[ عِفُـتّ طَـآريه ] روآيـه كويتيه وآقعيـة < عجييبـه !

[aisha42]

Up
Up

 

[بركان الغلا]

وينـــــج حبـــوبـه ..!!

نــــــــبــي بـــــــآآرت ..،،

 

[^^المهره^^]

اب اب اب

 

[بركان الغلا]

!!!!

 

[fo0oshey2]

آسسفه حبـآآيبي عالتـأخير وانشاءلله انزل بارتين اليوم =)

 

[احلى قدساوية]

نآطرينج يآ قلبي..@​

 

[fo0oshey2]

والحين بنزل البارت ,
وبليز لحد يرد الا لما انزل البارت كامل فديتكم =) !

 

[احلى قدساوية]

صجججججججججججج ناطرتج وتسلمين يا حيااتي​

 

[fo0oshey2]

( البارت الــ 28 )
.. بالشاليه ..
( الشرطه والمباحث اداهم المكان ، وقاموا ياخذون الكل ، والبعض حاول ينحااش ولكن منو يقدر على " امن الكويت " .. طبعا وروود ماحاشها شي .. وعبدالله مسكوه مع بنت في وضع " xxxx " ... واحالوهم للنيابه العامه ، قامت الشرطه تصادر كل شي ) ..
.. بيت بوفهد ..
انغام ( ادخل حور الغرفه ، وتييب لها ملابس ): بس حبيبتي بس لاتبجيين قوليلي شصااار ؟
حور ( قمة البجي مو قادرة تتكلم ) :...............
انغام : خلاص هدي ، مسكي هذي ملابس روحي الحمام تسبحي وغيري ملابسج على ما اروح اشوف عايشه ، اتطمن عليها واردلج ، اوكي ؟؟
حور ( تهز راسه بالايجاب ) :..........
انغام ( تطلع من الغرفة وتروح لبنتها ، حور قامت دخلت الحمام " تكرمون " عشان اتسبح ، واهيا تسبح تفرك جسمها حيييل جنها كانت تبي تنسى الي صارلها اليوم ، جنه الماي والصابون بيمحي من عقلها الذكرى هذي .. )
.. بعد نص ساعه ..
انغام ( تدخل على غرفة حور ) : ها حبيبتي سبحتي .
حور ( قاعده على السرير وحاطه ويها بين ريولها ) : ايي .
انغام : عدل ، يالله الحين شنو الي صار بالشاليه سولفي لي ..
حور : مادري شقول يا انغام ؟
انغام : قولي كل شي .. ليش ييتي بهاللبس وليش حالتج جذي .. وين هيا رفيجتج ؟
حور : طلعت هبله قصوا علي بسالفة هيا ، رحت هناك وكان بيروح شرفي ..
انغام : وي وي وي ، شلون تحجي ..
( حور بصعوبه وهم بهدووء قامت تقول لها السالفه ، وانغام ترد عليها بالاسئله ، وحور ترد عليها وبعدها تكمل السالفه .. )
انغام :انزين ليش الي ماتستحي هاذي سوت كل هذا وليش جاسم يا الشاليه ، وشنو تبي فيج .
حور : مادري والله ..
انغام : يمكن بينج وبينها ثار قديم ، والحين تبي تاخذها منج ..
حور : ماعرفها والله اول مره اشوفها .
انغام : وجاسم ، ماقالج شي ؟
حور ( قامت تبتسم بحزن ) : تتوقعين بيكلمني بعد الي شافه ؟
انغام : لازم يكلمج ، شنو فوضى هي ، ولازم يعرف انج مظلومه ..
حور : الله يستر من كل شي ..
انغام : الله يستر ، يالله حبيبتي انا بخليج نامي وارتاحي ..
حور : انشالله .. ( وتغطت وراحت بنومه عميقه ) ..
....................
.. بيت عبدالعزيز ..
مريم ( تقعد عبدالعزيز ) : حبيبي قووم ..
عبدالعزيز ( ناايم ) : هممممممم .
مريم : يالله عاد قووم ..
عبدالعزيز : مريووم بناام تكفين .. بعدين قعديني .
مريم : مااكووو الحين تقوم .
عبدالعزيز:تدرين شلون ، يالله منااك بنام ( ويغطي روحه بالفراش ).
مريم : بسيطه ، الحين اييب دولكة مااي واصبها عليك .
عبدالعزيز ( يشيل عنه الفراش ) : خلااص بنقووم ، بس لا تييبين مااي .
مريم : انزين ماراح اييب ، قوم بسرعه بدل ملابسك على ما اسوي لك شي تاكله ..
عبدالعزيز ( يحك راسه ) : ليش ابدل وين بنروح ؟
مريم : بنروح عند دكتور ، الي حاجيتك عنه .
عبدالعزيز : واحنا مانخلص من هالسالفه .
مريم: مو انت تبي ياهل ؟
عبدالعزيز : بلى ابي ..
مريم : عيل قوم بدل ، على ماسوي شي تاكله ..
عبدالعزيز : شوفي اذا بتروحين عشان تراضيني بس مابي .. انا ابيج تكونين مقتنعه بالي انتي تسويينه .
مريم : انت ملييق والله ، خلاص قلت لك بروح .. وبعدين انا ما اسوي شي مو مقتنعه فيه .
عبدالعزيز : الي يريحج ياقلبي ( وقام بيروح يبدل ) .
..................
.. بالشركه ..
بوفهد ( معتفس ويدور بين الاوراق ) : شنسوي ، شلون راح نتصرف الحين ؟
فهد : هد اعصابك يبا ، ازمه وتعدي..
منيره : هد اعصابك عمي ، راح نلقى حل انشالله ..
بوفهد : وين الحل ، الشركه مطلوبه فوق المليون دينار .. ولازم نسدد بأقرب فرصه .
منيره : والمشكله الشركه مافيها سيووووله كلش ..
فهد : لاحول ولاقوة الا بالله .
منيره : لازم نتصرف بالبضاعه الي بالمخازن ، اذا بعناها بسعر معين راح نسد الدين ويكون بالشركه سيوله بعد .
بوفهد ( يحط ايده على رااسه ) : يا يبا انتي شنو تقولين التجار لو عرفوا مشكلتي ماراح يشترون مني الا بالسعر الطايح ..
فهد : بس انا لقيت الحل !
منيره : شنووو؟
بوفهد : تحج ؟
......................
وروود ( راكبه السياره ) : واااي ماصدق الي بسويه ، اخيرا بخلي طريق الشاليهات واتزوج .. ياااربي ... ( تطالع المنظره ) وااي اول مره اطلع بدون ميك اب .. شكلي حده يكسر الخاطر ..
.. بيت بوجاسم ..
بغرفة جاسم ..
جاسم ( يدق فونه من حور ، ومايرد عليها ) : سامحني حوور ماقدر ارد عليج الحين .. مابي اسمع صوتج هالوقت ... تكفين ارحميني .
...........
بصالة بيت بوجاسم ..
وروود ( قاعد مع ام جاسم ونوريه ) : اه اه اه اه ..
ام جاسم : يابنيتي من دخلتي وانتي تبجين شفيج تحجين عورتي قلبي .
نوريه : وروود حبيبتي تحجي شفيج ، محتاجه شي ..
وروود ( تبجي ) : جاااسم ياخالتي ( وتبجي على صدر ام جاسم ) .
ام جاسم : شفيييه جااسم .
نوريه : وي شفييييه جااسم وليش تبجين ..
( وروود قامت تبجي ، ووتحجى عن جاسم ، انه كان على علاقة فيها وخذها منها الي يبيه وقطها وماسأل عنها .. نوريه مو مصدقه من الصدمه .. ام جاسم حست الدنيا سودت بعينها ) ..
ام جاسم : شتقوولين انتي ، من صجج هالحجي .
نوريه : واهلج وينهم ؟
وروود ( تمسح دموعها ) : ماعندي اهل عايشه عند يدتي " العميه " ..
ام جاسم : حسبي الله عليك ياااجاااااسم ، حسبي الله عليك .
نوريه : صبر يما ، وانتي ليش توج تتحجين ؟
وروود : شسوي حاولت فيه قلت يمكن يرضى ، ونتزوج بدون فضايح لي ولا له بس مارضى كل ماشافني صرخ بويهي وخلاني ، وانا الحين مالي احد غيركم ..
ام جاسم :.........
نوريه : وشنو دليلج ان جاسم كان على علاقة فيج ( نوريه مصدقه البنت بس حرص زياده طلبت الدليل ) ..
وروود ( تعطيها صور تجمع بينها وبين جاسم ) : تفضلي هاذي صوري مع جاسم .. قبل لايهدني ..
ام جاسم : يااارب يااارب ارحمنا .
نوريه : أي والله جاسم ، خلاص خليني اشوف وماراح يصير الا الي يرضيج .
وروود ( توقف وتبوس راس ام جاسم ) : سامحووني والله لولا المصيبه الي انا فيها مااييت وتكلمت .
ام جاسم : لاحقج تتكلمين وجسووم الجلب خليه علي ..
(وروود ، تطلع وتخليهم والفرحه مو شايلتها ومومصدقه انها نجحت الخطه ) ..
................................​

 

[fo0oshey2]

.. بيت بوفهد ..
بغرفة حور ..
هيا ( قاعده مع حور ) : ساامحيني والله كنت تحت التهديد ، وماقدرت اسوي شي .
حور ( بهدووء ) : لا عادي .
هيا : وعسا ماصار شي ؟
حور : لا لحق علي جاسم .
هيا : الحمدالله ، وصج شصار على جاسم ماحجاج ؟
حور ( بدت تبجي ) : مايرد علي !!
هيا : آسفه ، ولا تبجين خلااص .. وجاسم انا بروح له افهمه كل شي صاار .
حور ( تمسح دموعها ) :.............
هيا : صج ماقلتلج .
حور : شنو ؟
هيا : فتحت الجريده اليوم ، ولا القى خبر ، ماسكيين شباب وبنات سكارى ودعاره بالشاليهات ..
حور ( قامت تطالعها منصدمه ) : امبيييه .
هيا : يما لاتطالعيني جذي ، أي مسكوهم عسى الله لايوفقهم .
حور : وعبدالله وروود ؟
هيا : عبدالله تأكدت من اخباري ان مسكوه ، اما الجلبه وروود مادري عنها .
حور :.............
هيا : يالله عاد تحجي ، حمدي ربج ماصارلج شي ..
حور : الحمدالله ، واتحجى شقول اذا كلمني جاسم شقوله واهوا شاف شكلي فاضح ومع ريال بغرفه .
هيا : لازم يعرف ، شنو وين قاعدين يحكم عليج بدون لايسمعج .
حور : شلون يسمعني واهوا مايرد علي ؟
هيا : ماعليج اهوا يمكن تعبان الحين ، خل يرتاح شوي وبعدها دقي .
حور : اااه مادري والله شقولج .
هيا : وييعه قولي شنو تشربين شنو تاكلين قاعده من ساعه ومايبتي شي لي للحين .
حور ( تضحك ) : شنو تبين تشربين ..
هيا : ابي عصير ليمون يسرسح على القلب .
حور ( تقوم ) : انشالله ، الحين اييبلج ..
حور ( طلعت وخلت هيا بروحها ) ..........
.................................
.. بيت بوفهد ..
بالصاله ..
فهد ومنيره وانغام وحور وبوفهد ..
فهد (يكلم ابوه ) : هااا يبا حاجيت يارنا بوجاسم ؟
بوفهد : ايي ، ورفض فكرتك انه يشتري كل البضاعه ..
منيره : ليش ؟
فهد : ليش يرفض ، السعر الي عرضته عليه ماراح يلقاه بأي مكان .
بوفهد : يقول ماعنده سيوله عشان يشتري ..
منيره : لا عنده شركته وشركتنا من اقوى الشركات ، بس اهوا مايبي لانك منافس له ، فإذا ساعدك وتخطيت هالازمه راح تصير مناافس قوي له ..
حور ( تفكر تكلم جاسم يساعد ابوه ) ...
انغام : يااربي شنو هالمصايب الي تتحذف علينا من كل مكان .
منيره : ليش اكو مصيبه بعد ؟
انغام ( ترقع ) : لا بس هالمصيبه عن الف مصيبه ..
منيره : اها ..!!

تم البارت الــ 28 ​

 

[fo0oshey2]

قرآءة ممتعه & اتمنى يعجبكم البـآرت

 

[fo0oshey2]

وانشاءلله عالساعه 2 جذي انزل بارت ثاني لعيوؤنكم ؛*** !

 

[احلى قدساوية]

نآطرينج...$


والله يستر بس من وروود ...@​

 

[كنوشة 2009]

مشكورة على هالبارت

 

[A7BEE5 TOOFE]

ورود نوكمنت ;@!!
الله يسـًـسِـتر بسسَ =(!!

 

[~mmm~]

ورود حقيره
ياربي تموت
يسلمو البارت حده عجيب
وناطرينج

 

[سعاد الكويتيه]

وروووود نو كومنت
مشكورة حبيبتي ع البارت
ناااطرينج

 

[اسوووووله]

يسلمو عالبارت بس ابي اعرف ورود شتبي واااي ماكو كرامة هالبنت كلش الله لا يوفقها

ناطرييينج

 

[بركان الغلا]

امبييييييييييييه

الله يســـــــتر ..

يسلموو ..

لي عوده ع الساعه 2 ..,

 

[Ray.Bana =$]

وااااي ياكرهها ورود

نآطريين البااارت =$