[ عِفُـتّ طَـآريه ] روآيـه كويتيه وآقعيـة < عجييبـه !

[fo0oshey2]

الحين ينزل البارت دقيقه , بلييز لحد يرد =)

 

[fo0oshey2]

( البارت الــ 27 )
حور ( بغرفتها وماسكه فونها ) : يااربي شسوي ، اروح بروحي ولا ( قامت تفكر ) : لا ماراح ادق على جاسم من يوم " ستاربكس مافكر يدق علي " ،( قامت تفكر) يااربي هم حسين ماقدر اكلمه بيقول عني راعية هالسوالف .. تدرين شلون حور .. روحي بروحج بسرعه وردي وانشالله ماراح يصير الا الخير ..

.. بممر البيت ..
حور ( تتسحب مثل الحراميه تبي تروح ) ......
-:حور ..؟؟
حور ( وقف قلبها ، والتفتت ) : هلا ، انغام .. طيحتي قلبي الله يهداج .
انغام : طبعا بوقف قلبج ، وين متسحبه بنص الليل ، وبدون لا احد يدري .
حور : وانتي شمعقدج هالحزه ؟
انغام : كنت اسوي رضعه حق عايشه بس انتي قوليلي وين بتروحين بنص الليل .
حور : عندي شغله ضروريه لازم اسويها ..
انغام : شنو هالشغله الضروريه الي بنص الليل ماتتأجل لصبح .
حور : انغام مستعيله تكفين خليني اروح واقولج بعدين .
انغام : مااكو بعدين ، هبله انا اخلييج بروحج تروحين تالي هالليل ..
حور ( قررت تقولها كل شي ) :............. ، ها عرفتي .
انغام : ياحسرتي ، وهالبنت شموديها هنااك .
حور : مادري ، يالله انا بمشي بااي .
انغام : وقفي ، بروح معاج .
حور : نعم ، لايبا شيوديج هناك ، مصايب وبلاوي وانا بروح اييبها وارجع بسرعه .
انغام : ماراح اخليج بروحج ، فرضا صارلج شي الا انا معااج على الاقل .
حور : تكفين ماعندي وقت ، انا بروح بس لاحد يدري شوي وراجعه .
انغام : بــــــس ــــــــــــــــ
حور ( تقاطعها ) : بااااااي ( وطلعت ) ..
انغام ( تقعد على الكرسي واطق على ريولها ) : ياااربي استر من هالليله ، يااارب سترك ، انا وين اييني نوم الحين ..

.......................
.. بببيت عبدالعزيز ..
مريم ( مع عبدالعزيز يشوفون فلم ) : حراام شوف شسوى بالبنت وولدها .
عبدالعزيز : انا تركيزي على الولد بس .
مريم ( ماتبي ترد عليه ) :..........
عبدالعزيز ( يسكر التلفزيون ) :............
مريم : ليييش خل نشوف الفلم .
عبدالعزيز : مريم ترى طولنا واااايد .
مريم : عزوز ، الحياه طويله انشالله قدمانا ،تو الناس اصبر .
عبدالعزيز : مرت سنه على زواجنا ، بس كاافي لازم يصير بينا ولد ..
مريم : خلاص ممكن نسكر هالسالفه الحين ؟
عبدالعزيز : بس ابي افهم ليش مأجلة السالفه للحين ..
مريم : خلاص اوعدك جم يووم ونروح للدكتور .
عبدالعزيز : ليش شاكه بشي انتي ؟
مريم : شكو شاكه بس بنروح احتياط .
عبدالعزيز : ليش أي وحده تبي تحمل تروح الطبيب ، وبعدين مادري شفيج كل ما اقولج سيره الحمل تعصبين وتغيرين السالفه .
مريم ( تتنهد ) : حياتي مو معصبه خلاص مانروح الطبيب وكل شي تبيه بيصير .
عبدالعزيز ( يلم مريم ) : فديتها الي تسمع الكلام ، الله لايحرمني منج .
مريم ( توخر عنه ): انا باخذ الادوا ..
عبدالعزيز : ........
مريم ( تفتش بالدرج ) : هووو وين اختفى هذا ؟ ، ياااربي انا كنت حاطته هني .
عبدالعزيز ( يطلع حبوب من وراه ) : قصدج هذييل ؟
مريم ( منصدمه ) : شيايبهم عندك ؟
عبدالعزيز : افا ، تاخذين حبوب منع الحمل يامريوووم .
مريم : انااا انااا ..
عبدالعزيز : انتي الظاهر ماتحبيني ، عشان جذي ماتبين تييبين عيال !!
مريم : لا شكووو ، بس انا مابي هالفتره ..
عبدالعزيز : متى تبين بالله ؟
مريم ( تحاول تاخذ الحبوب ) : عطنيييي .
عبدالعزيز ( يحذفهم بويها ) : اخذي مسكي ، انا بنزل انام بالصاله تحت ( وخذا فراشه )
مريم : انت ليش تزعل ، والله راح اسوي كل شي تبيه بس مو الحين .
عبدالعزيز ( يخزها وينزل ) :................
مريم ( ساكته ) :............
عبدالعزيز ( يفرش فرااشه بالصاله ) : حبوب منع تقولي احبك بعد ، خلها جذي لين تتسنع وتسمع الحجي .. تعبت وانا احاجيها ماتسمع معانده الا تسوي الي برااسها ، مادري جنها ماعندها ريل ..

.........................
.. بالطريق ..
حور ( ادق على هيا ) : انا كاني نص ساعه واكون عندج .. خليج عند سيارتج .
هيا ( تبجي بهدوء ) : انشالله .
حور ( مستغربه ) : هيا ، شفيج تبجين فيج ، صاااير شي تحجي..
وروود ( تأشر لهيا ) : قولي لها " لأ " بسرعه .
هيا : لاحور بس خايفه الجو يخرع .
حور : ماعليه تحملي حبيبتي انا نص ساعه بالكثير واكون عندج ..
هيا : يالله ناطرج بااي .
حور : بااي .
..........................
.. بالشاليه ..
وروود ( مع عبدالله وهيا بالغرفه ) : عبدالله انا بروح اجهز الغرفة ومثل مافهمتك .
عبدالله : لاتحاتين ، فاهم كل شي .
وروود ( تضحك ) : فدييت الفاهم انااااااا ( وطلعت ) .
هيا ( مكتفه وتبجي ) : عيب عبدالله ، انت ماتحبني ؟
عبدالله ( يمسك ويها ) : انا مينون احب اشكالج ، اذا صار بعقلي شي ذيك الساعه افكر احبج .
هيا : عيل ليش تسوي فيني جذي ، شتبون مني ومن حور .
عبدالله : انا ابي اخربج ، ابي تطلعين من عالم الادب والمثاليه الي انتي عايشه فيها .. كل وحده فيكم ماتحاجي ولا صبي ولا عندها سوالف خرابيط .. لكن من داخل لو تييها اشاره وحده على طول تروح للأماكن هاذي على طول ..
هيا : ليش عبالك كل الناس مثل البنات الي تعرفهم ؟
عبدالله : الفرق بين البنات الي اعرفهم انا والي انتي تعرفينهم الجرأة بس ، الي اعرفهم جريئات ويقولن الصج .. والي تعرفينهم جذاب عايشات بوهم .. ينطرون ريال يستر عليهم ..
هيا : لا الفرق الشرف احنا شريفات مو مثلكم .
عبدالله : ههههههه ، يعني انتي شريفه ؟ ايي صح شريفه وتيي الشاليه عندي .
هيا : شريفه غصبن عليك ، لو ادري الشاليه فيه هالقذاره ما ايي صوبكم ..
عبدالله ( عصب وعطاها طااارق ) : جب ، انتي وصخه قذره ماتسوين نعالي .
هيا : الله ياااخذك انشالله ، والله لايوفقك ..
عبدالله : هههههه جب ..
.................
وروود ( تيي حق عبدالله بسرعه ) : عبدالله حوور وصت تحت بسرعه سو الي قلتلك عليه ..
هيا ( عيونها طلعت برى ) : تكفوون لاتسوون لها شي .
عبدالله : جب ، يالله راايح .
وروود ( ادق على جاسم ) :........
.. ببيت جاسم ..
جاسم ( منسدح يطالع التلفزيون ) : ........
جاسم ( يدق فونه ) : هذا رقم غريب ؟ ، الوو .
وروود : هلا جسووم .
جاسم : هذا انتي شتبين ؟
وروود : سلامتك ، بس ترى اليوم عندنا حفله بالشاليه ..
جاسم : شتبين يعني ؟
وروود : لا اقول بس ، ترى انصدمت لما شفت حور حبيبتك موجوده .
جاسم ( فز من قعدته ) : شنوووو من صجج ؟
وروود : امبيه ماتدري شكثر انصدمت .. حرام تخوونك انت ماتستاهل .
جاسم :......
وروود : اذا مو مصدقني تعال الشاليه ، راح تلاقيها ترقص مع الشباب ، انا اقول تعال بنفسك وشوف كل شي .
جاسم ( يتنفس بسرعه ) : أي صوب ؟
وروود : تعال "........."
جاسم : يالله كاني يايكم ..
وروود ( بعد ماسكرت منه ): ههههه ، حياك الله .
.....................
جاسم ( بالطريق يدق على حور ) : ياااربي ليش مغلق ، حور ماتسكره الا قليل معقوله كلام الزفت صج ؟ ، معقوله حور تسويها ...
ياارب اوصل وتكون جذبه .. يااارب ما اشوف حوور يااارب ..
.........................................​

 

[fo0oshey2]

هيا : حراام عليج خاافي الله بالي تسويينه راح تلقينه بأهلج .
وروود ( تقرب منها ) : ماعندي اهل ، وجبي مابي اسمع صوتج ..
...........................
عند باب الشاليه ..
حور ( ادق على هيا مغلق جهازها ) : يااربي كاهي سيارتها وماكو احد ، شسوي الحين ..
عبدالله ( اييها بسرعه ) : منو حوووور ..
حور ( منصدمه ) : هلا عبدالله ، وين هيا ؟
عبدالله : هيا تعبت ودخلتها داخل مو قادره تتحرك ، تعالي اخذيها .
حور : لا ماعليه تكفى يبيها لي خل نمشي بسرعه .
عبدالله : ميخالف تعالي معاي انا بشيله وانتي شيلي اغراضها ..
حور ( متردده ) : اووكي .. ( وراحت معاه ) ..
( دخلوا حور وعبدالله غرفة صغيره وظلمه ، موجوده بالطابق الثاني .. )
حور : وين هيا ؟
عبدالله ( يدزها على السرير ) : ههههههه منو تبين حبيبتي ؟
حور ( منصدمه ) : شتبي فيني انت ، وين هيا ؟
وروود ( تدخل ومعاها هيا مكتفه ) : هياا كاهي رفيجتج .
حور ( موقادره تتكلم من الصدمه ) :.......
هيا ( تشوفها وتبجي ) : ياااريتج ماايتي ياااحوور ..
وروود ( اطلع مسدس من وراها ) : عبدالله اخذ هيا تحت عن الشباب والبنات على ما اخلص من هالزفت واييك ..
عبدالله ( قاعد يكتف حور بحبل ) : يالله كاني نازل ..( واخذ هيا ونزلوا تحت عند المصخره من الشاب والبنات ) .
وروود ( تقرب ميك اب لحور ) : وعليه بتصيرين عروس اليوم ، شووفي شكثر احبج احطلج مكيااج .
حور ( مو قادره تتكلم وتبجي ) :.......
وروود : جبي خل اخلص من المكياج عشان تبدلين ملابسج .
حور ( منصدمه ) :.........
وروود ( تغني وتحط ميكاج ) : غنييلي شويا شويا غنييلي وخذ عيينيااا ..
وروود ( بعد ماخلصت من الميك اب ) : يالله فصخي ملابسج ولبسي هذا ..( فكت حبل وروود وموجهة المسدس عليها ، حور قامت تفصخ ملابسها وتلبس الي يايبته لها نفنووف قصييير وااااااااااااااااايد وضيج .. حتى الي فاصخه الحيا ماتلبسه )
وروود : واااي جذي تينين ، بس باقي الشعر .. ( ادق على عبدالله ) تعال لي فوق .
عبدالله ( صعد لغرفه ) : كاني ييت ؟
وروود : كتفها على ما اسوي شعرها ؟
عبدالله ( مسك حور ) : فدييته القمر ..
حور ( تبجي مو قادرة تصدق الي قاعد يصير .. ) ....
وروود ( تسوي شعرها " بف " ) : هيوو منو عندها ؟
عبدالله : خليت وااحد يقعد عندها ، لما ادق عليه يفكها ويحطها عند سيارتها ..
وروود : عبوود ،مشالله علي والله اعرف اخطط .
عبدالله : فدييتج وفدييت التخطيط ، بس هاا مو تنسين الي واعدتني فيه .
حور ( تحاول توخر اييد عبدالله ) :.........
وروود : حبيبتي حور لاتحاولين توخرين أيد عبودي ، ترى اهوا ممجسم ولا ماتشوفين .. ، وانت لاتخاف ( تغمز ) انا عند وعدي .

...............
ببيت بوفهد ..
انغام ( بالصاله ) : يااارب يااارب يااارب .. سترك وعفوك ( تروح يمين ويسار ادق على حور مغلق الجهاز ) ..يااارب ممر هالليله على خيير ... ياارب استرها علينا ... ياااربي حووور مادري شتبي تسوي بالشاليهات هالحزه ..
.........
وروود ( تتكلم بالفون ) : اوكي فكها وروح عند البنات بالصاله ..
عبدالله : شفيج ؟
وروود : وصل حبيب القلب جسووم .
حور ( منصدمه موقادرة تستوعب ) :.........
وروود : اسمع انا بروح الحين انتا فكها وخلص شغلك معاها ..( وطلع برى الغرفه ) .
عبدالله ( قفل الغرفه عليه وعلى حور ، وقام يفصخ ملابسه وظل على الشورت ) شووفي شرايج بجسمي ..
حور ( تبجي ) : وخر عني الله يخليك ..
عبدالله : فديت وروود يايبه لي كيكه اليوم .
حور ( موقادرة تتنفس من الخوف ) : وخر عني الله يخليك ماراح تشوفني عندك مره ثانيه ..
جاسم : هيااا وين حور .
هيا ( تبجي ) : الحق عليها ياااجاسم تكفى ..
جاسم : تعالي معاي ، ركبي سيارتج ، وحركي لبيتكم وحور خليها علي .
هيا : لا ماراح اروح لين اتطمن على حور .
جاسم ( قام يصارخ ) : رووووحي البيت وحور خليها علي ..
هيا : انشالله ، بس امانه لاتخليها بسرعه ( وحركت سيارتها وراحت ) ..
جاسم ( يدخل الصاله ، ويشوف اشكال قذرة من " حثالة المجمتع " ترقص وتغني وناس سكرااانه ، واهوا يمشي صادف وروود ) : وينها .
وروود : بسم الله ، الناس تسلم بالاول .
جاسم : وييينها ؟
وروود : حرام تخرب عليها مودها ، اهيا مع راعي الشاليه بالغرفه .
جاسم : أي غرفه ؟
وروود فووق اول غرفة على اليسار .. بس حرام لا تخرب عليهم جوهم ..
جاسم ( قام يركض للغرفه ، يدز الباب ويكسره ) : حووور ..
حور ( تحاول توخر عبدالله عنها ): جاااسم ..
جاسم ( قام يطق عبدالله بقوه ويبعده عنه ) : وخر يااتبن ..
( وقامو يطقون بعض ، وبالاخير جاسم سحب حوور ، ويركبها سيارتها )
جاسم : سمعي ، روحي للبيت بسرعه ..
حور ( تبجي ) : وانت ؟
جاسم ( يصاررخ ) : مالج شغل فيني ..روحي .
حور: بس ..
جاسم ( يتنهد ) : روحي يبا الله يستر عليج ..
حور : ( قامت تبجي ، شغلت سيارتها وحركت للبيت ) ....
جاسم ( راكب سياره ): شنو الي شفته انا ؟ شياب حور وهيا للشاليه ، وليش حور لابسه جذي ، يااارب بأقرب وقت انسى الي شفته بالغرفة .. معقوله وروود لفقت لها السالفه ؟ .. وهم معقوله حور مو مظلومه واطلع انا اهبل ومصدقه ؟..
عبدالله ( بالغرفه وتعباان ) : اخخ الكلب فلت مني ..
-: وااي شنو هالجسم القوي ؟
عبدالله ( استانس ) : تعالي حبيبتي تعالي ...
وروود ( انحاشت قبل الكل ، اتصلت من خط بدون اسم وحط كلينكس بحلجها عشان صوتها ) : الو السلام عليكم ..... ، لو سمحت بغيت ابلغ عن شاليه مشبووه فيه دعاره واغاني وخمر ......، العنوان "......." ...........، ( وسكرت الخط بدون لاتقول حتى مع السلامه ) .
الساعه " اربع الفير "
حور ( تدخل البيت وشكلها مبهذل واايد ) :......
انغام ( تييها بسرعه ) : وييي ويي ويي ، شنو الي لابسته هذا ، شفي شكلج جذي ، شصاااار ..
حور ( تمسكها وتجبي ) : اااااااه انغااام .
انغام ( وقف قلبها من الخووف ) : تعالي حبيبتي تعالي ، غرفتج قبل لايشوفج أي احد ...

تم البارت الــ 27 ​

 

[fo0oshey2]

سوؤوري بنـآآت مارديت عليكم ,
كانت ملجة ولد عمي وماقدرت اشبك ,
وقرآءة ممتعه & اتمنى يعجبكم البـآآرت =)

 

[احلى قدساوية]

تسلمين ع الباارت

الله يستر جااسم شرااح يسوي ​

 

[حبكـ ملكني]

الباااااارت عجيييييب بس بليييز كملي ابي اعرف شراح يصيير بحوور وجااسم
تكفين حطي بارت ....

 

[سآرآ]

تسسلميين ع آلبآرت

 

[مزيونه22]

وااااي البارت يخررررع @@
الله يسستر...

 

[احلى قدساوية]

اب اب اب ​

 

[sweet.sanfoora]

حرااام حوور تكسر الخاطر

وبثث

بعد بارت

 

[aisha42]

نبي بعد بارت
ومبروووك الملكه ؛؛؛

 

[^Tataly^]

امبيه وررود الخسيسه صدمتني بتفكييرها اتسوي سواته وتتصل ع الشرطه
الله ياخذها ​

ياربي ياربي انك اتموت ورود وتعاقبه على اللي سوته في دنياتها​

وعبدالله انشالله يدش في غيبوبه مايطلع منها اذا طلع علطول المقبره​

زين جاسم لحق ع حور ​

مشكوره ع البارت​

we ara waiting for you​

 

[احلى قدساوية]

اب اب اب ​

 

[~mmm~]

يارب
جاسم يفهم الموضوع من هيا وحور
امبيه احس ببجي
ناطرينج

 

[bnota 3sl*]

امبييييييييييييييييييييييييييييييييييييييييييييييييييييييه ................. وردوووووووووود وييييييييييييييييييع .. الله ياخذهااااااا .. امبي لا ارتفع ضغظي مو صج .. حور: لو مو متسنعة من قبل و سامعة حجي جاسم جان ما صدقهم .. جاسم :: عفية لا تصدق .. هيا : حدها كسرت خاطري .. ورود : هذي المفروض يسمونها قرووود مو وردود ...توقاعاتي : حور ما راح تتزوج لا ناصر و لا جاسم ...و يعطيج الف الف الف عافية و تسلم ايدج ...

 

[pRєTt¥ PrIиCe$s]

يعطيج ألف ألف ألف عااااااافيه على الروايه الحلوه
والله بصراحه هالروايه إبداع

أنا توني أقرا القصه بس حولت أقراها كلها عشان أتابع معاكم الأحداث
لأنها شدتني لها وأعجبتني وااايد


جاسم بصراحه ريال ونادر بهالوقت وصعب أن البنت تلقى واحد مثله
وحور محظوظه دام أن جاسم يحبها ويبيها
ولازم تحافظ عليه وما تخسره

وحسين حالته تكسر الخاطر من بعد وفاة خالد
والله خالد عور قلبي لما مات ماقدرت أوقف بجي على حالة حسين من بعده
الله يعين حسين ويصبره على فراق خالد



ويالله حبيبتي كملي الروايه حدها حدها عجيبه
ويسلمووووووووووو حبي

 

[so_what]

حسااافه ورود ما حاشها من الطق شي ، يسلمووووو على البارت ناطرينج

 

[!أسيرة الغرام!]

امببببببببببي  حور والله ماتستاهل اللي يصير لها كسرت خاطري 

وهيا بعد الله يهديهاا ليش راحت صج بنات بسررعه ينقص علينا 

جااسم انشاءالله يعرف انه حور مظلومه ياارب

و ورود مالت عليها سحيله وربي ماشفت احقد من قلبها الاسود << حددي كارهتها 

وعبدالله نذل وزين يسوي فيه جاسم

ومشكوووووره حبيبتي ع الرواايه الرووووعه

ومتى البارت الياي ؟ 

 

[مزيونة القبيله]

امبييييييييييييه الله ياخذها ورووود ..
مو صج البااارت ..
تكفييييييييين كملــي لاتوقفيييييييييييييين ..

 

[om_7soon]

امبيييييييييي مستحيل اشوف وحدة اوضخ من وروود مما شفت
ومسكييينة حور حررررام انشالله ما يصدق جاسم ويهدون بعض
وو اللــــــه ياخـــذ وروووووووود الجلبه
وعبدالله زين اتسوي في ورود الحقيرة
ومشكووووووووووورة حبيبتي ما تقصرين ناطريينج في بارت 2
up up up up up up
up up up up up
up up up up
up up up
up up
up