلتج يابنتي سامحيني انا غلطت واعترف سامحيني انا بايامي الاخيره سامحيني ما توقعت تحبين مشعل جذي
منى بجت عقب الكلام اللي سمعته واطقت بعد مده طويله

منى: يبا انا ما توقعت تسوي فيني جذي انت قلت شخصين انا ومشعل حطمتني وراح مشعل وانا رحت معاه انا انسانه بلا روح بسبتك يبا انا اكرهك وما راح اسمحك
طلعت منى من الغرفه واهي ميته من البجي

مرعلى وفاه ابوها اربع سنين ومشعل خمس سنين بدت منى تسامح ابوها شوي شوي بدت تتعالج نفسيا وباعت البيت اللي عطاها مشعل وبنت ماي سبيل لمشعل وابوها واحت منى البحر واهي تشوف شوق الشمس وتتمنى منى ان غدا يعود الماضي

النهايه ​

 

[احكي يا شهرزاد]

ادري النهايه حزينه بس هذا شي من الواقع ان شاء الله اعجبتكم روايتي وانتظروني بالروايه اليايه بس محتاره شنو انزل باعطيكم عنوان روايتي اليده ( قلب ابيض في زمن اسود ) ان شاء الله راح انزلها عما قريب


احكي يا شهرزاد

 

[احكي يا شهرزاد]

شلونكم بنات ابي انزل وحده من الروايتين وابي روركم حبيباتي

قلب ابيض في زمن اسود

الحب السرابي

علشان انزل وحده منهم

 

[بيبي 22]

مشكووووووووورة حياتي عالقصة بس تصيييح وايد :eh_s(11):
اختار الحب السرابي :rerrerek: شكلها حلوة
ويتنق القصة اليديدة :eh_s(7)::eh_s(15):
ثانكس مرة ثانية ​

 

[MeeMeeYoo_2]

واي حقااره ذبحوا الريال !!!


يعطيج العافيه

 

[احكي يا شهرزاد]

الله يعافيكم بنات انتو مشكورين وايد لانكم قريتو روايتي واشكركم كلكم وعد منى الروايه اليايه راح تكون اقوى

كلكم اشكركم ويعطيكم العافيه