غبيه خليتهم يصوروني فيديو

[نور مغليها]

اي حبيبتي اذا سحبتي المومري تلاقين المقطع موجود بمدير التطبيقات - البرامج - فيدوووز دوررريه وتلاقينه ومسحيه مو بكيفها قولي لها صوري لاء اذا تبينه ذكرى ابي اصورج فيديو انتي بعد ذكرى < مو عشان شي هالكلمه بس لأنها راح ترفض انها تصور وتاخذين الفون وتمسحينه ....
الواحد ما يظمن نفسه شلون تضمنين بنت خالج ...!؟
يمكن يضيع
يمكن ينسرق
يمكن احد من اخوانها ياخذ جهازها او شي
ماتدرين شنو الظروف مسحيه احتـيااااطـ

 

[عسل سل]

اخذيه وامسحيه منها غصب
وتزعل وترضااا بالطقااق اهم شي سمعتج وراحتج النفسيه

 

[أم خشم]

اقول بنات لا تستهينون بسالفة التصوير ’’ ترى كل شي محفوظ حتى لو تروحين عند مصورة نسائية ِ,, الحرص واجب

وترى اكثر المقاطع اللي باليوتيوب و البلوتوث بنات مصوريته ببيتهم و بغرفهم بس تلفون ضاع او انباق انتشر خلاص المقطع بين الناس
قولي لها انا واثقة,, فيج بس الاحتياط واجب و لو صار ما صار ماحد بيتوهق غيري انا ,, و هذذي سمعة
وفيه وسائل واااااااايد للذكرى غير التصوير ولزمي عليها تمسحه با ي طريقة
وبنات واللي يعافيكم ديروا بالكم من التصوير بانواعه ,, لان التكنولوجيا تطورت الحين
انا اما قمت اروح اعراس من ورا هالتصوير

 

[غلا،،]

سهله اخذي تلفونها ومن غير ما تدري امسحيه وخلاص شالمشكله؟؟؟!!!

نصييحه امسحيه والله انا عن نفسي وحده ما أأمن حتى لو اقرب الناس لي جد هالزمن يخوف

 

[لمسه ضياء]

من صجج؟؟؟

لا حبيبتي لازم تتصرفين باسرع وقت ياامسحيه ياكسري المومري وغصبن عليها

اشفيج تتدلعين عليها وتترجينها تمسحه .. هالسوالف ماينلعب فيها
لا انتشر المقطع لاسمح الله ترى ماراح تنفعج ولا تنفع الثقه

الله يستر علينا وعليج ​

 

[al-goody]

ياعمري شكلك طيبه مرره حتى لوعلى حساب نفسك
الحين عايشه بهالجو المرعب والخوف كله عشان لاتزعل بنت خالتك ياشيخه خليها تزعل مافيها شي والله انا حاسه فيك لاني مثلك اخاف اللي احبهم لايزعلون حتى لو على حساب نفسي بس في مثل هالموضوع لالالالالالالالالا تقول انها ماتطلع الجوال برا طيب لما تطلع وتخليه بالبيت ماتخاف احد من اخوانها صغار او كبار يستخدم الجوال
او احد الخدم يعبث فيه الحل الوحيد انك تمسحين المقطع بعدين تطلعين الميموري وتبحثين في ذاكرةالجهاز واذا لقيتيه امسحيه بعدها رجعي الميموري بالجهاز ونامي وانتي متطمنه وهي بعدين بترضى

 

[اصيله بنت البدو]

والله مسحيه شلج بعور الراس

 

[قانون كـيفي]

ليت بنت خالتي بين يدكم ههههههههه عشان تكسرون جوالها صدق

والله كان جوالها بيدي بس مدري وشلون ما مسحته

المهم الي كلمتني وقلت لها المقطع احذفيه قالت خلاص بحذفه

ادري فيها ماراح تحذفه

بس بعد 3 اسابيع باذن الله تخلص اختباراتي

واخذ جوالها غصب عن خشمها واحذفه



الله يجزاكم خير ​

 

[coralia]

انا لو منج اخذ التلفون منها واكسره جداام عينها وادوس عليه بعد :rgewrg:

 

[قانون كـيفي]

بنات صعب اكسره

لان انا كنت راضيه وهي تصورني

وكنت اشوفها وهي تصورني وساكته

وتمرر كميرة الجوال من قدامي وتنزلها وعادي ماقلت لها شي

بس بعدين قلت احذفيه وهي الي ماحذفته

صعب ذلحين اكسره واقول اخاف ماينمسح من جوالك

كل الي اقدر اسويه احذفه من جوالها واتأكد انه مو محفوظ بالجهاز

 

[*بسبوسه*]

لا بنت خالي ولا بنت عمي
الحين الد اعدائك اقرابئك
انتهزي فرصه واخذي تلفونها وامسحيه

 

[الناصرة]

قانون بكيفي افا ماهقيتها منج تخلينهم يصورونج
قولي لامها تكلمها او اخوها يخليها تمسحه ترا ما تدرين يمكن يضيع او شي

 

[@ الرسامة @]

مافيها زعل عادي قوليلها مسحيه وجدام عيوني والا بعلم امي

 

[زيــن المـهـا]

ماااااااااااالج شغل فيها سحبي الجهاز من وراا ومسحيه او صوريها بدوون ما تدري و وريها اذاعصبت وقالت مسحيه قوليلها مسحي الي عندج بعدين يصيير خير​