غدانا اليوم بريوش الدياي بالصور

[رفرف]

شلونكم ياحلوات ؟؟؟

اليوم طرا على بالي اسوي غدا خفيف ولطيف وسريع وسهل ..
سويت بريوش الدياي بطريقة غير عن كل مرة وصورته لكم ...

اول شوفو الصورة

وبعد ما قصيناها

وبغيت اصوركم الصينية عقب ما طارت البريوشه بالعافية مابقى منها ولا حتحوتة ...
عسى عجبتكم ؟؟


المقادير :

شاورما دجاج امريكانا
زبدة
بهارات مشكلة كيفكم انتو وابتكاراتكم + فلفل اسود
بصل جوانح
جزر مبشور
مشروم طري
جبن موزاريلا
جبن سلايز
مايونيز عادي + مايوتشب او مايونيز مخلوط مع كتشب

للتزيين :
خس + جزر مبشور + بطاط شبس اي نوع وممكن شرايح ليمون


الطريقة :
ينحمس البصل مع زبدة .. نحط المشروم
بعدين الدياي والبهارات
نحمسهم زين لين يستوي الدياي .. وممكن اضافة ذرة بس ماكان عندي
نضيف الجزر المبشور
واخيرا جبن موزاريلا

نقص البريوشة بالنص
ندهنها من تحت بمايونيز عادي ..
ومن فوق مايوتشب
نحط حمسة الدياي ..
وفوقها نصف جبن سلايز .. انا حطيت 3 ..
ونسكرها ..
نرش فوقها جبن موزاريلا
وندخلها الفرن تتحمش شوية

انا نثرت بالصينية خس وجزر مبشور ..
وزينتها ببطاط شبس بس ماكثرت لأن بنتي بتهد الأكد وبتاكل الشبس
وبس
ماخذت مني وقت كللللش وطلعت لذيذة ...

 

[زلابيا]

عليكم بالعافيه رفرف شكلها حده يميييييييييييييييييي

 

[جارة القمر]

رفرف

أكييييييييييييييد عطلتي


صح


اجازه سعيدة

وصج شكله

لذيذ

عليكم بالعافييييييه حبيبتي

 

[ضحـاوي]

تسلم ايدج

 

[رفرف]

حياكم الله بنات

جارونة ...
اييييييييييييييي عطلت ..
والا ايام الدوام مالي خلق اطبخ ولا اكل ولبي أنام اعوض السهر

 

[توت عنكبوت]

تسلم ايدج

 

[AwradAli]

اخييييييييييييييييييييييييييييييييييييييه شنو اموت فيها شوقتييييييييييييني الحين بروح اشتري اغراضها بسويها عالعشا بعد عمري مشكوووووره كنت محتاره شسوي :eh_s(7): ​

 

[Shams O Gomar]

شكلها لذيذة

تسلمييييييين يالغلا عالطبق الروعه وعساج عالقوة

 

[رفرف]

حياكم الله حبايبي واللي بتسويها عليها بالعافية ومطرح ما يسري يمري ...

 

[زهرة الكويت]

شكلها يشهي
بالعافية

 

[^^دموع الكويت^^]

ماشاءالله شكله حده لذيذ

تسلم ايدج يعطيج الف عافية

 

[هوى الدار]

شكلها عجيييييييب
يسلمووووو

 

[C.A.N.D.Y]

تسلم ايدج حبيبتي
يعطيج العافيه

 

[خفايا الروح]

يمييييييييييي

شكلها يشوووووووووووق

يسلموو قلبي يعطيج العافية

 

[جارة القمر]

رفرف

عليج بالعافيييه
واجازه سعيدة

وان شاء الله

بجربه
هاليومين

 

[سبائك]

روووووووووووعه رفرف

تسلم ايدج حبيبتي

 

[رفرف]

الله يعافيكم ويخليكم مشكوريييين

 

[جورية كويتية]

مشكوووووووووووره حبيبتي
تسلم ايدج
شكلها يشهي

​

 

[& شهد &]

الطريقه تهبل

تسلمين

 

[دانتيل]

ماشاء الله شغلج حلووو تسلم ايدج...